اليوم بعد العشاء كنت راكب السيارة ===> بشر أمك
شغلت المسجل ويطلع لي عبد الحليم ......
سواح ...وانا ماشي ليالي
سواح ... من الفرقا يا غالي سواح ولا داري بحالي سواح ايه اللي بيجرى لي
وسنيييييييييييييييييييييييييين وسنين وانا دايب شوق وحنين عايز اعرف بس طريئي منين
وان لئاكم حبيبي سلمولي عليه ...طمنوني الاسمراني عامله ايه الغربة فيه

ما تلاحظون اني مسكت خط
طبعا هالاغنية سامعها 9687465455494635468 مرة
قلت خلني اشوف الرادو وش عندهم الاف ام عن فلسطين
طيب غيرهم الكويت طلع نبيل يغني عربي وعنقليزي ====>عجزت افهم شي شكله مستنزل
واحوس بالمحطات شوي واطيح بهاك الكلام واجيم عنده

هي : كان يحبني ويموت فيني ...الخ الخ الخ ===> كلام قديييييييييييييييم
المذيعة : طيب حلو وش اللي غيركم؟
هي : جاني مرض وصرت ما اقدر اطلع من البيت ....
الذيعة : اها وش كان موقف حبيبك؟
هي : للاسف تخلى عني وصار يتهرب مني ....====> خنقتها العبرة شكل حبها اصلي يعني من حب زمان موب حب هالتالين
المذيعة : موقف سلبي للي يقول انه يحبك
هي : انا الحين ما بي بلاء يعني طبت وابو الشباب رجع يدقق علي ويقول ابي اشوفك .....
المذيعة : لالالالالالالالالالالالالا انتبهي هذا ما يستاهلك ووو.....الو الو الو الظاهر انقطع الخط

الصراحة انقهرت ودي لو كملوا الحوار لاني حسيت بمشكلة البنية وانا تجوز لي هالسواليف==> حلال مشاكل
بعد هاللي سمعته قلت شكل البرنامج كل سواليفهم عن هالامور

شوي ويتصل هاك الواحد اللي ما اقول الا يا حياتي بس

هو:الو
المذيعة : هلا
هو : مساء الخير
المذيعة : هلا مساء النور
هو : عندي مشكلة وودي اتكلم عنها
المذيعة : مين معنا
هو : فيصل من السعودية
المذيعة : تفضل
هو : يا وخيتي عندي صديق سالفته سالفة ومشكلته مشكلة
المذيعة : خير ان شاء الله
هو : صديقي مشكلته انه انطوائي ومتشائم ===> ياعمري
وانا تعبت.... تعبت معه مرررررررررررررة عجزت القى له حل
كلمته لين مليت وحاولت معه لين قفل مخي وهو على حالته
المذيعة : مسكين يا حرام طيب من ايش هذا الشي؟
هو : من كل شي بالدنيا وانا خايف على صديقي لا يضيع
المذيعة : طيب وش نسويلك ===> ما جازت لها السالفة
هو :بعطيكم رقمه واذا فيه احد يسمعنا ويحس انه يقدر يساعده يتصل عليه ويحاول يخفف عنه
المذيعة : كم رقمه؟
هو : رقمه *******05 وترى اسم صديقي سلطان
المذيعة : اذا فيه احد يسمعنا وحاس انه ممكن يساعد سلطان يتصل عليه
شكرا لفيصل وناخذ اتصال آخر

قال متشائم وانطوائي ليش الاخ زولية عشان ينطوي
يجي وانا اخليه مبسوط امسجره بعصا جدي لين يسفهل
طبعا ما تركت سليطين بحاله دقيت عليه والقى رقمه مشغول ==> اكيد لقى من يحل مشكلته
بس وراك وراك يا سلطان لين تتوب وتعقل وتخلي عنك الترقيم بالرادو

عيييييييييييييييييييييييييييييييييييييب هالاشكال فضحونا وفشلونا
ما تكفيكم التلفزيونات طلعتوا لنا بالرادو

ما ادري متى هالاشكال بتنقرض وتفكنا من شرها


وش رايكم بالترقيم لايف

*لا احد يسال عن المحطة اللي طلعت بها هالسواليف

يا راعي المحبة
هذا يهون قل موب كلن يسمع الرادو
الي افضع من كذا
الثنين الي طلوع في رولا عل الهواء
واحد قال صديقي من زمان ما شفته و كلمك الاسبوع الي راح
ممكن احط رقم جوالي عشان يكلمني
و الثاني يقول ان الاول قال رقم جوالي عندكم وترى رقمه كذا كذا
ياخي ما يستحون ذولا

موج

الظاهر هذا آخر ما توصلوا اليه في عالم الترقيم

مشكور على تواصلك