بالتوفييييق لنجومنا ..

وان شاء الله يجيبون الكاس الى الرياض ونحتفل معهم سوى ..




مع تحيتي ’’

تغطية مميزة تعكس تميز شبكة الزعيم الذي تعودنا عليه في جميع المجالات .

عقبال ما يتم تغطية فريقنا بعد الحصول على البطولة بإذن الله .

أخوكم / عبدالإله أخضر

طيب انا مافهمت هم وش يلعبون
نبي شرح اكثر

إخواني،

للراغبين في معرفة المزيد عن هذا الفريق والبطولة كذلك فليذهب مشكوراً للموضوع الثاني في نفس المنتدى وسيجد فيه جميع المعلومات المطلوبة إن شاء الله وهذا رابط الموضوع:

فريق فرسان الرياض المشارك في بطولة المملكة الأولى للمحترفين

أخوكم

أبو مشعل

ماشاء الله عليهم

للامام ان شاء الله =)

الله يوفقهم ان شاء الله اكيد انهم هلاليين>>>لا ياشيخ

الله يوفقهم و الله شكلهم خطيرين بالتوفييييييييق

بالتوفيق للفريق إن شاء الله وإلى الامام ..

بالتوفيق لكم انشاء لله

وتأكدوا اننا معكم قلبا وقالبا

وإنشاءلله نبارك لكم ونحتفل معا بالبطولة

صااااااااح عليهم .. ابطال ابطال




والله يخوفون الفرسان في الاداء والامتاع وكذلك التمكن من اللعبه ولا انسى ميولهم .. لعلي اذكر بعض من كل وذلك من خلال مشاركتي وما تابعت في بعض الدورات المختلفه التي شاركوا فيها امثال :

عبد الله المزيني : يمتاز بالروقان في اللعب سواءا كان مهزوم او فايز ( هو هو ) نفس الهدوء .. لكن غالبا فايز مشاء الله عليه .. صاحب خطط تكتيكيه رائعه .. يغريك اسلوبه بتقليده ..

وكذلك عثمان الشبانات : محترف في اللعبه يمتلك سرعه عاليه في التحكم بالجويستك ( اليد ) اخر تتويجاته اللي حضرتها عندما توجه سوبر ستار الهلال ياسر القحطاني بطلا للرياض ..
وهو هلالي الميول كفو وتستاهل ياابو محمد ..

وكذلك تركي الجدوع : اقدر اسميه بالبعقري مذهل في ادائه لا يضيع فرصه امام الباب .. مثل نادي الهلال في بطولة ناديك يناديك من تنظيم شركة الاتصالات على مستوى المملكه وجيرت الجائزه للاعب من جده من خلال القرعه السيئه !!.. عادتا يفوز بنتائج اشبه بنتائج كرة السله مشاءالله .. اسالو مجرب >>

كذلك نواف ابا الخيل : لاعب متمكن صاحب اداء رائع لكن لاادري سيشارك ام لا .. فريقه المفضل برشلونه يمتاز بالمهارات الفرديه يتقن الاهداف الابداعيه .. هلالي الميول

كذلك فيصل الفرد : غير مجود بالصوره لاعب خطير صاحب مهارات عاليه جدا يمتاز باللعب السريع وحاسم ويلعب ثنائيات مع ايا كان بشكل احترافي .. مشكلته عصبي (رجبي الميول !!) يتابع كرة القدم الامريكيه

كذلك يزيد المنصور : هذا اقدر اسميه الزعيم .. قد يكون اغرب لاعب تلعب معه الوحيد بين الفرسان يلعب للمتعه .. الغريب انه مايفوز في المباريات الوديه !!
لكن اذا جا الجد فانت ترا لاعب غريب يتلذذ في اقصاء المنافسين عنده فكر في اللعبه عالي وبعيد .. مشاءالله .. هلالي متعصب للنخاع

وكذلك ماجد السليم وعبدالاله اخضر متمكنين لكن لم يسبق ان لعبت معهم .

تمنياتي للفرسان بتدريبات جيده تخولهم لنيل اللقب باداء ممتع ..
شكر جزيل لشبكة الزعيم

عندي سوال الاعب عماد حكيم هل هو اخوا الاعب بدر حكيم بطل المملكة وبطل العالم السابق اللي من المدينة المنورة ولا انا غلطان

عقبال البطولة ان شاء الله..
وانت ياتركي الجدوع انت الي راقعني 7/0... يارب تخسر <<خخخخخخخخخخخخخخخخخخ