المشاغب

هلا وغلا باللي انصك بالبلياردو من واحد فاضحك بتوقيعه ههههههههه تراني علمتك لو جيت بتجيك صكه على مستوى صدقني بتحرم بتحرم تلعب بيليردو ههههه حتى الاسم مايعرفله

لاعن جد شفلي شطرنج واجيك تراني مجنون شطرنج

إقتباس ana 3ndi moshkilh bel kibooord

HAHA HAHA HAHA ANA FEE MALOOM ENTA FEEE MOSKELAH

إقتباس أخبارك يالغلا؟ عساك بخير؟ ترى ما بعد قريت الخاطرة

لاعاد تقراها سنه لين تعلمني ردك امزح امزح اي وقت تقراها عطني رأيك وخذ راحتك ان شاء الله تقراها السنه الجايه

إقتباس وربي مدري وش لميسه هذي .. ما عمري قريت او سمعت الا بلميس الهلالية أظن اسمها كذا .. أما غير كذا مدري وش هالاسم . ما بعد تعرفنا موضوع حلو .. ورائع منك أخوي أبوعبدالله .. لا عدمناك ورده تقبل مروري البسيط بأروح ألعب بلياردو وأدق خشوم الأعادي

احسن والله انك في نعمه

شكرا على الإطراء ورجعنا للبيارلدو على فكرة انت حاط بتوقيعك تقريبا ثلاثه نتائج معقوله مالعبت الا ثلاث ولا الباقي هزايم ايه ايه طيب طيب معليش احرجتك


شكرا لك حبيب قلبي وجود اسمك بموضوعي يكفيني كيف عاد لو رديت لك مني الحب والتقدير وجهز نفسك لصكات جديده هلابك ونورت الموضوع

خخخخخخخخخخخخ يالهنوف وش هالقصيده لي عوده مع ردك ودي اقدمه بس تعرفين الشباب يزعلون وبعضهم ماعاد يطب بمواضيعي ...


&& هلااااااليه &&

من الأخير وش هالتوقيع هههههههههههه




صورة مع التحيه للجازي خخخخخخ


بعدين ملاحظ المنتدى صار فيه عضوات كثير اسمهن هلاليه ارفعي دعوى قضائيه

إقتباس عن الموضوع لميسوه على قولتك ياخي بجد حلوه شعر وجسم ووجه مملوحه مير انا نتفرج على اللبس يكفي لو تلبس خيشه جت حلوه

ههههههههه طيب انتم يالبنات والله عاذركم لو انهبلتم عليها بس لاتصير مثل اعلى ولاتكون قدوى لدرجه ان الوحده تسمي بنتها بها التسمية هل هي تفاؤل اننا نبي هالبنت الصغيره تصير ممثله

على فكرة اليوم كحب استطلاع دورت بجوجل صور لها بعد ماشفت لها صور بموضوعي ههه قلت ياولد هذي هي لميس وانا طايح ومشبها بالخدامه الا تخسا وتعقب خدامتنا

دورت بجوجل ولقيت صور هههههههههههه ماكان ودي بيوم من الأيام ان شخصي الكريم يشوفها ولا ارضاها لك ولا لأي عضو بالمنتدى يشوفها وإلا كان جبتها هنا وتشوفو لميس على حقيقتها ...

اللي متابعين المسلسل صح بيعرفو وش اقصد سؤال

وقفت الحين على ميك اب لميس وازياء وتكشخ لميس وصارت هي النموذج المثالي لنا

لا ما عتقد ...

بالنسبة للجسم بالله هذا جسم بعدين طويله مره خخخخخخخخخ شكلي بلعبها بدوري السله هذي اذا تبغا شيء من الأرض وشلون توصله

ونحيفه صح ولانا غلطان ترين ماشدا اعرفها انا عماي لاشفت وحده منتفه مع اني زمان كنت منتف مره تقل رابح صقر


اما الوجه فأنا اعترف بردي لك اني رجال استعجلت بحكمي عليها توني شايفها زين برد احدى العضوات مير الله يصلحها

اثاريها حلوه وانا اقول واحد من الشباب طمر علي وقال ذوقك ماش

إقتباس اما عى المسلسل اغلب اللي يطالعونه فاضين مثلنا بس لدرجه مااصلي لا معليش حتت مسلسل

اخت هلاليه هذا انتي تصلين في غيرك مايصلون الا بعد مايشوفون المسلسل وانا ماجبت هالكلام من فراغ بطبيعة الحال .

إقتباس كل حلقة نشوفها اصلا لو فاتتك 5 حلقات ماكنه فايتك شي وعلى الضحك الضحك حلووو صراحه <<اهم شي عندي الوناصه

هههههههههه اصلا اللي فاتته خمس حلقات زي اللي مضيع خمس ريال من اصل الف ريال ماتفرق كثير الخمسه راحت مع السلامه




شكرا لك اخت هلالية ونورتي الموضوع وياهلا

هلاااليهـ

إقتباس بعدين من قال نتابع المسلسل عشانها نتابعه عشانا فاضين

واللي فاضي ماحصل الا هالمسلسل ............... امزح ادري تلقفت بزياده ههههههههه

إقتباس اما على النووووم مير اني مانمت من امس بروح انوم لايصير لي شي

ههههههههه واضح انك نمتي ماتصلتي بالنت من امس لين اليوم ... نوم العوافي


هلابك اختي وترين اكثر مزح هاليومين نورتي الموضوع وياهلا

مايحتاج مواضيع ثانيه كفية وفية
بس اتعبتن معك من موضوع لموضوع
ومن سالفه لسالفه
يمدحون البندول
ماشاءالله عليك

وعليكم السلام ورحمة الله وبركاته ..

اهلاً وسهلاً فيك ابو عبدالله .. نورت المجلس ..
موضوع منوع وجميل .. واكثر من رائع ..

اما عن المسلسلات التركيه اخذت اكبر من حجمها .. والكثير متابع لدرجة الجنون ..
فالكثير من الفتيات يتابعون مسلسل نور بشغف .. والشباب مسلسل سنوات الضياع بشغفين ..

ولا بأس في ذلك.. ولكن ليس لدرجة الجنون .. او العشق اللا محدود ...
والمشكله ان الكثير انجرف حول اسلوب الممثلين .. متناسين ان هذا مسلسل وله مؤلف ..

وكذلك يجب ان نعطي واجباتنا اليوميه حقها .. فلا ننسى صلاة او طاعة والدين ..
عني لم اتابعها .. الا ان تواجدت امام الشاشه وهي موجوده .. مره بالاسبوعين ..

وعن كثرة الضحك كذلك يقال انه يميت القلب << خلك ع الوسطيه ..

اما عن النوم فللأسف نومي مش ولابد .. يوم انام ساعتين بس ..
ويوم انام 8 ساعات ..حسب الجدول اليومي ..

القحماني .. الف شكر لك ولحضورك المميز ..
تقبل احترامي وتقديري .. وننتظر جديدك ..
دمت بخير

هلابك اخوي

وتسلم على هالموضوع
على الرغم من طوله الا انه منوع وخفيف

بس انا ودي اعلق على نقطة لميس

انا اتابع المسلسل كمسلسل بس

مادري احس اللي طايحين في لميس

لو تسالهم وش قصت المسلسل ما جابولك خبر

هي صدز حلوه

بس مو لهدرجه اللي يتكلمون عنها

يعني شف مهند احلى منها << طسي مناك

لا والله جد

تفكير الشباب والبنات هالايام ماش << طالعه منها انا

ما يصدقون يشوفون وحده حليوه ولا واحد الا خقو عنده

وولاعاد احد زيه

مااقول الا الله يستر عليهم بس ,,


تقبل مروري اخوي

بصراااحه اللي ماعجبته لميس اسمحووولي وبكل سماجه ووقاحه اقووول ماعنده ذووووق
والله البنت جميييييله ملااااااااااك يبحان من صورهااا
غطت على هيفاا وهبي

إقتباس الرسالة الأصلية كتبت بواسطة مواصل من عام 1413هـ يا أبوعبدالله وربي ما قد شفت هاللميس كل ما جلست أسمع عنها وعن جمالها أحس إنها ( مقشع ) بس الشباب هابين فيها علشان البنات هابين ( بمهند ) فأنا كل يوم أقول بنفسي بشيك على الصبيه هذي بس ما فيه وقت فياليت اللي يعرفها يحط لها صوره علشان نحكم على طاري الزين والشين : كنت أتابع ردود للعضوه ( إليزابيث هيرلي ) وهي تتكلم عن ( يحيى ) قلت يا ولد خلني أشوف هاليحيى اللي يتكلمون عنه وربي يشبه لواحد يبي شورما بحي السويدي على فكره ( اللوك ) اللي مسويه ويا شنبه قديم على أيام .............. ( مشفر ) وربي لوقلتها لأتوقف ( نهائي )

والحين وبعد ماشفتها وش رايك .

عني بعد ماشفتها بشكل هاديء ورايق اسحب كلمتي لاحد يقولي عيب قطعتني
خخخخخخخخخ شكلي خربت وانا مدري

شكلك تعاني مثل ماعاني منها ذبحوني الشباب اللي حولي والله يافتره جت ماجلس معا واحد إلا ويجيب طاري الأسهم تقل فاتحين صالة للبورصة والحين انقلبو على لميس لوله لوله لوله ارجعوا للأسهم وربي ارحم

يحيى هذا بنفس المسلسل عاد انا ابي صوره ابي اشوف شنبه هذا اللي قطعت فيه تقطيع .

بعدين على ايام ايش ها تراني مافهم ابيك توضحها توضيح انتحاري


هلابك مواصل وعذرا على المقدمه الخفيفه اخي الكريم ... ماقول الا الله يصلح حال شبابنا وبناتنا ...

بعدين انتبه تتخرفن من الناس اللي يطمرون علينا طمرات غريبه

هلابك ألف وش ألف إلا مليون ونورت الموضوع وياهلا

إقتباس الرسالة الأصلية كتبت بواسطة بقايا عطر ياســر.. تعليق بسيط على الموضوع والله اني ارد وسعابيلي تقاطر المهم اذا شغالتكم تشبهلها ممكن تخطبينها لي؟؟ انتظر الرد عشان اجيب اهلي وشكرن

شايفني ولي أمرها ولاخطابه عندك وانا مدري .

نورت الموضوع وياهلابك يالغالي

إقتباس الرسالة الأصلية كتبت بواسطة leo messi هلا والله ابو عبدالله ..!! يارجال شرهتك والله على اللي قد شاف هالمسلسل مااذكر الا اني شفت ثلاثه مسلسلات بس .. ( الزير ... غليس ابن رمااح باب الحاره ..!! تدري عاااد والله قبل يومين كنا انا والوالد مسنترين عند التلفزيون الظهر ( على العربيه ) نتتابع الاسهم المهم جات فقره اخباريه .. عن افلاام فيه فلم والله ماذكر اسمه جابو عنه اعتقد اخر اسمه اخره الليل او زي كذا .. ويجيبون لك من هالمقاطع الشفشفه ..الوالد حذف علي الريموت وقال شل باقة الام بي سي كل ابوها ..!! واحذف والدينها .. وحطيت له سي ان بي سي عربيه ..!! اللي ابغى اقووله ان هالقنوووات ..صارت تبث مثل هالامور على المكشوووف عيني عينك .. والله ماضيع هالعالم وبالذات البنات الا هالمسلسلات وقصص الحب...!! الا من رحم ربي ..!! مشكووور اخوووي على الموضوع ..!!

ياهلافيك

تصدق ان باب الحاره ماشفته غليس برضك بس الزير شفته بإعادات له اما عرض اول ماشفته لو بعددلك المسلسلات اللي شفتها ماتصدق عدد قليل جدا وللمعلوميه منذ سنه كامله لم اتابع اي مسلسل ..

آخر مره تابعت مسلسل متابعه تقريبا شبه كامله كان مسلسل لزينب العسكري العام قبل الماضي ..

العربية ياعين عيني على على بنات الأسهم خخخخخخخخ بيخربها والله من زينهم لاحد يصدق بس اعجبتني جملة إليك صبا شكرا زينه ارددها دائم


مايعرض من برامج وإعلانات على مجموعه ام بي سي اخف بكثير مما يعرض على الجيران وعلى الرغم من انني احيان اذا صلب الريموت حقي على قناة العربية اشوف مشاهد مذهله خصوصا اذا جابو بألأخبار جزء عن مسلسل بيعرض على شاشتهم ولا فيلم في دار السينما حقق ارباح .


خخخخخخخخخ شلت الباقة بالكامل هههههههه اجل دشكم كم فيه قناة اذا شلت ام بي سي على فكرة التو بدت تخرب مره على الطاير شفت فيها شوفه ومن الهباله ماعدلت
القناه وتابعت الفيلم كامل هههه امزح


نعم نعم اخي الكريم قصص الحب ويبدو ان بناتنا وشبابنا لديهم نقص عاطفي كبير

وماقول الا الله يهدي الجميع ...


شكرا لك على التواجد المميز وياهلابك

إقتباس الرسالة الأصلية كتبت بواسطة راكان _20_ هلا و غلا بصراحه و الكذب شين أنا أول واحد أتابع المسلسل علشان لميس خخخخخخخ لا بصراحة موضوع رائع لكن و الله القصة حلوة مره حقت المسلسل و لا أقدر أزيد كلمة وحدة ....

هلافيك راكان تابع ياعمي تابع ورانا شيء حنا اموت واطيح عند الفله متأثرين بمويايلي بزياده انتم

شكرا لك اخي الكريم وياهلا منور الموضوع

إقتباس الرسالة الأصلية كتبت بواسطة ازرق+ابيض=عشق الهلال هههههههههههههههههه في علاقه طرديه البنات خقو على مهند والعيال على لميس اممممم انا مااتابعه بعض الاوقات اشقر على المسلسل علشان لميس واطالع الحلقه كلها يااخي هالمسلسلات التركيه تشوف الحلقه الف وتعرف القصه كل ابوها انا متابع نور ياحبي لها المسلسل

هلا هلا ..

مسلسل نور انا من اول كنت كنت احسب نور شخصية بنفس مسلسل لميس خخخ معاي صح كذا ولاغلطان خلوني اتفلسف على اللي حولي بس بدون غش وخداع
لاحد يورطني

هلابك يالغالي ونورت الموضوع ياهلا