الحمد لله على نعمه الكثيرة التي لا تحصى والصلاة على نبيه المصطفى عليه وعلى صحبه واله أزكى السلام.... ثم بعد
عشت حوار لطيف وجرى مع احد إخواني الأصغر مني سناً حول هذا الموضوع

وأجبرني أن افتح بعض الملفات القديمة في أيام قد خلت عشنها بحلاوتها ومرها حاولت أن أتذكر احد اعرفه

سافر للخارج فلم أجد غير شخص ذهب لتحضير الدكتوراه هناك مع عائلته .....

والغريب انه انتشر أمره في العائلة فأصبح يشار إليه بأصابع فيها شي من التساؤل حول إقدامه على هذه

الجريمة العرفية التي ارتكبها وكسره لباب حصين من التمسك بمبادئ كنا نعيشها

فهي من أقوى الأسباب التي يرد فيها الخاطب آنذاك

بل تجد التحذير المركز من السفر للخارج عند قدوم أي إجازة من الخطباء والدعاة

إما اليوم فكثير من الناس باتوا يتسابقون للحجز على الرحلات الخارجية بل أصبحت

حديث كثير من المجالس .

لكن ما جعلني أقف مع هذا الموضوع هو أن من يسمون بالعرف (ملتزمين )

أصبحوا يشاركون في هذه الظاهرة بل ويتنافسون فيها مع يقيني المسبق بان السفر للخارج بحد

ذاته لا يوجد عليه إشكال إلا إني أتسال هل أضرار الأمس انجلت وزالت واضمحلت

هل أصبح مجتمعنا اليوم يقبل فكرة السفر للخارج بشكل موسع ؟؟

أم أن شركات السياحة الخارجية تفوقت على الدعاية المحلية الخجولة

أم أن العرف السابق بني على خطا وإجحاف وروية ضيقة لهذا الموضوع ؟؟؟؟

أتمنى من الإخوة والأخوات إثراء هذا الموضوع ببديع أفكارهم وعصارة تجاربهم ,,,,,,

ولكم الشكر المقدم وتحياتي

أبو طيف

والله اخووي انا اشوف ان السفر للخارج مو جريمه
خصوصا اذا كنا متمسكين بعاداتنا وتقاليدناوالاهم ديننا وبعدين حلو التغيير وحلو ايضا انك تتعرف على اماكن وعادات وتقاليد الاخرين
ونا اتمنى السفر الى تركيا جو حلو ودوله اغلب سكانها مسلمين

السلام عليكم ..
أنا اشوف ان المسائل هذي يفتي فيها علماء الدين فقط ..
يعني اذا الشخص المفتي أو العالم قال اوكي يعني اوكي --> اما عاد عالم بيقول اوكي
واذا المسأله فيها اختلاف ولبس اترك الشبهه ورح للبدائل الاسلاميه
ماليزيا .. تركيا .. قناة المجد .. ابو عريش وهلم جراً
--> ترا هلم جرا ديره إسلاميه
الزبده متى تجي الصيفيه بترك السعوديه لكم تاخذون راحتكم قال ايـش قال لا تسافر برا ..

انا انصحك بالسياحه في ربوع بلادي تحت ذا الشموس والطعوس ولا ننسى العوايل وطاقه القدر البيضا




تشــــــــــاو

بقايا عطر ياسر
بلد الوليد
نم15ر

مشكورين على مشاركتكم

لكن ياليت نتمرن على شي اسمه احترام الراي الاخر

واتحدكم اكم اكثر مني سفر .

لكن حبيت اشوف كلام الناس فيه ذا الحين عن اول

واثاركم ماهي قصة عادات الا عندكم فيوز محترق هههههههههههههه.

مع شكري وياليتك تخل لنا السعودية برمضان اهم شي يانمر هههههههههه

قال ايه سياحة داخلية

الواحد مو ناقص صلخ اسعار

مثال بسيط

تستأجر غرفتين في ابها تطلع عليك 400ريال سعودي

اما في القاهرة تستأجر غرفتين بـ300 جنية لا وبعد ناصبك صاحب الشقة

شفتم الفرق


20/7/2008م حاجز على القاهرة

من يخاويني

شوف حبيبي كل واحد في السنة لازم يسافر سفرتين

سفرة قصيرة جداً هذي مع الأهل و خلها في ربوع بلادك لأن كل شي عوائل و لا فيه أماكن

مخصصة للشباب

أما سفرة الشباب لا و الله للخارج و الواحد متمسك بدينه

و اللي يقول السفر للخارج فيه مصائب و فساد

كل مكان فيه فساد حتى و الواحد في بيته لو بغى أي شي حصل عليه ....

هذي و جهة نظري ..

تحياتي ...

أولا : المجتمع السعودي بدأت تتغير فيه مفاهيم وتقاليد
كثيرة منها السياحة والدراسة الخارجية وكثير من العادات
بسبب الأنفتاح الكبير على كثير من الحضارات ..

ثانياً : بالنسبة لي لاأرى أي مانع في السياحة الخارجية
إذا كانت مع شباب فاهمين لفوائد ومضار السياحة
الخارجية ( أتحدث عن الشباب فقط لأن خروج العوائل
للخارج لي بعض التحفظ عليه ) ..

ثالثاً : من يقول أن السياحة الخارجية فيها إنفتاح كبير
أقول لهم : ماالفرق بينها وبين مشاهدة الأفلام التي تحتوي
على مشاهد رومانسية ساخنة وبعض منكم يشاهدها ..

رابعاً : من فوائد السفر التعرف على ثقافات الشعوب
وكسر الإنغلاق الغير مبرر على النفس والتمتع بالطبيعة الساحرة
وهي أهمها ( وليس الذهاب للدول المجاورة التي لاأدري ماذا تختلف
به عن بلدنا )!! ..

أخيراً : هذه وجهة نظر تقبل وترد .. وشكراً يا ( زعيم سام6 ) على هذا
الطرح المتميز ..

وتقبل خالص التحايا .

وين المسارح والسينما بالسعودية
ليه نجلس من سنه جدي وانا اسمع بالتلفريك حق ابها
مافيه تغير طول السنه برنامج واحد

والله يااخوي انا من المؤيدين للسفر للخارج ..

مااحس فيها شي مادام الانسان واعي ومدرك ..

قسم بالله الرياض اننا مانمشي الاوتصقع في اللي جنبك من الزحمه "في العطل"

وبعدين تغير جو بعد تعب الجامعه واحسن وقت عشان تشوف اخوانك..

وتخبر ماشاء الله الرياض صراحه جوها مايحتاج الثلوج وصفاء الجو يلزمنا اننا نجلس فيها

وبيني وبينك اني مهبله في ابوي عشان ابي تركيا تدري عاد وش يقول ورى هالسنه

بالذات تبين تركيا؟ قلت له بس تخبر ماودي اشوف مهند

وسلامتك خيو الفاضل..

مشكور اخوي المفروض الواحد يغير شي من الروتين اللي عايش فيه اذا جات الاجازه يطلع لبرا مو يجلس في السعوديه لان داخل السعوديه الاماكن اللي بتروح لها نفس الاماكن اللي تروح لها كل سنه في الاجازات والواحد مفروض يغير ويطلع وينفتح على العالم والانفتاح ليس الانفتاح الكامل لكن ياخذ من ثقافات البلدان اللي رايح لها الشي الجيد والشي المفيد ويترك الشي السئ والانسان كما قيل المرء خصيم نفسه ويعرف ماعليه ان يفعل وكل شخص يجيب ان يخاف الله في كل مكان