حي الله كل من دخل موضوعي


شخباركم وعلومكم

انشاء الله مناح


الله يسلمكم انا في الوقت الحالي فيني طفش لو اوزعه عليكم بيكفيكم وزياده بعد


مثل ماتعرفون احنا ببداية الاجازه واول مره في حياتي العليمه والعميله تجي الاجازه واحس بملل


والاسباب اللتي ادت الى ظهور حالة الطفش والملل والزهق وضيقة الصدر :


اولا: اختي حامل وبتولد يعني ننثبر في البيت غصب عنا


ثانيا: عندي تسجيل وقرف ومطامر عشا الجامعه <<- هذا اذا قبلتك الجامعه انتي ونسبتك ولا تبين علم نفس تبطين


ثالثا : وهي الطامه الكبرى الا وهي ان المملوحه اللي بتولد بيجونها زوار اكيد ومافيه الا انا يالضعيفه ادخل عند الحريم واقدم وطبعا اكره شي عندي جلسات الحريم اللي تجيب الغلدمه ( توضيح الغلدمه : قمة الملل وضيقة الخلق )


زياده على كذا فيني طاااااااقه مب صاحيه ودي اركض لين تعورني رجولي


قلت لأمي ابسجل في نادي قالت واختك بتولد لازم تجلسين عندها<<-- عله هالاخت


قلت بسجل في نادي لرقص الشرقي ولا رقص باليه قالت امي الله يرزقك العقل


قلت لها بسافر مع خالي وبناته <<-- نشبه قالت امي اهجدي ولا يكثر


واخر فكره جت على بالي قلت بشترك في برنامج ذا مومنت اوف ترو اللي على قناة ام بي سي 4 عطتني امي نظره خلتني ابلع لساني



وفي اخر موضوعي


اقول


يا حظ العيال ما يردهم الا البنزين اذا خلص من السعسعه والدوران بينما احنا منطقين في البيت نصارع الكأبه



وبس


عاد الله الله بالردود


واللي عنده حركات توسع الصدر يسدحها لنا فيذا عشان نستفيد