السلام عليكم
أبشركم ياجماعه بعد محاولات كثيره تم إقناع الوالد بتغيير شريحتي الى موبايلي
بعد كذا لم أفوت الفرصه بتغيير شريحته الى موبايلي
اليكم السالفه:
قال الوالد الحين يوم انك تغير لموبايلي ليش مالها داعي
قلت يايبه الله يهديك تبي تدفع فاتورتي كل شهرين 1500 والا 600 ؟؟؟؟<<<ولو الولد عنده اسلوب اقناع
قال الحين بالاتصالات السعوديه تدفع 1500 وموبايلي 600؟؟؟
قلت ايه .... عاد عطيته المميزات لموبايلي
وعطيته حركات الاختلاس للاتصالات
وقلت : لا بعد فيه باقه اسمها باقة الموج الهلالي هاذي خذها ونم
قال والله بما انه اوفر حول
قلت وانت قال لا ماقتنعت بكلامك ولو اني عارف انك ماحولت لموبايلي الاعشان الهلال
<<<<<<<<<<<<طبعا الوالد الله يحفظه كان نصراوي متعصب قبل 15 سنه
وترك التشجيع بس كرهه للهلال لم يبتعد عنه بس يحاول انه مايوضح
ههههه لو تدرون بغ يقتلني يوم شريت فنيلة الهلال الاصليه رحت فيها 250ريال كفو والله
المهم نرجع ... قلت يايبه حولت للهلال وحولت لموبايلي
قال زين حولي حقتي بعد بس اقدر احطها غير الهلال<<<< والله ان التعصب لاعب فيه
قلت ايه فيه النصر بس المشكله انهم مع الهلال بنفس الباقه <<<<ماأعرف اكذب
قال اها بس يالله ضف وجهك هناك المهم دخلت فرع موبايلي
ونصيت اول مكتب قلت الله لايهينك اخوي ودي احول لكم
عاد عطاني وش لازم اسوي
والله بغيت اتشقق يوم حولت
الحين جت اللحظه الحاسمه ....
دقوا الاتصالات علي قال وش السبب ...
قلت عادي كأي مواطن هلالي يشوف النصب منكم ويحول..<<<كفو والله اني قوي
قال بس احنا مانصبنا على احد
قلت الحين وش تشجع ؟؟؟
قال بس بس بس عرفت ليش حولت عشان باقة الموج الهلالي <<<ازين مافي الاتصالات انهم عارفين ليه نحول
قلت الحين عندي رصيد والا لا قال ايه<<<<والله ولك وجه ترد
قلت ليش ماعلمتوني قال هاذي سياستنا
قلت لابوكم لابو سياسه عرفتوها
قال المفروض انك تعامل الناس باحترام <<<<زين يعرفون انه في شي اسمه احترام
قلت احترموا العملاء اول شي بعدين تعال كلمني عن الاحترام
اجل 18 دقيقه نصبر الى ما تردون
وموبايلي 2 ان طولوا وان رد قال اسف على التأخير
قال موبايلي عملائها قليل جدا
قلت لا ياحبيبي موبايلي لعملون بإخلاص
لكن بعض الناس لا...
وبدا عدا يبثر علي
قلت عمرك سمعت صوت القطار من موبايلي ؟؟؟
قال اي قطار؟؟؟
قلت اسمعه اجل وصكيت السماعه بوجهه <<<, ماينفع الا كذا
ورحت كلمت خالاتي وعيال خالتي وحولوا بـــ3 ايام
وكلمت كل اللي اعرفهم
واصبح العدد 30
قلتلهم مايحتاج اوصيكم لا دقوا عليكم <<<<<يقطع ابو الاجرام
وتم بحمد الله ركوب الأمواج الموبايليه لـــــ30 شخص
دمتم زعماء.....
الوضع العادي
