ولـدتـك مـاتـت . - صفحة رقم 2 - نادي الهلال السعودي - شبكة الزعيم

الدنيا بلوووو · #16 18/06/2008, 11:59 PM

إقتباس

الرسالة الأصلية كتبت بواسطة ابو طـــــلال


	كنت أعمل في قسم ( شؤون المرضي ) في المستشفى التخصصي ... وكان من ظمن اعمالنا اللى نقوم فيها إخبار الأهالي عن وفاة أقربائهم .. سواء الحوادث أو اللى يروحون بغلطه عملية .. او لأي سبب .. حتى كنا ننزل مع اقرباء الأهالي لثلاجة الموتي للتعرف على الميت من قبل أهل الميت !! كنت اعاني .. وبعد المعاناة صار عندي تبلد إحساس .. يعني عادي اقولك امك ماتت وانا أكل علك وإلا اقولك ( خف مي فايف ) ترى ابوك صار عليه حادث ومات التبلد مشكلة ... طبعا طلعت من هالقسم .. وارتحت لكن مازلت اعاني من تعابير وجه اقرباء المتوفى عند اخبارهم بالخبر السيء ؟ وجدتي الله يطول بعمرها مره سوت معي حركه مالها داعي كنت نايم .. وتصحيني .. قم قم .. قم شف فلان مات !! وهالرجل عزيز علينا .. طلعت ولبست ثوبي .. وغسلت نص الوجه .. وهي تصيح وين تبي .. قلت بروح اصلي عليه .. وهو بديرة .. وانا بديرة .. بس من الرجة مدري وش الموضوع .. طلعت بالسيارة واخذت لي دورة ورجعت .. بعدين تأثرت وحزنت اللى يعين الشخص اللى يبغ بخبر سيء .. لابد يحمل مواصفات عاليه .. وصبور . لانه اتحمال يجيه ( كف ) خطافي . يعطيك العافية ابو سعود بس غلطان تودي شخص بتعطيه خبر سيء للحمام .. الله يعزك ؟ افرض انهبل .. ولا صار له مشكلة من اللى انت خابر المفروض يكون جالس .. وتقراء عليه او تخلي احد يقراء عليه ... اذكر عجيزنا تقول ( الله يهبطه بإسمه )

هلا وغلا
ابو طلال

عشان كذا تعابير وجهك لما اقولك اخبار مو كويسه عادي جدا عندك كأني مسلم عليك

الله لا يحطني مكانك

وغير كذا الحين يعني مكانك اللي تشتغل فيه ما فيه اخبار اشد من الموت والعياذ بالله
ليه ناسي انك في مشرف على مركز تحليل المتزوجين
وكذلك نسيت المسكين ( ف )

اللي قلت له انك ما تقدر تتزوج الفترة هاذي علشان عندك مشكلة صحية ترا كل ما جاء
طاريك يقولي الله يهدي ابو طلال بس حطم

ـــي من الخوف
ابو طلال بس لا تنسى اللي احنا مرسلينه لك تراء راح يجيك يوم السبت

اما ليش انا قلت له في الحمام .. اكرمك الله والمشاهدين بعد
علشان اذا لا اغمى عليه يكون فيه حل سريع وهو الدش اششششش

شكرا لك ابو طلال

الدنيا بلوووو · #17 19/06/2008, 12:19 AM

إقتباس

الرسالة الأصلية كتبت بواسطة عطـــر الصمــــــت


	وعليكم السلام وصادق ياخوي نقل الاخبار السيئه يبي لها اسلوب معين انا سبق وان تلقيت اكثر من خبر سي ولكن سوف اذكر لي موقفين وكيف تم نقل هالخبرتين لي وهي : جاني اتصال وانا بالسوق كان وقت العيد واللي متصله علي تبي تبلغني بالخبر وما تقدر تصبر لا اظن انها داخله في مسابقه من يوصل هالخبريه لي وبعد ما وصلت لي في احد المحلات قالت بصوت مسموع قدام الناس هالخبريه والمصيبه تضحك واللي ماعرفهم جلسو معي ويواسوني وهي تفرج علينا ..... اما اخوي الكبير الله يهديه ماعنده اسلوب بنقل الخبر ايضا:اتصلت على جوال والدي واذا تفاجى اخي يرد علي فسلمت عليه وقلت اجل جوال الوالد معك اليوم ..قال هو ابوي طاح علينا وجاء الاسعاف وخذوه والحين بحاول انقله من المستشفى العسكري الى التخصصي ولو اني ادري انهم بيلعبون فيه ...قسم بالله ساعتها كنت خارجه من الجامعه اني ادخل بين الرجال وامشي كاني بين نساء واقطع الشوراع وانا مو حاسه بنفسي شافني اخوي الصغير وهداني ووداني الى ابوي وكانوا الاهل ينتظرونا لان الوالد كتبو له خروج ........شف الفرق بين اخواني :الصغير عمره 15 والكبيرعمره 32 واجادة نقل الخبر ماتعتمد على كبير ولاصغير ...واصعب شي لين بلغوك الخبر اعداءك ..وانت في نقلك الخبر افضل من غيرك .. تقبل تحياتي وبالتوفيق لك. اختك:عطر الصمت

اختي عطر الصمت
اتشرف في وجودك في مو الصغير

ذكرتي في ردك الصغير
نقاط مهمة جدا وكبيرة جدا جدا

في البداية اسأل الله ان يلبس ولدك ثوب الصحة والعافية الدائمة

بالنسبة لا اخيك الكبير في العمر صغير في التصرف يوجد منه
الكثير واعتقد هذا كاريزمه في الشخصية صعب جدا تغيرها

اما اخوك الصغير في العمر الكبير في التصرف والقلب يوجد منه ولكن بشكل قليل

اما الاعداء و اه من الاعداء اذا قامو بنقل هذا النوع من الاخبار تكون صدمتين في وقت واحد

خارج النص
اذا لا قدر الله واصيب ولدك بوعكه صحية ما عاد يطلع من عندنا الا وهو مأخذ عناية طبية كاملة

اكرر ترحيبي وشكري لك اختى عطر الصمت

الدنيا بلوووو · #18 19/06/2008, 09:48 PM

إقتباس

الرسالة الأصلية كتبت بواسطة نـــــــ15ــــــمر


	احد الطرق ان تقول له انها في المستشفى حالتها خطره وبعدها بساعتين تعطيه خبر تشــــــاو

هلا وغلا فيك اخوي
نمر 15

ما تقدر تقول له يا عزيزي انه في المستشفى لانه على
طول وبدون اي مقدمات يبي يمسك تليفونه ويتصل
على اول رقم في القائمه
وعشان كذا ودك تكون الصدمه مباشرة افضل من التليفون

شكرا لك اخوي
نمور 15

الدنيا بلوووو · #19 20/06/2008, 08:00 PM

إقتباس

الرسالة الأصلية كتبت بواسطة راكان _20_


	الدنيا بلووو صباح الخير و الله يعطيك العافيه متميز ما شاء الله عليك بصراحة ما أحب أنقل الأخبار الشينة مررررررررره لأنها صدمة كبيرة و نقلها فن و للأسف لا أجيد هذا الشي . دمتم لنا بالإبداع .

هلا وغلا اوخي راكان وانا ابي اقول
مساء الخير

يسلمك يا رب على الدفعه المعنوية الرائعه هاذي
وشهادة اعتز فيها

اكيد اخوي ما في احد وده ينقل الاخبار الشينة
من مصائب موت او مرض او حوادث
بس تجد نفسك ايام لازم تكون انت المصدر اللي يصرح بهذا
الخبر
ومثل ما قلت هي فن وانشاء الله ربي يعطينا هذا الفن لانه كلنا
لازم نمر على هذا النقل

اكرر شكري لك مرة ثانية اخوي ركان