منتخب تركيا >>> يتحدى الملل - نادي الهلال السعودي - شبكة الزعيم

ابو طـــــلال · #1 12/06/2008, 07:43 AM

أحبتي أعضاء منتدى الزعيم والمهتمين ببطولة أوربا للمنتخبات .. البطولة الأجمل والأقوى بعد كأس العالم

السلام عليكم ورحمة الله وبركاته

شدني المستوى اللذي قدمة منتخب تركيا أمام سويسرا ... مــــــــــا هــــــــــاذا ؟؟

الأتراك ابدعوا .. وحرثوا الملعب .. طول وعرض .. حتى الثواني الأخيره وهم يقاتلون ..

طبعا تختلف مستويات المنتخبات الأوروبيه عن منتخبات اسيا ... والفرق شاسع

لكن السؤال اللى دائماً يدور في ذهني .. ليه مستوى تركيا نهض وتحسن وقارع أكبر واعتى المنتخبات ..

حتى على مستوى الأنديه .. أندية تركيا ومنها ( غلطة سراي ) في المقدمة ويصنف ضمن اقوى الأنديه الأوروبية !!وذاع صيته في السنوات الأخيرة

ماهو سر تفوق مستويات ( كرة القدم ) التركيه بهذه السرعة ؟؟

مااتوقع الفرق بالأكل والشرب ...

إحتراف ؟؟ طيب عندنا ؟؟؟

فلوس ؟؟ عندنا ..؟؟

مواهب ونجوم ... عندنا ؟؟

وش مشكلتنا بالظبط ؟؟

قفز مستوى تركيا وأصبح من المنتخبات القوية والعنيدة على مستوى قارة أوروبا ..

وحنا نفوز على منتخب متواضع جدا .. ولنا سنين نبي نعدل .. وعجزنا .. طار المدرب .. رجع المساعد .. وأبو جوهر اشغلناه .. رايح جاي ... خلفهم ونسيهم

فعلا منتخب تركيا رائع ...

البطولة جميلة ..

أتمنى ان يكون المنتخب السعودي في يوم من الأيام ( القريبه جدا ) كأحد هذه المنتخبات في المستوى والحماس والروح .. والعقلية الإحترافيه .. وليست بالعقود الإحترافيه فقط

تحياتي للجميع ..

وأتمنى لكم طيب المشاهدة والإستمتاع مع بطولة اليورو

اخوكم الصغير ابو طلال

j_alhilalih · #2 12/06/2008, 07:49 AM

<<<<<<<<<ياكثر علتنا احنا يالاسيويين

اولا: رقبة الاوربي تساوي جسم الاسيوي كله

ثانيا:من يوم ماربي خلقهم حتى وهم في بطن امهاتهم يلعبوا كوره<<<<كبيره شوي

3:لا دين ولاعقل فاضيين ماعندهم غير هالمدوره يلعبوا فيها<<قصدها الكوره

والله يالطيب ياكثرها بس ماهي على بالي

وبعدين لا تنسى العداوه الي بين الاسيويين والاوربيين عشان كذا الاحتراف الاسيوي قليل

مشكور<<<<<<<تعبت وانا اعبر عن شعوري
هع هع

باسكن روبنز · #3 12/06/2008, 08:01 AM

{ وعليكم السلام ورحمـة الله وبركاته}

اعتقد ان السبب

1- الشكل الجسماني له دور كبير حنا لاعبينا من يطيح في الملعب تكسرت رجوله ويتعالج لمدة ست اشهر .

2- احتكاك تركيا وانديتها باوروبا .. اما نحن فبمن نحتك بدول الخليج ولا اليمن ولا سوريا
واذا بنصير ابطال احتكينا باليابان ..

3- المباراة الودية لها عامل كبير مبارياتنا الودية مع فرق جدااااا ضعيفه واقل منا مستوي
كيف تبيهم يتطورورن ...

4- الرووووح

للاسف فقدت في منتخبنا اما تركيا فيمكن انها ماحققت انجازات
كثيرة وتريد اثبات وجودها في قارة اوروبا وهذا دافع لها لكي تتطور.
اما نحن فتشبعنا بطولات اسيوية واثبتنا وجودنا في اسيا
وللاسف فقدنا الطمووح للعالميـة ..

لو نظرنا الى منتخب اليابان في الثمانينات لم يكن شي يذكر
وكان يهزم بناتئج قاسية وفجاه قفز قفزة كبيرة ..

ولعلنا نتذكر منتخب هنغاريا ( المجر ) قديما في بطولات كاس العالم
وصولاته وجولاته والان اصبح نسيا منسيا ..

الكرة تتطور وحنا محلك سر << على قولة المصررييين

ابو طــــــلال

الله يعطيك العافيـة ..

تقبل مروري ..

ابو طـــــلال · #4 12/06/2008, 01:58 PM

إقتباس

الرسالة الأصلية كتبت بواسطة جيرا


	<<<<<<<<<ياكثر علتنا احنا يالاسيويين اولا: رقبة الاوربي تساوي جسم الاسيوي كله ثانيا:من يوم ماربي خلقهم حتى وهم في بطن امهاتهم يلعبوا كوره<<<<كبيره شوي 3:لا دين ولاعقل فاضيين ماعندهم غير هالمدوره يلعبوا فيها<<قصدها الكوره والله يالطيب ياكثرها بس ماهي على بالي وبعدين لا تنسى العداوه الي بين الاسيويين والاوربيين عشان كذا الاحتراف الاسيوي قليل مشكور<<<<<<<تعبت وانا اعبر عن شعوري هع هع

إقتباس


	لا دين ولاعقل فاضيين ماعندهم غير هالمدوره يلعبوا فيها

عاد مارد لاعبينا إلا الدين عن لعب الكورة !! أما العقل هين عاد .. مايمديك

عقولهم توزن بلد ..

هم مايناظرون للعداوة .. اهم شي يخدم فريقي .. بس لاعبين أسياء ( زلايب ) مابهم احد يبيض وجه القارة الكبيرة ( أسيا ) كبيرة وكثيرة على قل سنع

الثقافة والعقليه الإحترافيه اتوقع هي اهم الأسباب

يعطيك العافية وأسعدني حضورك

فهد0 · #5 12/06/2008, 08:05 AM

تبي الصدز وناخوك هذا اللي يفرق

memo-ab · #6 12/06/2008, 08:18 AM

والله اعتقد عندنا احنا الاسيويين البنية الجسمانية لمعظم الاعبين ضعيفة جا بعدين ماعندنا احتكاك بالمنتخبات الكبيرة

j_alhilalih · #7 12/06/2008, 08:48 AM

فهد هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه هههههههههه

تحفففففففففه

yazeed14 · #8 12/06/2008, 08:49 AM

هلا اخوي

تدري ليه هالمستوى؟؟

لانهم ما شاركوا في كاس العالم الماضيه

عشان يجهزوا لكاس العالم 2010 !!!!

وهذا السبب وطبعا شوي كلام من الرئيس

ومن المدر وخلاص الحين يمكن يتحدى اقوى المنتخبات الاوروبيه

على كاس يورو!!

مشكور اخوي عالموضوع..,

j_alhilalih · #9 12/06/2008, 09:06 AM

إقتباس

الرسالة الأصلية كتبت بواسطة yazeed14


	هلا اخوي تدري ليه هالمستوى؟؟ لانهم ما شاركوا في كاس العالم الماضيه عشان يجهزوا لكاس العالم 2010 !!!! وهذا السبب وطبعا شوي كلام من الرئيس ومن المدر وخلاص الحين يمكن يتحدى اقوى المنتخبات الاوروبيه على كاس يورو!! مشكور اخوي عالموضوع..,

احسه صح

جايه الهرجه

وكمان ياكثرها الاسبااااااااااب

الــكــاســ20ــر · #10 12/06/2008, 09:45 AM

اذا شفت اللاعبين السعوديين في اندية اوروبية مثل لاعبين تركيا بعدين تعال قول ليش وليش

شي طبيعي لاعبينهم اكثرهم محترفين في انحاء اوروبا وانديتهم تقارع الكبار في دوري ابطال اوروبا ,يعني شي طبيعي تشوف المستوى هذا

السعودية كلها مافي لاعب واحد محترف في اوروبا او حتى في اسيا او في الخليج من فين تجيهم خبره ؟؟؟؟

♥ N E V E S ♥ · #11 12/06/2008, 11:56 AM

تبي تدري ليه.....؟!
شف الروح والآخلآص اللي يلعبون بهآ الآترآكـ وتعرف...!

ahmad_asm · #12 12/06/2008, 12:03 PM

تعددت الاسباب و المنتخب فاشل !!!!!
اخوي اسباب كثيرة منها البنية الجسمانية منها اللياقة شوف اللاعب التركي خصوصا نيهات في الشوط التاني شوف كيف يجري لو نجمع كل اللي يجريه اللاعبين في المنتخب ما يجي قد واحد منهم

hmooode_4 · #13 12/06/2008, 01:03 PM

هو سببين

ان اللاعب الاسيوي مايطبق الاحتراف بالكامل

السبب الثاني تصيب اللاعب الاسيوي الرهبة والخوف اذا قابلو منتخبات كبيره

اذا هالسببين طبقو راح نكون قادرين عى مقارعة افضل المنتخبات الاوروبيه

مهووس التدريب · #14 12/06/2008, 03:43 PM

السلام و عليكم ورحمة الله و بركاته

شوف يا عزيزي بغض النظر عن الاعبين وعن المدربين اظن انو فيه اسباب فنبة توثر على المنتخب اكثر من انوع الاعبين انفسهم ومن اهم هذه العوامل الاستقرار
مدرب تركيا الحالي فاتح تيريم ماسك تركيا من عام 2003 يعني تقريبا 6 سنين اتوقع خلال هذه الفترة المدرب ياخذ راحته و يسبعد نجوم ويكتشف مواهب ضيف على الاسقرار المطالب الموجهة للمدرب نفسه يعني مثلا تركيا لم تتاهل لكاس العالم 2006 وما خرجت من التصفيات الا في اخر جولة ورغم كذا ما اقالو المدرب اليورو 2004 لم تتاهل تركيا و رغم كذا ماقالو المدرب حفاظا على الاستقرار

ومن وجهة نظري المتواضعة هذا ما ينقص المنتخب السعودي تغيير المدرب من فترة لفترة اضيف ايضا المطالب الموجهة للمدرب تقول مدرب برازيل مو السعودية
يعني زي ماصار مع سكولاري 2002 كان مع المنتخب السعودي حقق نتائج سيئة قي بعض المباريات و قامو اقالوه وجابو واحد ثاني واكلوها ثمانية بينما سكولاري راح للبرازيل و حقق البطولة

هذا وجهة نظري المتواضعة

لكم كلكم ورده

G o L d E s T · #15 12/06/2008, 03:56 PM

والله فعلا مباراة سويسرا وتركيا أمس رووووعة

حتى إني تركت اللاب توب وتفرغت للمباراة

من ناحية الفرق بيننا وبينهم فأشوف إن أول الأسباب الإحتكاك بفرق ومنتخبات أقوى منهم مستوى

مب مثلنا إذا جينا بنلعب وديات نباري منغوليا وسوريا

تركيا ما تطور مستواها إلا قبل فترة تعتبر قليلة وقبلها كان طموحهم التأهل للأمم الأوربية أو لكأس العالم

أضف على ذلك إن كثير من لاعبينهم محترفين بأكبر أندية أوربا غير اللاعبين اللي يلعبون بالأندية التركية اللي تشارك بأبطال اوربا