الهلال يهدي كأس آسيا للنصر .. - نادي الهلال السعودي - شبكة الزعيم

الموهوب · #1 20/04/2002, 10:12 AM

" مجهود سنه كامله ... وتعب وعرق وجهد ... وفي الاخير نخرج بصافره ظالمه ...‍‍ ؟؟

لقد تعبنا من الاخطاء التحكيميه ... وكان المفروض ان اليوم نقابل الاسهل ..

كنت اتمنى ان يحصل الاتحاد على البطولة عن جهد وتعب مستحق ...

وكنا مسيطرين على اللقاء كله ... بس في اخر ربع ساعه وهو شيء متوقع ان يهاجم الاتحاد لانه متاخر بهدف ...

طبعا اقول للاتحاد مبروك واهني اخواننا في نادي الاتحاد على الفوز ... ( وش عقبه .. ؟؟ )

&*$&*$&*$&*$&*$&*$&*$&*$&*$&*$&*$&*

- هذا كان اخر ما ورد الى مسامعنا من كلام جهلة المنطق والفكر ... ليس جهلة كرة القدم فحسب ..؟؟

- انا اموت واعرف .. ليش في كل تصريح لهم لازم يجيبون طاري الهلال ..

حتى ابو ثمامه يوم سأله السقا بعد فوزهم على الاهلي وقال له .. الان العقده الصعبه الاهلي تم تجاوزها ..
( ما بعد كمل السؤال الا نط في حلقه ..) وقال من قال ان الهلال عقده؟؟؟

الحين من اللي جاب طاري الهلال .. والا من كثر الكوابيس اللي يشوفها الضعيف ..

&*$&*$&*$&*$&*$&*$&*$&*$&*$&*$&*$&*

- الخسارة الكبيرة اللي خسرها نادي النص هي كما تعلمون ضياع شرف السلام على خادم الحرمين الشريفين .. واللعب في المباراة الختامية امام الزعيم .. بس مو مشكله يروح ابو ثمامه وولده عشان يسلمون على خادم الحرمين الشريفين في القصر ... ابواب القصر مفتوحه دائما ..

او اذا ما يقدرون ...
يجي ابو ثمامه وولده لحالهم يوم المباراة النهائيه ومعهم كفيلين .. واربع صور شمسيه وملف علاق اخضر .. ويوقفون مع الجماهير الزرقاء في الدرجة الثانيه .. وبدون بشوت ولا سبحات .. حتى لهم الشرف بعد انهم يوقفون مع جماهيرنا الغاليه .. وبعد المباراة ينزلون لارض الملعب ويقولون للعساكر جايين من طرف الموهوب بس وهو بيدخلهم ...

عشان ناخذهم معنا المنصه الملكيه ,, اللي ما يدخلها الا الزعماء بس ومن يجاريهم ...
طبعا بعد موافقة الجمهور الكريم ..

&*$&*$&*$&*$&*$&*$&*$&*$&*$&*$&*$&*

- اعلن نادي النصر عن ايقاف نشاطات النادي نهائيا .. وهذا الخبر وردني من راعي مكتب عقار يقول ان نادي النصر للتقبيل .. وما صدقت ..
رحت للنادي ولقيت لوحة .. حتى مهيب لوحة .. خرقه .. مكتوب عليها للتقبيل ومكتوب لصاحبه " عبدالرحمن بن سعود وابنه " وحاطين رقم بيجر مصطفى ادريس عشان جوالتهم منفصله ..

يذكر ان المشروع القادم للنصر اذا ما احد شرا النادي هو محل فول وتميس وقلابه ...

&*$&*$&*$&*$&*$&*$&*$&*$&*$&*$&*$&*

بمناسبة اعلان الاتحاد الاسيوي امتلاك الهلال لكاس اسيا لانه في النسخه الاخيره وراح يكون كاس جديده لبطولة السوبر القادمه كذلك الحال بالنسبة للفريق الكوري الجنوبي ..

فانه تضامنا مع نكسة الفريق النصراوي .. وبسبب زحمة الكيسان عندنا في النادي ..

نعلن عن تنظيم دوري جديدوما يشارك فيه الا نادي النصر فقط .. عشان يكون النثر للنثر ..

"يشارك الفريق الاول والناشئين والشباب واذا عندهم اولومبي بعد ما يخالف .. "

"

والحكام جحا وولده واي واحد هم يختارونه ثقه .. والكاس راح يكون بمسمى كاس الزعيم ...

والفريق الفائز يروح يتفرج على الكاس في نادي الهلال ....

وتخب بعد ..

- استغفر الله .. اللهم لا شماته .. الله يعافيهم ولا يبلانا ..