بعض مواقفي في المدرسة ..! <<\ ينصح بالدخول والمشاركة - نادي الهلال السعودي - شبكة الزعيم

GERRARD-8 · #1 02/07/2008, 12:49 AM

{ السلام عليكم ورحمة الله وبركاته }

{ مدخل ~

يامحلا المدرسة وايامه { ألا ياليت الزمان يعود شوي
ولا الليالي تعود ويرجع وقتنا الأول وننعم فيه .. ومدري وش بعد }

اكيد الكل تحصل له مواقف منهاالمحرجة , ومنها الطريفة , ومنها ووو ....
ولكن في الأخير تكون حلووة ..!

{ انا راح اذكر لكم بعض من مواقفي المدرسية

نبدأ بمادة الدين

وانا مع مادة التفسير شي عظببم
الفصل الدراسي الأول ما عندي درجات الواجب والفصل
الدراسي الثاني مفللها وفالها ....! بتعجبون شلون ؟....!

تعالوا اعلمكم

{ مرة كان الإستاد يصحح الدفاتر لأنه كان يجمع اربع واجبات مع بعض ثم(ن)
يصححها فـ مرة كان الإستاد قداام <<< الولد فالها ورا , الموهيم كان يصحح
ومنزل راسه يشوف الدفتر فـ مو معقول يشوفني وانا اتكلم وكان واحد قادمي
ع اليمين مربي قذلة لكن من ورا عاد انا قلت لـ خويي شووف ولد الـــــ عنده
ذيل ..

وفي ذي اللحظة الإستاد قزني ثم(ن) قال لـ خويي سعد وش يقول لك
ولد الـــــ والغبي قام يخرر علمه وش سوى من الصبح وقاله انا قلت ميد ولد
الــــــــ عنده ذيل فـ الإستاد ماسمع زين وقال انت عندك ذيل ميدي ...! .....!
انا انحرجت وسويت نفسي ما ادري عن شي

وقلت انا بكل براءة قلت لا

ثم(ن) قال لو ان اخوك ما درس هنا كاان خليتك عبرة لمن لا يعتبر هوووع }

{ الموقف الثاني كان مع استاد الجغرافيا استاد الجغرافيا ذا مفهي

فا انا دايم استهبل واقلد صوت سفتي الشرطة ومرة كنت ملتفت
لـ خويي اللي جنبي وخذيتها عاده وهو يسولف قلدت الصوت وبعدها
تغير وجه خويي اللي يخرر

طلع بني على عنابي على احمر وكوذيه
وانا قاعد اضحك عليه وبعدها ناظر فوقي ثم(ن) قلت في نفسي ان في شي
وانا القي نظرة إلى الأعلى فـ ارى الإستاد الكريم وبعدها ناظرني وقال انت
اللي تهبل بإستاد التاريخ << الشباب متعرفين ويشكون لـبعض هوووع هوع
هذا إستاد التاريخ مسوي ذيب وانا اذيب ودايم يجي الفصل ولا يدرسنا وفي الإختبارات
يجيب اسئلة ناااار

الموهيم لما كان يرتب اوراقه كنت اسولف مع خويي الخوار
<< هوايتي السوالف وبعدها شفتها يرتب الأوراق قلت في نفسي فرصة اهبل فيه ثم(ن) طلعت صوت الشرطة
هو مسكين على نياته مسوي ذيب يقعد شوي ويلتفت بسرعه يعني بيصيدني ثم(ن) خويي
الخوار يبي بيقلدني ويشوفه الإستاد ويطلع حرته فيه مسكيين خويي بعدها حرم يقلدني }

{ مخرج ~ الا ياليت الزمان ما يعود

{ هذي مقتطفات من مواقفي فـ ياليت تعطونا مقتطفات من مواقفكم ...!

{ والسلام عليكم ورحمة الله وبركاته

تقبلوا تحياتي

}

{ المصطلحات الغير معروفه
وكوذيه= زي كذا
ثم(ن) = ثمن
الموهيم = المهم
قزني = ناظرني
يخرر = يقول كل الكلام اللي عنده ويخاف على طول

اي أسئلة أخرى ؟؟ }