#1  
قديم 06/07/2008, 02:17 PM
زعيــم جديــد
تاريخ التسجيل: 07/06/2007
المكان: الريــــاض
مشاركات: 20
كل الشكر يابو سلطــان.... ولـــكن!!!!!!

السلام عليكم ورحمة الله وبركاته
مساء الخير لكل هلالي متفائل بموسم جديد غني بالبطولات وهذا ماتعودناه من الزعيم..
مسائكم خووف وقلق 19 مليوون مره من ورى هالديون بس خلوا عنكم الخوف الهلال وراه رجال زي ماقال سمو الامير بندر بن محمد

..................................................................................
من حق كل رئيس او اداري ناجح ان يتمنى فشل من يليه لاسباب كثيره اهمها انه يبقى البطل في عيون جمهوره والثاني عشان ماينساه الجمهور . توقعت هالشي يصير في اي ادارة الا في ادارات الاندية بالذات نادي كبير زي الزعيم.
الكل سمع تصريحــات محمد بن فيصل نهاية الموسم وش كان يقول :
1- جددنا مع تفاريس.
2- وقعنا العقد مع التايب قبل مباراة الوحدة.
3- عقدنا مع كوزمين سنتين وتم الاتفاق معه على البقاء وهو الان عضو شرف ومدرب.

المــــــــــهم ولا شي من هالامور صار
1- تفاريس لم يجدد وانتقل للريان وعلى فكرة محمد بن فيصل قال له رح احسن لك يمكن يجي رئيس بعدي يظلمك شوف مستقبلك بالريان!!

2-التايب لم يجدد والموضوع كلـــه كان اتفاقيه لااكثر ولا أقـــل!!

3- أفضل مدرب مر بتاريخ الزعيم من وجهة نظري كوزمين لم يجدد وابو مساعد حل جميع اموره ووقع معه!!

4-الادهى والامر احتراف ياسر في مانشستر سيتي اللي كان مترتب له من رئيس النادي وهذا أكبر دعم للرئيس القادم !! تخيل الزعيم بدون ياسر ..يعني العنبر والخراشيتسمعون بالبطولات

كـــل ماذكرت ليس تجريحا في سمو الامير ولكن هذا هو الواقع فمحمد بن فيصل من رئاسته للزعيم لم اكن مقتنعا فيه الا بالموسم الاخير حيث بدأ اكثر اتزانا واحترافي بالتصريحات على عكس مواسمه الثاني والثالث من تصريحات الرشاوي وغيرها!!

أما الديون فهي حكاية 19 مليون شلت ادارة ابن مساعد من ملايين نامي لملايين عزيز وسامي وموبايلي ومستحقات متأخرة لاربعة شهور سابقة أواكثر مع العلم أن محمد بن فيصل أعلن تكفل والده بتسديد جميع الديون قبل النهائي أمام الاتحـــاد!!

شكــــرا من القلب لابو سلطان على ماقدم في 4 سنوات انجازات ليست غريبة على الزعيم 8 بطولات تشكر عليها صفقات لاتنسى من الغنام لياسر واخرها نامي ابو 6ملايين اللي لو قالوا لي مليون يمكن أكاسر بها لقيمه

مع احترامي لابن مساعد تمنيت الرئاسة لبندر بن محمد لخبرته الادارية ونجاحه مع الزعيم في تحقيق اكثر من 9 بطولات لولاوجود شخص في ادارته احسست انه لم يأتي لخدمة الزعيم وكان وجوده للظهور الاعلامي والترزز على حساب النادي .
عبدالرحمن النمر في كل قناة طالع طالع الله لايعوقهذا شعاره من حضرللهلال.
تصريحات غريبــه .
اداري فاشـــــــــــل.
تخبط عجيب اضاع الهلال كثيرا .
انقسامات بين اللاعبين.
نسيب الفريـــــــــان>>>ياحبي لك يابوفريان اما صورتــك أنت وحليمه تحفه
...............................................................................
قفــــــلات :
@صفقة الموسم هي تعاقد النصر مع حقويفاكيننا من الشر ورفع الضغط. عقبال التعاقد مع حماده
@النصر كســر كل الحواجز والانظمه في تعاقداته بداية من الموينع والحماد نهاية بالبرتغال اللي صارت جسر للنصر عشان عطيف والعتيبي
@عيني عليك باردة يالاهـــلي شغل عدل وتعاقدات بصمت
@البلوي لازال يمارس هوايته بالتصوير والكذب على الاعلام من تعاقده مع جبوري وانسحابه من المفاوضات بالاخرحتى وصل لزيدان
@زيدان يقول الدوري السعودي أمنيـــة لأي لاعب ياجماعه لاعب بأوربا لا وبالدوري الالماني مانيب قايل البرتغالي بعدين يحسبونه جسر الحالميويتمنى الدوري السعودي!!تخيلوا ياسر يقول الدوري السوداني أمنيــة سلمني على الرياضي وسلام كبير للحمادي اللي فاقع مرارتهم
........................................................................
خـــلاصة الكلام :
أن كل ماتحدثت به ليس اساءة لابو سلطان فأنا من عشاقه ولكن كل ماقلت لمصلحة الزعيـــــم فقط.....
أدري نص اللي بيمرون على موضوعي بيقرا اول سطرين او العنوان بعدها يقلب علي ويخلوني مندس ويطالبون بحذف عضويتي. لا والازحف من هذا اللي يقول لك وش مصدرك وهو مايدري وش الطبخه

شكـــــرا واسف على الاطالــــه

اضافة رد مع اقتباس
  #2  
قديم 06/07/2008, 02:29 PM
زعيــم متواصــل
تاريخ التسجيل: 15/02/2008
مشاركات: 83
هـــــــلا وغــــــــلا

العمل الناجح لا بد فيه من وجود أخطاء لكن الأفضل هو من يتعلم من أخطاء الأخرين

كل التحايا والتقدير للظاهرة وأبيه العاشق الصامت وأهلاً بالأخوين أبناء مساعد

ومرحبا بك كمندس إذا كنت بمثل هذا الفكر الواقعي صحيح أنني لا أوفقك الرأي في بعض ماذكرت لكن تظل وجهه نظر تقدر وتحترم

تحياتي
اضافة رد مع اقتباس
  #3  
قديم 06/07/2008, 02:44 PM
زعيــم فعــال
تاريخ التسجيل: 15/02/2008
مشاركات: 461
انا معك في اخر نقطه
ان اغلب البزران بيمرون وبيقرون اول سطرين وبيسب

بصراحه انا معك في ان اداره الياس افندي تخبطت في الهلال الى ماله حد
يعني استقالة كل من ::
طارق التويجري وعادل البطي
اقسم بالله كارثتين .. ومن السبب؟؟ محمد بن فيصل

يقولك الاستاذ عادل عنده ظروف
ولما تعين الامير الشاعر مباشره تعين معه
طيب يامحمد بن فيصل .. وين ظروف الاستاذ عادل؟؟

بصراحه اخوي انا اخالفك في المهندس عبدالرحمن النمر
بصراحه كفاءه عاليه جداا
انا من المطالبين باستمراره

اما انك تتمنى الامير بندر على الامير عبدالرحمن
فهنا اقول لك ان الامير بندر سيكون اكثر المتواجدين مع النادي
وسيكون هو الداعم الاول كعادته طال عمره
بصراحه كل ماشفته ادري ان الهلال بخير
رجل يحب الهلال اكثر من مايحبه الاخرين من الهلال

على العموم مشكور على الموضوع
ولاعليك من الردود اللي بيقولون مندس وما مندس


وتقبل مروري


blueart
......................................................
اضافة رد مع اقتباس
  #4  
قديم 06/07/2008, 03:19 PM
زعيــم جديــد
تاريخ التسجيل: 07/06/2007
المكان: الريــــاض
مشاركات: 20
كيك وعســـل كل الشكر والتقدير لك على هالمرور
والاختلاف لايفسد للود قضيــة ..وأنا اتكلم عن وجهة نظر وراي شخصي
احترم واقدر رايــك في كــل ماقلت.. وشكرا..
اضافة رد مع اقتباس
  #5  
قديم 06/07/2008, 03:22 PM
الصورة الرمزية الخاصة بـ سـ6ـام
زعيــم مميــز
تاريخ التسجيل: 29/04/2005
المكان: الرياض
مشاركات: 1,901
الموضوع خلص ارجوكم لاتفتحون ابواب مقفله

مقارانات وكلام حنا في غنى عنه


ومحمد بن فيصل راح بخيره وشره خلاااااااااص
اضافة رد مع اقتباس
  #6  
قديم 06/07/2008, 03:28 PM
زعيــم جديــد
تاريخ التسجيل: 07/06/2007
المكان: الريــــاض
مشاركات: 20
Blue artشاكر لك لك عزيزي على المرور

مع الاجماع ان اكبر خسارة للنادي في عهد الظاهرة هي رحيل البطي والتويجري ..

على فكرة الظاهره اول تصريح له كان يقول البطي بسبب الظروف بعدها صرح تصريح ثاني وقال انه هو المعسكر الخارجي وبيسيرو اللي تمت اقالته والفريق متصدر الدوري وكأس فيصل!!
عبدالرحمن النمر احترمه كشخص متدين وانسان عقلاني لابعد الحدود مع التحفظ على رايي فيه اداريا !!
بندر بن محمد الاب الثالث للهلاليين بعد عبدالرحمن بن سعيد الله يطول بعمره والامير هذلول الله يحفظه ونائب رئيس هيئة أعضاء الشرف والمشرف على الفئات السنية أكبر مكاسب الزعيم في السنوات الماضيــة..
كل الشكر لك يالغالي على مرورك.....
اضافة رد مع اقتباس
  #7  
قديم 06/07/2008, 03:30 PM
زعيــم مميــز
تاريخ التسجيل: 29/10/2007
المكان: الريـآض
مشاركات: 12,465
الظاهره رحل ، والله انه رائع .!!

لكن لازم يكون اخطاء ، والاخطاء الي ارتكبها ، خاصه في التعاقدات مع الظهير الايمن .!!

الي مالها دااعي ،!!

اما بالنسبه لـ تفاريس ، هو لادخل له تبيه يدفع ، للنادي ، وهو بتخلص رئاسته .!!

طيب التايب جددو له على طول اعضاء الشرف ،، تفاريس .. ليه ما جددو له .!!

يارجال فيه تناقض واضح ،، ،، بالتوفيق للاداره الجديده ان شاء الله .!! ورده
اضافة رد مع اقتباس
  #8  
قديم 06/07/2008, 03:42 PM
زعيــم مميــز
تاريخ التسجيل: 07/03/2008
المكان: RIYADH
مشاركات: 3,183
بصرآآحه لا تعلـيق


محمد بن فيصل من افضل الررئساء الي مروا ع الهلآل
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:01 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube