.
.

السلام عليكم



مباراة امس مافيها شي مميز غير بن فوستر .. و لي مارتن و تحركات كامبل .. على طاري كامبل .. اشوف ان الفريق يقدر يستفيد منه الموسم الجاي .. من نوعية المهاجمين اللي نحتاجهم ممتاز بالتسليم بالراس وهالميزة فقدناها من زمان .. ساهم بالهدف ومتحرك كثير .. خصوصاً مع إصابات ساها .. احياناً اقول ودي يجلس .. و أحيان اقول لا يروح اعارة موسم يلعب بالبريمر ويرجع .. انتم وش رايكم ؟

بن فوستر هالحارس بصراحة ودي يكون الاحتياطي الأول .. معليش كوزتشاك فوستر احسن .. الحمدلله ياربي من عقب هاورد وكارول صرنا نحتار من يكون الحارس الثاني و الثالث

.
.

.
.

فيرغسون سوا مقابلة في جنوب افريقيا مع جريدة الديلي ميل .. بأحط ابرز الاسئلة والاجابات .. المقابلة طويلة وبأختصر ابرز ما جاء فيها :



-قبل قلت ان الدفاع عن اللقب اصعب من الفوز به .. وش الشي اللي يخليك تتفائل بتحقيقة ؟
كمية الاسماء اللي عندي تخليني انتظر الكثير منهم .. بعض المراكز وبعض اللاعبين اتوقع منهم الاضافات .. جبنا اندرسون ناني تيفز روني .. هاللاعبين يتطورون بإستمرار ويعطونك خيارات .. وفيه كم لاعب مع الفريق راح يظهرون بصورة احسن زي مايكل كاريك اللي عنده كنترول كويس في اللعب .. هارغو لو تخلص من مشاكل وتر الركبة اللي تواجهه دايم .. انا احتاجة كثير وهو لاعب مهم .

-روني من زمان يلعب لذلك صعب تتذكر انه 22 سنة بس .. وش اللي يخليك تدافع عنه دائم وتتنظر منه مستويات افضل ؟
اول شي لازم نحدد دورة بشكل افضل .. الموسم اللي راح ضحى كثير علشان الفريق .. لعب في الاطراف وفي كذا مركز .. في نهائي الابطال كان يلعب كويس .. لكن بالشوط الثاني تشلسي مسك المباراة ولذلك كان لازم نلعب بثلاث محاور تقريباً .. لذلك ما ظهر بصورة كويسة بالجزء الاخير من المباراة .

-سجلة التهديفي مش ولابد .. تتحمل المسؤولية ؟
اعتقد اني اتحمل مسؤولية هالشي ضحى بنفسه علشان الفريق وما عمره شكى .. راح يسجل كثير .. الموسم اللي راح سجل هدفين على الفيلانز بعد غياب 7 أو 8 مباريات .. كنت اتوقع ينفجر بعدها بس بعدين احتجناه بمراكز ثانية .. اذا اعطيناه مركز معين او الخانة اللي يقدر يسجل فيها راح يسجل .

-طيب وش افضل مركز له ؟
افضل مركز له خلال النص .. سواءاً رأس حربة أو مهاجم ثاني .. هنا يقدر يسجل اكثر .. يمكن لو كان معه لاعب خبرة قدامه راح يظهر اكثر .. هالشي يحصل كثير مع المهاجمين الشباب .. عمره 22 وللحين عنده قابليّة للتطور .. ماراح تلقى لاعب بعمره يوقف عند حد معين .. وقعت معه لما كان عمره 18 وبمبلغ يعتبر كبير (26 مليون باوند) بسبب إمكاناته .. لاعب يعطيك على فترات طويلة .. دائماً اطالبه يلعب بماركز مختلفة ما يزعل .. لو لاعب غيره ممكن يتضايق ولا يأدي كويس.. هو عنده قابليّة يلعب بأي مركز عشان الفريق .. ما عنده مشكلة يلعب قلب دفاع

-تشلسي فيه تغييرات هالصيف .. وش اعديت لمواجهة سكولاري ؟
ماني مهتم فيهم غرانت عمل كويس .. و مورينيو جاب الدوري مرتين وهزمنا بنهائي الكاس .. لذلك اشوف انه صعب يجي احد ويسوي اللي سواه مورينينو .. ميزه تشلسي عنده لاعبين خبرة اكثر زي بالاك .. وهذا اللي اقلقني شوي بنهائي الابطال .. لكن ما اعرف وش راح يسوون الحين .

-سكولاري مادرب اي فريق اوروبي .. بيسبب له مشكلة هالموضوع ؟
سكولاري محظوظ .. جاء لنادي كبير وعنده لاعبين كبار .. لكن ما تقدر تتوقع تطورات كبيرة بالفريق بما ان اغلب اللاعبين كبار بالسن وعندهم خبرة بالاصل .

-تقصد انهم عجزوا ؟ (وصلوا للتوب)
يمكن .. لما تشوف الاعمار هالشي بيكون صعب .. بغض النظر عن كالو و آوبي .. بالاك مثلاً عمره 32 .. مو بالضروري يكونون كبار بالعمر .. مع طرق التدريب اليومية الجديدة تقدر تعطي بسن الـ 30 .. اللي أبوصل له ما اتوقع تطور رهيب راح يجي من فريق معدل اعمار بالثلاثينيات

-تعرف سكولاري ؟
لا .. مع اني لعبت ضده بكاس القارات اللي فزنا فيها .. ما اعتقد انه يتكلم انقلش .. صحيح هالكلام ؟ .. هو مدرب خبره ودرب منتخبات كثيرة وهالشي بيكون لصالحة .. يكفي انه فاز بالمونديال مع البرازيل 2002 .. ودرب البرتغال .

-مستبعد ارسنال و ليفربول من المنافسة الموسم الجاي ؟
لا .. ارسنال الموسم الماضي كان جيد .. كانوا ماشين صح حتى جتهم الاصابات بوقت سيء .. بشهر فبراير فقدوا كم لاعب دفعة وحدة بخط النص .. محد راح يقدر يقول ان فينغر ما راح يفوز باللقب لولا الاصابات .

-ليه اغلب لاعبين فينغر يبون يطلعون من فريقه ؟
اعتقد اني قريت ان الديون اللي عليهم بسبب الاستاد الجديد تسبب لهم مشاكل تخليهم يبيعون .
صح يا فيرغسون ترقع لـ منقر

-كم يوم بتتشمس قبل الموسم الجديد ؟
ياخي لما تكون بالفندق و يجيك جدول الدوري بالفاكس تجلس تقول اي بداية للدوري هذي بالدوري الاول اغلب المباريات القوية برى الاولدترافورد .. ليفربول البومبي الروفرز ارسنال تشلسي الفيلانز السبيرز التوفيز .. كل هالمباريات بدور واحد وبرى ملعبنا .. لذلك راح نقدر نكتشف وضعنا بعد الدور الأول .. لازم نكون جاهزين من اول مباراة .

-طلعة كيروش بتخليك ترجع توجه اللاعبين ؟
وارد جداً خصوصاً عندي كم لاعب يتكلمون البرتغالية و الاسبانية بس .. العمل اللي سواه كيروش صعب تنساه .. كل التغيرات في العلوم الرياضية كان يشرف عليها بنفسه .. ثلاث اطباء بدل واحد .. أجهزة فنية وتنقية كبيرة عندنا .. معنا 16 موظف في جنوب افريقيا الحين .

-كيروش ترك مانشستر ثم رجع له .. بيتكرر هالسيناريو ؟
عقده 4 مواسم مع االبرتغال لذلك اشوف رجعته صعبة .. راح تكون محظوظ لو عشت 4 سنين القصص اللي سمعتها تقول انك تشرب

- باقيلك بطولة دوري وحدة وتعادل ليفربول .. وش الدافع وانت بأخر مواسمك التدريبيّة؟
رقم ليفربول ماهو دافع بالنسبة لي .. هالموضوع راح يصير وبس .. ما فيه ظغط من هالموضوع .. لما جيت للنادي اثبتنا اننا نقدر نتقدم على ليفربول .. لازم نحترمهم .. كل مرة العب معهم تلقى المناديل ورى رقبتك .. دائماً يعطونك حافز علشان تلعب معهم بقوهـ .. عندهم إرداة ومشجعينهم مهبل .. بالنسبة لي مباراتنا معهم هي الدربي الاول بين كل الدربيات .. هالنظرية ماراح تتغير .. رباعي القمة دائماً راح يكونون نفسهم .. ما احس ان فيه فريق بياخذ مركز احد الاربعة الكبار .. لو بقى توتنهام يبيع احسن لاعبيه ما راح يكونون من الاربعة ابداً .. عندهم تغييرات كثيرة .

-وش رايك بمدرب السيتزن الجديد ؟
سباركي (مارك هيوز) خيار بطل .. ترك الروفرز بوقت مناسب .. لأن كل العقود راح تنتهي السنة الجاية .. سوى كل شي معهم والرحيل كان مجرد وقت بس .. سوى الليع ليه ولازم يجرب تجربة جديدة .

-رايك بموضوع ملكية النادي عند السيتزن ؟
هالموضوع مختلف عن كل المواضيع .. قضية ثانية لحالها .. سمعت قصص ما تتصدق عن هالموضوع .

-ظنك فيه تدخلات لما تباع الانديه لمستثمرين أجانب ؟
ايه .. راح يصير فيه تدخل بأمور المدربين .. فيه أدلة على هالشي .. الرجال اللي ماسك هارتس الاسكتلندي يحط خطة الفريق للمدرب !

- وش صار على المهاجم الجديد الغامض ؟
إستسلمنا خلاص (قالها وهو يضحك)

-تبي تضيف شي حول موضوع رونالدو ؟
لا

اعذروني إن كان فيه اغلاط .. ترجمة على السريع .. وهنا رابط المقابلة كاملة للي يبيها



.
.

^^^^
مانلعب على هيك ترجمة

إقتباس .. الموسم اللي راح ضحى كثير علشان الفريق .. لعب في الاطراف وفي كذا مركز .. في نهائي الابطال كان يلعب كويس

هذا إحدى الاسباب اللي تخلي روني بعيد عن مستواهـ

إقتباس اعتقد اني اتحمل مسؤولية هالشي ضحى بنفسه علشان الفريق وما عمره شكى

كبير وطول عمرك كبير ياسير
اكيد اللاعب بيتأثر سجله التهديفي ان صار متنقل
شوفوا الدب لو قالوا له العب دفاع ماقال لا

إقتباس يمكن لو كان معه لاعب خبرة قدامه راح يظهر اكثر .. هالشي يحصل كثير مع المهاجمين الشباب ..

تراهـ يقصد برباتوف
وييييلللللي بس ,
روني مع برباتوف سيشكلان ثنائي الاحلام<<<لسعد

ويجيك الخال ايسيان يمشي مليون ومطفئ النور

ههههههههههههههههههههههههه

ان شاء الله نطلع متصدرين

تكفى ياسير رقم ليفربول نبيه

<<<صفقة لكيروش

إقتباس رقم ليفربول ماهو دافع بالنسبة لي .. هالموضوع راح يصير وبس

إن شاء الله وبــ أسرع وقت

إقتباس - وش صار على المهاجم الجديد الغامض ؟ إستسلمنا خلاص (قالها وهو يضحك)

هههههههههههه
قالها ضاحكا ازين
تكفى برباتوف ياسير

إقتباس اعذروني إن كان فيه اغلاط .. ترجمة على السريع .. وهنا رابط المقابلة كاملة للي يبيها

والله كفو هالترجمة السلسة والجميلة
أحمد

إقتباس السير يشيد بالشبان الصغار ..

مآآش ما جازولي أبد
وخصوصا ايجيلز
أحس ان الخماسي الشاب مالهم مكان
ما عدا ايفانز وكامبل ,ايجيلز &مارتن&جيبسون مع السلامه.

إقتباس جوزيه : من الصعب الحصول على رونالدو ..

ليته يطس

إقتباس السلام عليكم ورده يازينكم وإنتم مشتاقين لي وياشين جو الرياض

وعليكم السلام
هلا وغلا
ياشينك وانت ماتجيء وياشينك ان صرت تبي هونتلار
توقع ياساكن بــ باريس

إقتباس شف عندي لك حـل بخصوص مشكلـتك .. اذا كتبت الرد كله وخلصت ظلل كل الرد وانسخه .. عشان لو ضاع عليك يصير معك نسخه ثانيه .. >> وش رايك فيني ..

امممممم فكرة كويسة
انت

إقتباس مارتن : لقد كان عمل شاق ..!

هدفه يدل على لمسته الحلوة
بس يعيبه المطرسة الزائدة والبطيء بالتفكير

إقتباس فيرجسون يثق بـ بن فوستر ..!

ويييلي يافوستر
يستاهل انه يصير احتياطي سار
بلا كوتشاك بلا بط

إقتباس فيرجي : سنكون جيدين ، يجب علينا ذلك ، ولكنني غير قلق بشأن تشيلسي ..

عقبته عليه بترجمة الرئيس المعزول




وااايييليييي
شفتوا تمريرته لكامبل وتمريرته لــ المحرول ايجيلز
ولا شفتوا تمريرة سكولز لــ روني

إقتباس هذا مثال للزاوية المنفرجة للي ما درس الهندسة الفراغية

خخخخخخخخخخخخخخخخخخخخخ
حلوة فحجته

إقتباس جيل يقول لـ كالديرون بأن ينسى رونالدو ..

جب لنا برباتوف تكفى

إقتباس فيرجسون يكشف عن إعجابه بـ ستام ..

صراحة بطل هالستام

إقتباس ميلان مهتم بـواين روني ..!

آسف هذا لناوحنا له
روووني

إقتباس فيرجسون يبدأ الحرب مع سكولاري ..!

أوافقه صراحتن
هو لقاء فريق جاهز ومنسجم بعكس خوزيه

إقتباس الشجاع براون يلعب 90 دقيقـة ..!

والله بطل هالبني
طقطقة امس وكعبات
لاتفكرون بظهير يمين أبد ياشباب
السير اقتنع به

إقتباس براون الحزين يقرر العودة الى الوطن ..!

مالك الحزين صاير
العن ابو الهمه يلعب واخته ميته

إقتباس سلام عليكم صباح الخيـر اليوم محلم بتيفيز يبي يضرب السير !! الحلم طويل ويضحك شوي خخخخخخخ

خخخخخخخخخخخخخخخخخخاي
عليك احلام
وعليكم السلام على فكرة
ومساء النور

إقتباس تيفيـز مدرك لسحر الريال ..!

كلامه شبه سليم
وخصوصا اخر سطر
يوم يقول به لاعبين يحلمون بالريال
وبنفس الوقت به لاعبين يحلمون بالمان
بس لاتغثنا ثانية بهم

إقتباس الخائن يهدد ويرد على السير آليكس ..!

دوري الابطال من قالك اننا بنحافظ عليه
الدوري ان شاء الله نحققه ونحطم رقم ال***ب ليفربول

إقتباس إيسيان ينتقد تصريحات أليكس فيرغوسون ..!

صراحة هالخال اقدرهـ واقدر لعبه
اعتبرهـ افضل محور
لكن السير يقصد انكم موب بذاك النشاط
انتم شكشان ,بس تقدرون تحققون الابطال
بس الدوري تبطون ان شاء الله
على فكرة:ترى المان دائما هو المرشح الاول للبريمر ليق
يعني الناس تقول:من سينافس المان على الدوري الانغليزي
وانا اقول :انتم والارسنال والليفر بتتنافسون على الثاني

إقتباس خلك في مانشستر ولا تصرح على الانديه الثانيـه وجب بربااتوف ووو ظهير ايمن << تقول واحد يطلب من المطعم

طلبيتك لبرباتوف حلوة
بس أخاف الطلب مايجهز بسرعه ويمكن مايجهز أبد

إقتباس كاريك جائع للمزيد من البطولات..!

كفو يالتصاريح اللي تطربك

إقتباس فوستر يستطيع أن يكون الأفضل ..!

أكييييد ,,يقدر وبالراحة

إقتباس جوتي يرحب بـ رونالدو ..!

ياعليييه تمرير
بس انه بنوته شوي
الكل يرحب به بالريال
وانا بعد اقول وش زينك بــ بدلة الريال
فديت المرينغي
بس طس لهم تكفى

إقتباس بس أنتوا موب أنتو ,لازم ألف بعد واو الجماعه , لمتى نعلمك

مشكلة اللي يتحمس على غير سنع زي اللي يركب سيكل ويربط حزام عشان يكشخ

لا يكثر جيت تسوي لغه عربية اصلا المفروض لو انا ابي اتكلم عربي كان قلت انتم يعني لا انتو ولا انتوا صح لا يكثر

يله انبسط مع اني عطيتك درس مجاني باللغه العربيه خذ هذا خبر عن بيرباتوف



اغلبية المتابعين يرون ان بيرباتوف قريب من اليونايتد ..



<== مدري ليه احسهم مركبينها على صورة كاريك

اكثر من نصف مستخدمين يورو سبورت يعتقدون ان برباتوف سيكون لاعبا في المان يونايتد الموسم المقبل

وصوت 12% ان ينتقل بربا لبرشلونه ... فيما جاءت نسبة انتقاله للمان 58% و نسبة 32 % لبقائه لاعبا في توتنهام .

الهلالي 11