//


يووووه طول الوقت وانا مبتسم وبي الصيحة وأنا أتذكر الألعاب


والله ياخي أول كنا نجتمع ونلعب مع بعض وننبسط الحين كل واحد ماسك لاب توبه ولازم تصارخ عليه عشان يسمعك <<< طربان


بس ياخي طاق طاقية ما هضمتها أبد أحس إنها باااايخة


نجي أول شي للكيرم وآآآآآه يالكيرم


ياما تقشع ظفر أصبعي الأوسط من كثر ما أشوت بهالمضراب بعنف

وقتها كنا نسمي السوداء فول والخشبية تميس والوردية مطبق لأنها أغلى شي


أحسن شي بالكيرم إذا مليتها بودرة وصار المضراب يتزحلق ويمشي بسرررررعة



....


لعبة إنسان حيوان


أعشق هاللعبة بشكل غير طبيعي وأذكر إني كنت مبددددددددددددع بحرف الكاف


كنعان , كلب , كرز , كورة , كوريا


ما تكمل خمس ثواني إلا وأنا قايل stoooooooop


.....


عسكري حرامي ويا حظ الجلاد

ياخي وناسة إذا صرت جلاد ومنقهر من الحرامي خصوصا إذا صار أخوك الكبير تلقاها فرصة للإنتقام


//

الله يذكر هالايام بالخير . . .

الكيرم . . . تفككت اصابعي


الالعاب الشعبية لها ذكريات خاصة عندما نرى التقنية تداهمنا وننسى ابسط الاشياء . . .


جرح يشكى شكرا على الموضوع الشيق

هلا جرح

الله على هالألعاب





الكيرم حلو بس مشكلتي العنابيه إذا جبتها

ماأجيب اللي وراها يعني لازم ارجعها وعلى هالحال

إقتباس لعبة حيوان جماد ..

بنت خالتي مشاء الله مره سريعه مايمديني اكتب نبات

الا هي موقفتنا ستوب ستوووب ماتسمعون فإذا جاء دورها

ننشب في حلقها قولي بسرعه لاتجهزين الإجابات موعلى كيفك

هالألعاب والله حلوه مو مثل الحين

جرح يشكي

مشكور على هالموضوع الحلو ورده

عوافي..

مرحبا بجرح يشكي ..

من جد موضوع خطييير مره جعلني أعود بذاكرتي للوراء >>صز أحسبه للأمام ..

أما الألعاب والله كثير أذكر منها ..

1- لعبة تلعب بتشبيك الأصابع .. يعني وحده تشبك أصابع يدينه بأصابع يدين الثانيه وهي تغني :
سي سي سي سي مي مي مي مي ,, لعبيني ولعبك ,, لا أكسر صوبعك>>ماعنده وقت ..
صوبعك من لولو .................>>نسيت هالمقطع يالله اللي يكمله له جائزه نكمل:

ماما عطتني كاس حليب ,, نومتني ع السرير ,, والسرير طوح طوح ,, مايخلي حد يروح ,, إلا صلاح ومراته >> عاد أدخل على الله ماعندي علم من هو صلاح ومن هي حرمته ..

2- لعبة تلعب بين شخصين :

الأول : كم بيض الحمام ..

الثاني : 1

الأول : ام ؟

الثاني : أجل كم ؟

الأول : 2

وهكذا دواليك .. ولازم السرعه عشان يخطي واحد منهم .


3- سكر مكر ..
كيفية اللعبة : كل واحد يصفق ايديه بيد الثانيه مره بالأمام مره فوق مره تحت >>أدوخ ع الشرح

ويغنون :

سكر مكر يم يم يم ,, ياكل يشرب هم هم هم ,, قال قيل سوف يقول ,, سكر مكر لم لم لم ..


4- ثلج ماء

5- شجرة نمله ..


6- واحد طش ,, والغاليه متابعه غلط عليتس ياعين ابوي .. تسذا تلعب اللعبه :

واحد طش
اثنين طش
ثلاثة طش
أربعة طش
خمسة طش
ستة طش
سبعه طش
ثمانية طش
تسعه طش
عشره بووو >> مهب طش


7- وهاذي لعبة صفين بنات قبال بعض يكونون بعيدين شوي ..

الصف الأول يجون متماسكين لم الصف الثاني ويقولون : صبحكم بالخير يالعمال العماليه ..

الصف الثاني يردون وهم ماشين قبالهم والأول راجعين على وراء : مسيكم بالخير يالعمال العماليه

الأول ((نفس الحركه يستمرون عليه)) : هل تعطون بنتكم يالعمال العماليه ؟

الثاني : ما نعطيكم هي إلا بألف وميه ..

الأول : ننزل على دياركم ونحطم أبوابك والحرم دواركم وهاذي عروستنا ويختارون وحده تصير العروسه >> ترى دايم يختاروني


8- لعبة يجتمعون فيها البنات ويسوون دائرة ويبسطون يديهم ع الأرض وتصير وحده الرئيسه تقول : طارت الطياره .. الباقي يرفعون يديهم ويقولون طارت .. وبعدين تقول طارت الدجاجة >>> طبعا ماتطير >> محل خلاف دائماً
المهم اللي ترفع يده تطلع براااا وهكذا دواليك , مره تجيب شي يطير ومره لا >>لعانه

9- السلالم والديبان >> ياكرهي لداب الطويل تسيف يسطي يرجعن للبداية وهم ..

وبقى كثير بس ما أذكرهن بالضبط ..

أن تسان تذكرت بجي مرتن ثانيه ..

عوافي جرح ..

مره استانست ..

يسلموو ورده

ماشاء الله تبارك الله و أنا كنت أظن أن الناس نسوا الألعاب القديمة .

عن نفسي لا أعرف إلا الــ XBOX فقط و لا أعرف غيرها.


شكراً لك جرح على هذا الموضوع الخفيف وزناً الكبير مادةً ، ثم شكراً على تبيين كم من الأعضاء لدينا يصح الوصف عنه أنه قديم.

إقتباس الرسالة الأصلية كتبت بواسطة اليزابيث هيرلي 6- واحد طش ,, والغاليه متابعه غلط عليتس ياعين ابوي .. تسذا تلعب اللعبه : واحد طش اثنين طش ثلاثة طش أربعة طش خمسة طش ستة طش سبعه طش ثمانية طش تسعه طش عشره بووو >> مهب طش

إقتباس الرسالة الأصلية كتبت بواسطة القاضي عن نفسي لا أعرف إلا الــ XBOX فقط و لا أعرف غيرها. .

مشكور أخ محمد (جرح يشكي)
الموضوع حلو وفرفوش ومسلي
يعطيك الف عافية ربي
انا احب لعبة الكيرم والضومنة
وأونو
والتي لازلت العبها الضومنة (ما اعرف اذا احد يعرفها او لا)
؟؟؟؟؟؟؟؟؟؟؟؟
تقبل مروري
تحياتيـ

هلا وغلا محمد..

اَاَاَاًاَهـ يالقهر..كلا لا تتحاكى قبل ما تنزل الموضوع..
الترجمه..
(لماذا لم تخبرني قبل ما تنزل الموضوع)

كان ودي افضفض قبل ما يكتبون الاعضاء شيء..

يالله بسم الله نبدا..

1-الكيرم..
كنت العبها كثير مع اولاد خالي ..وكان خالي يجلدنا جلد يبكي التيوس ..
لانه لابد يدخل الغرفه بكشّاف من البودره..
2_البلورى (الله واعلم لها اسم ثاني عندنا بس ناسيه)
3-سبع الحجر
هاتين اللعبتين لا تنتهي الا بفقش راس احد اللاعبين..

4-غميمه..
حلاة هاللعبه اذا كانوا معك صبايا..

5-انا الذيب باكلكم..
هذي اللعبه لها ذكرى تحيفه على قلبي..ولن انساها..



والله فيه العاب كثيره ..بس هاذي اللي تحضرني الان..
لي باك اذا جد جديد..



ابومشاري..
لاهنت خيوووو




سلااااااااااااااااااااااااااام

إقتباس الرسالة الأصلية كتبت بواسطة مواصل من عام 1413هـ أبوعبدالله بتقنعني إنك ما عشت الطفوله ولا لعبت وأنت صغير وفجأه دخلت عالم التكنولوجيا و لعبت xbox إلا أبوعبدالله على طاري الـ xbox كيفك مع لعبه hole3 - on line وش هو يوزرك

الحبيب سهران و مسهر الناس معه ،

من قال لك إنني لم ألعب في طفولتي !؟ أنا قلت أنا لا أعرف إلا XBox فقط حتى في طفولتي . أنا لست ممن يلعب مصاقيل و رن و الحبشة و بقية قائمة ألعاب القدماء التي يلعبونها في القرى و الهجر .

لا أعرف هذه اللعبة لأنني .. أو تدري بلاش .