.
.
بسم الله الرحمن الرحيم
.
.
الى حبيبتي ( جوري
) السلام عليكم ورحمه الله وبركاته
أما بعد :
اتمنى لك التوفيق والنجاح في ظل والديك الكرام اسمعي هذا الشعر من داخل اعماقي لك مني احلى تحيه * * * ملفوفه داخل هديه 
بوسه على النار مشويه * * * تهز الخد هزه قويه لاتنسي
K + J = Love حفظ مع تحيات
حبيبتك
خلود ^
^
^
^
^
^
^
عارفه انو اكثركم مو فاهم شي , وممكن بدايه الموضوع لحست عقولكم 
بس جايتكم في الحكي هذي رساله بعثتها ليا اخت صديقتي الصغيره , من طريقه الكلام فيها بانت براءه صاحبتها , طفله في الصف الثالث الابتدائي , تقول انها حبتني , من اول ماشافتني ومن يومتها وانا شنطتي ملايانه رسايل , كل يومين تبعث رساله شكل وشعروغزل . وتطوي طرف الرساله العلوي , وتكتب من برا لا تفتحيها << حركات ابتدائي ولمن افتحها القاها متفننه فيها مره تكتب بوووسه لك يااحلى جوري , ومره ثانيه تكتب انا وياك وبس والباقي خس , والمره الثالثه تكتب ليش فتحتيها لاتصيري ملقوفه << احراج 
في البدايه كنت استتفه الامر وما اهتم للرسايل , ومره مع مره صرت انتظرها بشغف << عشقتها البت خخخخخ لابجد كنت انتظرها لانها تذكرني بزمان وترجعني كم سنه ورا << ارحمينا ياللي عمرك 40 سنه 
الاطفال بطبيعتهم البريئه , وحبهم الطاهر الملائكي , يفكرونا باشياء مرت عليها سنوات وسنوات
ماننكر بانو الاجيال اتغيرت , وانو احنا لمن كنا بسنهم ماكنا بنعرف الحب والاشياء هذي الا بشكل
بسيط , وممكن كنا نستحي في اوقات كثيره نجهر بمشاعرنا او نحكي عن اللي نحبهم , فنكتفي برسم
القلوب اللي يخرج منها اسهم ودم ودمووع والشغلات هذي << عندها خبره
يا لله مع كل مره اقرأ فيها رسايل خلود يمر عليا شريط الابتدائي كامل , ايام كانت حلوه ..
كل شي كان حلو , تفكيرنا كان بريئ , جُل اهتماماتنا العابنا وكيف نختارها ..
.
.
@ منكم واليكم @
لميس ويحيى غزو العالم العربي بشكل كبير بقصه حبهم ( الهنديه ) , وماننكر انو الكثير اتأثر فيهم
والاكثر حريص على متابعهم , وانا هينا مو في مجال طرح التأييد او المعارضه لمتابعه مثل هذي
المسلسلات لانو كل واحد عقلو في راسو ويعرف خلاصو , لكن لمن يوصل ضرر واثر هذي المسلسلات
لاطفالنا او اخواننا الصغار فساعتها رح نقول لهم STOP ..
الكل يعرف تأثير القنوات الفضائيه على جميع شرائح المجتمع وبالاخص المراهقين والاطفال اللي هم
ارض خصبه لتلقي كل شي دون النظر لمدى سلبيته او ايجابيته , او لجهلهم باللي ينفعهم ويضرهم ..
انا زيي زي غيري باسمع بالغزو الفكري , بس ماكنت متوقعه انو هذا الغزو ممكن يوصل برضو للاطفال ..
لكن اللي اكد هذا الشي سؤال خلود ليا في مره من المرات لمن قالت ليا
جوري بتحبيني , انا قلت اكيد , قالت انا كمان احبك مووت , انا رديت عليها بمزحه ما اصدقك اثبتيلي ..
قالت كيف تبغي اثبتلك , قلت قوليلي قد ايش بتحبيني << توقعت انو ردها رح يكون زي رد اي بنت في عمرها
رد طفولي , جاء في بالي انها رح تقول احبك قد الدنيا وما فيها , او قد البحر وسمكاتو , لانو هذي العباراتين
هيا الابرز على شفاه الاطفال لمن بينسئلو عن الحب ..
اش تتوقعوا قالت
قالت احبك اكثر من حب لميس ليحيى
انا هينا بجد اتصدمت , يا الله طفله في ثالث ابتدائي بتتابع لميس ويحيى , وفاهمه طبيعه علاقتهم الحميميه
يعني احنا غلطانيين لمن بنقول عادي خلوهم يتابعوا اطفال ما بيفهموا !!!
.
.
@ بين يديكم @
* اش اول شي خطر في بالك لمن قريت رساله خلود ؟؟
* كنت ايام الابتدائي من اللي يحبو ويعشقو رسم القلوب والدم والاسهم والدمع << اعترف لنا بموقف ؟؟ * بصراحه بتسمح لاخوانك او اولادك بمتابعه مثل هذي المسلسلات ؟؟
ومضتي
اصدق انواع الحب حب الاطفال .. سلملم
الله يذكرك بالخير يا ايام الابتدائي 
الوضع العادي
