#1  
قديم 28/06/2008, 03:41 AM
موقوف
تاريخ التسجيل: 25/04/2008
المكان: أستراليـــــآ
مشاركات: 176
Thumbs up *·~-.¸¸,.-~* موسوعة أشعار الرئيس....الامير الشاعر ( عبدالرحمن بن مساعد ) *·~-.¸¸,.-~*

..


بسم اللهـ الرحمن الرحيم




سلام عليكم ..



في أول مواضيعي في شبكة الزعيم أحببت انشاء موسوعهـ لرئيسنا الأمير / عبدالرحمن بن مساعد (ربي يحفظهـ )






أكثر مايتميز به رئيسنا هو الشعر ..


فكلنا يعرف بأنه من أكبر الشعراء المعاصرين ..




حبيتـ أنشئ هذه الموسوعه واللي عنده زود لا يبخل ..







مقدمه بسيطهـ عن الشاعر







الاسم : عبدالرحمن بن مساعد


البلد : المملكة العربية السعودية



ولد في باريس وعاش في لبنان ..







القصائد ..









00( نبض الشوارع )00




ما غـدا للوقـت معنـى .. مابقـى للشعـر دافـع 000 ملّت الآمي حروفي .. ومل صدري مـن الضلـوع
غصت في أعماق روحي .. خذت نبض من الشوارع 000 يمكـن ألقـى أي معنـى يوقـد لشعـري الشمـوع
صرت اراقب كل ومضة .. وارخي للهمس المسامع 000 واحتـري قلـوبٍ تسافـر مـن قساهـا للخشـوع
ألتقيـت الظلـم لـذة فـي البشـر والعـدل ضايـع 000 وألتقيت مـن المشاعـر كـل صنـف وكـل نـوع
به قلوبٍ ياهـي تشقـى لـو يبـات الحقـد جايـع 000 وبه قلوبٍ لوهي تقـوى مابقـى فـي الدنيـا جـوع
وبـه عيـون فـي هدبهـا تسكـن الآم ومـواجـع 000 ومن سواد اليـأس فيهـا ماقـوت تـذرف دمـوع
به فقر مُدقـع يبكـي وبـه غنـا فاحـش ورائـع 000 به بخـل ظاهـر وشامـل بـه كـرم لكـن قنـوع
به بشر ينسـى صلفهـا ان كـل مـن راح راجـع 000 وبـه بشـر تنطـر اجلهـا ترتجـي ذاك الرجـوع
بـه مسلـي طـول ليلـة كـل مـا مـولاه مانـع 000 وبـه مصلـي ذاب ليلـه فـي سجـودة والركـوع
به كساد و به فسـاد و بـه طمـوح وبـه مطامـع 000 بـه بطالـة بـه سفالـة بـه مخـادع ومـخـدوع
به اسى غطى الحناجر به كـدر قضـى المضاجـع 000 بـه هـروبٍ للتطـرف والا لغـيـاب وهـجـوع
به دجل يملى الحواري بـه كـذوب فـي الجوامـع 000 طـوّل اللحيـة لسلطـة ماهـو سنـة والا طــوع
به نفـاق وفـاق حـده مالقـى فـي النـاس رادع 000 به صـدق موجـود لكـن مهمـل ومالـه شيـوع
به شعوبٍ ضـاع املهـا تكـره الفعـل المضـارع 000 تلقى في الماضـي عزاهـا امـا حاضرهـا يلـوع
بـه تعاسـة وانتكاسـة بــه ظــلامٍ مايمـانـع 000 يقتل اخـر ضـي فينـا وشمسنـا تنسـى الطلـوع
بـه كاءابـة بـه سحابـة غيثـهـا دم ومـدامـع 000 بـه مهانـة واستكانـة بـه مذلـة بـه خـضـوع
بـه ليـالٍ مـا تبالـي لــو تجيـنـا بالفـواجـع 000 والحـزن فيهـا مثالـي واصـلٍ ماهـو قـطـوع
وش بقى في العمر معنى وش بقـى للشعـر دافـع 000 وكل ما سالت حروفي ضاقـت بصـدري الضلـوع






...



00( مليتـ )00



قالت لي مليت..ودي بحد غيرك
جمع جروحك..لملم مشاويرك
واذا قضى صبرك..جرب صبر غيرك
لو اشغلك وعذبك طيفي..ابكي
واذا بكيت اكتب بدمعك شعر اشكي لمراسيلك
وبوعدك اذا صرخ جرحك ونادى..دمعتي تنزل عليك
بضحك على ايامي معك..واخذ على قلبي عهد مايخلص لغيرك
اعذرني..مليت
ماتبيني ملت الصدق المشاعر..يانور ايامي وسنيني اللي مضت
يالظلام اللي بيديني..مابقى فيني بقايا اتركيني
سل الحزن لغدرك خناجر ومالقاني فيني
وجرحي نادى..يامحاجر الدمع مايكفيني
ضاعت بداياتي..بقيت نهاياتي واسأل اجاباتي..هو أنا اخطيت
هو بقى في اللي بيجي ياليت..ماتت اجاباتي
قالت لي..مليت
يا اكثر جروحي الاخيرة..لو عرفتي اليوم قلب ودعك
يا آخر جروحي الكثيرة..ماعرفتي اليوم ما عاد اذكرك
وما اذكر من اللي مضى..الا غرامك والفراق
بعض اللقاء والاشتياق
وكل الاحاسيس الصغيره
يابرد عمري وياهجيره..تخطين لو يخطر في بالك
انك في بالي كل دقيقة..وانك خيالي والحقيقة
واني احبك مهما كنتي..يابرد عمري وزمهريرة
ان كان قلتي اني فقدتك..ماصدقتي
وان كان قلتي مانسيتك..ماصدقتي
لو عرفتي مااذكر من اللي مضالي الا انتي
وما اذكر من اللي مضى الا انتي
وما اذكر الا اني بكيت
وفي ليلة مافيها وفاء..قلتيلي مليت
يا انتي اخر أولي..لاتصدقي اني نسيت





...

00( صدق أو لا تصدق )00





صدّق أو لا تصدّق
كل ما تباعدت المسافة بين الرغيف والجوع
تلقى الفرح أصدق

صدّق أو لا تصدّق
لامن غدت كل المشاكل جوع الصغار وسقفٍ يداريهم قبل يصحى النهار
تلقى الشعور أعمق

صدّق أو لا تصدّق
كل ما انقفل درب انفتحت أبواب

صدّق أو لا تصدّق
لو فيه احد طيّب .. للطيبة أسباب

صدّق أو لا تصدّق
قليل من يعفي ويسامح .. كثير وده ينتقم
بس ينتظرله وقت سانح

صدّق أو لا تصدّق
القناعة كنز يفنى
ولو كل من ياخذ قنع .. وكل من ياكل شبع
كان الفرح غطى شوارعنا

صدّق أو لا تصدّق
كل النهايات البداية .. وأحلى البدايات النهاية
وكلنا رغم القساوة الظاهرة .. نبكي قدّام المراية

صدّق أو لا تصدّق
به مطوّل لحيته .. والثوب يلمس ركبته
وما قرا في الشهر آية

صدّق .. ان الشعر صدقه .. اعذبه
ودي احكيلك حكاية وقبلها ابغى لسؤالي اجوبة
المال هذا هو وسيلة والا غاية ؟!
لو ماهو غاية .. ليه الحروب ؟ .. ليه السلام اللي تمناه الشعوب ؟
ليه الحسد يملى القلوب ؟
وليه الفقير المُعدم الكادح .. بهجته تملى الملاح
لامن لقى ذاك الثري يعطي هاذيك المطربة مليون
وهذا الثري لامن سرى من حفلته .. وقفت سيارته عند الإشارة
وجاه شايب يطلبه .. الهم عاثي في وقاره
دق بـ اصابع مُتعبه .. على الشبّاك
قال : انا يا سدي مديون .. وانت الكريم
يحكون عنك في الجرايد .. وتقال في جودك قصايد
ويُقال انك للأرامل واليتامى عون
ما ابغى منك الا حاجة .. لبس الشتا لجل العيال
الله يسدد لك خطاك .. اعطني مما عطاك
واعتدل راعي الملايين الكثير في جلسته
وعقد حجاجه ثم قال :
ألا ما اثقلك واغباك .. ليه يا اخي ما تشتغل
انت كسول .. ومستغل
وطلّع من المحفظة فكّه .. رماها وقفل الشبّاك
ابغى لسؤالي اجوبة ...
ليه البر والتقوى .. مليان في جرايدنا ؟!
وليه هموم هالشارع ؟! .. بعيده عن قصايدنا ؟!
ليه الفساد .. ليه الكساد ؟!
وليه الحروب ؟! .. وليه الحسد مالي القلوب ؟!
وشهو الجواب ؟!
اتمنى انه مايكون المال هذا هو وسيلة ماهو غاية
هذي الكلمة النبيلة .. اخترعها أغنيا
لجل مسكين ٍ شقى .. يرضى بقليلة

وصدّق انت او لا تصدّق
ماني الشخص المثالي .. كل مافي الأمر اني شاعر ٍ ماهو يبالي
كان صار اللي اقوله علقم ٍ او صار حالي
كل مافي الأمر اني استريح .. لا مشابي مركبي عكس اتجاه الريح
وما ابرّي من الخطى نفسي ..
واللي اجاهربه مثل همسي
صدّق اني ماني الشخص المثالي
كل مافي الأمر اني اجمع احساس الحواري وسط صدري
وانقل الواقع لشعري
كل مافي الامر اني شاعر ٍ مطرود من جنة خيالي
صدّق اني ما قصدت اني اكون
صوت للي مايبون
صدّق اني ماني الشخص المثالي
والا تدري لا تصدّق






...





00( مايقول الشعر )00




مايقول الشعر .. من باله خلي

ومن نساه الهم لايطري القصيد

ماكتبت الشعر قصدي تزعلي

وان فرحتي فيه ما اقصد اكيد

حس يشعرني .. وضيقه تنجلي

ودار تسكني وانا عنها بعيد

واوصف العله لعاشق مبتلي

لاكساه الليل يلقابي عضيد

لالفوك الغيد عني اسئلي

تجري حروفي بهم مجري الوريد

من هوى هذاك وفلان وعلي

الوكاد انه عن اشعاري بعيد





...



00( البحر )00





على مدى الأيام .. كان البحر بالنسبه لي

هو البحر

رمل .. امواج..صخر

كان البحر بالنسبه لي بس البحر

وعلى مدى الايام ماقد لمس فيني المشاعر

الا ذاك اليوم.. يوم انك معي

يومها كان الوداع

وكان البحر دفتر والموج بيت من شعر

وبيتٍ ورا بيت وموجه ورا موجه

تكتب قصيده حبنا

وتمحي الجراح بجراح

ومثل الفرح في دنيتي كان الفجر

عمره قصير .. وبكل حب اهدى نسيمه وراح

وتشرق الشمس ..لجل الخلايق كلها تقرا

قصيده حبنا

ويومها ماكان للشمس اي نور

وبعض السبب كان الوداع

وباقي السبب انتي خذيتي .. من سماها النور

ولجل الصدق .. يومها كنت انتي الشمس

وكان البحر عينك .. ودموعك امواج الشعر

وخدك الدفتر

آه يالقى ماخذت من طبع البحر

..ماللبحر آخر

آه يالفراق .. ماخذت من ذوق الفجر

يمرنا عابر

وآه يالعيون الى انا منها عرفت

ان البحر دفتر وان القصيد امواج

وان الغرام شاعر






...



00( شهر )00



ياللي تحبيني شهر..ثم تجافيني شهر
ثم تحنيلي شهر..وتفكري كيف الرجوع كذا شهر
وترجعيلي في شهر
ماقد خطر في خاطرك ..ان السنة اثنعشر شهر
وقتي معك نصفه هموم
ونصفه الباقي اسى..ولو طبعك القاسي نسى
وبالصدفه جاء مره صباح..وكلمه منك فرحتني
لابد ما همس الجراح ..تسمعيني في المسا
ولو تعتب اجروحي عليك..وتشتكي منك اليك
بترجعي تحبي شهر..ثم تجافيني شهر
ثم تحنيلي في شهر..وتفكري كيف الرجوع كذا شهر
وترجعيلي في شهر..ولا يجي في خاطرك ان السنة اثنعشر شهر
اعذريني لو اقول ..حبك نسى معنى الفرح
اعذريني لو اقول ..وشلون يذكرنا الفـــرح
مادام اذا كنتي قريبه..كل تفكيري يكون
بعدك متى..والى بعدتي ابلا سبب
الاكيد بترجعي..بس الاكيد هذا متى؟
ولو تعب مني الصبر..ومل من صبري العذول
وقلت ياناس اسألوها ..الحب هو كله هجر
ردك يجيني في شهر..
قالوا تقول "ماينتظر ..بس يشتكي
يصبر علي..ترى السنة اثنعشر شهر






...


00( ما أظن )00



ماأظن الصبح .. يدري باليالي

وماأظن الليل يعنيه الصباح

وماأظن في يوم قد زارك خيالي

وماأظنك حاسباً عمري الى راح

ياقديم الظلم مافارقت بالي

ومافي بالك لي سوى هم وجراح

لو همومي تسعدك.. زد لاتبالي

ولو معي اخطيت اطلبك السماح

تبعد دروبك اذا اقبل وصالي

ولجلك دروبي يضيق بها البراح

رغم بعد البعد جرحك هو ظلالي

كنك الرامي وفرقاك الرماح

يالغرام السجن والسجان غالي

والسجين يخاف اطلاق الصراح

لو هو في الأوراق قدر الغصن عالي

بتاخذ الاوراق اقدار الرياح

للكسر غصنك وانا يمضي بي حالي

ولضمى اورقي خلق ربي قراح

بسبقك لصبح مليت الليالي

واتركك في لليل ناسيه الصباح




...


00( النظرة الخجولهـ )00




.. مـا سـألتـوا صـاحـب النظـرة الخجـولـة

! .. كيـف يـسـهـرنـي ولـه وجـهٍ صبـوح

! .. كيـف يظـلـمـني وله طـهـر الطـفـولـة

.. كيـف يـفـتـنـّي وهـو دايـم يــروح

.. وكيـف أنـا ألقـى ربـيـعه فـي فصـولـه

.. دام كـذبـه صـادق وصـدقــه مـــزوح

.. لـه صـفـاتٍ تـورد العـاشــق ذهـولـه

.. مسـتـكـيـن صـامـت وكـلـّه جـمــوح

.. أصـعـب الأشـيـاء و أكثـرهـا سهـولـه

.. أغـمـض الأشـيـاء و أكثـرهـا وضــوح

.. سهـل تـغـرم بـه وصـعـب إنك تنـولـه

.. غـامـضٍ طـبعـه وواضـح فـي الجـروح

.. أسـعـد بشـوفـه ولكـن مـا أطـولـه

.. كنّـي الـوادي وهـو أعـلى السـفـوح

.. يـبتـسـم لا مـنهـم عنّـي حكـوا لـه

.. ولا حكـوا لـي عنه أعـمـاقي تـنـوح

.. لـي بقـلبـه شـيٍ لكـن مـا يقـولـه

.. ولـه بـقـلبـي كـلّ و لكـنّـي أبــوح

.. كنّـه الغيـمـه و انـا أرجـي هطـولـه

.. مـا نـزل غـيثـه ولا بـرقـه يـلــوح

!! .. مـا عـرفـتـوا ليـش تسهـرني فعـولـه

!! .. وليـه يـسكـنّـي وهـو دايـم يــروح

.. هـو يـبـيـني بـسّ أطبـاعـه خجـولـه

.. ومـا يـبـيـني أغـفـا وهـو وجهـه صبـوح




...


00( تعاريف )00




الاقتصاد

ناس تزرع من فجر ربي 00
الين الشمس تغرب 00
وناس تصحى في العشا 00
تتولى تقسيم الحصاد 00
***

بغداد

حضارة شاهقه
وأمجاد 00
أقدار صلفه 00
وشعب يفاخر بنزفه 00
وتحتاج الحكايه لص 00
يصير الأقوى بالصدفه 00
ويكون القاضي والجلاد 00
وبحسن اعداد 00
وقدرة فائقه 00
في البطش والتنظيم 00
وبداعي خوفه 00
الأطماع 00 والتقسيم 00
والأنواء 00
يقسم شعبه لأجزاء00
جزء يعيش في المنفى00
وجزء ف عيشته منفى 00
ومواطنين 00
معززين مكرمين 00
مقرنين00
في الأصفاد 00
بغداد00
خبر لو أنها أنداد 00
مدينة 000بائها بوابة التاريخ
ودالها 00 دنيا من الأمجاد00
سنين صلفه00
وشعب يفاخر بنزفه 00
وتحتاج الحكاية لص 00
يصير الأقوى بالصدفه00
ويوطد حكمة الأوغاد00
!!بغداد
***

السجون

هي مكان 00
لعزل من يخرج على القانون
وان غدى القانون جائر 00
تصبح القضبان دنيا 00
تعزل الخارج عن المسجون 00
***

النفاق

رغم اختلافك00
تبقى آرائك00وآراء الذي تخشاه00
دايم في اتفاق00
أو نقول:هو انتمائك 00
كل فتره لانتماء00
أو نقول : هو ارتماء00
أو بمعنى آخر نقول : النفاق00
هروله صوب اليهود 00
وبكا على أطفال العراق 00
***

السراب

وهم ما هو ماء
لكن يعطي 00للظامي أمل00
احساس مفعم بالرجاء00
والسراب ينادي : يا ظامي تعال00
ما بقى الا خطوتين 00
وتنعم برشف الشراب00
أو بمعنى آخر 00
نقول : السراب00
الوعود اللي قطعها 00
المرشح للمرشح في انتخاب 00





...



00( ياكاعب )00



يا كاعب الطبع الفريد 000ياللي في صدقك تكذبي
يا أقدم الكيد الجديد 000 كيد انسجن منه نبي
يا جاريه تملك عبيد 000 يا مقيده تسبي سبي
القوه في ضعفك تبيد 000 وسلاحك الدمع اسكبي
ما يعجزك قاسي عنيد 000 الكهل يصبك بك صبي
ينصاد ويظن انه يصيد 000 ويصدقك هذا الغبي
ويظن انه الفذ الوحيد 000 ما يدري انك تلعبي
مسكين هالجاهل بليد 000 ظنك بوصله ترغبي
ان جاك اقفيني بعيد 000 وان صد عنك تقربي
وان شفتي اخلاصه يزيد 000 في حيرتك تتقلبي
وان بان لك فجأه سعيد 000 من هالسعاده تغضبي
وان قلتي عني لا تحيد 000 وطاوعك تستغربي
وان قلتي فراقك أريد 000 وغاب عنك تندبي
ياطالب الراي السديد 000 يا حاير بطبع الظبي
أقرب من حبال الوريد 000 وابعد من المجد الأبي
وأوضح من أنوار تقيد 000 واخفى من النمله دبي
الشك فيها الأكيد 000 وغموضها به تختبي
شف فعلها يحكي ويعيد 000 الغدر شيمة مذهبي
زادي النكد به استزيد 000 والمكر صافي مشربي
البعض ينصاني مجيد 000 والبعض يحبيلي حبي
ضعفي قوي وذلي عتيد 000 يا ليت اعرف مأربي
شف فعلها برجل شديد 000 تلقى طلبك ومطلبي
تعطيه بعض اللي يريد 000 وتاخذ جميع اللي تبي
أستثني من هذا القصيد 000 كل النساء بكوكبي




...


00( يوميات مواطن عربي )00




السبت 000

ديون 000 وأمراض 00 وكبت

الأحد 00

منذ اللحظه الأولى 00

والى الأبد 00

ينادي 00 ولا يسمعه أحد 00

الأثنين 00

القافلة تسير 00 لكن الى أين ؟؟

لا جواب يصدم 00 ولا كلاب تنبح 00

الثلاثاء 00

أصبح ثرياَ 00وازداد عدد الأثرياء

مات خمسه وأربعون مريضا 00

من ندرة الدواء 00

الاربعاء 00

احتفال 00 صاخب 00فاخر 00معطاء

شعر 00وفكر 00وولائم00

وخطابات وثناءات00

وجمع من الأدباء00

هو احتفال مكلف 00 ولا يكاد ينتهي 00

لكن ما يأتي به 00من سمعة00

جدير بالعناء00

قرية صغيرة هناك00أهلكت من وطأة الوباء 00

الخميس00

كل شيء سعره الى ارتفاع00

الا المواطن التعيس 00

قاتل الله 00 00 00 ابليس

الجمعة00

اجازه من مجتمع طيب السمعه 00

حكمة السبت
قل لكل من تخشى 000أصبت

حكمة الاحد

اذا طرقت الباب 00وقيل من ؟؟

قل: لا أحد

حكمة الأثنين

انظر بلا عينين00 واسمع بلا اذنين00

وانطلق بلا لسان 00 ولا شفتين 00

حكمة الثلاثاء

الثروه تاج على رؤوس الأثرياء00

لا يراه الا المرضى والفقراء00

حكمة الأربعاء

اللهم قني خير الأصدقاء00

حكمة الخميس

يقول الله سبحانه 00

وأخذنا الذين ظلموا بعذاب بئيس

حكمة الجمعة

العن الظلام 00لن يجدي أن تشعل شمعه




...


00( تعبت )00




.. تعبـت أنـزف جراحـي حبـر و أدور للألـم أسبـاب

.. لجـل أكتـب شـعـر يحكـي بعض أصغـر معاناتـي

.. قفـلت من الأسـى بابـي وسجنت الكون خلف البـاب

! .. وعـصـتني دمـعـٍة فيـهـا سـؤال لكـل اجاباتـي

.. مـلل أخبـار حسّـادي أحـد صـادق واحـد كـذاب

.. و أحـد مـا طـال تـجـريـحي و أحـد عـايش لزلاتـي

.. أنـا شـاعـر رغـم أنـف الحسـد والحقـد و الأحبـاب

.. و انـا يـا حاسـدي المسكـين بعيـد العيب عن ذاتـي

.. أنـا مـا زادنـي شعـري ولا زادتـنـي الألـقـاب

.. تجـي دنيـاي أو تدبـر عـزيـز فـ كـل حـالاتـي

.. أنـا فـرحـي لمِن حـولي وأيـامي فـدا الأصحـاب

.. قـصيـدي بـلسـم المجـروح ونبض النـاس أبياتـي

.. كسـرني قـلبـي المكسـور نادت دمعي الأهـداب

.. تعبـت أركـض ولا أوصـل ولاتـوصـلني غـاياتـي

.. أي ذلٍ يـغطـي الأرض لـك يــا رب يــا وهـاب

.. وابـي أحيـا جبـيـني فـوق مـا تمـلكني رغباتـي

.. من الدنيـا أنـا مابـي سوى عـفـو العلي التـواب

.. ويحسـن خـاتمـة فعـلي ويغـفـر لـي ضـلالاتـي

.. " أبمـلا العمر "بالتوبة" و "نوح" و "هود" و"الأحـزاب

.. متى كـانت سنيـني عمـر انـا عمري في ركعاتـي




...


00( الـشـاعـر الأول )00




قــرّر التـاجـر يـكـون الـشـاعـــر الأول

افرحـوا يـا اهـل القصيـد وجهـزّوا السـاحـه

سـهـلـّوا الأوزان لـ اجـل المـبـدع الأفضـل

بـعـد إرهـاق الـعـمـل يـحتـاج لـه راحـه

فـاضـي هـو يـوزن ؟ .. كـلامـه كامـل مـكـمّـل

يكـفـي انّـه لـ اجـلنـا يكـتـب عـن جـراحـه

الكـسـر فـاسـمـاعـكم وادراكـكـم يجـهـل

عـبقـريـه فـرحتـه والـفـن فـي نـواحــه

جـدّدي لـه يـا صحـافـه عـهـدك الأمـثـل

وارسـمـي الأشعـار صـحـرا وشعـره الواحـه

واكـتـبـي عـنـه العظـيـم الشـامـل الأشـمـل

كـان يـحـتـاج الشـعـر جـهـده واصـلاحـه

واسـألـي كـيـف ومـتـى وهـل كـان أو يعـقـل

! عـمـرنـا مـن غـيـره فكـره تكـمـل افـراحـه ؟

ويـن "نـوبـل" عـن قـلـم مـن أشـرق واشـعـل

ظـلـمـةٍ كـنـّا بـهـا أفـنـاهـا مـصبـاحـه

مـن يـقـول إن الشـعـر فـي وقـتنـا مـبـهـذل

سـعـرنـا عـقـب الـخسـايـر زادت اربـاحــه

لحّـنـوا الشـعـر البـديـع الأصعـب الأسـهـل

واعـرضـوه بكـل شـاشـه ليـل واصبـاحــه

وادفـعــوا للـي شـدا للـشـاعــر الأجـزل

مـبلـغ وقـدره "كـذا" يستـاهـل صيـاحــه

ابـشـروا يـا مطـربيـن الدفـتـر الأجـمـل

يكـفـي عـن مُـرّ السـؤال وذل إلحـاحــه

دفـتـرٍ فيـه القصـايـد تشتـري الأخـطـل

وعنتـر يضحّـي بعبلـه ويـرمـي سـلاحــه

دفـتـرٍ فيـه المـعـاني فـي الـيميـن اسـفـل

!! أقـوى أبيـاته : فـقـط لا غيـري فـي السـاحــه



...


00( مساء الخير )00




مساء الخير والاحسـاس والطيبة مسـاءٍ مـا يـليق إلا بأحبـابي

مساءٍ غير غصن لطير يحكي بـه عن اللي مـسكنه جفني وأهـدابي

هلا باللي أحـبه كثـر تعذيـبه وكثر ما هـو يغيب وكثر ترحابي

حبيبي هـو ولو ما قصّـر الغيبة ولـو عن بسمتي قد طـوّل غيابي

أعـرفه زيـن وأعيتني أسـاليبه عدوي يوم ويوم أقرب من أصحابي

مـلكني بين تـرغيبه وتـرهيبه يفـارقني وهـو واقف على بـابي

به الصادق به الغـارق بأكاذيبـه يبي بعـدي ودمعـه بـلّل ثـيابي

به القسـوة به الرقـة به الهيبـة به الضعف القوي به نشوة إغضابي

هلا باللي يصيب العطـر بالريب يقول العطـر أنا زايـل ويبقى بي

هلا باللي يقول الورد وش لي به؟ من المهـدى؟ أنـا أو هو لأطيابي

هلا باللي علي يقسى وأمـاريبه هلا باللي أبـد مـا لان لعتـابي

هلا باللي عجـزت ألقى عذاريبه هلا بـاللي تـحبه كل أسـبابي

مسـاءٍ فاق كل الشعـر ترحيبه بجيّة مـن سـكن قلبي وأهـدابي

مساءٍ فاض بالاحسـاس والطيبه مسـاءٍ مـا يليـق إلا بأحبـابي



...

00( لجل أوصلكـ )00



بافارق فراقك وبأخنق عبرتي
واجرح اضمادي وأسافر لك معك

بشد للماضي وأقدم ساعتي
وأعاند اعنادي وأقودك واتبعك
باجامل أحزاني وأجافي فرحتي
وأعادي خلاني واحبك وأخدعك
بصير أنا طبعك وأنتي طيبتي
وبيحزنك ضحكي..وأهلي بمدمعك
بسامر دموعي واعزي ضحكتي
وبهدي أنا ضلالي..ضلال ياسعك
بلبس أنا ِذلك.. وقيسي عزتي
وبتصيري ذنوبي وخيري بيطبعك
باحارب في ضعفي وافر في قوتي

والى رضختي لي لموتي بدفعك
ولجل القاء بارحل وتمضي رحلتي
والى حصل شوفك بكون مودعك
أببعد وأوصلك وبسبق خطوتي
وبنثرك فيني وأنسى أجمعك
بضم أنا هجرك في قربك وحدتي
وتدلك عيوني وقلبي مضيعك
وإذا اضلمت دنياي بطفي شمعتي
وإذا كثر زادي بجوع وبشبعك
شردتي رقادي وسمعتي نظرتي
وغمضت أنا عيوني لجل ما أسمعك
صرخت في سكوتي ولمستي صرختي
وقربتي وجهك لي لجل ما أصفعك
عند الحزن تثقل خطاكي دنيتي
وعند الفرح قالت خطاكي مسرعك
قصيدتي يكفي..غبية كذبتي
حبيبتي آسف بخونك ..بس معك





...

00( سيد جروحي )00



سيد جروحي شمس عمري وظلي
البعد طول والخطأ منك واضح

اذا غرورك يمنعك تعتذرلي
تعال جنبي وابتسم لي واسامح

تدري احبك لكن الموت ذلي
ادوس انا قلبي لو الشوق جامح

الله عطاك الحظ واصبحت خلي
والله عطاني اياك طاغى ملامح

سألتني يا ياسميني وفلــــــي
ياكيف يشفى الورد..والشوك جارح

مثل العيون اللي لها كل كلي
زايد حلاها لكن الدمع مالح

وش تنتظر يكفي دلال وتغلي
الوقت ماهو للوصل دوم سانح

مادمت ترحالك ومادمت حلي
ان صرت انا خسران ماصرت رابح

لا تعطي الفرصة لعذالنا اللي
لكل ماهو يهدم الحب طامح

مالك صبر عني ومالي تسلي
والوقت خيل صوب الاجال رامح

سيد جروحي شمس عمري وظلي
الحب بعد وقرب ..مخطي وصافح

اذا غرورك يمنعك تعتذرلي
لاتعتذرلي قول اسمي واسامح



...


00( البرواز )00


قلتيلي إنسى
ومن يومها وأنا كل ليلة قدامي البرواز
حبر العيون ودمع القلم في دفتري
وصورتك رغم الألم
ورغم إنها خذت من أطباعك كثير وخانت البرواز
أشوفها في خاطري
حبيبتي ما بيدي حيلة
لا صرتي الصورة وعيوني البرواز
وشلون ابنسى
أتعبتي الصورة مشاوير
وتعبت أنا بلقى لغدرك معاذير
وصورتك اللي سجنت بروازها طول السنين
كانت جسد وبروازها الروح
ويوم نزعت منه الجسد تجرحت أطرافها
وبجروحها راحت لمين .. لبروازها الثاني
مسكين .. بيسجنك ويبقى سجين
تشبه لك أقداره خانته
وصورتك يجي يوم وتخونه
حبيبتي .. أو للأسف حبيبته
لا صرتي الصورة وجفونه البرواز
وشلون ينسى
حبيبتي لأجل أنسى جرحك واستريح
بابكي .. وبعد البكى بابكي
واكيد في لحظة بتجي وبيجف دمعي
وعندها صورتك اللي في عيوني
بتعاف برواز الضمى
بتصير صحرا وهو سما
بتمرني الدمعة الأخيرة
تاخذ معاها صورتك وتطيح
وكني بهالدمعة سكين جرحها وجهي
وكني بالمسافة تطول ما بين عيني ودمعتي وخدي
وكني بقلب الحاير المسكين نبضه يقول
لا تودع الفرقى .. الدمع ما يرقى
وعندها لا نزلت الدمعة من الجرح الأخير
وفارقت وجهي أنا
بغمض عيوني وأكسر البرواز
وأكيد ابنسى



...


00( الحرامي )00



احترامي.. للحرامي
صاحب المجد العصامي
صبر مع حنكة وحيطة
وابتدا بسرقة بسيطة
وبعدها سرقة بسيطة
وبعدها تَعدى محيطه
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
صاحب النفس العفيفة
صاحب اليد النظيفة
جاب هالثروة المخيفة
من معاشه في الوظيفة
وصار في الصف الأمامي
احترامي.. للحرامي
احترامي.. للحرامي
صاحب المجد العصامي
يولي تطبيق النظام
أولوية واهتمام
ما يقرب للحرام
إلا في جنح الظلام
صار في الصف الأمامي
احترامي.. للحرامي
احترامي.. للحرامي
صاحب المجد العصامي
يسرق بهمة دؤوبة
يكدح ويملي جيوبه
يعرق ويرجي المثوبة
ما يخاف من العقوبة
صار في الصف الأمامي
احترامي.. للحرامي
احترامي.. للحرامي
صاحب المجد العصامي
صار يحكي في الفضا
عن نزاهة ما مضى
وكيف آمن بالقضا
وغير حقه ما ارتضى
صار في الصف الأمامي
احترامي.. للحرامي
احترامي للنكوص
عن قوانين ونصوص
احترامي للفساد
وأكل أموال العباد
والجشع والازدياد
والتحول في البلاد
من عمومي للخصوص
احترامي
للصوص






...


00( أخطيت )00



أنا مدري وش أحساسك

ومدري وش تظنيني

انا الصادق في عينك كنت

صرت الكاذب الخوان

انا اخطيت ما انكر ولافي عذر يكفيني

سوء اني احبك حيل واني دايماً انسان

انا ادري بمدى جرحك

وادري الحظ جافيني

يطول الوقت ما أخطي

واذا اخطيت كل شي بان

انا شفت الزهر مايل

وظنيته يناديني

قطفته يوم ضميته لقيته للأسف

ذبــلان

عرفت انك زهر عمري

عرفت انك بساتيني

وغيرك قيظ مايروى سراب يشقي العطشان

انا لو ماحصل ماكان وشو الى يدريني

بأنك ماسواك أنتى سكنتى القلب والوجدان

انا اسف على اعذاري

عجزت القي عذر فيني

يليق بغلطتي في حقك ويرجع كل شي كان

احبك كثر أخطائي

وادري انك تحبيني

وادري لو تفارقنا فلانقدر على النسيان

اذا تقوي على فراقي وبعدي عنك

خليني

انا مليت من دور الكراره

ولعبت الغفران

قليل العمر يالي انتي دموعك ماتساويني

حرام انه يضيع فراق هي من قلها الإحزان





...


00( فقير )00



فقير وعندي المال الكثير

فقير وملبسي غالي حرير

وياصاحبي الحافي الفقير

ابنشدك ابسئلك وشهو الحصير

وابسئلك وشلون انا امر وانهي

واذا حكيت قبل انتهي من كلمتي

يقاللي سم ويصير

ولاشكيت من غفلتي طول زمنها

يقاللي لاتشتكي ماخلقت الشكوى لأمير

وابسئلك وشلون انا مع كل ذا

!!!اقول عن نفسي فقير؟؟؟

ياصاحبي لاصار لضحكه ثمن

وصارو اصحابي كثيربس بثمن

والوفاء مابه وفاء الا بثمن

ابسئلك ماني فقير ؟؟؟

ولاصارت اقوالي حكم

ولاقالها غيري غدت .. حكي قديم

ابسئلك ماني فقير؟؟

ولاصرت انا مانيب انا

ولاغلطت قالو صحيح وكل شي اعمله يصبح عظيم

ابسئلك ياصاحبي ماني فقير؟

وياصاحبي ابنشدك لمن جفتني دنيتي

وابتدا الدرب الطويل الى ابد ماينتهي

وانتهي العز القديم وماكنت اظنه ينتهي

والموت بدد فرحتي .. وحطوني في قبر صغير

وحزنو علي وبكو هلي وناس من ربعي قليل

وارتاح من وجهي كثير

وبقيت وحدي في حيرتي مابه احد

لاطال عمرك ولاتحت امرك

ماغير انا وخوف ولحد وحساب قدامي عسير

وقتها ذكرت اني من زمان

يوم انه امهلني الزمان

هذا ظلمت هذا جرحت ياما كذبت

وذنوبي ماتحصي كثير

وقتها الا ندمت ونفسي كرهت

عرفت ان الله كبير وان الهلاك اصبح اكيد

واني انا مالي رجاء..ولاهروب من الدجاء

من الجحيم الا بأمل عندي وحيد

ان الله غفار ورحيم

ابسئلك ياصاحبي عني في وقتها

ماني فقير؟؟؟





...


00( اسأل الأعمى )00




اسئل الاعمى .. ان كان في نومه يشوف

ليه يصحى

واسئل الى مادرت عنه الهموم

الى درا ان العمر محدود

وان الفرح مهما اختفى.. موجود

اسئله ليه ينوم؟

وان جاوبوك اسئلني ليه حنا افترقنا

ياصاحبي مابه سبب لفراقنا

غير اننا جينا بزمن ماهو زمنا

ياصاحبي مابه سبب لفراقنا

غير اننا في حبنا عشنا الصدق

وفي وقتنا وشهو الصدق

في وقتنا لجل القاء تكذب

ولجل تاصل ماتبي تكذب

ياصاحبي خذها من جرحي نصيحه

كانك تبي تاصل ؟ اكذب .. اكذب .. اكذب

الصدق في وقتنا اصبح فضيحه

في وقتنا دايم تهيم في شي ماتعرف مداه

دايم تهيم فلي بعد عن سكتك

والي زهد في محبتك

والي فيدك ومتحمل جروحك معك

مايهمك تنساه

ولو تقتله مايالمك وبقدامك تاطاء على دماه

ياصاحبي وقتنا في اوله ضيعنا اولا القبلتين

وفي آخره الله اعلم وش بيبقى

في وقتنا صار الغدر شيٍ عظيم

والوفاء ماظنتي ان كان بتدور بتلقى

ياصاحبي في وقتنا اطول مسافه ممكنه

تمشيها بين النقطتين

الخط المستقيم

ياصاحبي في وقتنا وقت الالم

من يسمعك مهما حكيت

من ينصفك مهما شكيت

منهو الى مايضحك اذا ذلتك دنياك وبكيت

ياصاحبي في وقتنا

ماللمشاعر ناس

ياصاحبي في وقتنا لبعض القلوب احساس

ياصاحبي في وقتنا وقت الكلام

وقل الفعل لامات احد وانتقل لعلا رفيق

من طيبنا نحزن عليه

نصلي عليه

ناصل معه للمقبره

وفي المقبره غير الدعاء وقولت الله يرحمه

مابه كلام وندفنه .. ولادفناه نبكي

بدون دموع او بدموع

المهم بعد مانبكي نتركه ونروح

وتلقانا نقول مسكين يافلان مسكين

من دنيتك وش الى خذيت؟

وبعد باب المقبره بشبرين

واقل من الدقيقه لامن دخل فينا الزحام

من طيبنا نضحك ونسمع اغنيه

لجل نتسلي في الطريق بين المقبره والبيت

ياربي سبحانك يالي تجير من العذاب

قلوبنا وش صابها ؟

في وقت غدا بين الحياه والموت

وبين البكاء والضحك

شبرين ودقيقه وباب

ويدنا الي قد حثت في وجه ميتنا التراب

هي نفسها الى بعد شبرين واقل من الدقيقه

اختارت شريط وحطته لجل تقتل طول المسافه

بين المقبره والبيت

ياصاحبي في وقتنا احسن كثير

من بعضنا

في المقبره على الاقل ميت وندري

المشكله متنا ولالحين ماندري

ياصاحبي في وقتنا ضاع احترام الموت

في وقتنا حكينا ما اكثره

وللأسف كل الحكي من غير صوت

وان كان به فم صدق

وسمحو يحكي بصوت مانسمعه

ياصاحبي قدامنا كان اختيارين

يانجاري وقتنا ونكذب ونخدع نفسنا

يانفترق لان الفراق في وقتنا

هـــو الـــصــدق

افــتــرقــنــا

ياصاحبي كانك تشك في اسباب الفراق

دور لك اعمى واذا صحى اسئله

ان كان في نومه يشوف ليه صحي

وليه أفترقنا




...


00( سألتها )00



سألتها ليه البحر ساكن عيونك
جاوبتني للغرق
سألتها ليه السواد اللي في عيونك
قالت للأرق
سألتها ليه الخدود
قالت عبق
سألتها هي رقتك مثل النسايم و الورود
قالت لي لأ يمكن أرق
سألتها عن حسنها كنه يقول ماللشعر فيني حدود
قالت صدق
سألتها يا اغلى الأنام .. وشو الغرام ؟؟
قالت لي انك ما تنام .. و أوهام

و تنتظر شمس اللقا و ما تجي شمس اللقا
ومشوار ما يعرف وصول
و لحظه بها كل الفصول
و قلب واحد يحترق
و بعض الصدق
و وقت عصيب و يتبعه وقت عصيب
و لين يتعدى الصباح
و جراح تدمى لو تطيب
و في الأخير .. خل عن خل افترق
و في الأخير كل النهايات الفراق
ما في فرص
مافي نهايات بلقا إلا في خيالات القصص
سألتها وش هو الوفا ؟؟
قالت كفى .. النور من ضيي اختفى
و الليل في عيوني غفى
اترك كثير الأسئله .. اسأل عن عيوني و كفى
اسألني ليه البحر ساكن عيونك ؟؟
ليه السواد اللي في عيونك ؟؟
سألتها جاوبتني للغرق .. للأرق
سألتا عن حسنها كنه يقول
ماللألم فيني حدود
قالت صدق ...




...


00( رسالة إلى : حبيبتهـ )00




انـه امـامـي..الـعـاشـق الاصـدق

في صـمـتـه الـمـدوي.. يـبـثـنـي شـكـواه

انـه يـحـب .. وحـبـه في هـذه الـدنـيـا

هــو الأصـــدق

انـه امـامـي .. يـالـهـا من نـظـرة حـزيـنـه

تـحـجـب الـنـهـار.. تـطـل من عـيـنـيـه

يـا لـهـا من وجـنـت في دمـعـتـه

يـقـرأ في مـلامـحـها الـضـيـاع

كـأنـها بـحـار قـد انـسـي الـعـوم

ومن حـولـه تـنـهـد الـمـوج

ولايـرى مــرســاه

انـه امـامـي سـأت في طـبـاعـه.. الطـباع

لا يـقـبل اللـوم .. يـبـكي على ليلاه

انـه امـامـي يـالـهـا من قـصـةٍ حـزيـنـه

تـطـل من عـيـنـيـه

تـطـل من عـيــنـه تـلـك.. سـنـيـنـه الـعـجـاف

والــذكــرى

وتـلـك الـتي احـبـها.. سـنـيـن

تـلـك الـتي رمـت بـه في الـبـحر

ومـع غـيـره ركـبـت سـفـيـنـه

وتـركـت لـه الـمـجـداف للـذكــرى

أحــمـــق

يـالـه من احـمـق هـذا الـذي امـامـي

الـعـاشـق الاصــداق

لـها هـذه الـرسـالـه

لـمـن عـلـمـتـه الـصـبـر والـغضـب

لـها لـعـلها تـلـقى من الاحـساس مايكـفي

لـكــي تـرثـي حــالــه

لـهـا لـعـلـها تـعـلـم انـه ان ادبرت

او اقـبـلـت هـالك .. هــالــك

لامـحــالـــه

لمن علمته الصبر كتبت هذه الرساله

كتبتها القيتها في ماء هذا الغاضب الازرق

في الـــبـــحــر

كتبتها كي انقذ الاصدق

هذا الذى امامي العاشق الاصدق

كتبت في الرساله. تحياتي حبيبته سلامي

انه امامي .. لهو من المتاعب مايكفي لكي يعشق

فأجرحيه بأن تريحيها .. لهو روحٍ ابت الا على يديك ان تزهق

فقتليه بالرحيل .. او تعالي وازهقيها

لمن يحب كتبت هذه الرساله

فعلت ماعلي كتبتها.. القيتها

في ماء هذا الغاصب الازرق

في البحر

كتبتها كي انقذ الاصدق

هذا الذي امامي العاشق الاصدق

ياصاحب لا اعرفه في الشاطئ الاخر

لربما ستلقي ماكتبت

لربما ستقرأ الرساله

اقرأ من الاخر .. ان كنت تعرف من يحب

خذها لها .. وقل لها ان الذي امامي

لا.. لا.. لا

ياصاحباً لااعرفه مزق الرساله

مزق الرساله واضحك على المأساة

اضحك على المأساة

عرفت من امامي .. انها المرأه



...


00( عجب عجاب )00




عجب عجاب .. طيبة قلبها أبيض سحاب

أخلاقها مامثلها .. أخلاقها

أخلاقها تنتظر عشاقها

ومايجون

ياهي جريحه طيبه .. لكن جريحه

عجب عجاب

وسيم أنيق شاب .. كسبه حلال مشروع ماجرب الجوع

ناجح مركزه مرموق

ورغم هذا الحزن ساكن عيونه

ماتت امه .. وحبيبته كانت

تــخـــونـــه

عجب عجاب كثر الفقر ماله

كلاً يبي قربه ورضاه

رغباته قوانين وزلاته صواب

الناس حوله من شمال ومن يمين

يأمر يــطــاع

الدول تحسب حسابه

والكل يخشاه ويهابه

لاكن مريض ياعذابه

ممنوع يأكل لو أكل جايز يموت

عجب عجاب

مرتاح الضمير لاسرق لاظلم لاحسد

عنده قليل أصحاب

قلبه كبير بيته صغير

والمرض عن صحته بعيد

عنده ثلاث اطفال

أحمد وايمان ويزيد وامهم

وكثر السماء يحبهم

لاكن فقير مالقاء لصوته مسامع

مايملك الا طيبته وملح المدامع

ولو مادفع مبلغ حقير

ينطرد هو والعيال وامهم في الشوارع

عجب عجاب

عبقري في الطب ملحد

عجب عجاب

شاعر عظيم داخله فارغ

عجب عجاب أمير كذاب

عجب عجاب ملايين البشر

تعبد بقر

عجب عجاب

ماتصلي فرضها وتلبس حجاب

ياصاحبي عطني يقينك والظنون

؟..من ودك تكون




...


00( أمــي )00



اسألو دمي ..وسعادتي وهمي
اسألو التوفيق..والكدر والضيق
اسألو الطيب في صفاتي..والدعاء اللي في صلاتي
واسألو شهودي..الدموع اللي في سجودي
اسألوهم..واسألو دمي ..عن غلا أمي





...


00( تدرين وأدري )00




تدرين وادري بنفترق

وتدرين قلبي بيحترق

حنا اتفقنا بكل شي .. الا الزمن

عيا الزمن لانتفق

ولاتزعل .. لو نفترق

قلبك خلي .. وقلبي انا اللي بيحترق

ياوردة في كل الفصول .. يافرح عيا ل يطوال

قولي واقول

ان كان عندك لي حلول

يافرحة القلب الحزين .. الوقت يمر

ومالك عذر

كأنك تبن ننسى العمر ..ننسى السنين..

ونذوب في حب وحنين

تدرين وش سر الحكايه؟ الوقت يمر

ولكل شي لابد نهايه

وحنا قربنا من النهايه

ومالك عذر .. يابسمه الثغر الخجول

ان كان عندك لي حلول

وان كان ودك نتفق

والا ترانا بنفترق

ولا تزعلي لو نفترق

قلبك خلي .. وقلبي انا اللي بيحترق

ياحب يادنيا جديدة

يااحلى ابيات القصيدة

ان كان جرحي ماكفى .. انزف لك جروح جديده

وان كان شعري ماوفى .. انسى الحكي وانسى القصيدة

يااحلى ايام العمر .. كثر الحكي وش بيفيد

مابقى عندي صبر .. والجرح في قلبي يزيد

مالك عذر..يابسمة الثغر الخجول

ماأظن عندك لي حلول

وماأظن ودك نتفق

واحنا ترانا بنفترق

ولا تزعلي لو نفترق

قلبك خلي .. وقلبي انا اللي بيحترق



...


00( دخــــون )00



ضيعتى عدلك.. هو فيه مثلك..ياللي الحسن ظلك
ليه العطر
وانتي انفاسك دخون
وليه الكحل
وانتي ماغيرك عيون
وليه تفكيرك يكون
انك تكوني دايم اجمل
انتي اجمل
من جمالك
من دلالك
من خيالك
ياللي كل افراح قلبي والحزن
في المسافة بين فرقاك ووصالك
وليه يالقلب الحنون
تاخذك فيني الظنون
ضيعتي عدلك..هو فيه مثلك..انتي ماغيرك عيون
وانا احبك .. وانتي انفاسك دخون
ياللي احبك..ليه احبك؟
او ليه ماحبك..وانتي علمتيني ان الحب كله اسئله ما تنتهي
ليه ما احبك وانتي علمتيني ان الحب لا غدا لمثلك ابد ماينتهي
ياللي علمتك عذابي والهجر..ليه ما احبك
ياللي علمتك تكوني..في ضعف ضعفك..اقوى مني
يا انتي ضحكاتك تغني..وابتساماتك شعر
يانتي ضحكاتك تغني..وكل ما شفتك اصر
انك اجمل من جمالك..من خيالك..من دلالك
على حبك انا..بقفل ابوابي
وبطيوفك انا..باسقي اهدابي
يا انتي..يا انتي احبابي
تصدقين..تصدقين..صدقي
قلبي لكي وحدك..صدقي
ماقوى على بعدك دقايق..بس دقايق
ياظلي .. يا داري
يا اجمل..افكاري..تظلمني لوتقولي اني عاشق..بس عاشق
ياللي وحدك تسمعي صمتي وكلامي
ياللي ضيك..اتعب همومي وظلامي..صدقي اللي في قلبي لكي
اكبر افكار من القصيد والحكي
تصدقي انك اجمل في عيوني من جمالك من خيالك من دلالك
لا يالقلب الحنون لا تاخذك فيني الظنون




...


00( بهو فندق )00



بهـو فنـدق .. بلد غربـي .. في فصل الصيف

.. على ميعـاد أو صـدفـة .. جمـع أجـنـاس مخـتلفه

.. ولا فيهـم أحد وافـق .. أحد ثاني على تعريـف للمنطـق

.. بهـو فنـدق .. فيـه النـاس مكـتظـّه

.. فـخـامـة تكـسـي الجَنبـات

.. نـادل يحمـل الطـلبـات .. على أوانـي من فضـه

.. هنـا تجـّار يحكـوا أسهـم وسنـدات

.. هنـا سمـسـار .. هنـا شـاعـر .. هنـا بنيـّات

.. هنـا فلكـي .. هنـا لاعـب كـره بـارع

.. هنـا فنـان .. هنـا مـتعهـد السهـرات

.. هنـا يحكوا عن الأوضـه .. هنـا يحكوا عن المـوضـه

!! .. هنـا يحكـوا عن السـادات

.. وبركـنٍ ماهـو للصـفـوة .. بجـنب البـاب

.. كرسييـن .. حـوار يدور بين اثنيـن حيـل اصحـاب

.. مـلامـحهـم تودي يـم شـرق أوسـط

.. وهيئتهـم وحالتهـم .. بسيطـه أو بعد أبسـط

شـفّ سـايـح من اليابان .. يداعـب آلة التصوير

.. يغـازل آلة التصوير

.. سـايـح هذا يـا غلبـان ؟

.. هذا السـايـح البارح .. كانت صورته تحكـي

.. في صـدر الصفحـة الأولـى

.. يقولوا خـامس أغنـى شخص في العالـم

.. وأظـن إنه .. وربـي وحـده العالـم

.. جمـع هالمـال والثروة .. من استيـراد أو تصديـر

.. نسى الكاميرا على الكرسـي

.. لا يـا شيـخ .. مثل هـذول .. ما ينسـوا

صدّقنـي نسى الكاميرا على الكرسـي

.. لا والله .. رجـع خذهـا

ظـنـك وينهـو رايـح ؟

.. أكيـد يـزور لـه متحـف

سخيـف .. وهـوايتـه أسخـف

.. شـفـه مسـتنـي يـمّ البـاب

.. وش ينتظـر ؟

! ... أظـنـه ينتظـر تكسـي

! .. ركـب تكسـي

أقـول عدنان : فاخـر حيـل هـالفنـجـان

.. خـذ شـايـك قبـل يبـرد

أقـول أحمـد : هـذاك هنـاك .. هـو منهـو؟

أي واحـد ؟

.. هـذاك اللي معه واجـد

.. تخطـرف إنت أو عميـان

.. هـذاك فـلان

.. هـذاك اللي كـلامـه منتـهى الحكمـه

.. وجـوده مثل غيـث السـحـب

.. هـذاك اللي لأجـله ترخـص أيامـك

.. وتقـضـي النـحـب

.. هـذاك اللي يهينـك وانت تتلقـى

إهـانات بصـدر ٍ رحـب

هـذاك اللي شـعـورك نحـوه مبيّـن

.. مـزيـج من الـولا والحـب

.. هـذاك اللي اذا لا قـدّر الله راح

.. يغطـي حـزنـك الدنيـا

!!............. وتهـمـس .. راح ابـن الـ

كـذا يـا أحمـد .. ؟ -

شـايفنـي أنـا منـافـق

.. انـا مسـمـع ولا أوافـق

تظـن إني بقـلـب أسـود .. كـذا يـا أحمـد ؟

.. لا تزعـل أنـا آسـف .. أنـا آسـف

.. تـرى الدعـوه سـوالـف

.. شـف هـذا خفيـف دم .. ويعطـونـه

! يعطـونـه

.. يعطـونـه

.. ويـرجـع باكـر لهذا .. يقـطـّع ذاك

.. ويشـرشـح أصـله وفصـله .. بخـفّـة دم

ويعطـونـه ؟

.. يعطـونـه

.. ويرجـع الأخيـر .. ضـاحـك على هـذا وعلى هـذا

! أقـول أحمـد : ظنـك هـو رصيـده كـم

.. دقيـقـة صـمـت .. فرضهـا جيّـة النـادل

.. يشـيـل الشـاي

.. ويقـول إن العصـير اللي يبـونـه لحظتيـن وجـاي

.. شـفّ الشـاعـر

.. هـذيك الحـلـوه تضـحـك لـه

..؟أي واحـد

.. شـفـه واقـف .. يوقـع دفـتر لطـفـلـه

.. تخيّـل يـاخي يقـولـوا

.. بإنه يشتـري شـعـره من الشـاعـر

!.. اللي الشـاعـر المشهـور يكـتب لـه

.. يـا حـظـه .. وسيـم ومشهـور

.. يـاليتنـي أكـون مثلـه

.. قـوم نتصـور معـه

! نقـوم نتصـور معـه ؟

مـابـاقـي سـوى هـذي

.. نكبّـر راس هـالمـغـرور

.. خـفيـف انـت .. وغبـي أحمـد

.. ودايـم فيـك هـالعـلـّه

.. أقـول عدنـان .. ترى صايـر طـويـل لسـان

.. أحمـد يـاخـي لا تـزعـل .. ترانـا اخـوان

.. تعـوّذ بـس مـن الشيـطـان

.. وانـا آسـف .. وتـرى الـدعـوه سـوالـف

.. فخـمـه حيـل هـالكـيـسـان

.. اشـرب .. لا تـزوّدهـا

.. ترى يبـيـن عليـك تعبـان

.. شـف مـو هـذي صـاحبتـك ؟

.. هـلا والله .. إلا والله صـاحبتـي

.. تـدري ..؟ تـمـوت هـي فينـي

.. يـا رجـال .. خـلـّينـي

.. خـادعـتـك .. تراهـا والله خـادعـتـك

.. أقـول أحمـد : عشـان انسـرقـت فـلـوسـك

.. مـن زبـيـدة

.. صـرت تشـوف كـل وحـده .. هـي زبـيـدة

.. يـا عدنـان .. خـادعـتـك

.. أنـا قصـدي لمـصـلحتـك

.. شـفهـا تكـلم الـرجـال

.. أي رجـال ! .. أخـوهـا ذاك

.. يـا عـدنـان .. خـادعـتـك

.. أقـولك مـاتبـي غيـري

.. يـا عـدنـان .. طـع شـوري

.. مشـاعـرهـا .. وهـم .. كـذبـه

.. أحمـد .. احتـرم نـفسـك

.. أفـا عـدنـان .. تـمـد يـدك علي

.. وهـذي السبّـه

.. صـفـعـه دوّت بـركـنٍ

.. قـريـبٍ مـن هـل الـصـفـوه

.. عـراك في بهـو فـنـدق

.. جـمـع أجـنـاس مخـتلفـه

.. مـافيهـم أحـد وافـق أحـد ثـاني

.. عـلى تعريـف للمنطـق

خـارج صـالـة الـفنـدق .. شـرطيّيـن

.. يقـودوا بالحديـد اثنيـن

مـلامحهـم تـودي .. يـم شـرق أوسـط

.. وهـيئتهـم .. بسيطـه أو بعـد أبسـط

.. كـانـوا أصحـاب

.. في داخـل بهـو فنـدق .. بـلـد غربـي

.. فـي فصـل الـصيـف




...



00( تجاعيد )00





تجاعيد

في وجه الزمن صاروا

تجاعبد

رماهم حزنهم اوراق

خريف وعاث بالعاشق

عطاهم الأمل لحظات

ورسم أوقات الآلام

وللذكرى مواعيد

وتجاعيد

في وجه الزمن صاروا

تجاعيد


جروح تؤلم الإيلام

عذاب يضج باستفهام

متى قد كانت الدنيا مع العاشق؟

متى قد كانت أعظم خاتمة للحب

ماهي افراق

هذا طبها الأيام

كذوبة كانت الأحلام

بالتأكيد

تفاؤل زاد في الإغراق

وصدق بهجته عشاق

خذلهم..بدل ضحكهم تنهيد

وتجاعيد

في وجه الزمن صاروا

تجاعيد





...



00( الـصـبـر )00




الصبر...مالي انا الا الصبر

الغدر...وشلون جاء منها الغدر

ياقلب ابي منك العذر

انا ما هقيت ان الفجر يقدر يخون وقت الفجر

وان السنين تقدر تمر ابلا عمر

لا ماهقيت ان الوفاء في قلبها ماله قدر

واني انا محتاج مني الصبر

ياقلب ابي منك العذر..وان مارضيت مالي جدى كود الصبر

ياجرحي في كل الدهر فارقت انا الدنيا

ياطعنة وسط الظهر لابد انا انساك

بنسى ان كل اللي راح..بنسى الفرح لجل الجراح

بنسى قصيدي والشعر..بنسى سنيني والعمر

مع الهجر يمكن في يوم اسلى

وان ماسليت او ما نسيت

منك العذر..مالي جدوى كود الصبر

ياللي خذلتي مدمعي..ان كان ودك ترجعي

عندي طلب..لاترجعي

ياللي خذلتي مدمعي ..وتنسي السعادة والفرح

وتتعذبي وبعد العذاب تتعذري




...




00( قالوا : ترى )00




قالوا ترى مالك امل في قربها لو يوم

ابعد وجنب دربها ..هذا هو المقسوم

قلت اتركوني واسكتوا..خلو العتب واللوم

قدني غرقت في بحرها..ولاعاد يفيد العوم

قالوا ترى في حبها ويل ..واسى..واهموم

قلت ان قتلني حبها ..حسبي تقول مرحوم

قالوا انسى ذكرها..منتب بها ملزوم

قلت ابشروا ياعذلين..بنسى لذيذ النوم

قالوا بتلقى غيرها..واترك هواها اليوم

قلت العفو ياحسدين ..ما ابدل القمر بنجوم

قالوا لغيرك حبها..قلت الجواب مفهوم

دام انها متهنيه..وشلون اصير محروم

بقضي الليالي انتظر..صابر على المقسوم

متعلق بطرف الأمل .. يمكن يجيني نوم

قالوا ترى مالك امل ..في حبها لو يوم

ابعد وجنب دربها..وهذا هو المقسوم





...



00( مــردخــاي )00




سمعتوا قصة مرخاي

من زمان قالوا لأخوكم مردخاي

"مردخاي هذا زمانك جاي"

شفت هالخوان قاتلهم..خذ أرضهم..اهدم منازل بعضهم..وشردهم

غير معالم ارضهم..واطمس ملامحهم ..فرقهم وتصير سيدهم
وامسك بتلمودك ودينك..وبعثر مبادئهم

وبعد ماتزرع بذور الحقد فيما بينهم..وتحصد مشاعرهم
قد ماتقدر حيد اكبرهم..رد له كامل حقوقه

واعزف على اوتار فرقتهم
واضرب أغناهم بافقرهم

حاربهم بهم..واشعل معاركهم
وبعد مايستنزفوا قوة بعض

خذ مابقى منهم ..وفاوضهم
فاوضهم على الفتات

واذا عطوك حق الفتات..رجع لهم ربعه
وســــــالمـــهم

هذي قصة مردخاي سيد الزمان الجاي
عــــاجبــــكـم





...


00( رحــــــــــل )00




رحـل أشـتـاق لـجـراحـه

رحــل

أشــتـاق لـجـراحـي... رحــل

يـحـق لـه طـيـبـتـي مـاتـحـتـمـل

قـلـيـلـه في وقـت الـهـمـوم

مـاكنت اعـتـب او الـوم

يـحـق لـه مـايـحـتـمـل .. هـذا الـمـلـل

اسـدلت أيـام لـعـنـاده

حـبـيـتـه في قـربـه .. وبـعـاده

مـتـعـبـه هـذي الـسـعـاده

رحـل أشـتـاق لـجـراحـه

رحــــل





...


00( تـحـضـنـه )00




تحضنه لجل تضحك للي وراه

وماهمها لو شافها .. غايته اسمى كثير من العتاب ومن الغضب

تحضنه وفي بالها .. ذاك الى اعطاها الرقم

في ليلهٍ كان النهار.. فيها بقايا سكرته

وللأسف انه نسي يكتب لها

كم غرفته

تحضنه وفي يدها ساعه ذهب

كان اشترها لها البارحه

لجل تعرف كم مساحه غرفته




...




00( أنا شـــــاعــــر )00




أنا شاعر رغم أنف الحسد

والحقد والأحباب

وأنا ياحسدي المسكين بعيد العيب عن ذاتي

أنا مازادني شعري ولا زادتني الألقاب

تجي دنياي أو تدبر عزيز في كل حالاتي

أنا فرحي لمن حولي وأيامي فدى الأصحاب

قصيدي بلسم المجروح ونبض الناس أبيات







...



00( مــذهــلــهـ )00



مُذهلة .. !
ماهي بس قصة حسن ...
رغم ان الحسن فيها بحد ذاته .. مشكلة

مُذهلة ..
كل شي فيها طبيعي .. ومو طبيعي
أجمل من الأخيلة
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

مُذهلة ..
تملأك بالأسئلة ..
هي ممكنة والا محال ..؟!
هي أمر واقع .. أو خيال ؟!
هو سهلها صعب المنال .. ؟
أو صعبها تستسهله !

مُذهلة ..
تملأك بالأسئلة ..
ليه كل معجز مر هذا الكون .. فيها له صلة ؟؟
ليه كل شي فيها تظن انك تعرفه .. تجهله !؟
ليه كل (لا معقول) فيها ورغم هذا تعقله !؟
طيبها .. قسوة جفاها ..
ضحكها .. هيبة بكاها ..
روحها .. حدة ذكاها ..
تملأك بالأسئلة ..
مُذهلة ..

يا بدايات المحبة ..
يا نهايات الوله ..
كيف قلبي ما احبه ؟
وانتي قلبك صار له !
يا أعذب من الأمنيات ..
يا عالم من الأغنيات ..
يا أجمل الشعر البديع ..
من آخره لين أوله ..
ما راودتك الاسئلة ؟!
ليه عمري ما لقى لبرده دفى ..
الا دفاك ِ !
ليه قلبي ما بدقاته عزف لحد ٍ ..
سواك ِ !
ليه أنا عيني تشوف وماتشوف ..
الا بهاك ِ !

يا أجمل من الأخيلة ..
هذا جواب الأسئلة ..
كي تكوني من حنيني ..
وبس فيني .. ومو بدوني مُذهلة...









.....









هذا اللي قدرت عليه واذا فيه زيادهـ بضيفهم ..



اللي عندهـ لا يبخل ..



يستاهل أبو مساعد ..




..

اخر تعديل كان بواسطة » لـــذة غـــرام في يوم » 29/06/2008 عند الساعة » 04:23 PM
اضافة رد مع اقتباس
  #2  
قديم 28/06/2008, 04:07 AM
زعيــم متواصــل
تاريخ التسجيل: 27/05/2008
مشاركات: 85
يا سلام عليك والله جت في وقتها
تسلم اخوي على هذا الابداع والتميز


تقبل مروري
اضافة رد مع اقتباس
  #3  
قديم 28/06/2008, 04:10 AM
الصورة الرمزية الخاصة بـ كـلـي رجـولـة
زعيــم مميــز
تاريخ التسجيل: 05/03/2003
المكان: السعوديـة
مشاركات: 1,646
ماشاء الله عليك
قمة في الروعة
الموضوع يستحق التثبيت
ولي عودة وعودة وعودة على الموضوع
تحيتي
اضافة رد مع اقتباس
  #4  
قديم 28/06/2008, 04:22 AM
الصورة الرمزية الخاصة بـ الامبراطورالهلالي
زعيــم مميــز
تاريخ التسجيل: 17/02/2008
المكان: الـــــرياض
مشاركات: 3,059
اللـــــه على الكلام


تســـــلم أخـــــــــــــــوووووووي


صح لســــــــــــــــــــانك
اضافة رد مع اقتباس
  #5  
قديم 28/06/2008, 04:24 AM
زعيــم مميــز
تاريخ التسجيل: 20/04/2007
مشاركات: 1,641
أنا شاعر رغم أنف الحسد

والحقد والأحباب

وأنا ياحسدي المسكين بعيد العيب عن ذاتي

أنا مازادني شعري ولا زادتني الألقاب

تجي دنياي أو تدبر عزيز في كل حالاتي

أنا فرحي لمن حولي وأيامي فدى الأصحاب

قصيدي بلسم المجروح ونبض الناس أبيات

***********

اي والله شاااااااااااااااعر وعن ألف شااااااااااااااااااعر

مشكوور خيوو عالموضووع الكووول
اضافة رد مع اقتباس
  #6  
قديم 28/06/2008, 04:33 AM
زعيــم جديــد
تاريخ التسجيل: 26/08/2007
مشاركات: 33
قــرّر التـاجـر يـكـون الـشـاعـــر الأول

افرحـوا يـا اهـل القصيـد وجهـزّوا السـاحـه



صورة مع ......... للشاعر منصور الشادي .
اجل صدفة ومن بين كل الناس
اضافة رد مع اقتباس
  #7  
قديم 28/06/2008, 05:04 AM
في انتظار تفعيل البريد من قبل العضو
تاريخ التسجيل: 13/03/2008
مشاركات: 594
يعطيك ألف عاافية عالجهد الجبااااااااار
والأكثر من رااااااااااااااائع

جميعنا كهلالين من حقنا أن نفخر ونعتز

بأن وراء الهلال هؤلاء الرجال

ومن حقنا أن نقوووول ونأكد بأننا نحن الزعماء

لأن من يقود السفينة الزرقاء حاليآ هو أميرنا الشاعر المذهل عبدالرحمن بن مساااااااااعد





لك خالص تحيااااااااااااااااتي
اضافة رد مع اقتباس
  #8  
قديم 28/06/2008, 05:34 AM
زعيــم متواصــل
تاريخ التسجيل: 02/05/2008
المكان: ح ـآئل .. !!
مشاركات: 118
لآ هنـت ..
والله يعطيك الع ـآفيه ..


اضافة رد مع اقتباس
  #9  
قديم 28/06/2008, 06:06 AM
زعيــم جديــد
تاريخ التسجيل: 15/02/2008
مشاركات: 6
يعطيك الف عافيه

والله قصائد قمة في الروعه

والله يحفظ شاعرنا عبدالرحمن بن مساعد
اضافة رد مع اقتباس
  #10  
قديم 28/06/2008, 06:48 AM
الصورة الرمزية الخاصة بـ Dr HiLaLi
زعيــم نشيــط
تاريخ التسجيل: 25/09/2007
المكان: الريـآَض
مشاركات: 823
يعطيك ألف عاافية عالجهد الجبااااااااار
والأكثر من رااااااااااااااائع

جميعنا كهلالين من حقنا أن نفخر ونعتز

بأن وراء الهلال هؤلاء الرجال

ومن حقنا أن نقوووول ونأكد بأننا نحن الزعماء

لأن من يقود السفينة الزرقاء حاليآ هو أميرنا الشاعر المذهل عبدالرحمن بن مساااااااااعد
اضافة رد مع اقتباس
  #11  
قديم 28/06/2008, 06:53 AM
زعيــم نشيــط
تاريخ التسجيل: 23/02/2008
المكان: في قلب الزعيم
مشاركات: 603
الله يعطيك العافية ،،،

شاعر رائع رأس نادي أروع ،،،

نتمنى له التوفيق والنجاح ،،،
اضافة رد مع اقتباس
  #12  
قديم 28/06/2008, 06:56 AM
الصورة الرمزية الخاصة بـ ((الزعيم الأزرق))
زعيــم مميــز
تاريخ التسجيل: 21/09/2007
المكان: شــواطــئ نــجـــد
مشاركات: 2,505
طيب هو ماله موقع على النت او منتدى

عشان نتعرف عليه اكثر
اضافة رد مع اقتباس
  #13  
قديم 28/06/2008, 09:39 AM
الصورة الرمزية الخاصة بـ يا(20)سر
عضو سابق في لجنة الفيديو والصوتيات
تاريخ التسجيل: 10/05/2006
المكان: H A I L
مشاركات: 8,790
يـعطيكـ الـعافـيه ,,,

والله يوووفقه بقيادة الزعيييم ,,,,
اضافة رد مع اقتباس
  #14  
قديم 28/06/2008, 10:37 AM
زعيــم نشيــط
تاريخ التسجيل: 05/10/2007
المكان: في قلب سامي
مشاركات: 942
يالبى قلبك ياعبدالرحمن بن مساعد صح لسانك
مشكوووور أخوي على الجهد الرائع منك
بتوفيق لزعيم آسيآآآآآآآآآ
اضافة رد مع اقتباس
  #15  
قديم 28/06/2008, 10:42 AM
زعيــم نشيــط
تاريخ التسجيل: 25/09/2007
مشاركات: 513
يا سلااااااااااااااااااااااام على هالكلمااات .., هذا الشعر ولا بلاااش

ان شاء الله عاد يكتب قصيدة في نادي الهلال

...................................................................................................
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:18 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube