كل حاجه يانبيله فـــ نتظارك
الوطن والناس وآ نا فــ نتظارك
والطريق العام والباب الرئيسي .. والممر وقبضه السلم ..
ودارك ....؟
كلبونا .. يانبيله فـــ نتظارك .......
&&&
لو تشوفيني شلون أ مشي ويديني فــ جيبي
وأنا... وأحزاني وطيبي ... كان ماخذيتي قرارك

كان مارحتي ولاقلتي تري .. منت بحبـــيبي
يـاخســارة قلبي المظلومـ ولا... ياإنتـصـاركـ
&&&
رحتي وخذتي معاك ابسط تفاصيل الحياة
يامزعلة البنات ...
سحقاً لكل البنات
انا ميت فيك ... ايش ميت فيك ؟
انتي فيك حتي الموت .... مات ...
ياجنونك ... ياأ نتشارك
&&&
مري فـ شارعك الاول يالغلا الاول وطوفي
بس شوفي ..
من وقف علي عيونه فــ نتظارك
من بعد ماخنتي وخانو كثير احباب يوفي
هـــم هـــم ...
رابطة جمهورك المتعصب لــ طلة نهارك
انا .. وطيور القفص..والباب .. واشجارك.. وجارك
انتي ام الحسن وام العاطفه واحنا صغارك
فــ لاتلومينا ليامنا وقفنا فــ انتظارك....
&&&
اطغي اطغي . . خلي الغابات تتسلف خضارك
بس تترك اصفرارك ..
لــ ابتسامات المجامل ولــ وقارك
واتركي لعشاقك الموتى حمارك
او بالاحرى ... احمرارك
&&&
لاتلومينا مجانينك نحبك طغيتي
لازعلتي .. لاحكيتي .. ولامشيتي
انتي مسكينه ومظلومه ومعذوره ليامنك نسيتي
لانك انتي اللي فقط...
ماشفتي نفسك لاحكيتي
ولانك انتي الي فقط
ماشفتي نفسك لامشيتي
&&&
يادمــارك
ياوقوف العالم الثالث علي شرفة زرارك
مـــادريــتي ؟
طيب ادري يانبيله كانك الياالحين فعلاً مادريتي ؟
انتي اكبر مشكله تواجه الشعب الكويتي
&&&
انتي مثل الظلم والا جــحــاف بس انتي لئيمه
هم طبيعتهم عدائيين بس انتي رحيمه
مابدر منك منك جريمه
انتي بالفطره بدون سلاح ومقاتل جريمه
وانا بالفطره بدون سلاح احبــــك ياعظيمه ...
بذبوللك وازدهـــارك ... وانصهارك
***
يانبيله انا حالياً ترى ماني سعيد
ماعرف للعيد يوم
وماعرف لليوم ...عيد
غايب وروحي جوارك
انقذيني كل ماوزني نقص حبك يزيد
انقذيني صرت اكلم نفسي ونفسي تعيد
كنا اول فــ نتظارك انا .. وطيور والقفص .. والباب ..واشجارك.. وجارك
كلهم راحو وملوا.. كلهم راحوا وخلوني لحالي فــ نتظارك
انا حاليا وحيد ...
انا حاليا معيد ..
لامزيد.. ولاجديد
الااني اسولف مع الاخ انتظارك
عند دارك ..
علي كرسي انتظارك..
فــ انتظااااااااارك

الله الله الله علييييييييك ..

صح إحساسك الذوق ع الإختيار المميز ..

وصح لسان الكبير سعد علوش ..

قصيده من أجمل القصائد اللي قرأتها .. قمة الروووووووعه

الله عليك ياخوي القحماني .. ذوووق ذووووق

ياليت تجيب لنا قصائد ثانيه لـ سعد علوش بس بشرط (من ذوقك الخاص)

**

يعطيك ألف عااااااااافيه ورده
وننتظر جديدك

**

تحيآتي

سعد علوش من الشعراء المتميزين وله اسلوب مميز بطريقة تجذب المتلقى


شكرا اخوي على الاختيار للابيات الرائعة

صح لسانه ولسانك اخوي

رغم انه مب شاعري المفضل الا انه يعجبني كثييير

يعجبني الشاعر الي له اسلوب خاص..


ذوق ما شاء الله عليك

صح لسان قايلها
وسعد له اسلوبه المميز انا من اشد المعجبين بشعره شاعر متمكن
وشكرا على طرح القصيده .. واذا عندك زود من قصايده لا تبخل علينا

والله فكره اذا تبونا نسوي مكتبه لسعد علوش يستاهل والله

الله الله عليك أنت وسعد علوش

وش أقول وش أخلي عن سعد يارجال خلني أسكت أحسن لي

وهـــ يا سعد علوش

انا من اشد المعجبين بشعره

وشكرا على طرح القصيده

يعطيكم الف عافية وبإذن الله بنحاول اذا تفرغنا بيوم من الأيام نسوي مجموعه خاص بسعد بس انا هاليومين علي ضغط مو بطبيعي من كل الجهات خلوني اتفرغ على نهاية الأسبوع الجاي ونشوف حل

ياهلا عجزت اقرى اسمك

رائعه من روائع سعد علوش .. شآعر يلفت الانتباه بأسلوبه المميز والرآئع

وطريقة إلقائه للقصيده .. بصراحه انا من اشد المعجبين بـ قصائدهـ

وكآن بتسوون مكتبه لـ سعد تلقوني على رأس الجيش

بس عجلوا علينا .. تحيآآتي

إقتباس الرسالة الأصلية كتبت بواسطة يسلم راسك ياهلا عجزت اقرى اسمك رائعه من روائع سعد علوش .. شآعر يلفت الانتباه بأسلوبه المميز والرآئع وطريقة إلقائه للقصيده .. بصراحه انا من اشد المعجبين بـ قصائدهـ وكآن بتسوون مكتبه لـ سعد تلقوني على رأس الجيش بس عجلوا علينا .. تحيآآتي

خخخخخخخخخخخ ياهلا فيك ياكثر اللي متورطين بالإسم بحط لافته تحت اسمي واكتب عليها القحماني ..

سعد علوش شاعر كبير ويستحق ان نعمل مكتبه عشانه وان كانك مستعجل بدها اوانا بدعمك بكل اللي عندي