انا بقولك رأيي في هالتشنجات اللي صارت الى درجة انها وصلت للمنتخب
اول شي كل الانديه فيها متعصبين يعني ماهو هذا سبب التشنجات بس مو كل الانديه فيها حكماء وعقلاء ( زي نادي الهلال والاهلي مثلا ) ولان الجماهير عادةاً تحب تسمع اراء خبراء كرة القدم في كل حدث يصير فطبيعي انها بتسمع اراء المدربين والاداريين ومنسوبي الانديه على اختلاف مهامهم , وعليك عاد ان تتخيل لو كان عندنا محللين زي مالديني مثلا والا فينغر ناس كباااار في السن ومحترمين ومثقفين ويتجاهلون اي موضوع له علاقه بالاثاره زي التحكيم والكلام الفاضي كل تركيزهم على المباريات والتحليل الفني لانهم عارفين وش تأثير كلامهم على الجماهير
انا ابغاك تشوف المجتمع الرياضي عندنا هل فيه حكماء كلمتهم لهاا وزن والناس تعتمد عليها طبعا ماعتقد .
حنا نفتقد للخبراء الرياضيين في كل شي بصراحه حتى في المذيعين كلهم صغار , جرب تحط على قناة مانشستر وشف المذيع وش كبره فعلا تحس انه انسان خبير وعارف وش يقول وعارف عواقب كلامه لانه محترف وخبير

الشي الثاني وانا اخوك حكايه الصحافه كل ماصار شي قالو الصحافه هي السبب يمكن الصحافه كان لها تأثير اكبر قبل سنين بسبب عدم وجود وسائل اتصال غيرها بس الان انا بصراحه اشوف ان الصحافه اعقل بكثير من بعض المنتديات ( ماعدا صحيفة الرياضي لانها تعتبر حالة شاذه بسبب عدم وجود رقابه عليها )

باختصار ياغالي رأيي ان المجتمع الرياضي في حاجه الى خبراء رياضيين ( حتى لو نستورد يهجدونا شوي على الاقل)
يعلمون الجماهير كيف تبني وجهات نظرها بكل جرأه في حدود المعقول وعدم حساسيه من اي نادي
وعلى فكره حنا في الهلال منعم ربي علينا بعقلائنا ولله الحمد

وتحياتي لك على موضوعك وربي يعافيك ويوفقك ويوفق الجميع