:: ثقافات الشـــرق والغـــرب :: - نادي الهلال السعودي - شبكة الزعيم

T H U N A Y A N · #1 11/07/2008, 02:52 AM

ثقافات الشرق والغرب

هذي الرسومات صممها طالب صيني درس وعاش في أمريكا، لكن الصراحة جابها صح

طبعا اللي بالاحـمـرهم الشرقيين (العرب و الاسيويين وتدخل معاهم حتى افريقيا) واللي بالازرق هم الغرب (اوربا وامريكا)

1- كيف تقول رأيك
الشرقيين يلفون ويدورون اما الغرب يعطونك اياها في وجهك

2- طريقة الحياة
المجتمع الشرقي اجتماعي اما الغرب يعيشون منفصلين

3- المواعيد
الشرقيين اما انه يجي قبل الدوام بساعة (ياباني) والا ساحب ساعتين لأنه راحت عليه نومه (سعودي) أما الغربيين يجونك على وقت الدوام بالضبط
طبعا قيسها على باقي المواعيد اليومية من عزايم وغيرها

4- التواصل
المجتمع الشرقي افراده متواصلين مع بعض وكل واحد يعرف الثاني اما الغرب فعلاقاتهم محدودة

5- اظهار المشاعر تجاه الاخرين
بعض الناس في الشرق تشوفه يسلم عليك ويضحك وهو من داخل نفسه يقول ( وش جاب هالادمي في وجهي) اما في الغرب اذا كان الواحد ماله خلقك يعطيك اياها مباشرة في وجهك

6- التنظيم
كاونترات من بنوك ومستشفيات ودوائر حكومية ومطاعم . . . تشهد على ذلك

7- الشوارع في أيام الاجازات
الناس في الغرب وقت الاجازة يقعد في البيت ويريح راسه والا يطلع له رحله أما عندنا تعال شوف الهنود وغيرهم كلهم يطلعون الشارع خاصة يوم الجمعة....

8- الحفلات (العزايم)
الشرقيين الله يسلمك يلتفون على صينية الاكل ويضربون بالخمسة اما الغرب فكل واحد تشوفه جاي الحفلة اللي معاه خويته وجالسين لحالهم واللي واقف لحاله كأنه ابليس،، المشكلة على اي اساس يسمونها (بارتي) مدام هم كل واحد لحاله

9- السفر
الشرقيين يحبون يصورون الاماكن الحلوة في السفر اما الغرب يكفيه انه يطالعها وخلاص

10 - مواجهة المشاكل
ليس عندنا استعداد نواجه مشاكلنا
عندهم استعداد لمواجهة المشاكل والقضاء عليه

11 - ثلاث وجبات في اليوم

الغرب فطور خفيف – غدا جامد – عشا خفيف
الشرق على طول جوعانين

12- وسائل النقل
هذي زي ماقال نهاش فتى الجبل والصحاري والقفار: بالامس كنا في المقدمة واليوم في المؤخرة
وبكره ان شاء الله نطلع لقداااااااااااااااااااااااااااام

13- الشعور اثناء تغير الجو
الشرقيين ماتفرق عندهم مطر والا شمس أما الغرب يحبون الشمس على ايش ماادري

14- الرئيس في العمل
عندنا الرئيس شي كبييييييييييييييير حتى لو كان ماعنده سالفة، اما هم الرئيس عندهم واحد زيهم الفرق انه عنده بعض الصلاحيات ولازم (ما يتعداها)

عضو من زمن آخر · #2 11/07/2008, 03:48 AM

بصراحه في الصميم كل شي 100/100
يعطيك العافية اخوي واتمنى منك المزيد مثل هذه المواضيع الدقيقة

T H U N A Y A N · #3 11/07/2008, 09:47 AM

إقتباس

الرسالة الأصلية كتبت بواسطة عضو من زمن آخر


	بصراحه في الصميم كل شي 100/100 يعطيك العافية اخوي واتمنى منك المزيد مثل هذه المواضيع الدقيقة

الله يعــــافيــــك . . .

شرفني مرورك وردك

دمت بود ومحبة