بسم الله الرحمن الرحيم

\

\

يجينا الفرج بكرا.. يا بنتي بس لا تبكين
أنا مااستحمل دموعك .. وهمساتك تبكيني

نشف دمعي على خدي يا بنتي من ثلاث سنين
وصارت كل آلامي تعيش وتلتحم فيني

يا بنتي احبسي دمعك دخيلك اكتميه اللحين
حرام الدمعة في عينك تعانق ماضي سنيني

تعالي واحظني فرحي .. وقولي للفرح أهلين
وخلي حزنك بقلبي .. دخيلك يابعـد عيني

أشوف الدنيا بعيونك .. وأشوف الفرحة بك يا زين
وأنا مالي سواك إنتِ .. وإنتِ شمعة تضويني

علام الهم في قلبك .. يابنتي ليه ماتحكين
أبيك تكسري همك وأنا أمك قولي حاكيني

يايمـه حالتي صعبة أنا.. والفقر صرنا أخوين
أعيش بظلمة همومي وألاقي الهم يكويني

معاقة يمه من صغري .. معاقة تشتكي حق مين
مدام إن البشر تنظر لحالي بعطف يعميني

أناظر هالبشر وأسال ..أنا وش موقعي اللحيــن؟؟
وش اللي يميز الأعمى عن اللي شوفهم زيني

فقيرة حظ يا يمـه وحالي تعمي العينين
من اللي يعشق ويهوى معاقة حظها شيني

سألتيني وش أتمنى يايمه منيتي شيئين
يكون الفرح أولهم بعدها تعيش رجليني

أنا ودي ومنى عيني يكون لجسمي بس رجلين
تساعدني على برّك .. وبرّك غايتي وديني

يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني

تلاقين الفرح مظلم ونور الحزن وسط العين
وألاقي الهم والحسرة وسَمْهَا الوقت بجبيني

معاقة يمه قوليلي علامك ساكتة تبكين
كلامي أزعجك أدري .. وأدري الدمع يشكيني

دخيلك يمـه لي رجوة مدامك قادرة تكفين
أبي لي لعبة يا يمه تكون الصادقة بعيني !!

طلبتك يمه هاتيلي عروسة مالها رجلين
وأبيها تكون في كرسي .. ( معاقة ) مثلي ترثيني؟؟

\

\

عجبتني القصيدهـ بالرغم من اقتحامها للمشاعر بتيار شديد من الحزن ...

وأحببت أن أنقلها لكم ...

أخوگمـ : هـــــلالي لكن غــير

ِِِِ

الله يعطيك العافيه على الابيات الجميله والحزينه مبدع اخوي هلالي
وتقبل مروري

ابيات رائعه رغم شدة حزنها
شكرآ لك من القلب على هذه القصيده الرائعه
وهذا ليس بغريب على انسان مبدع مثلك
بانتظار المزيد من الابداع
تقبل خااااالص ودي وتقديري
اخـتـك حـــبـــ الــعـــيـــون ــــر

إهئ إهئ إهئ
لقد أحزنتني ياهذا
إهئ إهئ إهئ{{ترا مو قاعد اتطنز لا والله من جد

إقتباس الرسالة الأصلية كتبت بواسطة الامبراااطور الله يعطيك العافيه على الابيات الجميله والحزينه مبدع اخوي هلالي وتقبل مروري

ألف شكر لك أخوي الامبراطور ..


مبدع في ردكـُ

جُزيتَ خيرا

إقتباس الرسالة الأصلية كتبت بواسطة حبر العيون ابيات رائعه رغم شدة حزنها شكرآ لك من القلب على هذه القصيده الرائعه وهذا ليس بغريب على انسان مبدع مثلك بانتظار المزيد من الابداع تقبل خااااالص ودي وتقديري اخـتـك حـــبـــ الــعـــيـــون ــــر

حــبــ العيون ـــر


الف مليون شكر لكِ أختي على مرورك وتعطيركـ موضوعي ..

كما عودتيا بطلتك الجميلة

لكِ خالص ودي وإحترامي ..

إقتباس الرسالة الأصلية كتبت بواسطة @Dr.Adnan@ إهئ إهئ إهئ لقد أحزنتني ياهذا إهئ إهئ إهئ{{ترا مو قاعد اتطنز لا والله من جد

والله صدقت اقصيدهـ محزنة جدا جدا ..

الف شكر على المرور يا هدا وفوق الدال نقطة ..

مشور اخوي وماشاء الله على ذوقك في اختار المواضيع ومناقشه للاهم :
هذا هو حالهم بالفعل فقبل مده :
(زرت صديقتي معاقه وقالت جمله اثناء حديثها معي وهي مكتوب لي ان لااتزوج ولكن تزوجت الوظيفه )
صففت لها كلام ولكن في داخلها تاكيد لحالها ونظره المجتمع لها ...جاملتني ولكن في داخلها هم لايعرف المه الا من يعيش داخله ..
تقبل تحياتي وبالتوفيق لك .
اختك:عطر الصمت

يآلله قصيدة مبكيه

و الله اني خنقتني العبره وانا اقرهآ

الله يكون في عون اخوآنآ ذو الاحتيآجآت الخآصه

ويعوضهم في الدنيا و الاخره يارب

يعطيك الف عافيه اخوي ولا هنت

ننتظر جديدكـ
^ــ*

قصيدة رائعة رغم مابها من الحزن . . .

ليتنا ننظرلذوي الاحتياجات الخاصة بعين الانسان الصحيح . . .
لانجعلهم يحسونا بانهم عالة على غيرهم
الامثال كثيرة في من قهر الاعاقة في شتى المجالات وتفوق على الانسان الصحيح . . . كل هذا بفضل الارادة القوية والعزيمة الصادقة . . .

شكرا لتذكيرنا بمعاناة فئة غالية على قلوبنا


هلالي لكن غير شكرا

إقتباس الرسالة الأصلية كتبت بواسطة عطـــر الصمــــــت مشور اخوي وماشاء الله على ذوقك في اختار المواضيع ومناقشه للاهم : هذا هو حالهم بالفعل فقبل مده : (زرت صديقتي معاقه وقالت جمله اثناء حديثها معي وهي مكتوب لي ان لااتزوج ولكن تزوجت الوظيفه ) صففت لها كلام ولكن في داخلها تاكيد لحالها ونظره المجتمع لها ...جاملتني ولكن في داخلها هم لايعرف المه الا من يعيش داخله .. تقبل تحياتي وبالتوفيق لك . اختك:عطر الصمت

اختي عطر صمت جزيت خيرا على مرورك وردك

::::::::

يعطيك العافيه

القصيدة حزينة جداً ومؤثرة..

جزاك الله ألف خير أخوي هلالي لكن غير ..