#1  
قديم 14/06/2008, 09:46 PM
زعيــم متواصــل
تاريخ التسجيل: 21/02/2008
مشاركات: 111
هذا هو سبب فقدان الزعيم لثقته؟؟؟؟

ادخل بكم في الموضوع...

انتهى الموسم ببطولتين غاليتين ولله الحمد. وكان الزعيم في هذا الموسم كل مباراه
يخرج بنتيجه وليس بمستوى باستثناء مباراتنا مع الاتفاق على النهائي عكس
ماكنا نعرفه عن الزعيم كان يخرج من المباريات بنتيجه ومستوى. لكن الحمد لله
بطولتين احسن من ولا شي..

مع العلم يازعماء ان سبب انخفاض مستوى اللاعبين هو جمهور الزعيم للاسف
مايحضر مباريات واذا حضر يصخب على بعض اللاعبين..
واذا دخلت منتدى الزعيم شفت العجائب
موضوع يتكلم عن احد لاعبين الزعيم انه سواء حركه حلوه.
وموضوع يتكلم عن سحبت لاعب معين.وموضوع عن شوته. وموضوع مدح
عن احد معين وفي الاخير المتضرر لاعبيننا.

ياشباب مواضيع عن الشلهوب انخفض مستواه اصبح الجميع يسبه ويقول ابعدوه فاصبح الشلوب يعاني من ضروف ومن ضغط نفسي بسبب الجمهور.

نواف التمياط كلنا نعرف ان الاصابات نزلت في مستواه فاصبح الاغلبيه يطالب بابعاد نواف يقولون كبير ومدري ايش ويطلبونه يعتزل. وبعد مباراتنا مع الاتحاد اصبح الجميع يمدح نواف ويقول الحمد لله رجع لمستواه يعني تناقضون انفسكم بانفسكم.
احمد الفريدي لعب مباراه حلوه مع الشباب واصبح الجميع يقول جاكم الفيلسوف جاكم البرنس السعودي ومدح فوق اللزوم. احمد الفريدي لاعب توه صغير والان اصبح لاعب بارد لاعب مغرور والسبب انتم ياجمهور الزعيم.
فهد المفرج مواضيع سبب والقاب ساذجه فهد المنعرج . مخرج 17 وكلام بايخ جاب هدف في النصر الجميع كتب عنه مواضيع مدح اصبح اللاعب متشتت الذهن والخسران نحن كجمهور هلالي.

ماجد المرشدي الجميع يتكلم عنه انه بايخ ومدري ايش ولما انصاب فهد المفرج قبل النهائي مع الاتفاق اصبح الجميع يتذمر من ماجد وبعد النهائي نزلت مواضيع
تمدح في اللاعب ويقولون انه تيفا السعوديه.

خالدعزيز الجميع وصفه بالخائن لما خرج من معسكر المنتخب قبل البطوله العربيه ويسبونه وقالو انه علشان يروح للاتحاد وبعدها رجع واصبح يلقب بالجندي المجهول. شي غريب

طارق التائب نعرف انه اجنبي والاجنبي اصغر كلمه تأثر فيه وتشتت ذهنه وسموه لاعب استعراضي ما يصلح لزعيم الجميع يقول ليت نواف يرجع لأيامه. وبعدها لعب مباراه وصلح حركه حلوه اصبح المنتدى يتكلم عنه.
حتى عمر الغامدي مره يمدح ومره ينسب وبدر الخراشي يعني تقريبا جميع لاعبين الزعيم يتعرضون لمح تاره ولسب تاره اخرى المتضرر اللاعب نفسه يايصيبه غرور يايصيبه عقده من الجمهور يايتعرض لضغط نفسي يفقده الثقه.

ومواضيع ياسر تحصلها في كل مكان. مدرسه .شارع. صور في مكان. اوكي انا مشجع للهلال واحب ياسر وياسر مايختلف عليه اثنين لاعب مهاري وذكي.
بس فيه فرق بين ياسر في تصفيات كأس العالم 2006 وياسر في الوقت الراهن
فرق واضح جدا ولارايح اتكلم فيه لان ياسر فوق اني انا انتقده وادري لو انتقدته بصير معارضين لي كثيرين . بس اترك مقارنة ياسر بين ياسرقبل وياسر الحين لكم.

بعد كتابتي لهذا الموضوع اللي فات مات لكن ارجو من الجميع عدم المدح الزائد للاعب معين او السب الزائد .اوكي تنتقده لشي معين صح. تمدحه بسبب شي اوكي. مو يصير المنتدى كله يمدح او كل يسب..
ملاحظه جميع اللاعبين اللي ذكرته اسماءه كلهم على راسي وكذالك جميع لاعبين الزعيم.( لكن وربي كل ذا الكلام غيره على هذا الكيان الشامخ)
اتمنى للجميع التوفيق جمهور ولاعبين واداره.. وشكرا لكم.

اعلمو اننا نتختلف بالاراء ونجتمع في حب الزعيم وشكرا لكم
اضافة رد مع اقتباس
  #2  
قديم 14/06/2008, 10:11 PM
الصورة الرمزية الخاصة بـ الملك"توتي"
زعيــم مميــز
تاريخ التسجيل: 26/07/2005
المكان: شفت آخر الدنيا؟هـ وراها شوي
مشاركات: 3,340
وجهة نظرك ..!!


بس ما اظن ( الــزعـــيم ) فقد ثقته في نفسه ..!

والا ليش تقول عنه الزعيم ؟؟

ما بقى الا هي .. الزعيم يفقد ثقته في نفسه ..

ناس عشر سنوات ما حققوا بطولة .. ويثقون في نفسهم
لا و يقولون ناد كبير بعد << قوة وجه ..

شكرا
اضافة رد مع اقتباس
  #3  
قديم 14/06/2008, 11:46 PM
زعيــم مميــز
تاريخ التسجيل: 21/08/2004
المكان: دحل ذيب
مشاركات: 4,479
حبيبي الهلال لعب هالموسم من بدايته لنهايته بدون استقرار للاعبين الأساسيين

يعني كل مباراه يكون فيه ظرف للاعب او لاعبين أو حتى ثلاثه ويغيبون

ومع ذلك نفوز

الهلال هالموسم أكتشف أكثر من ثمانية لاعبين أصغر من 20 سنه بيخدمون الهلال أكثر من 10 سنوات قادمة بحول الله

الهلال هالموسم حاربوه من جميع الجهات ولكنه نافس على البطولات كلها

ومافيه نادي نافس على البطولات كلها الا الهلال والهلال لحاله بس

تخيل كل هالضغوط وهالظروف وينافس على جميع البطولات ..؟

وبالنهاية تجي تقول مافيه ثقه ..؟
اضافة رد مع اقتباس
  #4  
قديم 15/06/2008, 12:08 AM
زعيــم مميــز
تاريخ التسجيل: 20/02/2008
المكان: جــــــــــــــد هـ
مشاركات: 4,577
حبيبي الهلال لعب هالموسم من بدايته لنهايته بدون استقرار للاعبين الأساسيين

يعني كل مباراه يكون فيه ظرف للاعب او لاعبين أو حتى ثلاثه ويغيبون

ومع ذلك نفوز

الهلال هالموسم أكتشف أكثر من ثمانية لاعبين أصغر من 20 سنه بيخدمون الهلال أكثر من 10 سنوات قادمة بحول الله

الهلال هالموسم حاربوه من جميع الجهات ولكنه نافس على البطولات كلها

ومافيه نادي نافس على البطولات كلها الا الهلال والهلال لحاله بس

تخيل كل هالضغوط وهالظروف وينافس على جميع البطولات ..؟

وبالنهاية تجي تقول مافيه ثقه ..؟

صادق اخوي الطيار وكمان معاااااااااااك بالحرف يالغالي
اضافة رد مع اقتباس
  #5  
قديم 15/06/2008, 12:10 AM
زعيــم مميــز
تاريخ التسجيل: 02/06/2008
مشاركات: 2,788
-----------------------------------------------------------------------------------------------------------------------------------
اضافة رد مع اقتباس
  #6  
قديم 15/06/2008, 01:11 AM
زعيــم فعــال
تاريخ التسجيل: 28/03/2008
المكان: كوكب الزعيم
مشاركات: 277
الزعيم واثق الخطوة يمشي بطلاً............................................................
اضافة رد مع اقتباس
  #7  
قديم 15/06/2008, 02:33 AM
زعيــم فعــال
تاريخ التسجيل: 04/10/2005
المكان: جــــــــــــــدة
مشاركات: 413
الهلال يمرض ولكن مايموووووووووووووووووت
وتذبب المستويات شي طبيعي جداً في جميع الاندية
اماعن انتقادات الجمهووور للاعبين فانا اقووول سر توهج لاعبي الزعيم انتقادات جمهووورهم المحبوووب لا مجال للمجاملة عند جمهووور الزعيم تلعب صح نرفعك ينزل مستواك نشرشحك.
اضافة رد مع اقتباس
  #8  
قديم 15/06/2008, 04:43 AM
زعيــم فعــال
تاريخ التسجيل: 03/06/2008
مشاركات: 424
اول شي يعطيك العافيه


والثاني انا اعارضك على عنوان الموضوع لأن الزعيم لم ولن يفقد الثقه ولن يفقد جمهور الزعيم ثقته في هذا المارد الأزرق


اما بالنسبه لخلاصة الموضوع


فأنا معك في هذي واتفق معك في كل كلمه قلتها


لكن هذي نتيجة الشماته في جماهير الجار


اللي يطيرون بلاعب معيّن ويحسسونه انو مافيه مثيل لهالاعب وانه بيصير اسطوره وبهالأسلوب يصيب اللاعب الغرور خاصة وإذا ماكان عنده فكر إحترافي وبهالطريقه يصير ماعاد يعرف يلعب من كثر ماهو شايف نفسه


وبعد هذا كله واذا وصل اللاعب عندهم لهالدرجه قاموا يسبون فيه وينزلون من مستواه ألين يحس إنه ولا شيء وبهالطريقه ينتهي مستقبل اللاعب والسبب الجمهور والإعلام


ولا اتمنى ان يصل جمهور الهلال لهذه الدرجه


أنا لا اعارض النقد للاعب ولكن النقد الهادف لا التجريح والشتم




ويعطيك العافيه مره ثانيه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:00 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube