مبروووووووووووووك الفوز
هذا ماذكرته من قبل ان الفريق يحتاج لأخراج اليوفي حتى يحقق اللقب وسيحققه بأذن الله
الفريق في المباراة كمستوى انا ما اعجبني مره واعتبره من جيد الى جيدجداً ولا اكثر
والسبب يعود لتراجع مستوى لامبارد وسوء مستوى بالاك للأسف وبرودة انيلكا عشان كذا ماظهرنا بالمستوى المأمول
وخطة 4-4-2 اللي كنا ضايعين بها في بداية المباراة الين جاء هدف اليوفي وصحصحنا
الفريق افضل مافيه تشيك وهو الافضل من وجهة نظري ومن بعده يجي ايسيان واشلي واوبي
ولايهون الفيل الايفواري اللي سجل هدف التأهل وطرد كيلليني الوصخ
الفريق لازلت اقول انه دفاعياً يحتاج الكثير وقد تكون عودة كارفا هي عودة الدفاع لقوته
الفريق كانيستحق الفوز لولا دلاخة بيلليتي
اللي اكتشفت انه لاعب جاهل لأبعد دروجة
اجل بلنتي اليوفي وشلون يحط يده بهذه الشكل
!! والا الانفرادة !! على بالك بترقص بوفون !!
وثاني شئ الحكم اللي كان يسير على خطى حكم مباراة الذهاب
الغاء انفراده صريحه لأنيلكا بداية المباراة !!
الغاء هدف صحيح لدروجبا
<< والله يالفاول خبل بعد
مولينارو يشوت ايسيان على الخط بدون كوره على غير سنع !!
صالح حميديتش يطق على كيفه ثم يشوت الكوره في ظهر لامبارد والحكم يتفرج
ويجيك في الاخير يوزع كروت على لاعبين تشلسي على غير سنع والوم اللاعبين مع الحكم فيها
يعني انت فايز وشوله تروح تطق وممكن تتوقف في ظروف صعبه على الفريق !!
تشيك : كان بالنسبة لي نجم المباراة ورجع لنا تشيك اللي اعرفه
اشلي : قدم مباراة ممتازة وكان مغطي خانته صح لكنه ماتقدم كثير والظاهر هذي التعليمات
تيري : ايضاً مستواه كان جيد ومالاحظنا عليه اخطاء في المباراة
اليكس : ايضاً قدم مستوى جيد
بوسينجوا : لا بأس مع ان عندي بعض التحفظات عليه ... يعني وشلون لاعب مثل مولينارو يشكل خطوره على فريقنا !! هذا ان دل يدل على دلاخة ظهيرنا الغبي
ميكيل : مستوى ثابت وبشكل ممتاز طوال الموسم
ايسيان : ياهو عودة
ست شهور ياخبل ثم تسجل في بوفون !!
والله تفاجئت به يوم نرزل اساسي لكن ماخيب ظني وكان من نجوم المباراة بغض النظر عن الهدف
بالاك : للأسف ذا الموسم يقدم مستوى سئ .. فيه بطئ وثقل غير طبيعي واعتقد انه لازم يظف عفشه
لامبارد : موب مستواك لكن تكفيني شوتتك
انيلكا : بارد وما اعجبني زود لكن ميزته تفاهمه مع دروجبا وفتح مساحات للأيفواري
دروجبا : ذبحني والله
قال ايش قال انتهى !!
وعلى قولة الحربي : نعم سكولاري لايفهم
.. نعم سكولاري لايعرف عظمة دروجبا << مع تحفظي على كلمة عظمه لكن نقل من كلام الجاهل عبدالله الحربي
اجل يا سكولاري ياوصخ احد يحط ذا احتياط !!!
ارحل الله لايوفقك يا وصخ
بيليتي : والله انك اوصخ لاعب في المباراة !! وعلقت عليك في بداية الرد ياجاهل
هيدينك : استغربت الخطه اللي بدى فيها المباراة لكن الحمدلله انه غيرها بسرعه ولعب ايسيان جناح
والفريق كان متلخبط من 4-4-2 وضاعت معالم طريقة لعب البلوز
الفريق متعود على 4-3-3 ليش تغيرها في مثل ذا المباراة وهذي اول مره تجربها !!
ثاني شئ كان الفريق محتاج لنزول كالو عشان يقود المرتده بسرعه موب انيلكا البارد وكان لابد من التغيير
عموماً الحمدلله عدت على خير لكن اذا واجهنا فرق قوية مستحيل نتأهل بذا المستوى ولندع الفرحة جانباً ولنحكم عقولنا