|||... الالـــعـــاب الـــشـــعـــبـــيـــه ...||| ... من الذاكره .. موضوع مشترك ...||| - نادي الهلال السعودي - شبكة الزعيم

جرح يشكي · #1 05/07/2008, 11:20 PM

السلام عليكم ورحمة الله وبركاته

اسعد الله ايامكم بكل خير ..

بين فتره وفتره .. اضغط على ايقونه " اضافة موضوع " ولما اوصل الى نص الموضوع اتردد وامسحه .. كله خوف ان ما اكتبه لا يرقى الى ذائقتكم

.. لكن اليوم قررت بما لا يدع مجالاً للشك اني انزل الموضوع غصباً عن نفسي .. ورغماً عن انفي .. وترا بجلدك واتوطى ببطنك <======@ خش جو

يزاعق على عمره

المهم .. قررت اني افصل الريوس واكتب وانا ما اطالع في الموضوع .. كوده يجي خفيف لذيذ بدون تكلف واصطناع

نجي عاد للموضوع

صليت العشاء قبل شوي ورجعت للبيت .. دخلت البيت وعلى طول لـ الصاله .. مدرعم امشي طبلوووني

.. الا والوالده والخدامات وجدتي كلهم يركضون وراي

" تخيلت اني قاطع اشاره والدوريات وراي

" ويالله يالله مسكوني وكتفوني واخذ تهزيئ .. انت ما تعرف اتنحنح .. احم احم .. يا ولد .. قل اي شي

اثاري عندنا ضيوف

..، بعد حب خشوم قررت اطلع للحوش وادخل مع الباب الثاني

وانا اجر اذيال الهزيمه .. مريت من جنب اخوي الصغير اهو وعيال عمي وبنات عمي .. اكبر واحد فيهم ابو 8 سنوات

حصلتهم يلعبون " فتاحية ورده

" ما ادري اسمها كذا والا احنا نسميها كذا

<<===@ : ما كان يلعبها ابد ايام اول

: والله يا اخوي هذا خروووووف كبير مع انه توه نونو عمره 4 سنوات مدري اقل .. ما ادري طالع على من .. ما يدري ان اخوه جرح اذا مرت من قدامه خدامه قلب وجهه احمر خجلاً واستحياء

باقي قصة اخوي مشفره

.

دخلت غرفتي وانا اتذكر ايام اول .. ايام ما كنا نروح لـ الديره .. ونلعب الالعاب القديمه .. اللي لها طعم .. قصماً بغيت ابكي الا 5 سم مكعب

..

# اتوقع عرفتوا هدف الموضوع ..

في موضوعي هذا احاول ان اخلق جو مليئ بـ المرح .. بعيداً عن مواضيع لميس وطقتها

.

# الالعاب الشعبيه :

تنفرد كل ثقافة و مجتمع بمجموعة من الألعاب الضاربة في الزمن والعريقة التي تناقلتها الشعوب ،و الأجيال و هذه الألعاب يطلق عليها اسم الألعاب الشعبية و عبر هذه الألعاب تنقل عدّة خصائص ثقافية و حضارية مراعية بذلك التقاليد و العادات , فالألعاب الشعبيّة مرآة صادقة للحياة اليوميّة البسيطة فمن خلالها يتم نقل نماذج الحياة في البيئة بطابعها و تقاليدها و نظامها. فمن خلالها انتقالها عبر الأجيال يتم نقل النماذج الحضاريّة و الأنماط المعيشيّة. فلكل مجتمع و حضارة خصائصها و طابعها التي تنعكس من خلال ألعاب الأطفال.

بعض الالعاب القديمه :
قديمه من ناحيتي انا.. كنت العبها لما كنت صغير

الكيرم

او لعبة الشيوخ مثل ما كانوا يسمونها ايام قبل

هذي بعض الصور لها ويليها شرح لـ طريقة لعبها .

طريقة اللعب :
لوح خشبي مربع الشكل يتكون من اربع ثقوب ..
وله 4 انواع من الحبوب " مثل ما يسمونها

" وهي اللي باينه في الصوره .. ولها اربع الوان ..
الاسود .. ويحسب بـ خمس نقاط .
الاصفر او الخشبي .. 10 نقاط .
الوردي .. 50 نقطه .
اقصى عدد لـ الاعبين هو 4 اضخاص فقط ..
والاخير يسمى " المضراب " وهو اللي تضربه بـ اصبعك وتوجهه لـ الحبوب .. اكثر الاعبين نقاط هو الفائز .. واذا الواحد جاء بيطرح الخمسين " الورديه " لازم يطرحها ثم يطرح بعدها اي لون اسود او اصفر .. واذا ما طرح شي .. يرجعها

.. وعلى هـ الحال ..

لعبة الكيرم قريبه نسبياً من لعبة الشطرنج .. وبحثت في الانترنت عن اصل الكيرم وحصلتها هنديه

.

ثانياً
طاق طاق طاقيه

حيث ان عيال اول كانوا يلبسون طواقي 4 متر فوق روؤسهم

وما لها هدف .. اخترعوا هـ اللعبه .. هذي اللعبه ما تحتاج الى ادوات او خرابيط اكثر ما كثر الله في هاك الوقت الطواقي .. ويالله

يكونون دائره وينزلون رؤوسهم تحت للارض .. ويقوم واحد اهو اللي معاه الطاقيه .. ويدور عليهم وهو يشدوا بـ صوته العذب .. وكانه بلبلاً فوق اغصان الشجر .. ويردد :
طاق طاق طاقيه ..
رن رن يا جرس ..
محمد راكب ع الفرس ..

<<====@ شفتوا اني مشهور قبل لا انولد بعد

بعد ما يوقف من التغريد

يرمي الطاقيه خلف احد الجالسين .. ويرفعون رؤوسهم اللي يلعبون ويدورون الطاقيه .. اللي يحصلها خلفه يقوم ويطرد المنشد

اذا لمسه قبل ما يجلس المنشد في مكان صاحب الطاقيه .. يكون المنشد فايز .. اما اذا لمسه فـ يكون المنشد اهو الخاسر .. ويالله على هـ المنوال الين يفقعون وجيه بعض من الحماس

@ " في فتره .. انتشرت في الانترنت مواضيع غير معروفه المصدر .. بـ ان فلان حرمها .. لو كانت محرمه لما كانت من ضمن النشاطات المصاحبه لـ الجنادريه .. وكلنا يعلم ان الحرس الوطني لديه جهاز الارشاد والتوجيه .. فيه مشائخ لو كان الموضوع كما انتشر لما سكت عنه .."

ثالثاً :
المصاقيل .. البلورات .. البلي..

اختلفت مسمياتها في كل بلد ولكن بقي لها طريق واحدة في اللعب هي (التهديف) لعبة شعبية بسيطة خاصة بالأولاد تعتمد على مهارة يد اللاعب في رمي الكرات الزجاجية الصغيرة لتضرب بعضها البعض وهي أشبه نوعاً ما في كيفية لعبها باللعبة البليادو الآن ولكن بدون استخدام العصا ويستعاض عن طاولة بحفرة صغيرة على الأرض معدة لذلك الغرض.

طريقة اللعب
يختار الأولاد الراغبين في المشاركة في اللعبة باتفاق على موقع المكان في الحارة الذي يتسع للمشاركين والمتفرجين ومن ثم القيام بعمل حفرة صغيرة في الأرض يتم حفرها باليد لا تتجاوز قبضة اليد وضيقة الفوهة وبعدها يتم تهيئة سطح الأرض وتنظيفه من الحصى والعوالق التي تعيق مرونة انزلاق المصقال وبعدها يحدد عدد المشتركين الذي يتراوح ما بين اثنين إلى خمسة وبعدها يبعد المشتركون عن الحفرة بحوالي مترين ويصطفون بالقرب من بعضهم البعض ويبدأ الأول بالتهديف ورمي المصقال بقوة قاصداً أن يقع في الحفرة إن وقع فله حق أن يواصل اللعبة بحيث يضع أصبعه السبابة والإبهام من يده اليسرى في وسط الحفرة ويمسك بيده اليمنى المصقال ومن ثم يقوم بالتهديف بمصاقيل المشاركين معه واحداً تلو الآخر إن نجح في ضربه فإنه يكسب وإن خسر فإنه يتوقف عن اللعب ليأتي زميله الآخر ويكمل اللعب وجميع مجريات اللعبة تتم وهم جالسون.

واهم مصقال كان يسمى المصاقل الكويتي .. لونه ابيض .. وكان غالي على الواحد

للاسف ما حصلت لها صوره في النت

الحين بعض الالعاب اللي موب قديمه مره مره

لعبة حيوان جماد ..

كان كل واحد ياخذ ورقة وقلم .. ويقسم الورقه الى خمسه اقسام .. قسم حيوان .. جماد نبات .. انسان .. بلاد..
وبـ الدور .. يختار كل واحد حرف معين .. ويكتبون عنه ..

مثلاً انا اخترت حرف الميم ..

حيوان : ماعز .
جماد : ملعقه .
نبات : ملوخيه

انسان : محمد

بلاد : موزنبيق

اذا كملت الاقسام الخمسه اقول stop .. stop .. ويوقفون عن الكتابه .. وكل واحد يكتب درجاته .. لكل قسم درجه

وفي الاخير يجمعون الدرجات .. ويبين الفايز

خامساً :
عسكري حرامي

كنت دايماً انجلد

..

تتكون اللعبه من اربع اوراق صغيره مكتوب في
الاولى .. عسكري ..
والثانيه .. حرامي ..
والثالثه .. الفراش ..
والرابعه .. الجلاد ع ما اظن

والعدد المناسب لـ اللعب .. اربعه اشخاص ..
تجمع الاوراق بعد ما يخفون الكتابه اللي عليها وتجرى مراسم القرعه

اللي ياخذ ورقة الحرامي يجلدونه

هنا اتوقف لـ تعبي

ولي باك ان شاء الله بعد ما استريح .. انتظر تفاعلكم مع الموضوع

وجه يضحك لـ هامور البورصه .. اهو ولعبة اللي دهورته .. ترافيان

ووجه لـ لبى يور هيرت

سالم مدمن البلياردوا

كتبت دون مراجعه او تدقيق ..

نعيش وقتنا .. بـ بساطتنا بدون تكلف .. اتمنى ان يكون عنواني

دونه جرح يشكي

2/ رجب / 1429 هـ
11.10 م

راكان _20_ · #2 05/07/2008, 11:42 PM

هلا و غلا أخوي جرح

ما شاء الله عليك ما دام أنت كل يوم مدرعم ليش ما تركب إشارة عند الباب الداخلي

علشان مره ثانيه ما تحرج أهلك

و أخوك الظاهر طالع على أخوه الكبير

المهم يا أخوي أنت لو تكتب موضوع رائع مو لأنك كتبته لا

لأن الموضوع بإسم العضو جرح يشكي

نروح للموضوع بإختصار

أفضل لعبه هي الكيرم غيرها ما أحبها

و من هنا أعلن تحدي للجميع ...

جرح يشكي · #3 06/07/2008, 05:18 PM

إقتباس

الرسالة الأصلية كتبت بواسطة راكان _20_


	هلا و غلا أخوي جرح ما شاء الله عليك ما دام أنت كل يوم مدرعم ليش ما تركب إشارة عند الباب الداخلي علشان مره ثانيه ما تحرج أهلك و أخوك الظاهر طالع على أخوه الكبير المهم يا أخوي أنت لو تكتب موضوع رائع مو لأنك كتبته لا لأن الموضوع بإسم العضو جرح يشكي نروح للموضوع بإختصار أفضل لعبه هي الكيرم غيرها ما أحبها و من هنا أعلن تحدي للجميع ...

هلا وغلا بـ الغالي راكان ورده

قالوا لك اني اعترف بـ الاشارات

.. كودهم يحطون نقطة تفتيش عند الباب

<==@ يحاول ينكت اهو ووجهه

.

شهاده اعتز فيها .. طيب انا بـ اشهد لك بعد .. ليش انت احسن مني يعني

راكان ..تعجبني ردودك .. ردود عقلانيه .. في بعض المواضيع ادخل ابي ارد عليها .. واشوف ردك .. وكانك تقراء افكاري .. اللي كنت بقوله قلته انت .. لــ

ــكـ ..

نورت الموضوع بـ طلتك .. دمت متألق .

||||||||||||||||||||||||||||||||||||||||||||||||||||||||||

إقتباس

الرسالة الأصلية كتبت بواسطة dal3_uae


	ياااا سلام وين ايام الالعاب الشعبية قبل ... اما الحين لااا غير البلاي ستيشن ... والنايتندو ما فيه ... اتصدق قبل ايام لاعبة ويا عيال عمي الصغار ... اسم انسان حيوان نبات جماد بلاد مجموع ... وحرف بعد ... اللع ع ذيج الايام الكشخه اللي نطلع فيها برع ونلعب ... خاصة اللعبة اللي اتفر فيها الحصى ... أقي ... لااا ... أقي ... لااا ... أقي ... هيه >>>>>>> دخلت جو اللعبة :: شكرا جرح يشكي ع الموضوع الخفيف واللي ذكرتنا فيه ايام أول السموحه ع الرد البسيط ... في الموضوع الكبير

هلابك يا دلع uae ورده

صراحه تعجبني الامارات في اشياء كثيره .. منها .. انها اكثر دول الخليج تمسكاً بـ تراثها .. يا حبي لـ اهل الامارات .. بس ترا ما احب نادي العين والوحده

حياج ربي .. والموضوع لج متى ما بغيتي تيين وتردين تعالي ..

الا وش صار على الخطوبه .. ترا جاني عرض اوروبي يبوني اشهد على عقد كريستيانو رونالدو .. هاه شوفي بنتج وفارس ولد ابو طلال .. تراي مستعجل وايد

دلع الامارات ..

حياج الله مره ثانيه ورده

||||||||||||||||||||||||||||||||||||||||||||||||||||||||||

إقتباس

الرسالة الأصلية كتبت بواسطة هلالي من ارض اليمن


	موضوع جميل ... والله انك ذكرتني بايام قديمة وجميلة ذهبت ولن تعود ولا حول ولا قوة الا بالله ،،، اتذكر لعبة قديمة كنت استمتع بها ونسيت اسمها ... ترتكز على ضرورة وجود تله صغيرة ويتم تقسيمنا الى مجموعتين مجموعه فوق التلة والأخرى اسفلها واجب المجموعة اعلاه ان تحمي التلة من الغزو ... طبعا المجموعة اسفل التل واجبها ان تغزو المجموعة التي فوق التل وعينك ما تشوف الا النور ... انواع الرجم بالحجار والضرب بالعصى اخوك في الله تعرض لحادثة " فقش " في الراس مرتين في احدى الغزوات كم كانت تلك الايام جميلة ومن كثر ماهي جميلة ... اهديك هذا الـ الله يهديك يا " جرح يشتكي " تركتني اتذكر البعض منهم وقد تغير كل شئ ،،، الحمدالله على كل حال شكرا لك يا غالي ويعطيك العافية

الاخ الغالي طارق

تصدق اني بغيت احذف الموضوع ..

بس لما شفت ردك عليه كنسلت الفكره .. مرورك على اي موضوع دليل على نجاحه .. وهذا ما اتمناهـ

من خلال ردك على الموضوع .. جائني رجل كبير في السن ذو اللحيه البيضاء .. والشعر الابيض الكثيف .. وطرق باب غرفتي .. فتحت له .. ولا اخفيك ان صابتني حاله خووف شديده .. قلت له من انت قال لا يهم .. قلت ماذا تريد .. قال اتيت لـ اخبرك ان هلالي من ارض اليمن يعتبر من كبار السن ..!! ، بعد قوله اختفى هذا الرجل .. سؤالي .. هل هذا الرجل هو الحقيقه .. ام انه من وساوس الشيطان فـ اتعوذ منه

مرورك فخر لي اخي طارق

||||||||||||||||||||||||||||||||||||||||||||||||||||||||||

لي عوده لـ باقي الردود .. ما كان في الاعلى الا لـ ضمان عودتي للموضوع

dal3_uae · #4 05/07/2008, 11:49 PM

ياااا سلام وين ايام الالعاب الشعبية قبل ... اما الحين لااا

غير البلاي ستيشن ... والنايتندو ما فيه ...

اتصدق قبل ايام لاعبة ويا عيال عمي الصغار ... اسم انسان حيوان نبات جماد بلاد مجموع ... وحرف بعد ...

اللع ع ذيج الايام الكشخه اللي نطلع فيها برع ونلعب ...

خاصة اللعبة اللي اتفر فيها الحصى ...
أقي ... لااا ... أقي ... لااا ... أقي ... هيه >>>>>>>

دخلت جو اللعبة

::

شكرا جرح يشكي ع الموضوع الخفيف واللي ذكرتنا فيه ايام أول

السموحه ع الرد البسيط ... في الموضوع الكبير

هلالي من ارض اليمن · #5 05/07/2008, 11:52 PM

موضوع جميل ... والله انك ذكرتني بايام قديمة وجميلة ذهبت ولن تعود ولا حول ولا قوة الا بالله ،،،

اتذكر لعبة قديمة كنت استمتع بها ونسيت اسمها ... ترتكز على ضرورة وجود تله صغيرة

ويتم تقسيمنا الى مجموعتين

مجموعه فوق التلة والأخرى اسفلها

واجب المجموعة اعلاه ان تحمي التلة من الغزو ... طبعا المجموعة اسفل التل واجبها ان تغزو المجموعة التي فوق التل

وعينك ما تشوف الا النور ... انواع الرجم بالحجار والضرب بالعصى

اخوك في الله تعرض لحادثة " فقش " في الراس مرتين في احدى الغزوات

كم كانت تلك الايام جميلة

ومن كثر ماهي جميلة ... اهديك هذا الـ

الله يهديك يا " جرح يشتكي " تركتني اتذكر البعض منهم وقد تغير كل شئ ،،،

الحمدالله على كل حال

شكرا لك يا غالي

ويعطيك العافية

Mr.GoaL · #6 05/07/2008, 11:55 PM

ورى ماكملتها بلعبة الدسيسه

شكرا موضوع جميل ونشط الذاكره شوي

ورجعنا كم سنه للخلف

جرح يشكي · #7 11/07/2008, 02:12 PM

---------| مستر قول |---------

إقتباس

الرسالة الأصلية كتبت بواسطة Mr.GoaL


	ورى ماكملتها بلعبة الدسيسه شكرا موضوع جميل ونشط الذاكره شوي ورجعنا كم سنه للخلف

هلابك اخوي تركي ورده

تبين لي من الرد انك شايب

شكراً على مرورك

---------| سمفونية الزعيم |---------

إقتباس

الرسالة الأصلية كتبت بواسطة سمفونية الزعيم


	الله يعافيك اخوي على الموضوع المميز و الكيرم ذبح اصبعي الاوسط و قررت اعتزاله بس موضوعك شكله بيرجعني له مشكور .,

هلا وغلا بـ سمفونيه الزعيم ورده

ما ادري سويت حفل اعتزال والا لا

مرورك اسعدني ورده

---------| هلالي لي العز والفخر |---------

إقتباس

الرسالة الأصلية كتبت بواسطة هلالي لي العز والفخر


	الله يذكر ألعاب قبل والالعاب الشعبية بخير ياأني تذكرت يوم كنت ألعب مع عيااال خالي فتاحيه وردة باأيام الطفولة أحسن الالعاب الشعبية الكيرم الى الحين ألعبهـــــــا ولاأنسى البودرة بعد موضوع رائع ياالغالي ومميز ويذكرنا بتراثنا القديم تحيااااتيوردهوردهورده

الغالي هلالي لي العز والفخر ورده

بيني وبينك

بعد الموضوع قررت اني ارجع اشتري الكيرم

ويالله هذاي مسوي دوري في البيت

حياك الله يالغالي ورده

---------| احلاهم واتحداهم |---------

إقتباس


	روووعة احبها مررة بس ليش اسمها لعبة الشيوخ ؟؟ انقهر لما وحدة ماتعرف وتضربهم بقوة يطيرون بحظني

الصوره اللي في الموضوع لـ شيوخ الكويت

يلعبونها .. وكانوا ايام قبل ما يلعبها الا الشيوخ وابنائهم

إقتباس


	جرح يشكي يعطيكـ العافية رجعنا الموضوع لايام حلوة

الله يعافيكِ .. واسعدني مرورك والله

واتمنى ان البنات اللي انصكوا انذارات ما يزعلو مني

انا مالي دخل في الموضوع

الا متابعه ترا تستاهل التوقيف

الف هلا احلاهم واتحداهم ورده

---------| هلالي عاشق سامي |---------
حياك الله واسعدني مرورك

---------| حتى ضلالي هلالي |---------

إقتباس


	اييييييييييييييييه يا جرحرح مابقى من الــ ع ــمر قد مامضى ذكرتنا بأيام زمااااااااااااااااااااااااااان << من كبرتس يالبزر

هنا الفن

.. اذا بتحجز احجز بـ طريقة علميه

موب حجززززز

حتى يا ليت تعطين البنات اللي جاتهم انذارات دروس تقويه في اساليب الحجز

---------------

إقتباس


	باك والله يالكيرم ياما لفيت اصبعي الوسطي بشاش على حسابهـ مرهـ الوسطي واذا خرب رحت للاصبع اللي بجنب الكبير اللي لحالهـ << ابوكـ يالشرح

هههههههههههههههههههههههههههههههههههههههههههههههههههههههههههههه

اقول حتى ترا احنا في الهواء سوا

والله يا اني ما اعرف ابهامي من سبابتي

إقتباس


	أنا العابي : 1- المونوبولي شارع بيكاديللي فليت ريجنت وإلا نورثمبرلاند اللي مسمينهـ حنا طال عمرنا النوري اختصار وانت الغني إن كان معكـ مايفر و بارك لين واحسن شيء المحطات وأقبح شيء اذا كان معكـ الشركات الكهرب والماء

حدك عاد

كل شي الاشركة الكهرباء

ترا قسم افصل عليكم الكهرب

اتذكر اني اشتريتها وما عرفت لها

إقتباس


	2- عين سين صاد هذي حلاتها بالمدرسة اذا سوينا دائرهـ متماسكهـ وجلسنا نقول : عين سين صاد يبدأ بحرف (ونقول اول حرف من اسم البنت اللي بتبدأ بالضرب على الرجلين )

<====@ هذا المستخدم بدا يحمد الله على انه خلقه رجل

ادري اني بنجلد .. بس احس اللعبه اذا انتهت 5 في المستشفى و7 في المقبره

إقتباس


	3- تلفون خربان صلح تلفونكـ يابخيل .. يال للا لللا << ههههههـ نسيت الكمالهـ وقلت اللحن حقهـ

يا لا لا يا لالاه

وين مسلسل مناحي

إقتباس


	4- أونو

الاونو لـ حالوووووووووه

إقتباس


	ولكن دارت الأيام وبان الخافي المستور وصار الهم متعلق على قمة سعادتنا كبرنا وصارت الدنيا تصف احزاننا بالدور وتهادينا الألم والهم غصب عن عين رغبتنا تعبنا من بلاوينا أحد ضايق وأحد مقهور وكلن غارق بهمه وبالآخر تشتتنا وأنا ماقول غير إنه الا ليت الزمان يدور ويرجع للورى فتره نعدل وضع عيشتنا

إقتباس


	الله يصلحكـ يا مـ ح ـمد فتحت علينا جروح آآآآآآآآآآآآآآآآآآآآآآآآآآآآهـ يا زمان أول أدري اني طولت خلاص بضف ماي فيس

هلابك حتى ظلالي هلالي .. ردك لحاله .. احسه طالع من قلب .. الله يجعلك دايم فرحانه

حتى .. مرورك اسعدني

اخوك محمد ورده

---------| دانكن دونات

|---------
ولــيــد لقد انني احبك

البلوت

وجه يطالع في مواصل

اقول وليد ترا اضفتك من مده .. وما ادري جاتك الاضافه والا لا

اخوك محمد

---------| القيصر رهيب |---------

إقتباس

الرسالة الأصلية كتبت بواسطة القيصر رهيب


	احم يا هلا والغلا بالاخ محمد في الحقيقه إنت جيتني وتو أخوي القعدهـ مرقعني كيرم فلازم نرد عليكـ بعد الجوله احم ألا ليت الزمن يرجع ورى ولا الليالي تعود ويرجع وقتنا الاول وننعم في بساطتنا من الجميل أن يتذكر المرء الجميل من ماضيه بين الفينة والاخرى أتحفتنا بفرصه رائعه للذكريات اخوي محمد مجهود تشكر عليه جدا يعطيك العافية .. علي

هلابك اخوي علي

حلو باقي تلعبون الكيرم

تصدق عاد اني حصلتها للجوال ..

ما عليك الا انك تحملها عى الجوال وتلعب

الا وش معنى القعده

.. اخوك الكبير او اخوك الصغير ..؟؟

حياك الله يا علي

---------| عسيريه |---------

:

أصلح الله من ضيّع الحجز بتاعي وحذفه

حرآم أنا مآ أحجز كثير

يحذف الرد والا يجيك انذار

هلا جرح يشكي , حيّاك البآري ورده

إقتباس


	موضوع شيّق جداً , كويس عشان نعرف كُل منطقه وألعابها القديمه صرآحه الشي الوحيد [التراثي أو الشعبي ] اللّي الى الآن محتفظه فيه هي الألعآب الشعبيه أعشقهآ , وأحب أشوفهآ

من اسعد اللحظات اللي تمر علي .. هي جلوسي مع جدي الله يعطيه الصحه والعافيه

وخصوصاً اذا سحبته بـ الكلام عن ايام زمان ووش كانوا يلعبون

على سبيل المثال : يقول كنا تونا متعشين

.. وطالعين نمشي بعد العشا .. المهم يقول وصلنا الى الحديقه اللي قدام الشميسي

جلسوا فيها .. بعد شوي بدوا يتضاربون مع بعض ][ يمزحون ][

خويهم جلس في المستشفى 7 ايام

.. اتوقع ان اصدقاء جدي صعايده

إقتباس


	[ عكّل عكّل عكيلا ]

عسيريه

اتذكر عكٌل عكل عكيلا .. بس اللعبه ما اتذكرها

<=====@ بيروح يسأل اهله عنها

إقتباس


	جرح يشكي موضوع رهيب , ممتع وخفيف , مُناسب لجو الإجازه بآرك الله فيك ومره ثانيه تنحنح قبل ماتدخل على الحريم مع التحيه

حياك الله اختي عسيريه مصرقعه

. ،

شرفتي الموضوع اختي عسيريه .. . شفت توقيعك وضاق صدري .. الله يرزقك براها .. والله يخليها لكم

اخوك محمد

ورده

---------| مواصل من عام 1413هـ

|---------

هلا بابو عابد

حياك الله يالغالي

عبدالله ذكرتني بـ قواطي البيبسي

كنا ايام الاختبارات نشتري كوره صغيره .. حقت التنس

ويالله ننقسم فريقين .. الفريق اللي يطرح القوطي ينحاش والفريق الثاني يحقونهم .. اللي يصقعونه بـ الكوره يخسر

اقول ابو عابد على طاري الفشل وين سالم هههههههههههههههههههه

حياك الله يالغالي مره ثانيه

---------| متابعه بصمت |---------

اقول لو انك متابعه بـ الصوت والصوره وش كان سويتي بعد

هذا وانتي متابعه بصمت صوت زعاق المجلس واصل لـ حد الجمهور

بعدين بيني وبينك انا استبعد انكِ عشتي مرحله طفوله

عشان كذا جاتك مرحله الطفوله متأخره .. وصار اللي صار في المجلس بسببك

امزح

هلابك متابعه .. ما شاء الله عليك في كل موضوع اشوف لك بصمه

حياكِ الله

اخوك محمد

ورده
||-------------------------||

وخلصت الصفحه الاولى

ღ MiLaN4eVeR ღ · #8 06/07/2008, 12:04 AM

الله يعافيك اخوي على الموضوع المميز
و الكيرم ذبح اصبعي الاوسط و قررت اعتزاله بس موضوعك شكله بيرجعني له
مشكور .,

هلالي لي العز والفخر · #9 06/07/2008, 12:30 AM

الله يذكر ألعاب قبل والالعاب الشعبية بخير ياأني تذكرت يوم كنت ألعب مع عيااال خالي فتاحيه وردة باأيام الطفولة

أحسن الالعاب الشعبية الكيرم الى الحين ألعبهـــــــا ولاأنسى البودرة بعد

موضوع رائع ياالغالي ومميز ويذكرنا بتراثنا القديم

تحيااااتيوردهوردهورده

الســفيرة · #10 06/07/2008, 12:41 AM

مساء الخير

إقتباس


	" ويالله يالله مسكوني وكتفوني واخذ تهزيئ .. انت ما تعرف اتنحنح .. احم احم .. يا ولد .. قل اي شي اثاري عندنا ضيوف

افااا بعد هالعمر وماتنحنح

إقتباس


	في موضوعي هذا احاول ان اخلق جو مليئ بـ المرح .. بعيداً عن مواضيع لميس وطقتها .

والله صادق مليت من مواضيع المسلسلات التركية

إقتباس


	الكيرم

روووعة احبها مررة بس ليش اسمها لعبة الشيوخ ؟؟

انقهر لما وحدة ماتعرف وتضربهم بقوة يطيرون بحظني

إقتباس


	ثانياً

إقتباس


	طاق طاق طاقيه

افهم من كلامك عيال يلعبونها

انا ماتذكركنت العبها

إقتباس


	لعبة حيوان جماد ..

هاللعبة للحين العبها

ومع الاسف دايم تنتهي بهوشة لان اول وحدة تخلص الباقيات مايوقفون ويبدا الصراخ وتنتهي بتمزيق الاوراق

إقتباس


	خامساً : عسكري حرامي

في تشبهلها بنت ولد واب ،، اقل شي 4 يلعبونها وكلما زاد العدد تصير حماس اكثر

الولد يغمز للبنت ولما يشوفه الاب يجلده

في لعبة كنت احبها اسمها ثلج ماي ،، واحد يصير ثلج ويلحق الباقي الي يمسكه يتجمد مكانه الين يخلص عليهم كلهم ،، وممكن يجي واحد ماي يحرره لما يمسكه

جرح يشكي يعطيكـ العافية رجعنا الموضوع لايام حلوة

برايفت لعاشقة الزعيم

انتي ملاحظة ان هذي ثاني مرة انا وياك ننصك انذارات بنفس الموضوع

هلالي عاشق سامي · #11 06/07/2008, 12:44 AM

موضوع جميل ... والله انك ذكرتني بايام قديمة وجميلة

حتى ظلالي هلالي · #12 06/07/2008, 12:52 AM

اييييييييييييييييه يا جرحرح
مابقى من الــ ع ــمر قد مامضى

ذكرتنا بأيام زمااااااااااااااااااااااااااان

<< من كبرتس يالبزر

---------------

باك

والله يالكيرم

ياما لفيت اصبعي الوسطي بشاش على حسابهـ

مرهـ الوسطي واذا خرب رحت للاصبع اللي بجنب الكبير اللي لحالهـ

<< ابوكـ يالشرح

وأحسن شيء اذا مليتهـ بودرهـ

وطلعت بيضاء من كيرهـ

الصول ماغير طراخ طريخ من كثر مايفر

لاااااااااااااااهـ وإلا اذا اشتغلت السرقهـ

وجاكـ حرامي محترف

سرق الخمسينهـ

<< تراي ما أسرق بريأهـ

اقسم بالله يا واحد من عيال عمي يوم اننا نلعب كنا نوكل واحد يراقبهـ

السرقهـ عندهـ زي كيف الحال

يسرق ولا احد يحس فيهـ

أنا العابي :
1- المونوبولي

شارع بيكاديللي
فليت
ريجنت
وإلا نورثمبرلاند اللي مسمينهـ حنا طال عمرنا النوري

اختصار

وانت الغني إن كان معكـ مايفر

و بارك لين

واحسن شيء المحطات

وأقبح شيء اذا كان معكـ الشركات

الكهرب والماء

خخخخخخخخخخخخخـ عاد تدرون ان اخواني الصغار اليوم مطلعينهـا مدري وش عندهم
فلوسها متقطعهـ وأوراقها حوسهـ

إلا بيلعبون

2- عين سين صاد

هذي حلاتها بالمدرسة

اذا سوينا دائرهـ متماسكهـ وجلسنا نقول :
عين سين صاد يبدأ بحرف (ونقول اول حرف من اسم البنت اللي بتبدأ بالضرب على الرجلين

)

3- تلفون خربان
نجلس دائرة وأول وحدهـ تقول كلمهـ بإذن اللي جنبه
واللي جنبه تنقلهـ للي بعد
وآخر وحدهـ تقول الكلمه
اذا كانت صح خلاص
وإذا غلط نبدأ التحقيق

كل وحدهـ انتي وش قلتي لهذي
ليييييييين نآصل للي ناقلهـ الكلمهـ غلط

ونقول لهـ كلنا :
صلح تلفونكـ يابخيل .. يال للا لللا << ههههههـ نسيت الكمالهـ وقلت اللحن حقهـ

4- أونو

آآآآآآآآآآآآآآآآآآآآآآآآآهـ يا الآونو

للحين نلعبهـ بالمدارس

5- حدارجا بدارجا

اللعبهـ اللي تلعبنا جدتي

نجلس ونصف ايديننا عندهـ

وهي تبدا:
حدارجا بدارجا والحبهـ حبة اللولو ......................الخ << ماتورطت بالباقي أبد

بعدين اللي تآقف عندهـ تقول لهـ
قعس وإلا نمله ..؟!
<< عشان نوعيهـ القبصهـ

واذا قبصتهـ حب ايدهـ

ودخلهـ بجيبهـ

6- العاب اللحقهـ

واحد طش اثنين طش ثلاثهـ طش .............الخ......... طلق؟!
<< أنا امنية حياتي ادري ليه بالاخير نقول طلق؟! وش معناهـ

طبعا اللي يعد ذا هو اللي مغمض والاقين يهجون

وفيهـ غميمه

أحد يغم عيونهـ بطرحهـ وإلا شال
والثانين يهجون وهو يحلقهم وهو مغموم

فيهـ بعد
طب الجمل

هذي الله يسلمكـ لازم تنقلب الغرفهـ لسباق هجن

واحد واقف بأول الغرفهـ والثانين بآخرهـ
بعدين يقول : طب الجمل ..؟!
يردون عليهـ : طب

بعدين يطب عليهم ويلحقهم
بس هو يركض برجل وحدهـ والثانيهـ مرفوعهـ

وفيهـ
ثلج ماء

نص المجموعهـ اقالهم الثلج والنص الثاني الماء
مجموعه الثلج هم اللي يلحقون مجموعة الماء
ويطقونهم ويقولون ثلج

ويآقف الواحد بمكانهـ
لين يجي خوي له من مجموعهـ الماء ويقول لهـ ماء

بعدين يهج معهـ

قبل الختام :

ألا ليت الزمن يرجع ورى وإلا اليالي تدور
ويرجع وقتنا الأول وننعم في بساطتنا

زمان أول أحس إنه زمان فيه صدق شعور
نحب ونخلص النيه وتجمعنا محبتنا

زمن مافيه لاغيبه ولاحتى كلام زور
ياليته بس لو يرجع ونسترجع طفولتنا

صغار وقلوبنا بيضا تعيش بعالم محصور
ولانعرف أبد أغراب ماغير عيال حارتنا

صحيح صغار في التفكير لكن ماعلينا قصور
نخطط نكسر اللعبه وتسعدنا شقاوتنا

نروح المدرسه بدري ونضحك داخل الطابور
نحاول نزعج العالم بروحتنا وجيتنا

وعشان نأخر الحصه نخبي علبة الطبشور
نشاغب بس في الأخر تميزنا برائتنا

نحب الضحك والبهجة نحب ننط فوق السور
نفرفش ليه مانفرفش مدام الضحك عادتنا

ولكن دارت الأيام وبان الخافي المستور
وصار الهم متعلق على قمة سعادتنا

كبرنا وصارت الدنيا تصف احزاننا بالدور
وتهادينا الألم والهم غصب عن عين رغبتنا

تعبنا من بلاوينا أحد ضايق وأحد مقهور
وكلن غارق بهمه وبالآخر تشتتنا

وأنا ماقول غير إنه الا ليت الزمان يدور
ويرجع للورى فتره نعدل وضع عيشتنا

الله يصلحكـ يا مـ ح ـمد
فتحت علينا جروح

آآآآآآآآآآآآآآآآآآآآآآآآآآآآهـ يا زمان أول

أدري اني طولت
خلاص بضف ماي فيس

ورده

دانكن دونات · #13 06/07/2008, 12:55 AM

,,

هلا وغلا بــ محمد

إقتباس


	بين فتره وفتره .. اضغط على ايقونه " اضافة موضوع " ولما اوصل الى نص الموضوع اتردد وامسحه .. كله خوف ان ما اكتبه لا يرقى الى ذائقتكم .. لكن اليوم قررت بما لا يدع مجالاً للشك اني انزل الموضوع غصباً عن نفسي .. ورغماً عن انفي .. وترا بجلدك واتوطى ببطنك <======@ خش جو يزاعق على عمره

والله نفس الحالة يامحمد , انا إذا خلصت كتابة الموضوع امسحه كله

وارجع أفكر وش أكتب !!

والله الألعاب اللي إلى الان ماشي سوقها الكيرم واللي يتخبى ورى الجدار

ويعد من واحد إلى عشرة

الكيرم بصراحة نفس البلياردو في الفكرة لكن اصبعك راح تتورم

وبعض الناس يحطون دقيق عشان تروح معك وتزحلق الكيرم

,,

والله لو نرجع لأيام زمان بس يوم واحد راح تكفى الاجازة هذي والطفش

ولكن البلوت يوفي بالغرض

إقتباس


	وجه يضحك لـ هامور البورصه .. اهو ولعبة اللي دهورته .. ترافيان ووجه لـ لبى يور هيرت سالم مدمن البلياردوا

أمثلة من أرض الواقع

محمد الله يعطيك العافية وماقصرت بصراحة ..

موضوع شيق وجميل ..

أنتظرك في روم 108

دمت بود

القيصر رهيب · #14 06/07/2008, 01:01 AM

احم

يا هلا والغلا بالاخ محمد

في الحقيقه إنت جيتني وتو أخوي القعدهـ مرقعني كيرم

فلازم نرد عليكـ بعد الجوله

احم

ألا ليت الزمن يرجع
ورى ولا الليالي تعود
ويرجع وقتنا الاول
وننعم في بساطتنا

من الجميل أن يتذكر المرء الجميل من ماضيه بين الفينة والاخرى

أتحفتنا بفرصه رائعه للذكريات اخوي محمد

مجهود تشكر عليه جدا

يعطيك العافية

.. علي

عسيريه · #15 06/07/2008, 01:04 AM

:

:

أصلح الله من ضيّع الحجز بتاعي وحذفه

حرآم أنا مآ أحجز كثير

هلا جرح يشكي , حيّاك البآري ورده

موضوع شيّق جداً , كويس عشان نعرف كُل منطقه وألعابها القديمه

صرآحه الشي الوحيد [التراثي أو الشعبي ] اللّي الى الآن محتفظه فيه
هي الألعآب الشعبيه

أعشقهآ , وأحب أشوفهآ

قبل فتره سمعت ازعاج وضحك بالحوش وكآن الوقت بالعصر , قلت غريبه
من اللي يلعب بهالوقت .. ويوم طلعت برا لقيت امي تلعّب عيال أخواني
لعبه قديمه

وكل الشعب متحمس معها

لا أخفي عليك إني قمت ألعب معهم من الحمآس , وأنا العب وهم ويرددون
[ عكّل عكّل عكيلا ]

بعيداً عن البلاي ستيشن , وعن ترافيان والبلياردوا اللي طايحين فيه

وألعاب الأنترنت عموماً , إلا ان الألعاب الشعبيه أمتع وأجمل بالنسبه لي

وأأمن للأطفال , من المناظر المُخله بالآدآب اللي يرونهآ في الألعاب الألكترونيه الأخرى

لعبة فتاحية وردة << بالتاء عشان ماتطلع الـ ورده وأبتلش فيها

وأيضاً لعبة طاق طاق طاقيه وانسان حيوان جماد نبات و شرطي حرامي
مازلنا نلعبها في المدرسه

<~ بآقي بزران

ممتعه بصراحه هـ الألعاب

أيضاً لعبة [ الزقره ]

لعبة مره حلوه

لعبة الكيرم مازلنا الى الآن نحتفظ بطاولة الكيرم في بيتنا

لأن الوالد وأخوي من عشاقها

ألعاب شعبيه كثيره جداً رائعه وجميله وممتعه

كُل ماتذكرت لعبه بحطهآ هنآ
إن شاءالله

جرح يشكي

موضوع رهيب , ممتع وخفيف , مُناسب لجو الإجازه

بآرك الله فيك ومره ثانيه تنحنح قبل ماتدخل على الحريم

مع التحيه