30/06/2008, 03:18 PM
|
| زعيــم مميــز | | تاريخ التسجيل: 31/07/2007 المكان: يآربٌ .. منْ لي غيركٌ
مشاركات: 8,721
| |
يمه هاتيلي عروسة مالها رجلين !! ..وأبيها تكون في كرسي .. ( معاقة )..الخ بسم الله الرحمن الرحيم \ \ يجينا الفرج بكرا.. يا بنتي بس لا تبكين أنا مااستحمل دموعك .. وهمساتك تبكيني نشف دمعي على خدي يا بنتي من ثلاث سنين وصارت كل آلامي تعيش وتلتحم فيني يا بنتي احبسي دمعك دخيلك اكتميه اللحين حرام الدمعة في عينك تعانق ماضي سنيني تعالي واحظني فرحي .. وقولي للفرح أهلين وخلي حزنك بقلبي .. دخيلك يابعـد عيني أشوف الدنيا بعيونك .. وأشوف الفرحة بك يا زين وأنا مالي سواك إنتِ .. وإنتِ شمعة تضويني علام الهم في قلبك .. يابنتي ليه ماتحكين أبيك تكسري همك وأنا أمك قولي حاكيني يايمـه حالتي صعبة أنا.. والفقر صرنا أخوين أعيش بظلمة همومي وألاقي الهم يكويني معاقة يمه من صغري .. معاقة تشتكي حق مين مدام إن البشر تنظر لحالي بعطف يعميني أناظر هالبشر وأسال ..أنا وش موقعي اللحيــن؟؟ وش اللي يميز الأعمى عن اللي شوفهم زيني فقيرة حظ يا يمـه وحالي تعمي العينين من اللي يعشق ويهوى معاقة حظها شيني سألتيني وش أتمنى يايمه منيتي شيئين يكون الفرح أولهم بعدها تعيش رجليني أنا ودي ومنى عيني يكون لجسمي بس رجلين تساعدني على برّك .. وبرّك غايتي وديني يا ليت الناس ترحمني وترحم حالة المسكين ولا تجلس تناظرلي بنظره تجرح سنيني تلاقين الفرح مظلم ونور الحزن وسط العين وألاقي الهم والحسرة وسَمْهَا الوقت بجبيني معاقة يمه قوليلي علامك ساكتة تبكين كلامي أزعجك أدري .. وأدري الدمع يشكيني دخيلك يمـه لي رجوة مدامك قادرة تكفين أبي لي لعبة يا يمه تكون الصادقة بعيني !! طلبتك يمه هاتيلي عروسة مالها رجلين وأبيها تكون في كرسي .. ( معاقة ) مثلي ترثيني؟؟ \ \ عجبتني القصيدهـ بالرغم من اقتحامها للمشاعر بتيار شديد من الحزن ... وأحببت أن أنقلها لكم ... أخوگمـ : هـــــلالي لكن غــير
ِِِِ |