بسم الله الرحمن الرحيم
السلام عليكم وحمه الله وبركاته
ولله الحمد وصلت الى سدني بعد رحله طويله 18 ساعه في يوم الخميس الساعه 7 صباحا في توقيت سيدني 3\7\2008
المدينه بارده جدا متلحف بانواع الجكيتات وبردااااااااااااااااااااان خبركم ذا الحر الي السعوديه
سبب الزياره هي اخذ كورسات للغه الانجليزيه بالاضافه الى السياحه
الانطباع الاول هي بارده جدا
الانطباع الثاني المدينه جدا غاليه
الانطباع الثالث ناطحات السحاب في كل مكان وكانك في نيورك
الانطباع الرابع اناس من كل مكان فاستراليا مجمع لثقافات مختلفه
حقيقه كنت افكر ان اقوم بكتابه كتاب عن هذه الرحله ولكن لم تعجبني الفكره واحسست انها ستكون فاشله
لذلك قررت ان اكتب مذكرات ستكتب عند الحاجه او عند موقف طريف او مهم
عند وصولي الى سدني لم اكن اعرف العائله التي ساسكن معها والسبب هو ان نهايه الاسبوع والاجازات تختلف بين السعوديه واستراليا المهم وصلتني رساله من احد المكاتب السعوديه على جوالي السعوديه بعنوان العائله الطريف بالامر انه ما ان وصلتني الرساله اغلق الجوال والسبب انتهى شهن البطاريه رحت للمسؤال عن الجوزات وقالي وين بتسكن وقمت اتفلسف عليه شوي الين ما ما مشاني
كان المفروض انه واحد يستقبلني بالمطار طلعت ادوره ما لقيته ادور واحد ماسك ورقه مكتوب عليها نمـــــ15ـــر ما لقيت الزبده مسكت معي ادور فيش علشان اشحن جوالي واطلع عنوان العائله
وقعدت ادور الي ما لقيت فودافون
وقلت ابي فيش
وتقول شف هناك
واروح مدرعم راسي الا الفتحات تختلف
ورجع لها واقولها معاناتي رحمتي وقالت هات جوالك شحنته 5 دقايق وادق على العائله وترد بعد 25 ثانيه تقريبا ويرد علي صوت وحده صغييييييره
عاد انا جيت وقت وين الوالده بالانجليزي طبعا وقالت اي ام ذا مامي انا وجهي تلون وما عرفت وش اقول
المهم قلت لها وين الي بيستقبلني قالت لي انتظر الي ما يجي المهم بعد 10 دقايق من المكالمه لقيته
رحت للعائله وطلع مافي الا عجوز وحده بس وطلع ت حبيبه وطلعت اصلها قبطي لكن مولوده في السودان ودرسه الين الثنوي وبعدين راحت بولغاريا ودرست الطب هناك واخير راحت لاستراليا ولها في استراليا25 سنه
العجيز حبيبه واكلها زين بس المشكله انها بعيده عن المعهد الي ادرس فيه ف احتمال اغير العائله .
اليوم الثاني
طلعت مع العجوز توريني مكان المعهد وتغدينا في مكدونالدز كل واحد دفع حسابه وبعدين طلعنا نتمشى في المدينه ورحنا لدار الاوبرى بجيب لكم صور بعدين
الزبده العجوز بدت تلمح تراني ابرجع تبي ترجع معي ولا تقعد قلت لا ابقعد تمشينا شوي الا واذا بثلاثه ابو سعود يمشون ....التكمله في الرد القادم
اخوتي الكرام قد لا يتسنى لي الرد على جميع الردود ولكن ان كان هناك اي سؤال ساقوم بالرد عليه ان شاء الله
تشــــــــاو