يخوي وش سالفتك انت مره ماتأكل ومرة ماتنام .. اخاف بكره اشوفك منزل موضوع ( ماودي اعرس )
بعدين يابو عااابد لو تزوجت وحده تشاخر وش فيها ع الاقل تسمع تقاسيم ناعمه ابرك من ذا اللي نايم عنده ..!!
سالفتك ذكرتني بواحد من عيال عمي .. لا صار نايم يجلس يتكلم ..!! اي والله يكلم مين ماتدري ..!!
بس نصيحه صدقني مافيه احلى والذ من تعذيب الشخص اللي يشاخر جب لك منديل ولف لفه زي ماتلف الصاروخ خخخخخخخ بس الفرق ان هذا مافيه فرطه ..!! المهم لين يصير يخش لين نص الخشم وبعدها استلمه ... لا شاخر دخل المنديل بخشمه شف كيف الوناااسه
الله يعطيك العااافيه اخوي البيه السهران .. على هالموضوع الفصيييح
تغير إسمي من ( مواصل من عام الفيل ) إلى ( سهران بيك ) والمسؤول ( القاضي ) أما بخصوص اللي يتكلم وهو نايم فيا كثرهم وأولهم أخوي يكب العشاء إذا نام أحسه لو بيتزوج على زوجته بيفضح نفسه وهو نايم
Dr.Sara الحمد لله على سلامتك أنتي دكتوره ساره أنا ليلي طويل ما راح أرجع من السفر إلا بعد العيد بس إنتي اللي غاطسه اللي بتاخذني وين هي بس خليها تجي وأنا أستحمل حتى الشخير الحين موافق على وحده تشاخر بعضهم راح يفهم ردي هذا وكثير منهم لا شاكر لك تواجدك
بس على قولة الكاتب " د. العنزي ( ان تجي خير من ان لا تجي )
عاد انوو السراحه من أشد المتابعات لـ د . الطبيشي و د . عنزي ,,
إقتباس
من نعم الله على خلقه أن خلق الشمس والقمر فجعل الليل والنهار يتعاقبان ، ففي النهار عمل وتعب وفي الليل سكون وراحه للأبدان
افزحك افزحك انوو مو تعبيرك << متلبسها الجني حق لينا
لاكن الجد مقدمه رائعه ذكرتني ايام الأختبار ماعندي الا هالمقدمه ارزها قدام بأول صفحه .. ان شاء الله لو يصير الموضوع عن طهران ارزها
إقتباس
فعند تحقق هذين الشرطين تأتي الوضعية الخاصة بالنوم والتي لا تتم إلا برفع إحدى الأرجل بمقياس 180 درجة والأخرى ممتدة مع بسط لليدين بعد الإنبطاح على البطن ،
( التركيز ) فما إن تكتمل الشروط أعلاه حتى أبحر بالتفكير إلى شواطئ الخيال ، وأحقق أحلاماً لم ولن يتسنى لي تحقيقها ، حتى وإن كان ملك بذاته يعجز عنها ( فالحلم ببلاش ).
اف اف اصلاً ماتزين الأحلام الأ وقت التسطح والنوم
كانت علينا احلام مدري وش تبي ..
إقتباس
المشكلة تكمن بمعاناتي الحالية ، فقد أجبرت على السكن مع شخص في غرفه واحده خارج مدينتي ولي عشره أيام لم أذق طعم النوم والسبب أن أخونا في الله ( يشاخر ).
والله ماالومك الله لا يبلانا صفه شينه واتعب وانا اقول شينه .. << يالأخت قضن دموعتس
والله بالنوم بعض العالم تطلع لهم حركات
تصدق مره قريبتنا نايمه عندنا وتنبهت الا البنت تلفلف بالصاله وهي نايمه انا يوم شفتها وشفت عيونها طقتني ام الركب وصرت اقلب عيوني تسذا واراقب واراقب الا البنت ترجع تخمد
عاد الله لا يوريك يوم صحت حققت معها ومسكتها تعليق اجل تهبل بي ولا انام قويه شوي
جتني اذكر رساله على الايميل بس ماادري كذبها من صدقها
زوجه بريطانيه تقوم بأشغال بيتها اثناء فتره النوم
<< قسم انها فله ماتحس بالتعب
تخيل تغسل ملابس وتكوي وكل شي تدهره بالبيت وهي نايمه
إقتباس
أن يتخذ شكل ( السهم ) المغروز بالجدار فيكون وجهه بالأرض ورأسه بالجدار مع فتح رجليه الإثنتان بمقياس 90درجه
الصراحه موضوعك تعب مخي وانا اتخيل وضعياتكم
منك انت لقريبك .. يالفاهرين الله يشفيكم << وش يبي ذا
إقتباس
هن , هنا بالشبكة , خوات ,الأولى اسمها بقبق والثانية ريري >> تسني ما بينت ,
ما يحطن الجوال على الصامت , لا وكل وحده غرفتها أردى من الثانية ليته ضوء النهار
وبس وربك قوس قزح >> ان شاء الله هالعطله ما نيب نيمتن عندهم أبد جوع
ياملا الضعوي والتسلاب اللي تعوي ...
ياخسارة عشر العمر ..ياحسافة أكلنا اللي نوكلتس اياه
ريري وبق بق ..بالله معين تفهمووون شكلكم بالمقلووب
هالحين يقول شطبت تجن تحطن معلقه اللهم ياكافي
بس ماعليه ..((خذعلمآه من سفهااه))<<----
شف ياموآصل تبي تجحد حلالن بلال واسحب على ابو خامسهن بعد
يومن اقولهن لاتردن الا سطر بس حتى قايسته لهن بالمسطره ..وقتل ومقاتل وذبح ومذابح وتماعط شووش وترافس بالرجوول بس معيآت اهبي يهباهن واقولهن ياتسلبات انا ماهمن بس متحسفه على ردي الاول اللي اكله الذيب قالو ماعلينا متس الخلا بس
قلت هيييين انا دوواكن انتن بس ردن وانا اعلمكم شغل ابليس واروح انام واخسرهن واحلم بهن هالكوابيس أعوذ بالله من الشيطآن الرجيم
إقتباس
اوومااا التركيز ويييييييين اختبار هو حنا ماننام الا والمخ تافل العافيه والعيون يابابا ياماما نحلم على قولتك بس بدون تركيز اي شئ على الطاير شئ مايحتاج تكتيك ماحنب فاضين
هين انتي ماعندتس وقت ..ياوزيرة الدفاع..<<تقول ماعنده وقت مبرمجه على تسذااا ...مخده وسرير يعني تقفيل مخ ..نوم ابوتس حتى محلله كلمة نوووووم ..تنامين بكل جوارحتس ولو حصل تخمديّن العالم معتس وتقومينهم معتس ماتعافين
شذى ( ع ) لا تعتذرين أهم شئ تواجدك طال عمرك أستغرب من اللي ينام بالنور !!! ما أدري وش تخافون منه ( الوحش ) !!! بيجيكم وحش إذا كان ظلام
أعتذر للصبايا وبطمركم وبروح لمهند ( بخليكم يالرساويات مع بعض ) مهند أجل عندك إستعداد تتعود يعني يبي لك شهر لحد ما تتعود على الصوت الله يعينك أجل شاكر لك تواجدك
نعود للرساويات بقــ حرف ــايا أول مره أشوف لك رد بمواضيعي على ما أظن ، يمكن لأني باركت لك على النجاح أو محارش مع ( إليزابيث ) وش بوه ( الجاثوم ) وليه طالعه ( منه ) من إنتي علشان ما يجيتس تقولين لازم أرفس ، طيب ما أمون عليه علشان أرفسه والله يا أنتي وأختس ذليتوا ( ليز ) على الأكل ترا كلها مكرونه ( أتذكر ردتك ليز بموضوع الأكل ) بريالين أنتي وأختس من هنا ذالينها ( الضعيفه ) وهي تسمي بيتكم ( بيت الفقر ) ما فيه شئ ينوكل أترك الرد لليز <---- يبي يشبها بينهم
ريري هكتور هلا بتس يا أم جبهه يالبيه يالعنزي والطبيشي يالبى العنوز وكل عنزي وياليتني عنزي خارج النص ( تراني مانيب عنزي ) أما منقله يالدلخه وربي تمددت من الضحك أما بخصوص البريطانيه فالمفروض مسويه إعاده رد للي مرسلك وتكتبين له بالخط العريض ( روقنا الايميل اللي انت مرسله ما يدخل العقل )
الحل الأمثل أن تجتنب أصحاب هذه الصفة , على الأقل تنام بمكان آخر أفضل لك من تُأرق ضميرك طول الوقت .
طيب يا سليمان وين أنام بالشارع مالك إلا مناديل وتعلي على صوت المكيف لكن أبشرك الحين مرتاح بالنوم الحمد لله النوم نعمه
إقتباس
وكذلك القفل الأصلي لكن بشرط أن لا تشطب ردي .
أكون لك والمشرف اللي بيقفله من الشاكرين لأني على ما سمعت إن فيه تخطيط مسبق من قبل ( الرساويات ) بالرد على بعضهن البعض بخصوص بيت الفقر وحده تتهم أختين بأن بيتهن ( بيت فقر ) وما فيه شئ والأختين الله يحفظهم ( ذلوا الضعيفه على ريالين ) شاكر لك تواجدك سيمو على فكره ( وينك غاطس ) !!!
f*y*d إنت يا وجه الشر إطلع منها لا تفتح عيون الناس
خارج النص : والله إني حبيب وأرد صح إني تأخرت لكن عندكم ( المشاغب ) ساحب عليكم أرفعوا موضوعه وطالبوه بالرد
..!!
..!!
<< بدأ الحيا ..
( ان تجي خير من ان لا تجي ) 
<< متلبسها الجني حق لينا 
والله ماالومك 
>> ان شاء الله هالعطله ما نيب نيمتن عندهم أبد جوع 
تبي تجحد حلالن بلال واسحب على ابو خامسهن بعد 
قالو ماعلينا متس 
والعيون يابابا ياماما نحلم على قولتك بس بدون تركيز اي شئ على الطاير شئ مايحتاج تكتيك
..مايحتآج شرق آسيآ 
كش
شكرآ عالموضوع 
الوضع المتطور
