15/04/2002, 07:01 AM
|
زعيــم نشيــط | | تاريخ التسجيل: 01/01/2001 المكان: كاليفورنيا
مشاركات: 691
| |
الأخت "زرقاء هلالية":
موضوع حلو...
قصة حبي للزعيم مشابه جدآ لقصتك<<<<<<<<<<< يحتك
لا من جد...انا تعلقت في الزعيم بسبب حبي الكبير لأحد اخواني,
وكان هو مولع بالهلال...ويذوكرن لي الأهل بأنه في فتره من الفترات
كان يمرض وترتفع حرارته أذا انهزم الهلال.
واعتقد اللي خلاني اتعلق بالهلال اكثر هو ان عمي, وهو هلالي
متعصب ايضآ, اخذني اشوف مباراة للهلال في ملعب الملز وكان
عمري تقريبآ ثمانيه سنين!..
واتذكر اني كنت متأثر باللاعبين وحركاتهم وحتى صورهم!! لدرجة
اني اصريت على الوالده اني اروح للأستوديو واصور زيهم...
وبعد صياح وازعاج... سمحت اني اروح ورحنا شرينا طقم الهلال
كامل وصورت زيهم بالضبط..
في الصوره انا جالس على اطراف اصابع رجولي ومركي كوع يدي
اليسرا على ركبتي اليسرا وذراعي اليمين نازله ومركيها
بأطراف اصابعي على الأرض!!
كان هذا ال"pose" او الطريقه في اخذ الصور منتشره بين الاعبين
في هذاك الوقت!!..طبعآ الحين لو احد يسويها يعتبر قروي مره,
والصوره الى الأن عندي في أمريكا وكل ما اشوفها اتذكر شيين..
أول شي الوالده وصبرها علي وعلى عنادي هذيك الأيام...
وحبي للهلال اللي الى الأن ما تغير.
اسف على الأطاله...وشكرآ.
اخر تعديل كان بواسطة » هلالي كليفورنيا في يوم » 15/04/2002 عند الساعة » 07:13 AM |