السلام عليكم ....
طبعا في البداية أطالب الجميع بتحويل أرقامهم إلى موبايلي دعما لناديهم في المقام الأول ولأفضلية موبايلي من ناحية الخدمات من جهة أخرى...
موضوعي أنا أردت التحويل لموبايلي قبل شهرين تقريباً وجزمت بعد ما قرأت كم موضوع في هالمنتدى ... أنا تم انتقالي بدون مشاكل تستحق الذكر ،،، بعد ذلك سويت حملة دعائية لموبايلي (بدون مقابل) لأجل الزعيم... ونجحت بنقل أرقام جميع أفراد أهلي وجزء كبير من أصدقائي وأهاليهم وواجهت مشاكل كثيرة خصوصاً من طرف الاتصالات وكلها تتمحور حول المماطلة والتهرب منك حتى يفوتك العرض (طبعاً ممنوع لمن يتصل على 902 أن يخبرك بتفاصيل المبالغ لكي تتم التصفية والذي يبلغ بذلك تتم مسائلته ، وحينما تشرح له وضعك وتقول كم كافة المبالغ يقول ليه؟ بتقول أبنقل خطي ، يجاوب النظام متعطل اتصل بعدين وهذا نوع واحد من المماطلة...
وللمعلومية ترى كل عروض الجوال سببها موبايلي والا وين العروض من أول:
أيام اليوم رسومه ريالين والشريحة بألف وخمسمئة وغيرها من النصب وكل هذا التحول سببه بعد الله شركة موبايلي...
أرجع لموضوعي ،،، كل أحد سبق وأن نقل رقمه من الجوال لموبايلي يتصل بهم (على 902) ويعطيه الرقم ويتأكد إذا كان عنده رصيد إضافي وهذا الكلام ينطبق على من ألغى خطه وأغلقه...
ليــــــــــــه ؟؟؟
لأن شركة الجوال أو الاتصالات متعودة تلعب علينا ... كيف؟؟ طبعا كل مشتركي الاتصالات جوال أو ثابت يدفعون كل فاتورة رسوم شهرين مو شهرين الفاتورة الحالية بل شهرين قدام .. عشان يضمنوا فلوس لما تقطع الخط .. طبعا الرسوم هذي تشمل الرسوم الشهرية اللي هي 90 ريال وأي رسوم أخرى موجود - انترنت - وغيرها فهم دائما يأخذون رسوم الشهرين الحالية والشهرين اللي قدام لأي خدمة... طيب واحد يسأل مثلي لما سألت موظف الاتصالات : تخيل مليون واحد نقل لموبايلي وبقى متوسط 50 ريال رصيد لكل واحد ؟ أين تذهب 50 مليون ريال (شكلها لعقد النصر) يرد الموظف : نضعها لدينا حتى يطالب بها ،فسألت لم لا تبلغوه : قال هذي هي سياستنا اللي يبي فلوسه يدور عنها ، وحنا ما علينا الا أننا نأخذ حقنا وزود والعميل بــ قريح وبزنة تخيل كم واحد حول وين راحت الفلوس ..
أنا شخصياً عرفت ذلك عن طريق موظف عندهم بلغني بسر نجاحهم ، اتصلت وأنا وقتها بالجوال وقلت انا رقم بطاقتي كذا وكذا عندي جوال قبل قطعته وأخذت الرديف هل فيه رصيد سابق قال نعم
فيه 47 ريال على ما أظن من تاريخ 1425 ،،، طيب كيف ماقلتوا لي ، لو ينقصكم ريال ذبحتونا ، قال هذي سياستنا مع الجميع ،،، طبعا بعد ما حولت قبل شهرين اتصلت من الثابت وعطيته رقم جوالي ورقم زوجتي وقلت له (ببراءة) أنا نقلت من عندكم وأبشوف إذا كان لي رصيد عندكم...
قال لحظة ، ثم قال عندك 284 ريال في رقم و42 في رقم آخر
ماشاء الله ... 326 ريال ، طيب ليه ماقلتوا لي وهل كنت ناوين تتصلون،،
قال لا ننتظرك بعد مدة ممكن تكون عندك فاتورة ما تسددها ونأخذهم أو يمكن بتطلع جوال ويكون هذا رصيدك ..
راجعت الفرع ، وقلت أبي فلوسي ، قال يا حليلك افتح جيبك ،اختر يا نحول المبلغ للثابت أو لرقم جوال تحدده أو تطالب بشيك من الفرع الرئيسي ويأخذ له وقت ماصدر ،، أنواع التعجيز هذي هي خدماتهم.. وفي النهاية أقول للجميع قسم بالله أن فاتورتي الأخيرة برسالتهم اللي جت لجوالي فوق ال 500 ومع موبايلي أول فاتورة 48 ريال ،، فرق شاسع
وأنصح جميع من حول رقمه أن يتصل عليهم ويسأل عن رصيده السالب المتبقي
ولمن لم يحول أقول له (ادعم ناديك وحول )
وآســـف على الإطالة
وشكرا لكم