][ ما بـيـن الحكـمـة و الغــــزل ][ .. ][ ألـفـيـة ][ ..!! - نادي الهلال السعودي - شبكة الزعيم

leo messi · #1 13/07/2008, 06:00 AM

السلام عليكم ورحمة الله وبركاته ..!!

قبل كل شيء : ( والله ياذا الملقم ان يبي له من يلقـمّـه بقس
من قوتة تشوف يدك بالجهه الثانيه من الكمبيوتر )

>>

عشان كذا مافيه مقدمه ولا شيء .. عاد كل واحد يدبر نفسه

يتخيل اني كاتب مقدمه
هذا طولها ..!! وانه خش جو معها على كيف كيفه ..!!

المهم .. .. كنت قبل اربع ايام تقريبا اتصفح المجلس

وطاحت عيني موضوع
اخوي الهاوي

( الالفيه ) .. بيني وبينكم حسيت شعور غريب .. لأني من زمان
والله ودي اكـتب ( الفيه ) ولكن في كل مره أأجلها ..!!................................

ولكن بعد ماشفت ابو داحم .. تحمست .. وحلفت مااسافر الا بعد مااكتبها واخلصها ..!!
واليوم خلصتها بعد عناء يومين الله لايوريكم بس

..!! وارسلتها لكم عضو
وحمسوني صراحه .. حسيت اني شاعر لن تنجب الملاعب مثله

..!!

وبيني وبينكم مانزلت الا بعد ماتعرضت لتهديدات وصلت حد القتل

وخصوصا
من جرح يشكي

واول العنقود

..!!

وهذي الالفيه اضعها بين ايديكم .. وان شاء الله تنال القليل من رضاكم واستحسانكم ..!!
(( علما بأن القصه الغزليه اللي بالقصيده .. خيآآل وليست واقع

..!!))

قبل انسى اشكر .. الغالي ( جرح يشكي )

على ملاحظاته وتهديدي بالقتل

..!!
والغالي ( اول العنقود ) على تنسيق القصيده ..!!

اترككم مع القصيده والتي اسميتها .. جرح الألفيه العنقوديه

الالف الفٍ ابتدي به حروفي // لاجيت أولفها بطبع مآلوفي
ناسٍ تسمعّـها وناسٍ تشوفي // مربوعة القيفان والبيت موزون
.
.

والباء بعد مااخذت بالفكر سجه // متضايق وكن بداخل الصدر عجه
تزعـزع اضلوعي وقلبي ترجه // منها غديت البارحه شبه مجنون
.
.
والتاء تفاعل معها جسمي وقشعر // احيان احس بروحي واحيان مااشعر
واقع حقيقي ماهو ضحك وتغشمر // واقع واهل مكه بشعابها يَعَرفُون
.
.
والثاء ثمن كل ماسبق هالقصيده // اكتب جزل والهزل لاجاء ابيده
آطـا على راسه وانحــر وريـده // وانتم لكم الحكم ياللي تشوفون
.
.
والجيم جـنـّب يافــتى حاجتيني // قطع الصلاة يالله لاتبتليني
والثانيه احذر عقوق الوالديني // يالله عساني من اللي بأهلهم يبرون
.
.
والحاء حذاري يافتى ثم حذاري // بأفعالك خل الناس دايم تماري
وخلك لربعك مثل نجم الغداري // لاحلت الظلماء على النجم يسرون
.
.
والخاء خوي الجنب حذرك تخونه // ارخص حياتك لاجل خاطر عيونه
لادرهمت اعدائه وقف من دونه // ومايبيع صاحبه الا رديً وملعون

.
والدال درب النذل لا لا تسيره // وبأبسط امورك لاتجي تستشيره
مافاد نفسه كيف بيفيد غيره ؟ // خله ولو هو يملك اموال قارون
.
.
والذال ذمك للرجل في الظهر عيب // ان كان ذكرته اذكره بس بالطيب
هذي سلوم اللي يعرف المواجيب // اللي بمثله ربعه دوم يتباهون
.
.
والراء ركبنا مركب النصح والحين // نبا نحول للغزل وادعج العين
يازين والله الغزل في المــزايـــين // هم راحه للقلب لاصرت محزون
.
.
والزاء زهمني خلـي ولـبّـيـت // وقفت انا قباله وفي الخد لدّيــت
من نورها قامت علي تعكس الليت // مفتون انا في الريم ياناس مفتون
.
.
والسين سلّم ثم لي مد يدّه // وحطيتها ع القلب ثم قلت هدّه
اخاف اطيح قبل آخذ من الوقت مدّه // واموت وانا من سبايبك مغبون
.
.
والشين شاف ان حالتي في تردّي // قام ووضع يده على طرف خدّي
وهمس .. فديتك يابعد جد جدّي // وياجعل يافداك كل منهم على الكون
.
.
والصاد صحت صيحه تصحصح صحاها // فزوا لها اهل المملكه وكل قُراها
وسمعوها اهل بغداد واللي وراها // ياجعل يومي قبل يومك يامزيون
.
.
والضاء ضبطنا جوّنا وصار مضبوط // واصبحت مبسوطٍ وهو بعد مبسوط
مربوط في قلبي وانا فيه مربوط // لا يا بعد كل من يجون ويروحون
.
.
والطاء طرالي من الثنايا امزمز // احيان اقول واحيان بالعين اغمز
ولمحت بسمه من شفاياه ترمّز // بسمه خجل من خلفها در مكنون
.
.
والظاء ظروف الوقت جارت علينا // الفجر قرّب وتوّنا ماسرينا
يالله ياروحي يالله غدينا // من قبل ملاقيف البشر لايقومون
.
.
والعين عيونها اقبلت مثل الامطار // ودموعها صارت على الخد مدرار
محتار انا في موقفي صرت محتار // تخنقني العبرات ويضيق بي الكون
.
.
والغين غمضت بعيوني شويه // وونيت ونه زادت القلب كيه
ثم قلت لها عهد عليك وعليه // مايوم انساكم ولا انتم تناسون
.
.
والفاء فلا مثلك سكن في فؤادي // وانتِ منى قلبي وغاية مرادي
غلاك دايم يرتفع بـ ازديادي // حتى تعدا كل ابو اللي يحبون
.
.
والقاف قالت : والله اني تجننت // وعلى صدى صوتك ابشرك ادمنت
محدن سواك بداخل القلب : ايه انت // والا ترا غيرك من الناس يبطون
.
.
والكاف كـم وكـم وكـم كـم كـم // كم مرةً لاجيت اقولـها اتلعـثم
حبك دوا روحي وع الجرح بلسم // يوم اكثر العشاق من الحب يشكون
.
واللام لا لا ياحبيبي ولا لا // محال غيرك في المحبه مُـحـالا
ولو مت حبك باقي لايزالا // حيً معي يازين بالقبر مدفون
.
.
والميم ماشفت بحياتي حلاياك // يكفي عيونك والخدود وثناياك
ياسعد منهو يقضي العمر وياك // ويبقيك عن كل المخاليق مصيون
.
.
والنون نار الفرقا بصدري توقدّ // كني بري حُكم عليه بالمؤبدّ
والا كمـــا عود طريحٍ مرقّــد // يشوف موته وعياله عنّه مايدرون
.
.
والهاء هذي تحيه وسلامي // لكلّ من يقرا حروف الكلامي
اميه واثنا عشر شطر بالتمامي // محسوبة بالرقم ياللي تعدون
.
.
والواو ورد وازكى صلاة و تحايا // على نبي الله خـير البرايـا
اعداد همــال المــزون العطايا // واعداد مالحجاج بمكه يلبون
.
.
والياء ياليت حروفي تلامس رضاكم // ياللي بجسمي محتويني غلاكم
وتصير مثل القمــر في سماكــم // والكل بابيات القصيده يشيدون

.

جرح يشكي · #2 13/07/2008, 06:02 AM

وراحت علينا قضية القتل

وين نلقى قضيه ثانيه نرتكبها

شاعر بارع جزل

ورده

-------------------------

يسلم ما اقول الا -[ ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله ما شاء الله

يسلم بـ هـ القصيده اقف هنا

وتعال انت ووجهك

ترا نبي نشوفك قبل ما تسافر

<======@ بيجلد طارق

يالله ترا بريماكس بيجي للرياض

برهووووم معليش لزم نحفزهم عشان نشوفهم ][ قلب ][

ازرق+ابيض=عشق الهلال · #3 13/07/2008, 06:04 AM

محجوووووووووووووووووووز لقد انها الظاهر روعه

باك

اووووووووووووه روعه بالحيل نعن ابو ابليسك تصلح تصير شاعر جاهلي صح لسانك وفياض لقد انك ماتصبر

أول العنقود · #4 13/07/2008, 06:06 AM

صح الله لسانك يا يسلم !!

عز الله إنك شاعر جزل !!

ألفية رائعة و مميزة , ألّف الله لك حياتك بالألفة و المحبة

عندك كل هـ المواهب و لا تنعشنا منها !!

جرح الألفية العنقودية < = = = أفهم منها إنها إهداء لـ جرح يشكي و أول العنقود !!

يا بعد حيي و الله يا يسلم !!

نروح للقصيدة :

والنون نار الفرقا بصدري توقدّ // كني بري حُكم عليه بالمؤبدّ
والا كمـــا عود طريحٍ مرقّــد // يشوف موته وعياله عنّه مايدرون

عجبني البيتين , وصف رائع و صوري !!

والهاء هذي تحيه وسلامي // لكلّ من يقرا حروف الكلامي
اميه واثنا عشر شطر بالتمامي // محسوبة بالرقم ياللي تعدون
.
.
والواو ورد وازكى صلاة و تحايا // على نبي الله خـير البرايـا
اعداد همــال المــزون العطايا // واعداد مالحجاج بمكه يلبون
.
.
والياء ياليت حروفي تلامس رضاكم // ياللي بجسمي محتويني غلاكم
وتصير مثل القمــر في سماكــم // والكل بابيات القصيده يشيدون

إبداااااااااااااااااع بالخاتمة !!

أقف متعجبا من صغر سنك و تفننك بالقصيد و أوزانه !!ما شاء الله

لله درك من فتى جعلك الله قرة عين والديك !!

برايفت : أذكروا الله .. العين حق !!

f*y*d · #5 13/07/2008, 06:08 AM

ولقد اشتعلت نار الغيرة بين يسلم والهاوي

.
.

يا صباح الخير والانوار
يا صباح فيه القلوب تنبض لقصيدك

حذاري يا حذاري من العين تشوه قريحتك الشعرية

روعة روعة وقسم بالله روعة يا يسلم

ألفية استمتعت جدا جدا فيها ولا أخفيك الإبتسامات التي
باغتتني وانا اقرأها

ما شاء الله عليك يا شاعر

إقتباس


	لقد انها الظاهر روعه

قال الظاهر قال

.
.

ممكن تقول أجامل فـ ردي بس والله ان الألفية مميزة

والمقطع الغزلي بصراحة غير غير

إقتباس


	سلّم ثم لي مد يدّه // وحطيتها ع القلب ثم قلت هدّه

إقتباس


	// اخاف اطيح قبل آخذ من الوقت مده // واموت وانا من سبايبك مغبون

.
.

احترت اعلق على أي حرف وأقتبس أي حرف
المهم جد ألفية روعة وما لك داعي تتردد في نشرها

معليش انشغلت عنك كنت تعبان

.
.

خارج النص / يا مشرفيننا موضوع ألفية مميز أتمنى تثبيته
وكلامي هذا والله بغض النظر عن كاتبه انه صاحبي

.
.

قفلة / بالمرفقات تلقون القصيدة كاملة بصيغة الـtxt لكن تنفع
تنزل على الجوال وتفتحونها وتقرونها بالملاحظات

إقتباس


	قبل كل شيء : ( والله ياذا الملقم ان يبي له من يلقـمّـه بقس من قوتة تشوف يدك بالجهه الثانيه من الكمبيوتر ) >>

نفس الحالة !

صح لسانك يا غآآلي على الألفية

.
.

:: فتِكـ بـ ع ـافيـة ::

A S D · #6 13/07/2008, 06:10 AM

أخيراً شفت يوزرك

...............................

مرحبـآ يسلم , مبطي عن شوفت يوزرك

ألفيه كويسه < بس ..!

{ والباءبعد مااخذت بالفكر سجه // متضايق وكن بداخل الصدر عجه
تزعـزع اضلوعي وقلبي ترجه // منها غديت البارحه شبه مجنون

,,

والذالذمك للرجل في الظهر عيب // ان كان ذكرته اذكره بس بالطيب
هذي سلوم اللي يعرف المواجيب // اللي بمثله ربعه دوم يتباهون

,,

والراءركبنا مركب النصح والحين // نبا نحول للغزل وادعج العين
يازين والله الغزل في المــزايـــين // هم راحه للقلب لاصرت محزون

,,

والميمماشفت بحياتي حلاياك // يكفي عيونك والخدود وثناياك

ياسعد منهو يقضي العمر وياك // ويبقيك عن كل المخاليق مصيون }

أنت نمبر ون

تحيـآتي | ورده

مَاهِينُورْ · #7 13/07/2008, 06:37 AM

..

السلام عليكم ورحمة الله وبركاته ..
صبحكم الله بالرضا والسعادة أعضاء مجلسنا الحبيب

ورده ..
..
ليو ميسي
حياك الله .. وشلونكم ؟؟

>> ياشين اللي مبطي ماكتبت رد مادري وش أقول

نويت اليوم أدخل الزعيم ولقيت موضوعك أول موضوع بوجهي قلت ورا ما أطقطق إيصيبعاتي وأرد

..
..
والياءياليت حروفي تلامس رضاكم // ياللي بجسمي محتويني غلاكم
وتصير مثل القمــر في سماكــم // والكل بابيات القصيده يشيدون

لو قلت تصير مثل الشمس في سماكم تكون أحلى

..
قصيدة جميلة جداً ما شاء الله تبارك الله

..
صح لسانك وبارك الله فيك ورده
والله يبارك بمحمد وثامر و بالهاوي اللي خلاك تغار منه

..
>> بروح أشوف قصيدة الهاوي من أحسن

؟
..

في أمان الله ورده ..
..

ـــــــــــــــــ

هنوووفتي

.. و فياض ورده ..
مشكورين على الترحيب ..
لكن هذي ميب عودة

..
دخول سريع ولعله يطول

أو نعود إلى سباتنا الشمسي

..

..

الســفيرة · #8 13/07/2008, 06:51 AM

صباحك جوري ورده

ماشاء الله تباركـ الله وشهالابداع الي مخبيه عننا

بصراحة احترت اقتبس وشو والا اخلي وشو كل بيت احلى من الثاني

ليوميسي كثرلنا من هالابداعات

فجر الرياض · #9 13/07/2008, 07:09 AM

هلا ليو ميسي

ماشاء الله وش هالإبداع

جد والله حلوه ونحتار اي بيت نختار <

ميسي ننتظرباقي ابداعاتك

إقتباس


	والشين شاف ان حالتي في تردّي // قام ووضع يده على طرف خدّي وهمس .. فديتك يابعد جد جدي // وياجعل يافداك كل منهم على الكون

إقتباس


	والظاء ظروف الوقت جارت علينا // الفجر قرّب وتوّنا ماسرينا يالله ياروحي يالله غدينا // من قبل ملاقيف البشر لايقومون

إقتباس


	والعين عيونها اقبلت مثل الامطار // ودموعها صارت على الخد مدرار محتار انا في موقفي صرت محتار // تخنقني العبرات ويضيق بي الكون

ليو ميسي

كل الشكر لك على هالألفيه الرائعه ورده

عوافي..

&& هلااااااليه && · #10 13/07/2008, 07:10 AM

هلاااوغلااا ليووو
وعليكم السلااام
وش هالحركااات وش هالالفيه

شعندك ع الغزل

وقصم كل حرف يقول الزين عندي

وخاصه بعد الزااء

وينها هالقريحه ماشفناها من زمان

مالوم ..جرح يشيكي.. يوم وصلها لحد القتل

اذا على الملقم تصير باطلق ناس بالسعوديه

إقتباس