فيه اثنين شباب راحو على البحر يجلسون على الشاطئ معاهم عشاهم.وهم جالسين يتعشون جتهم عجوز كبيره في السن وقعدت تلقط الاكل المنثور على الارض وتأكل.ولمن شافوها قامو عليها وقالولها انتي جوعانه قالت انا هنا من الصبح وما اكلت شيء .جابني ولدي من الصبح وراح وخلاني وقاللي راح اجي اخدك بعد شوي .المهم جابو لها عشاء واتعشت,وبعد ما اتاخر الوقت شالو اغراضهم وحسو الشباب انو الوقت متأخر والجو بدأ يبرد ومايصير يتركون العجوز على الشاطئ لحالها في الليل وجا واحد من الشباب وقال لها عندك رقم ولدك نتصل عليه نخليه يجي ياخدك,قالت العجز ايه معي الرقم في ورقه ,ولما طلعت الورقه .
ايش تتوقعوا مكتوب فيها ؟؟؟؟؟؟؟؟؟؟؟؟
مكتوب(من يجد هذه المرأه يأخذها لدار العجزه ) انصعقو الشباب من المكتوب في الورقه وجلسو ساعه يترجون العجوز تمشي معاهم .ويحاولون فيها انها تمشي أي مكان تبيه هي يودونه عليها ,أكيد العجوز رفضت أنها تروح معاهم لأن ولدها وعدها إنه يجي يأخذها وتبي تستناه لما يجي,وكانت تقول ولدي راح يجي ياخذني وأنا راح استناه .
ماتدري المسكينه إن ولدها تنكر لها ورماها في الوقت اللي هي فيه محتاجه له.
المهم…..
راحوا الشباب عنها على أمل إن ولدها راح يجي يأخذها حسب وعده لها. في واحد من الشباب قعد يتقلب في الفراش وماقدر يرقد يفكر في مصير العجوز المسكينه وقام من فراشه وغير ملابسه وركب سيارته وراح للشاطىء,ولما وصل,شاف الإسعاف والشرطه والناس مجتمعين ودخل بينهم شاف العجوز قد فارقت الحياه.
ولما سألهم عن سبب وفاة العجوز قالو له أرتفع معها الضغط وماتت . ماتت من خوفها على ولدها يمكن يكون صار له شيء.
ماتت وهي تستنا ولدها يجي يأخذها,ماتت وهي بعيده عن أهلها.
الله يرحمها برحمته ويدخلها من أوسع أبواب جنته,أدعوا معي اميـن. أرجو من كل من يقرأ هذه القصه أن ينشرها لتكون موعظه لكل عاق لوالديه…..