استفسار ... لومينا SS - نادي الهلال السعودي - شبكة الزعيم

الهلالي 11 · #1 26/06/2008, 05:53 PM

هلا وغلا

حبايب فيه عندي استفسار

انا الحمد لله اللومينا اللي قد سالتكم عنها اخذتها

وربي يكتب الخير للجميع ... وبرزقكم كلكم السيارات اللي تبونها

بس عندي كم سؤال ...

فيه ناس قالولي ان مرات لو تعبي بنزين غير اللي يصلح للسيارة لازم تغير طرمبة البنزين !!

انا اعبيلها 95 وانا داخليا مو مقتنع بقصة 91 او 95 احسها ما تفرق واجد !!

يعني اقصد لو اعبيلها بنزين 91 ممكن يصير فيها شي !!

لان بصراحه ما شاء الله الـ اس اس سحب بنزين

والرخيص اكوس

وبصراحه ما شاء الله السيارة قوية ودعسه ماكينه صح

قالولي قبل ما اخذها انها خفيفة ما صدقت ... بس فعلا احسها خفيفة شوي

يعني اذا دعست لها لو ما كنت متحكم فيها تروح معك يمين ويسار

عموما السيارة قوية وكل كلام الناس قبل ما اخذها طلع كلام فاضي واشاعات ... كلام سوق على قولتهم

كل السيارات الجديدة احسها حظوظ ممكن يجي حظك بسيارة فيها مشكله .. لكن بالنهاية اي مشكلة الوكاله بتصلحها على الضمان

تحياتي للجميع ... اسف على الاطالة

ماي كار

شكرا لك يا غالي

My car · #2 27/06/2008, 03:43 AM

ياهلا وسهـلا ..

شف يالطيب .. البنزين .. صراحة سمعنـا تخاريف واجد وملينـا

بالنسبة لي أعرف شباب .. أحيانا يعبي نص 91 ونص 95

بس مواترهمـ تويوتا ..

والتويوتا مايحتـاج .. لو تبي تحط تراب بالتانكي يمشي معكـ --> لا عاد هذي قويهـ

بس شف ..

كاتلوج اللومينا بالدرج .. فيه معلومات عن البنزين الأفضـل للسيارهـ واذا ماحصلت شيء ..
متى ماصرت حول الوكالة .. مرهمـ وأسألهمـ عن البنزين ..

بالنسبة لي أتوقع لو تستمر على نوع واحد أفضـل .. سواء 91 أو 95 وهذا اللي انا ماشي عليه
اعبي 91 وماشي عليهـ ..

بالتوفيق .. وماسوينا إلا الواجب .. اي خدمات حاضرين .. ومبروكـ يالذيب ..

الهلالي 11 · #3 27/06/2008, 10:58 PM

هلا وغلا

يا شيخ والله انك تستاهل الاشراف على هالقسم ما شاء الله عليك

ما تسحب على احد ابد ... اي احد يبي خدمه تطلع على طول

سالت الوكاله ... اللي يقولي اكيد 95 احسن ...

وفيه واحد قالي لا تقعد كل شوي تعبي نوع ... شف وش اللي تبي وامشي عليه

وانا قلت لك من اول ما اخذتها وانا اعبي 95 وماني مقتنع احسهم الثنين نفس الشي

عموما شكرا لك

والله يوفق ويكتب الخير للجميع

كان هنا · #4 27/06/2008, 11:18 PM

آآلف مبروك يآلسمي ..
يعطيك من خيرهآ ويكفيك شرهآآ ..
آلوكآلة ينصحون بـ 95 .. ويقولون آلـ 91 موب مشكلة ..
بس خلك ع نوع وآحد .. وريح بآلك ..
و 95 آرخص هع ..
//
وحسك عينك تخليهآ تنزل عن آلربع ..
وبآلتوفيق يآ رب
ورده

10هلا10لي10 · #5 29/06/2008, 09:13 PM

والله انك صادق ان اعرف واحد شراها وباعها ولا يمدحها بشى خرطي

وعالم مسوي زحمه على اللومينا

وبانزين 91 يسبب اصوات في المكينه

انصحك تبيعها خربتها كثير