|
في تاريخ 03/14/08 كنا في فلوريدا [تقرير مصور ] part 1 بسم الله الرحمن الرحيم والصلاة والسلام على اشرف خلق الله محمد ابن عبدالله عليه افضل الصلاة واتم التسليم في الحقيقه << ياشين اللغه العربيه الفصحى "ياصعبها صعباااااااااااااه s60ss60ss60s" طبعاً السعوديين وكالعاده مايقررون يروحون في رحله ولا شيء الا قبل الروحه بيومين إذا كانوا منظمين بعد اما إذا كانوا مثلي نص يوم .. عموماً مالكم بالطويله كان اخر يوم عندي إختبار وعند اثنين من الشباب إختبار فيزياء << ركزوا على الفيزياء مسويه هوايل بعد الإختبار وكالعاده جبنا العيد للأسف وخصوصاً شباب الفيزياء .. كل واحد يشكي همه للثاني .. وكل واحد يقوول انا جبت العيد اكثر منك "يخافون من العين :naughty::naughty:" الفكره طلعه من واحد من الشباب وشرايكم نسافر ونغيير جو شوي بدال ضيقة الصدر اللي حنا فيها الهدف كان فلوريدا في إجازه السبرنق بريك وكانت الإجازه تقريباً اسبوع كامل مع ويك انديين << يعني ثنتين :naughty: البدايه كانت من ولايه كانسس إلى اورلاندوا فلوريدا وتقريباً الطريق 23 ساعه بدون ولا وقفه :bigeek::bigeek: طبعاً الرحله كانت يوم السبت في تمام الساعه الثامنه صباحاً من ولايه كانسس وطبعاً ملح الرحله وميزته ستار بكس :smilie47: العزيز الغالي .. السفره ماتزين الا فيه يسلم قلبه s13s اخذنا لنا العزيز الغالي ريفرش تي " بالانجليزي المنتدى يمنع ذالك " للأسف لاعرف السبب" انصحكم فيه يالربع هذا شاهي اخضر مع نعناع على الصبحيه تحس انك ماكل فقس :) http://upload.alhilal.com/img/014/DS...0x480].jpg.JPG ثم بعد ما ماسكنا الخط دعاء السفر كان اول شيء نقوله .. طبعاً مايحتاج اعلمك فوائد مثل هذه الادعيه s60s الطريق كان شوي فيه رذاذ وتجيك الوسوسه بعض المرات مثل اتوقع بتمطر مطر شديد في الطريق او اتوقع بتثلج وخذ لك من ذي الهلوسه :razz: خصوصاً إذا كنت السواق :) توكلنا على الله وكانت السواليف لمده ساعتين تقريباً ثم بيدنا ننقص شوي شوي http://upload.alhilal.com/img/014/DS...0x480].jpg.JPG طبعاً حنا ثلاثه واحد من الشباب لزم على الثاني انه هو يركب في المرتبه الخلفيه .. علشانه اكبر مادرينا ماكملنا ساعه بالطريق الا الرجال بدا ينسدح :upset::upset: استمرينا بالطريق .. وينصب علينا وانصب عليه .. والبطل اللي بالاخير ينصب صح ومايكفشه الثاني :clapping: اللي معي كان اهلاوي والنايم اتحادي :bigeek: وانا نصراوي s13s يعني تشكيله جداً خايسه .. بس تخبرون نأخذ من وجهات النظر ونعرف ليش النصر دائماً السباق لأخذ البطولات :clapping: طبعاً بالطريق تمر على ولايات ومدن اول مره تشوفها بالقرب من كانسس ولايه ميزوري تقريباً مثل ولاية كانسس مافيها شيء الا كانسس ستي اللي فيها المطار ويعتبرون اكشخ من حقين كانسس s60s بعد خمس ساعات تقريباً من الطريق ومن الحماس اللي كان فينا وكنا نصور اي شيء نشوفه مرينا على مدينه اسمها سانت لويس .ميزوري Saint Louis ,MO المدينه رائعه وفيها من اقوى جامعات امريكا اللي هي Washington University in St. Louis ومشكلتها اخطر مدينه في امريكا لأكثر من سنه بعض الصور للمدينه http://upload.alhilal.com/img/014/DS...1;640x480].JPG القوس ذا مزعجينا فيه .. الله لايبلانا برج المياه حق الخرج اصرف قسم بالله s60ss60s حاطين لك قوس فاضي << لاتعليق :naughty: http://upload.alhilal.com/img/014/DS...1;640x480].JPG صوره ثانيه للقوس الخايس :naughty: http://upload.alhilal.com/img/014/DS...1;640x480].JPG صورة مادري وش تبي بس مع البيعه http://upload.alhilal.com/img/014/DS...1;640x480].JPG يازين مواقفهم http://upload.alhilal.com/img/014/DS...1;640x480].JPG الملعب حقهم " baseball" كرة المضرب :clapping::clapping: http://upload.alhilal.com/img/014/DS...1;640x480].JPG المدينه اعجبتني خصوصاً واني جلست فيها خمس دقايق مروراً بالسياره http://upload.alhilal.com/img/014/DS...1;640x480].JPG صوره من الخلف للقوس الفاضي :) http://upload.alhilal.com/img/014/DS...1;640x480].JPG صوره اخرى للمدينه من الخلف http://upload.alhilal.com/img/014/DS...1;640x480].JPG هذه الصوره توضح العمائر في المدينه كملنا المشي ولله الحمد بإتجاه فلوريدا http://upload.alhilal.com/img/014/DS...1;640x480].JPG الملل بدأ يسيطر على جو السياره .. صوت المسجل بدأ يزيد << نتائج الملل :" http://upload.alhilal.com/img/014/DS...1;640x480].JPG نسيت شغله مهمه نوم بعض اللي معك احد اهم الاسباب للأسف :bigeek::bigeek: بالطريق تحتاج تريح شوي وتأخذ لك قسط من الراحه تصلي فيه وتعين من الله خير ثم تكمل http://upload.alhilal.com/img/014/DS...1;640x480].JPG ^^^^ مناطق الإستراحه بالطريق منتشره على طول الطريق وتقريباً كل عشره كيلوا تشوف لك وحده واول ما تمر على وحده يعطيك لوحه ويذكرك ان الإستراحه القادمه سوف تكون بعد ... كلم ويعطيك الوقت والكيلو هذه نقطه ممتازه طبعاً الإستراحات انظف من بيتكم انت وياه :yes::yes: بكل صراحه جداً نظيفه وتحس انك عايش مهوب اللي يكرمك تموت اهون لك من ان تدخل دورة مياه مسجد للأسف وهو يعتبر بيت من بيوت الله :nono: الصور والإستراحات كانت بالليل يعني تقريباً كملنا فتره من الزمن بدون صوور ماتصلح الصور بالليل :nono: من بكره قام خوينا ابشركم .. والعقوبه كانت كلنا الاثنين سحبنا عليه وخليناه يكمل لحاله الضعيف :clap::clap: من قاله ينام http://upload.alhilal.com/img/014/DS...1;640x480].JPG الصوره هذي فاضيه مافيه شيء طريق وسيارات وين المميز فيها ركزوا وتعرفون وين الميزه http://upload.alhilal.com/img/014/DS...1;640x480].JPG ركزوا اكثر ياشباب الجووووووووووووووووووواب http://upload.alhilal.com/img/014/DS...1;640x480].JPG كحيلان :clapping::clapping: يلاحق واحد مسرررع :naughty::naughty::naughty: كملنا طريقنا وحنا ندعي الله يكفينا شرهم إن شاء الله http://upload.alhilal.com/img/014/DS...1;640x480].JPG http://upload.alhilal.com/img/014/DS...1;640x480].JPG اللهم لك الحمد اول عمارة في اورلاندو طبعاً هذا يوم الاحد او صباح يوم الاحد http://upload.alhilal.com/img/014/DS...1;640x480].JPG وكالعاده السعوديين مخالفين لكثير من القوانيين الدوليه :) طالع من الدريشه علشان يصوور = الشباك = الطاقه :clapping: طبعاً توجهنا مباشره للفندق لأخذ قسطاً من الراحه http://upload.alhilal.com/img/014/DS...1;640x480].JPG تخيلوا ساكنيين في الهلتون والله مارجع مره ثانيه :clapping: بس هذا تمويه s60s عموماً انصح الجميع اللي بيروحون لورلاندو يسكنون في هذه المنطقه International Drive المنطقه هذي جداً ممتازه ومكانها اكثر من رائع خصوصاً قربها الشديد لدزني لاند :smilie47: هذا ونكون قد ختمنا الجزء الاول من رحلتنا السعيده في الجزء الثاني سوف يكون لنا رحله في http://upload.alhilal.com/img/014/DS...1;640x480].JPG http://upload.alhilal.com/img/014/DS...1;640x480].JPG http://upload.alhilal.com/img/014/DS...1;640x480].JPG اتمنى من الله العلي القدير ان اكون قد وفقت في هذا التقرير وان يليق بمستوى شبكه الزعيم واعضاء الشبكه الكرام اعتذر منكم على الاسلوب الركيك الصراحه ومن الاخطاء الوارده بالموضوع " طلب من الاخوان اللي كانوا معي واحد اهم اسباب موافقتهم على تنزيل الموضوع في المنتدى " ان يتم ذكر الله عز وجل عن اي شيء اعجبك في الرحله وقول ماشاء الله تبارك الرحمن لكي نستطيع ان نكمل الاجزاء المتبقيه تحياتي لكم المبدع واعذرونا على القصور s60s |
هلا والله بالسمي :smilie47: يعطيك العافيه ع التقرير وماقصرت يابعدي :stoned: http://upload.alhilal.com/img/014/DS...0x480].jpg.JPG لالا شكلك تبيني اكون جنبك بالسياره :razz: http://upload.alhilal.com/img/014/DS...1;640x480].JPG يازين الجسر المعلق :d:smilie47: عوافي يالمبدع :smilie47: |
^^ الجسر المعلق ياراعي البديعه :D عوافي يابوخلود تقرير مميز ان احيانا الله وجيت فلوريدا بسكن في فندقكم ذا :D |
الـسـلام عـلـيـكـم :) 23 سـاعـة أحـحـحـح :D . . . عـنـدي واحـد مـن الـشـبـاب يـسـولـف عـلـى كـان رايـح لـ مـيـامـي فـلـوريـدا و خـذا الـخـط بـ 24 سـاعـة مـهـوب صـاحـي :D . . لـو مـاخـذيـن طـيـارة مـهـوب أصـرف مـن الـبـانـزيـن الـى يـقـص الـظـهـر :D . . الـحـمـدلله عـلـى سـلامـتـكـم و أهـم شـي ونـاسـتـكـم :) . . الـى أعـرفـه أن اورلاندوا تـجـذب الـسـيـاح بـسـبـب مـلاهـي والـت ديـزنـي مـا أدري هـل هـذا الـسـبـب الـوحـيـد ؟ . . أخـخـخ لـو كـمـلـت خـيـرك و شـفـنـا صـور لـ مـيـامـي s45s . |
المرفقات 4 []رحلة رائعه ما شاء الله رائعه وصور جميله ان شاء الله تكونون استمتعتوا بالرحله بس تعرفني يا ابو وليد حقنه ودايم احب استقعد عموما هذي بعض التعليقات اللي بقولها ووسع صدرك علي ههههههههههههههه إقتباس:
إقتباس:
سانت لويس انت يالقراوى حقين منهاتن مثل كانساس سيتي جزء في ميزوري وجزء في الينوي والجزء المهم فيها والجميل في ميزوري والجزء الخطر في الينوي وتجيني بعدها ياحق منهاتن تقولي إقتباس:
كان شمرت عن سقانك ودخلت فيه ورقيت لاعلى القوس بتطلع فوق بتشوف فيه جلسات وتشوف المدينه كلها من اعلى القوس اللي قوس الخرج اصرف منه [/B][/COLOR][/CENTER][/QUOTE] عموما ميزوري فيها جداول رائعه من اجمل الجداول للكانوا في امريكا لو نزلت على بعد ساعه او شئ جنوب سانت لويس بتضيع مابين الخضره والتلال وفيها بحيرة الاوزارك فيها تاجير دبابات بحريه وشاليهات على البحيره وتاجير مراكب هذي بعض الصور للجداول وبعضها للحيره والباقي لسانت لويس http://trouble.philadelphiaweekly.co...Louis%20MO.jpg http://beaconforlife.blogs.com/pasto...h/St.Louis.jpg http://enlightenedsentencing.com/StLouisArc.jpg http://marquisroadshow.com/pictures/subpage/StLouis.jpg http://www.eminencemo.com/enhanced/h...lleyspring.jpg http://www.arkansas.com/images/photo...iver_001_m.jpg http://www.rockyriverresort.com/images2/floaters.jpg http://www.kachinarealproperty.com/missouri.jpg http://www.ozarkcustomhomes.com/cust...agnell_dam.gif |
المرفقات 4 الصور البقيه معليش ما اعرف احمل الصور زيكم ياشباب شايب والخبره عندي دمار العذر والسموحه |
هلا بالجميع .. هلا وسهلا والله شرفتونا بالنسبه لسؤال الغالي بخصوص اورلاندو.. المدينه جداً رائعه وخصوصاً بالمناطق الترفيهيه مثل دزني لاند و ينفيرسل ستوديو ... من اجمل المناطق اللي انصح فيها الصراحه نرجع لشايبنا ابوحميد ... انت اللحين اللي ماتستحي ماعندك ولاء لكانسس .. انا اللحين احاول ادور لي ولايه مثل كانسس .. ميزوري قلت جمبنا ونمون عليهم مهوب زعلانيين علينا .. وبيني وبينك الرد الاول يوم اقول ميزوري مافيها الاكانسس ستي كانت قبل الغداء .. يوم روقت شوي واخذت لي الشاهي الاخضر كملت الباقي وطلعت المدن الزينه ... ماتلاحظ يابوحميد شغله مهمه ان ميزوري مدنها الرئيسيه منقسمه نصيين كانسس ستي فيها جزء في كانسس وسانت لويس فيها في الينوي شــكراً للجميع على المداخلات الرائعه |
أجل 23 ساعة وستاربكس (عطه خير) أهم شيء كان جراندي موكا والا لاتييه :) القوس اللي مب عاجبك تدري أني أدعي ربي الحين أني أنام بس جنبه :) خطوط وطبيعة ولا ولفلوريدا (الله يعين على ضيقة الصدر) خطكم جنوب والا شمال يا خالد ! الحمد لله على سلامتكم ولا تنسى تغرف لي كم رصيف من عندكم أنتظر بارت 2 (آه يالقهر) برايفت لأحمد نيوز اديتور (كيفك يا حلو ؟) |
افا طلعت نصراوي !! والحمدلله عساكم انبسطوا بالرحلة لكن نصيحة الغالي لا تأخذ شي من ستار بوكس لإنه زي ماسمعت انه يدعم اسرائيل حسبي الله عليهم http://upload.alhilal.com/img/014/DS...1;640x480].JPG غريبة .. كأني اشوف الطارة يسار ؟؟ |
ما شاء الله تبارك الله ..... وضعكم لا يختلف ... وبنتظار الجزء الثاني ..... وترجعون بالسلامه |
إقتباس:
تراه قال بأمريكا مو ببريطانيا .. <<-- مسوي فااهم ههههههههههههههههههههه :d |
مشاء الله عليكم شكلكم فله s60s تقرير رائع وبأنتظار الجزء الثاني(part2) الله يحفظكم |
هههههههههههههههههههههههههههههههه ياَ حليلكم انا رحت اورلاندو بس من سبع شهور في الكرسمس اهم شي دامكم رحتو دزني لا تنسون تشقرون على يونفي فيرسال وشارع النتر ناشونال درايف طبعاً :D عاد ذاك فله فيه البيت المقلوب والبيت المايل والدجه كلها :razz: بس المشكله وقتكم احس ضيق اسبوع واحد :yes: يالله اهم شي استانستو ^_* وتغير الجو مهم الصراَحه :) ... وشكراً |
روعه ما شاء الله .., والله يعينكم على الزحماات :) بس وش رايكـ بـ التوم توم " .. يفكـ أزمآآآآت .., ** الله يوفق الجميع يارب ,, ويسهل علينا .. وآصل يا مبدع .., |
يعطيك العافية والله يوفقكم ويرجعكم سالمين |
| الوقت المعتمد في المنتدى بتوقيت جرينتش +3.
الوقت الان » 09:57 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd