#1  
قديم 11/06/2008, 06:58 AM
زعيــم مميــز
تاريخ التسجيل: 26/06/2004
مشاركات: 2,274
Question اللي يبي يزعل يزعل بس الهلال ماهو دار العجزه

بسم الله الرحمن الرحيم

صباح الخير يازعماء ومساكم الله بخير؛

الموضوع وما فيه ان الكلام كثر عن الاعب احمد الدوخي ومدري ايش انه يبي الهلال ومن الكلام الفاضي .

اللي يقول شفته في مطعم واللي يقول شفته في المطار انه قابلني واللي يبكي ويقول انه يوم لعب في اعتزال سامي تحمس ومدري وشو من الكلام الفاضي هذا الى متى واحنا كذا العاطفه عندنا تغلب على اشياء ثانيه...

خلاص الاعب يوم راح وترك النادي والنادي كان في حاجته يوم راح هناك في جده قام يتبجح ويقول ان قدوتي والاعب اللي احبه واتابعه من صغري احمد جميل واتشرف اني اللبس رقمه اللي هو رقم خمسه يوم خلص الحفل جاءه الطارقي واخذ منه الرقم يعني كانت الحركه واضحه يعني ابكو يا جمهور الهلال على كيفكم ,
بتقولي هو ماكان على كيفه يوم يطلع من النادي وانه من الاداره ابقوللك شي لو انه يحب الهلال مثله مثل الاسطوره سامي ولا مثل يوسف الثنيان كانو مايتكلمون عن الفلوس ابد وهو علشان الهلال قال له هاذي مليوني اخذها الحين ووقع معنا يطلع على طول للاتحاد يعني هو كان في نيته انه ينتقل يعني مايقدر يسوي زي بعض الاعبين يصبر شوي حتى يوم طلع ماقال للجمهور اني ما كان ودي اطلع راح كذا .

يعني الحين يوم حس انه فشل مع الاتحاد صار يحب الهلال معليش العب غيرها يا احمد (( الصيف الماضي ضيعتي اللبان))

يعني واكبر مشكله انه راح عرض نفسه على النصر بعدها وتقولي انه يحب الهلال الى متى احنا دايم نبكي على اللي يروح((اللي يبيعنا بفلوس نبيعه دين))

اتمنى من كل قلبي ان الاداره ما تشوف الدوخي الاعب اللي كان يحب الهلال تشوف بعين الاعب اللي ترك النادي وهو كان في اعز لحظات احتياجه....

ملاحظه((هاذي وجهة نظري في الموضوع واتمنى ما احد يزعل))
اضافة رد مع اقتباس
  #2  
قديم 11/06/2008, 07:10 AM
موقوف
تاريخ التسجيل: 17/07/2007
مشاركات: 59
اجل من تبي يلعب ظهير ايمن العنقري او المفرج ماعندنا ظهير
حسن معاذ مستحيل الشباب يتنازل عنه وشراحيلي كذالك والرهيب مستواه منخفض
ماعندك الا الدوخي
اضافة رد مع اقتباس
  #3  
قديم 11/06/2008, 07:13 AM
زعيــم مميــز
تاريخ التسجيل: 26/06/2004
مشاركات: 2,274
يعطيك العافيه اخوي سعيد الدوسري .

ضاقت الدنيا مافيه الا الدوخي يا اخي فيه لاعبين صغار نعطيهم فرصه قدرنا نطلع الزوري سنه وحده ومثل المنتخب..
اضافة رد مع اقتباس
  #4  
قديم 11/06/2008, 07:14 AM
موقوف
تاريخ التسجيل: 21/01/2008
المكان: الرياض
مشاركات: 965
والله أنا أحب اقول شي على كلامك احمد الدوخي خدم الهلال وكان من اكثر الاعبين اخلاص للهلال وبالنسبة انه ترك الهلال عشان الفلوس من حقة هذا مستقبلة ولو انك محلة كان سويت مثلة وعلى قولتك ليه ماظحى عشان الهلال هذا الأحتراف وليش ماقلنى كذا عن ياسر يوم راح للهلال ليش ماقلنى انه باع نادية يأخي كل واحد يدور مستقبلة ومهما كان ماننكر الي سواه الدوخي مع الهلال خدم الهلال وماقصر ولاكن الادارة ماعرفت تتعامل معه زين شاف قدامه الغنام يندفع فية 12 مليون وياسر فوق عشرين مليون ونواف 16 مليون واستكثرو 5 مليون له ورغم هذا رجع يوقع وطرده الرئيس .
ولاتقولي ان فيه أحد يلعب مو عشان الفلوس وعشق النادي راح زمانه .
اضافة رد مع اقتباس
  #5  
قديم 11/06/2008, 07:17 AM
الصورة الرمزية الخاصة بـ النادي tr الملكي
زعيــم متواصــل
تاريخ التسجيل: 18/05/2008
المكان: ملحقي
مشاركات: 157
وانا اضم صوتي بصوت ( مشكلتي ابيك ) ، كلا يدور مصلحته و هذا زمن الاحتراف
اضافة رد مع اقتباس
  #6  
قديم 11/06/2008, 07:20 AM
زعيــم مميــز
تاريخ التسجيل: 26/06/2004
مشاركات: 2,274
اول شي يعطيك العافيه اخوي مشكلتي ابيك
انا ماقلت شي مستقبله بس مو الحين يقول احب الهلال يدور على غيرها ومن قاللك ان نواف 16 مليون نواف 2 مليونين ووقع سنتين للهلال وياسر كان القادسيه يزايد عليه وكانو يبون يبعيونه يعني ماله دخل في بعض والغنام كان لاعب كابتن فريقه ولاعب صغير ورافع الكاس الدوري معهم قبلها يعني يستحق..
اضافة رد مع اقتباس
  #7  
قديم 11/06/2008, 07:21 AM
الصورة الرمزية الخاصة بـ &هلالي حايلي&
زعيــم مميــز
تاريخ التسجيل: 07/11/2006
المكان: " مملكة قـحـطـان "
مشاركات: 4,166
الله يوفقك الزعيم ,

مع الدوخي أو غيره ,

ومشكور أخوي على الطرح ,



,,
اضافة رد مع اقتباس
  #8  
قديم 11/06/2008, 07:30 AM
الصورة الرمزية الخاصة بـ al-maseeke
زعيــم نشيــط
تاريخ التسجيل: 23/08/2007
المكان: في مدرجات الانفيلد روود ^_^
مشاركات: 549
إقتباس
الرسالة الأصلية كتبت بواسطة سعيد الدوسري
اجل من تبي يلعب ظهير ايمن العنقري او المفرج ماعندنا ظهير
حسن معاذ مستحيل الشباب يتنازل عنه وشراحيلي كذالك والرهيب مستواه منخفض
ماعندك الا الدوخي

اول شي منو شراحيلي
ثاني شي مسوي مورينهو عندنا
الرهيب افضل من الدوخي وبكثير يكفي المنتخب اخذوه
وبالرغم من ذلك عمرهـ اصغر والدوخي شاآآآايب وعمرهـ فوق الـ30
وش نبي فيه يعني سنه او سنتين ويعتزل


مآآآآآعليكم من كل هذا الكلام
الموهم الدوخي لا اشوفه في الهلال والا ...........
ماله داعي,,,,,,,,,,,,,,,,
اضافة رد مع اقتباس
  #9  
قديم 11/06/2008, 09:49 AM
زعيــم فعــال
تاريخ التسجيل: 14/11/2007
مشاركات: 371
أحبائي ..
يكفي مقولته في عز أيام العسل مع الإتحاد أن أسوأ أيامه الرياضية هي التي لعب فيها للهلال..

لانريده لأنه أساء للهلال "الذي صنع له المجد والنجومية" قبل أن يسيء لنا كجمهور ..
اضافة رد مع اقتباس
  #10  
قديم 11/06/2008, 10:32 AM
موقوف
تاريخ التسجيل: 21/07/2007
المكان: غرفة بيريز في الهايبري
مشاركات: 562
عيـــن العقــل اقســم بــاالله انك انســان فهم
انت يلي تقول يلعب العنقري او المفرج
لا والله لو يلعب فهد الشمري ظهير اهم شي الهلال لـه كرامـه الدوخي انسـان خان النـادي
الشلهوب التميـاط عزيـز يـاسر كلهم عندهم عروض من الاتحاد واكثر من عرض الهلال
بس فيــه نــاس تحب النــادي تذبح نفســه علشــان الجمهور وفيــه لاعب عندك فلووووس بلعب يعني عــادي اهم شي الفلوووووووس
مــانبيــه تكفوووووووووون يــادارة مـــانبيـــــــه
اضافة رد مع اقتباس
  #11  
قديم 11/06/2008, 11:37 AM
زعيــم نشيــط
تاريخ التسجيل: 05/10/2007
مشاركات: 751
كــلاام سليــم



وبعــدين اذا على الآحتراف الدوخي عمرهـ 30 سنــه!! يع ــني كلــه سنــتين بالكثــير وخصــوصآ الظه ــير لآزم يكــون لآعب شــااب

انته ــى بالنسبــه للهــلالــين أحمد !


شــاكرلــك اخــوي وأضم صوتي لصوتــك لآ لآ للعودتــه
اضافة رد مع اقتباس
  #12  
قديم 11/06/2008, 11:53 AM
الصورة الرمزية الخاصة بـ زعيم المستديرة
زعيــم مميــز
تاريخ التسجيل: 04/05/2008
المكان: كل شي عوائل ( الرياض )
مشاركات: 3,260
إقتباس
الرسالة الأصلية كتبت بواسطة سعيد الدوسري
اجل من تبي يلعب ظهير ايمن العنقري او المفرج ماعندنا ظهير
حسن معاذ مستحيل الشباب يتنازل عنه وشراحيلي كذالك والرهيب مستواه منخفض
ماعندك الا الدوخي

لماذا ما نجيب ظهير اجنبي ليه محصور الاجنبي

هجوم و قلب دفاع او لاعب وسط
اضافة رد مع اقتباس
  #13  
قديم 11/06/2008, 12:02 PM
زعيــم متألــق
تاريخ التسجيل: 04/05/2008
مشاركات: 1,264
ملاحظه((هاذي وجهة نظري في الموضوع واتمنى ما احد يزعل))[/QUOTE]

لا ياخوي ماراح نزعل والله يعطيك العافيه

ياخي الاعب يوم انه فـ الهلال ماقصر عليه شي

وكل شي اعرضوه عليه ورفض

يبي الاتهاد

وهذا هو راح يحسب انهم مثل الهلال

ولعبوا عليه!!!

والحين يبي يرجع!!!

اضافة رد مع اقتباس
  #14  
قديم 11/06/2008, 12:03 PM
الصورة الرمزية الخاصة بـ الأمـيـر الـهـلالـي
زعيــم نشيــط
تاريخ التسجيل: 12/02/2008
المكان: معقل آلزعمآء
مشاركات: 707
كلامك عين العقل عزيزي

ومن ناحية الضهير انشالله الاداره راح تجيب لنا محترف اجنبي تغطي الجهه
اضافة رد مع اقتباس
  #15  
قديم 11/06/2008, 12:04 PM
زعيــم فعــال
تاريخ التسجيل: 27/08/2006
المكان: السعوديه
مشاركات: 424
وانا اضم صوتي بصوت ( مشكلتي ابيك ) ، كلا يدور مصلحته و هذا زمن الاحتراف
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:42 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube