حبيبي هذا عقد مو لعبه
والعقد توقع وخلص الهلال ماله حق يطلب زياده في قيمه العقد الا بعد انتهاء مده العقد
مفكرها جمعيه انت كل شوي مغيرين فيها ..
ولا تتدخلون في العقود بعد
ولا بتسون حمله مقاطعه جديده هههههههههه صايره موضه هاليومين اي شي تقاطعونه


تحياتي للهلاليين وبس ..

ليش لا اخوي ..

يكون في علمك شركة موبيلي ما وقعت مع الهلال الا لاجل الجمهور الهلال وشركة موبيلي هي المستفيد الاكبر مو الهلال ولكي نضغط على الشركه نقاطعها ولا ترفع من قيمة العقد . اجل برايك جمهور النصر او الاهلي اكثر ولا بطولاتهم اكثر علشان يحصلون على عقود اكبر
على العموم يليت نشوف راي شخص اخر في الموضوع

الوضع عقود وشركات واستثمار

ليش ترفعه

انت ماعليك خلك بالفريق والتشجيع

والامور الاستثماريه خلها على ابو مساعد

كلامك واقعي لا بد من الضغط على الشركة لرفع العقد .......ولكن هناك شروط نجهلها في العقد

لندعم الشركه قبل أن نطالبها برفع قيمة العقد من خلال الإشتراك بجوال موبايلي لنمحهم فرصة تقييم الفرق مابين شعبية الهلال وغيره

انا من رأيي نثبت للشركة مكانتنا عندها كجمهووور

وبعدييين نروح ونسوي الي قلت علية


بس الظاهر انه ما نقدر نسوي اي شي الا بعد انتهاء العقد


مجرد رأي لا أكثر


الهلال دووووووووووووووووووم

امس في قناة الاخبارية كان هناك برنامج والله ماني عارف وش اسمه لكن الضيف كان راشد الفوزان الخبير الاقتصادي يقول ان شركة موبايلي سوت دراسه قبل توقيعها مع الهلال لمدة 11 شهر وتاكد لها ان الهلال النادي الجماهيري الاول في السعوديه واختيار الهلال لم يكن عبث وهم متاكدين من نجاحهم ومبلغ الصفقه كان زهيدا لجماهرية الهلال وقال راشد الفوزان المفروض يكون هناك بند في العقد في حال تم توقيع اي نادي سعودي مع اي شركه بمبلغ يفوق المبلغ الموقع مع الهلال يتم التعديل في العقد برفعه 20 او 30% في السنة التي تليها لكن للاسف لجنة الاستثمار في النادي لا يوجد عندها الخبرة الكافيه لهذه الامور لكن الان المطالب هم جمهور الهلاال بالتدخل العاجل والضغط على الشركه باي طريقه الاهم يرفع مبلغ العقد طبعا هذا لصالح الهلال

كل زياده ريال راح يطلعونه من جيبك لاتفرح واااااااااجد
الان موبايلي هم اللي يتحكمون بنا وليس العكس

كيف بيطلعونه من جيبي الكيكه الان مقسومه على ثلاثه بعد دخول شركة زين

ويفترض على الشركه وضع العروض والتخفيضات لجذب المشتركين مو تطفيشهم

وانا رايي عكس كلامك تماما نحن من يتحكم في الشركه والدليل جرب التلويح بالمقاطعه وشوف

ترا صارت غتنا مقاطعه وبس
تحسب الدعوه لعبه هذا عقد ولا احد ضربك على ايدك وقالك وقع
وعلى فكره تراك كنت موقع قبلها باسبوع ب10 مليون شف الفرق 390 مليون

وثاني شي لا تسوي قيها وانت ماتدري شف عدد المشتركيين في موبايلي الهلال الحين وبعدين طالبهم يزيدون العقد
تدري ان الشتركيين في جوال النصر اكثر من المشتركيين في موبايلي الهلال

ولا تقول كنا اكثر يوم الاتصالات
لان موبايلي تبغى فعل تبغى الي كانوا موجوديين مع الاتصالات يجونها

وتبي الصراحه جمهور الهلال خذل موبايلي

شكرا على ردودكم وتفاعلكم وبنهاية تبقا وجهة نظر قد نتفق وقد نختلف

لكن من وضع النادي الاول جماهرين في هذا الموقف ؟؟

هي لجنة الاستثمار بالنادي لقلة خبرتها ولكبر المبلغ في ذلك الوقت

لكن الان وقع الفاس بالراس وصعب التغيير الان

لكن كان الهدف من الموضوع البحث عن مصلحة النادي

تقبلو خالص تحياتي

إقتباس الرسالة الأصلية كتبت بواسطة هلالي غير !! حبيبي هذا عقد مو لعبه والعقد توقع وخلص الهلال ماله حق يطلب زياده في قيمه العقد الا بعد انتهاء مده العقد مفكرها جمعيه انت كل شوي مغيرين فيها .. ولا تتدخلون في العقود بعد ولا بتسون حمله مقاطعه جديده هههههههههه صايره موضه هاليومين اي شي تقاطعونه تحياتي للهلاليين وبس ..

صدقت والله شكلهم ما يعرفون شي اسمه عقد

يحسبونه لعبه