بسم الله الرحمن الرحيم
مساء / صباح الخير
السلام عليكم ورحمة الله وبركاته وبعد،،،
اخواني فيه موضوع مهم واعتقد انه من الامور الي بإذن الواحد الاحد بتأهلنا لجنوب افريقيا بعد تكاتف الجميع الموضوع هو:
ليش مايكون فيه رابطة للمنتخب ويقودها صالح القرني او حسن مريع او الموركي اوحقوي
او محمد غندر او اي احد يكون كفو لهذا الشي لانه وبكل صراحة شي
يستغربه الواحد تصفيات لكأس العالم ومنتخب بطل آسيا 3 مرات مايكون عنده رابطة
معاه وين ماراح اما وللاسف الاندية تلقى كل رابطة مع فريقها
والمنتخب ماله ولا رابطة صراحة شي يقهر والله ، وحتى كاس اسيا ماكان فيه رابطة مع المنتخب مع انه توقيت البطولة كان ممتاز (في الصيف وعطل و و و الخ..) يعني كل الامور ميسرة للتواجد مع منتخبنا ولكن للاسف محد راح
والآن تصفيات كاس العالم محد يروح مع النتخب اتكلم عن مباراة اوزبكستان اللي كانت بأوزبكستان المفروض انه يروحون على الاقل 100 شخص من اعضاء روابط الاندية لمؤازرة المنتخب هناك ولكن ماعندك احد
طيب قلنا انه صعبه انك تروح تسافر لاوزبكستان قلنا ماعليه نمشيها مع انه فيه جاليات عربيه والسفارات العربية والاتحاد السعودي كانوا ماهم مقصرين بهذا الشي ولكن قدر الله وما شاء فعل ، اما توصل لدرجة انه في السعودية وفي الرياض ( العاصمة ) يعني فيه 3 روابط لثلاث اندية ( الهلال والشباب والنصر ) ولا احد منهم حضر وساند المنتخب الا في مباراة وحده على مااظن مباراة لبنان الاخيرة يعني شي غير معقول للآسف؟؟؟؟؟؟؟؟؟؟؟؟؟؟؟؟؟
اليوم عندنا مباراة اوزبكستان مع ان المباراة تحصيل حاصل الا انها ماتمنعنا اننا نحضر ونرد لهم الدين مثل ماغلبونا بالثلاثة لازم نغلبهم بثلاثة واكثر ان شاء الله بس اللي يبي يفوز ويبي المنتتخب يقدم مستوى لا يجلس بالبيت ويطالب بنتيجة مثل ماقال ياسر
ابضربلكم مثال على التشجيع الوفي ( للمنتخب) للمشجع الاماراتي المدعو العمدة( مع اني اكرهه لاكن هذا مايمنعني اني اعطيه حقه ) هذا المشجع اللي وين ماراح منتخب بلاده يروح معاه راح معاه في كأس اسيا وراح معاه لفيتنام مع انها مباراة اي كلام لاكن راح وعلى نفقته الخاصة لبلد في اخر آسيا ولوحده ليشجع منتخب بلاده ، وحتى على مستوى اندية وطنه يوم مباراة الهلال مع الوحدة الاماراتي (كل مااتذكرها ودي اصيح
) جاء للرياض وساند نادي الوحده اللي هو النادي المنافس لنادي العين في الامارات يعني زي ماتقولون الهلال والنصرفي السعودية ومع كذا راح وساندهم واحنا للاسف بدل مانجي نشجع نادي بلدنا نشجع النادي اللي يلعب ضده وللاسف انا ضربتلكم هذا المثل ماابي امدحه فيه او شي لا والله بس اللي ابي اوصله لكم انه لازم يكون فيه رابطه مساندة للمنتخب وين ماراح احنا الحين مقبلين على مرحله مهمة يعني نكون او لا نكون فلازم اننا نكون مع بعض لاخر لحظة
اذا في ارضنا مافيه رابطة تشجع فما بالك برا ارضنا لازم اننا نتدارك هذا الشي لنصل بإذن الواحد الاحد للمونديال ونحقق نتائج مرضية ان شاء الله
اعذروني على كثر الكلام والقرقره اللي مالها داعي بس حبيت اني اوصل لكم هذا الشي واللي يعرف رؤساء الروابط او احد منهم ياليت ينبهم على هذي النقطة المهمة والله الله في الحضور اليوم مااوصيكم
بس قبل لا اختم موضوعي فيه 3 نقاط اتمنى تشاركوني فيها
وتبدون رأيكم فضلا وليس امرا>>>>>>>>>>> اقول لايكثر بس
النقطة الاولى : ماهو برأيك سبب عدم تواجد رابطة او اكثر خارج المملكة خصوصا في البطولات الهامة ؟
النقطة الثانية : هل تحب ان يكون اكثر من رئيس لرابطة الاخضر ام تفضل ان يكون واحد ؟
النقطة الثالثة : هل على الاتحاد السعودي مسوؤلية نقل الجمهور او الرابطة ام انه يجب على الرابطة التكفل بمستلزماتها بنفسها وبدون تدخل الاتحاد السعودي؟
ختاما انا كتبت الموضوع على عجالة لانه اليوم مباراة المنتخب ولازم نحضر وبكثافة فاذا فيه ملاحظات او اخطاء على الموضوع ( تعرفون اختبارات وطالع من الاختبارات وعيوني ضاربه >>>>>>>>> طيب وش نسوي لك ) اتمنى تنبهوني عليها بدون تجريح او حقد
لان كلنا اخوان وماهو عيب لو احد يغلط لانه مافيه احد مايغلط !
شكرا لكم اخوكم صعب المنال 20