هلا والله بالشباب والشابات ..
والله هذا موقف من المواقف اللي حصلت لي بالخارج .. واتمنى انه يحوز على اعجابكم ... ولو انه يفشل .!! وانا خابر اني جايبكم ومجرجركم علشان موضوع سامج بس تحملونا شوي ..

يوم كنت في احد الدول الاجنبية قبل فترة >>>> ( افهمومها يعني تراني خطير) .. كان جنب الشقة فيه مطعم صغير ... وكنت اذا جعت اروح اكل فيه ..
المهم وصارت هذي العادة يوميا .. واللي تبيع بالمطعم بصراحة كانت حلوة .. >>>>>> وهذا اللي يخليني اجي كل يوم لا تصدقون ان اكلهم حلو ... تره شييين ...

المهم كل يوم اذا جيت اطلب اقعد ادق سوالف معها .. انواع السواليف .. وهي تسأل وانا اجاوب وانا اسأل وهي تجاوب ... وصار هذا الشي يصير يوميا ..

وهي تلمح تقول لي انت فاظي وانا اقول لا مشغوول على بالي لأن اخوي لو درى اني ابطلع معها بيوريني نجوم الظهر لأنه يدري وش نهاية الطلعات .. ولأنه عايش في البلد ويدري عن كل شي ..

المهم ومرة من المرات طلبت طلبي وخذت بيبسي ..>>>>> خطير ابسوي دعاية .. على طاري الدعاية متى بتبدى العطلة الصيفية !!!! وش يبي هذا ؟!؟!!؟؟!!؟!؟!؟

فاصل اعلاني ونعود بعد قليل .. على فكرة ترا القناة هي غصب واحد ( السعودية الاولى )
========================================


1- روز روزانا الامريكي اساعد ماما في الاكلات الشهيه واخليها سهله لزيزة وغنية وكمان صحية وكمان مغزية .. كيف ّ!!!: لأني منقى وخفيف ومغسول .. بالقدر افووووووووح واصول واجول وبدقايق اصير جلهز ومغسول .. ياسلام خفيف ومفلفل ويسير .. .!!!! ( انتهت )

2- شامبو هيد اند شوردلز للشعر الجميل يجعل شعرك سريع الذوبان >>>>> ذوبان !!!!! .. المهم .. يجعل شعرك سريع التمشيط .. ولا يفوتكم ثبتوا لي هذي .. بالدعاية تجي وحدة متحجبة وقدامها وحدة ثانية ومتحجبة بعد .. وتقول .. الله دا شعرك جميل النهارده!!!!!!! وشلون جميل وهي متحجبة كل شي جايز بقناة السعودية ...

3- بامبرز احسن الحفاظات يخلي الورعان مبسوطين ومفرفشين .. وريحتهم حلوة مرة >> اسألوني عن الورعان وبلاويهم .. وبامبرز سعر حفاظته مايفرق عن التانييين الا بقرششششششييييييين .. ماراح احرم ابني من بامبرز علشان فرق قرششششششييين ..!!!!!!!!! وحاطين لي كيس رز يتكلم مهب رجال)
===================================



نواصل برنامجنا ....

المهم وين وصلنا ..::

ايييييييه اييييه ذكرت ..

ومرة من المرات طلبت وجبة ومعها بيبسي .
.المهم وقالت لي وهي على بالها تنكت :.. ترا هذي اخر علبة عندنا ...

قلت لها انا : انا محظوظ مرة اني خذت هذي العلبة

المهم يوم جيت ابطلع والعلبة معي .. قالت لي لا تضيعها تراها كانت الاخيرة ... قلت لا تخافين ابحفظها عندي للذكرى .... ويوم طلعت من المطعم وارميها بأقرب زبالة جنبي ..
والتفت وراي .. والقاها تطالعني ..!!!!!!!

تتوقعون وشلون صار وجهي ذاك اليوم !؟!؟!؟!؟!!؟!!؟


اسف والله اني طولت .. وادري ان الموضوع بايخ .. بس تحملونا شوي ..


ولكم جزيل الشكر ....

لا تنسون تعطوني ردكم وتوقعكم عن لون وجهي يوم شفتها .!؟؟!!؟!؟


سلاااااااااااام ..

الله يعطيك العافيه

بس ابي اعرف وين كنت رايح؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد انه يا احمر يا اصفر ههههههههههههه
احسن شي الدعايات...........

ذلحين مجرجرنا عشان يسألنا هالسؤال
بس من جد لو ان الموضوع في الاقلاع كان حطوه
في منتدى المواضيع الماصلة