اخواني محبي الزعيم
طالعنا في الصحف اليوم بان الزعيم
سيعسكر في المنطقة الشرقية استعدادا
لمباراة القمة
بكل صاحه لا ارى اي داع لهذا المعسكر
ولا ادري مالغرض منه
ولماذا نحسس اللاعبين بانهم امام مباراة
مرعبه او انها امام فريق يستحق التحضير
والمعسكرات؟؟؟؟؟؟؟
اخواني (الاستقرار النفسي) اهم عامل من
عوامل النجاح
لماذا ناخذ اللاعبين ونبعدهم عن بيوتهم
واهلهم
والله انني لا ارى اي داع لهذا المعسكر
وصاحب الفكره ومن وافقوه يجب ان يعيدوا
النظر في هذا المعسكر الغريب والاول من نوعه
اتمنى من اخواني الاعتراض على معسكر الشرقية
وعدم اعطاء مباراة الكاس اهمية قد تنقلب على
اللاعبين
والله من وراء القصد

بالفعل عزيزي .. أوافقك الرأي ..

الغريب أن هالمعسكر خلفه مباراة واحدة فقط !! إذن لماذا الشحن النفسي والذهني!!

تعودنا بالهلال أن تكون المعسكرات بداية المسابقات ،، والغرض منه هو استعادة المخزون اللياقي ،، إضافة إلى تصفية الأجواء لبداية موسم شاق ،،

بالعكس بهذا المعسكر ربما تأتي العواقب مخيبة لاسمح الله ..

أتمنى منهم إلغاء الفكرة بتاتاً .. وإقتصار الفريق على التدريبات اليومية والتي تصبح على فترتين ( صباحية ،، مسائية) ..

انا معكم اشوف ان سلبياته راح تكون اكثر من ايجابياته هذا اذا كان فيه ايجابيات لهذا المعسكر؟؟

اما انا فأرى ان الفريق الهلالي لايحتاج الى معسكر وانما يحتاج الى بعض المباريات الوديه حتى لايبتعد عن اجواء المباريات كثيرا....
خصوصا انه ينتضر فريق لازال في جو المباريات ... فالابتعاد عن
جو المباريات يعود سلبا على الفريق .....

كل تمنياتي للزعيم بالتوفيق دائما,,,,,,,,,,,,,,,,

بالعكس مطلوب


1- لابعاد اللعبيين عن الملل


2- لا بد من اجراء مبارات ودية في هذه الفترة وبالدمام تحديدا وقد يكون منتخبنا للشباب هو اول الفرق التي سيلعب معها الهلال


3-جمهور الشرقية ما له رب؟؟؟؟ مبارة وحدة في السنة في الدمام ظلم لازم يكثرون من المعسكرات في الشرقية


4- يا خوي يا مخاوي البطولات المبارة الوحدة هذي اذا خسرناها خسرنا 22 مبارة يعني الموسم كله يروح علينا واعتقد انها اهم من اي بطولة خاصة ان الهلال لم يحصل عليها من اربع سنوات ‍‍‍‍



5-اخوي ازرق الازرق بيوتهم واهلهم مو في هذا الوفت وفت الاحتراف



أفضل خبر سمعته اليوم هو انهم بيجون للدمام يوم الاحد

المعسكرات الخارجيه قبل المباريات المهمه أسلوب فاشل..

والأمثله عديده ولكني سأسوق مثالين:

أولهما في موسم 1414هـ وقبل مباراتنا مع النصر في المربع الذهبي أقام الفريق معسكرا

لمدة عشر أيام في المنطقه الشرقيه وكانت النتيجه الخساره مستوى ونتيجه مع الأسف..!!

وثانيهما في موسم 1417هـ وبعد لقاء الذهاب في المربع مع النصر والتي كانت نتيجته

التعادل الأيجابي بهدفين.. اقامت الاداره النصراويه معسكرا لمدة أسبوع في المنطقه الشرقيه

كانت نتيجته خسارة الفريق في مبارة الأياب بثلاتة أهداف مقابل هدف وحيد.. بينما كان إعداد

الفريق الهلالي طبيعي جدا كاستعداده لأي مباراه..

لذا فالأفضل للفريق أن يكون الاعداد طبيعي مع إقامة مباريات وديه على حسب طلب المدرب..

ولا ننسى أن معظم لاعبي الهلال أصابهم الملل من معسكرات المنتخب وأخرها معسكر إيطاليا..!!

ومايظهر لي من هذا القرار أن الاداره الهلاليه لاتجيد قراءة التاريخ ..!!!

الله يستر من هالمعسكرات اللي مالها لزوم

بالعكس .. بالعكس .. بالعكس ..


المعسكر مهم جدا ... والفشل لا يعني ان الخسارة كانت بسبب المعسكر ..

والمعسكر سبب رئيسي لانضباط الفريق .. ومن ثم البعد عن اجواء المباريات الساخنه ..

واعتقد من الايجابيات ان جمهور الشرقيه متعطش لفريق الهلال وسوف يكون حاضرا مما يعطي اللاعبين دعم معنوي كبير ..

اعتقد ان التدريبات تتم بشكل عادي واقامه مباريات وديه بالرياض
وقبل المباراه النهائيه بثلاثه ايام يكون معسكر مغلق ويكون بجده

ليش تبغون تحرمونا من شوفة الهلال

ترانا ما نشوفهم الا بالسنة مرة

الاخ الرهيب
لك رايك ونحترمه لكن اخي
انت قلت (ابعاد اللاعبين عن الملل)
انت بالله عليك لو تترك بيتكم وتروح
الشرقيه (انا متاكد يوم واحد وترجع)
اي ملل الله يهديك
اما جهور الشرقيه(على العين والراس)
بعد الكاس (نروح لهم شهر كامل)
اما عن ان المباراة مو مهمه (ما قلنا انها
مو مهمه ولو كانت مو مهمه ما طلبنا انهم
يتركون المعسكرات والكلام الجديد والغريب)
النادي والتمارين اليوميه والجديه (تغني عن اي معسكر)
&&&&&&&&&&
الاخ الموهوب
وانا اتقد ان الرياض احسن مكان
والزعيم مو اول مره يلعب هائي
ومو اول مره يسلتم ذهب
لو جمعهم المدرب قبل المباراة
وطلب منهم التجمع في المطار ممكن
يجيبون الكاس
اتمنى توافقوني الراي وانا اشوف اخواني
المعارضين اكثر
اتمنى تخبرنا الاداره اذا عندها شي ما نعرفه
ممكن نوافقهم
اما الكلام عن ملل وانظباط و و و
كله موجود في النادي ويصلح في النادي وممكن في
النادي
ولا تنسون ان ثمانيه من لاعبي الزعيم هم في المنتخب
بالعربي (طفشانين من المعسكرات ومالين منها)

الاخ الرهيب000 ماهي مشكله حنا ماعندنا سالفه 00 السالفه تركناها لك000 لكن اخوي انت تقول عشان نبعدهم عن الملل 00 وصدقني المعسكر هو اللي راح يجيب الملل00 وبالنسبه لضروره اقامة مباريات وديه حنا ماعترضنا على اقامتها بالعكس000 اما بقولك جماهير الشرقيه مالها رب فجماهير الشرقيه على العين والراس بس اعتقد ان كل شي يهون لاجل مصلحة الزعيم واعتقد انها ماهي صعبه تروح انت وتشوفه00 وانشاءلله نشوفك تساند الزعيم في المباراة النهائيه لانا انشاءلله كلنا رايحين وين ماكانت بجده او الرياض او الشرقيه00

والله انك صادق اخوي ازرق الازرق ...

المعسكرات 100% مالها اي داعي واشوف كل الردود متفقين على هالشي ماعدا بعض الاخوان من الشرقية اللي الظاهر شوقهم للزعيم وصل حده وما احد يلومهم في هالشي لكن برضو هذا مو مبرر ان الهلال يتضرر بسبب رغبة جماهير الشرقية انهم يشوفونه !!!

ترى ياجماعة الهلال منتخب( ماشاء الله لااله الا الله) نجوم تشق الوجه ولا يقدر يوقف بوجههم اي فريق اسيوي.... ولكن مشكلتهم في الضغوط

الضغوط التحكيمية ، الضغوط الجماهيرية ، المشاكل الادارية وزاد الطين بله هالمعسكر اللي يحسس لاعبينا انهم بيلعبون قدام ريال مدريد ولا مانشتر !!

وهو اخرتها بيلعب يامع الاتهاد يامع النثر !!!

لاعبين الهلال لاعبين مزاج ونفسية ... واذا ضغطوا عليهم بهالطريقة فالله يستر

مرتاح ;)

لا اي اخوي الازرق ... اختلف معك تماما .. فكرة القدم تحتاج الى جهد ولابد من التعب والعرق والتضحيه من اجل الانجازات .. وفكرة التجمع قبل المباراة بساعه هذي تتطيق عند فرق الحواري ...؟؟

ولو كان الامر كما تتصور لما كان ينبغي لنا ان نفرح بكل بطولة كما نفرح ..

زيدان كان يقطع 10 كم هروله .. عشان يروح التمرين ويوصل للنادي .. مهوب عشان ما معه موتر .. لكن عشان الذهب يبي تعب ..

وبالطريقة اللي انت تقول لم تعطي الفرق المنافسه الاحترام المطلوب ...

خلونا نشوفهم عن قرب و ان شاء الله يجون و ان كان بالحقيقة اتفق ان المعسكر ماله لزوم