#1  
قديم 10/06/2008, 10:28 AM
زعيــم فعــال
تاريخ التسجيل: 27/09/2007
المكان: دآآآر ابو متعب
مشاركات: 314
الحقيقة المره لهلالنا في الموسم الفائت!!!!

السلام عليكم ورحمة الله وبركاته

صبكم الله بالخير والخيرات والمسرات...

الموضوع هذا صراحه كنت ابي اكتبه من زمان بس الظروف ما سمحت لي اكتبه الا الحين وهذا انا احطه بين ايديكم....

رأينا هلالنا في السنه الفائته ورأينا المستوى الغير مرضي لي طبعا وللجماهير اللي

تعرف تفكر وتعرف تحلل وتيقن تماما ان الهلال لم يكن في مستواه عطفا على البطولتين...تعالو معي شوي وخلوني اقولكم اللي في قلبي واريح نفسي

اعذروني ترا ملخبط في البطولات يعني اذا فيه خطا لا تلوموني لومو الاتحاد السعودي!!
ابدأ في بطوله الدوري... ماني جايب من اول الدوري بس بقولكم من عند المنعطف

في مباراة القادسيه رأينا المستوى اللي قدمه الهلال وكان مستوى غير مرضي ولحد يقول طارق كان احتياط ولا ياسر ممكن نقول ياسر لان مافيه بديل له بس الوسط فيه غير طارق بس مفتقدين الثقه والسبب يعود للجماهير اللي ما تعرف الا طارق التايب

وين تشجيع اللاعبين الباقين!!! 10 لاعب في الفريق وين راحو !!
كلهم ما يعرفون يلعبون وما فيه الا طارق التايب هو اللي بلحاله يعرف يلعب!!

ومباراة الشباب 0_0!! كم فرصه للشباب ضاعت وكم عارضه وكم صد الدعيع!!!

وين كانو لاعبيننا للاسف ان هذيك المباراة اسوا مباراة اشوفها للهلال في الدوري

والسبب يعود للجمهور الكريم اللي معتمد كل الاعتماد ومسلم الطاره لطارق التايب اللي ما سوا اي شي يذكر في تلك المباراة لان عبده عطيف كان يلعب فيه لين قال امين !!!


وفي مباراة الشباب ايضا واللي انتهت 1_1 واللي سجل فيها سلطان السعود الهدف
ما كان هناك اي مستوى يذكر للهلال اللهم كم فرصه اعدها باصابع يدي!!!

وفي مباراة الحزم شفنا الهدف حق ليلو واللي ما بغى يجي !!! في اخر الثواني من المباراة !!!

وفي مباراة الاتحاد (اخر مباراة) كم وكم وكم فرصه راحت عن الاتحاد هجمات منسقه ..هجوم ناري.دفاااع صخرررر...وسط متجانس...وفي الاخير خطا دفاعي من احمد الدوخي استفاد منه الفريدي وعرضها لياسر ثم ضربها ياسر بشعره!!! وقول
وخذنا البطولة اللي صراحه كان حظ يكسر الحجر واقف معنا ذيك الليله

هذا في الدوري...نروح لكاس ولي العهد..؟

في البداية قابلنا نادي النصر وفزنا عليه وهذي طبعا ماهي غريبه وما كان يومها يحتاج مستوى ولا شي لانه فريق اعتبره من فرق الاولى!!

بعدها قابلنا الليث افضل فريق في هذا السنه من رايي ومن راااي المحللين الفاهمين...على اني اكره البلطان بس هذا مايمنع اني احب الشباب المهم اننا فزناا عليه بااااااااااااالحظ من هدف العبيلي الله يجزاه خير!!!
وترا مدري بعد هي مباراتين مع الشباب ذهاب واياب ولا لا المهم اننا تاهلنا بهدف العبيلي!!

وجينا للنهائي للفريق اللي طايرين في بالعجه ذا الاي ار تي هذا فريق اخرج الاهلي(طبعا اخرجه لان الاهلي الموسم هذا لم يكن ابدا في مستواه المعهود لتخبط الاداره)واخرج الاتحاد(بالحظ طبعاااااا) واخرج الهلال من الخليجيه(لا تعليق على هدفهم في ذلك اليوم)
اللاعبين متبطحين والمهرج حقهم(الرهيب)رايح بالكوره وماشي من غير اخلاق رياضيه...للاسف

المهم اننا فزنا عليهم في النهائي واخذنا كاس ولي العهد...بس كيف جت الاهداااف!!!؟
الهدف الاول شاتها تفاريس جت لياسر ثبتها ابو سعيد وشاتها قول!!!
والهدف الثاني جا من بلنتي والمتسبب فيه تفاريس!!

يعني يومها ما كان في بنااء هجمات ولا كان في صناعة لعب اللهم استعراااض من اللاعب المدلل طارق التايب !! وان مان صنع كم لعبه ما ودي اظلمه!!!

ما ودي ادخل في بطولة فيصل بن فهد والسبب يعود ان اللاعبين صغيرين ومن هالقبيل وماودي اعلق على النهاائي اللي ما لمسو النصر الكوره فيه الا مرتين حقت البلنتي وحقت بلال وفرحااانين بذا البطوله ..زين ماني قايل فيهم شي بسكت !!
بس صراحه هدف عبدالعزيز يدرس في اوروبا مشالله عليه..!!

الحين عرفنا حقيقة البطولات حقت الموسم الفائت الحين بعلق على لاعبيننا ونشوف التقصير من مين؟؟

ابدا بالدعيع. ما قصر والله ابو عبدالعزيز والله يعطيه الصحه والعافيه ...
عبدالعزيز الخثراان..والله مظلووووم اشد الظلم من الجمهور ومع ذلك مؤدي المطلوب منه على اكمل وجه!!
عمر الغامدي..ياحبيبي ما تقطع كوره الا ولازم تكسره يعني مغير تدربي راسك الله يجزاك خير وبس كمالت عدد!!
عبدالله الزوري..اشوف ان مستواك ضايع عقب الاصابه اللي جتك ان شاء الله تكون اصابع ولا يكون غرور!!
ماجد المرشدي..ما عليك من الجاهلين وصغار العقول...
تفاريس..لا تعليق...
خيرات...صخره الدفاع القادمه وبقوه سواء في الهلال او المنتخب...
هوساوي..انشالله لعبك اللي في الوحده ما نشوفه في الهلال...
نامي+مسفر=يبغالكم تجانس فقط مع باقي اللاعبين اما العنقري..والله ما فهمتك مره نقول انك رجعت ومره نقول انك ما تغيرت..عشان ما اظلمك اخر مبارياتك ما قصرت فيها والله ..
الشلهوب..مقدر ظروفك والله واللي صارلك بس ما اقول التقصير منك والله التقصر من الجماهير الجاهله اللي المفروض انها تساعدك وتوقف بجنبك بس شكل الجمهور ما عاد يعرف الا طارق التايب !!!

نواف التمياط...مستواك بعد الاصابه بادي يرجع والله يعطيك العافيه..
احمد الفريدي..والله اللاعب صغير وقدامه مستقبل بس اذا استمر بالمزاجية حقته بقول ان مستقبله عليه السلااااااااااااااااام!!

عبدالعزيز الدوسري...ما اقول الا لله درك ..!!
خالد عزيز...وش اقول وش اخلي الله يعافيك بس...
احمد الصويلح...والله ما قصرت وخصوصا قدام القادسيه والنصر ما يحتاج اقول وش سويت في الدفاع...مكااانك ما قدر يسده المجهم!!!.
ياسر القحطاني...لا تعليق!!..
عبداللطيف الغناام+البرقان=مشالله عليكم
فهد المبارك...والله ما اشوف انك سويت شي للحين اللهم حركه وتسحيب بس!!
فهد المفرج...ما ودي اقول انك السبب في الهدف الاول في مباراة الاتحاد ببطولة الملك اللي في الثانيه 53 بس ماودي انكر الي سويته للهلال!!! حاول تتطور اكثر..
ليلو..احلى هدف شفته للهلال في الموسم اللي راح هو هدف ليلو قدام الاتفاق عقب ما شغل المراوح على ماجد ومن قوة المراوح طاح العمري ومزعها المجهم وعلقها في الشباااك!!! بس ما اقول الا انك صفقه فاااااااشله للاسف...
سعد الذياب..والله ما قصرت صراحه والله يعاااافيك ومكانك جنااح احسن من الظهير..
الخراشي+السعود=الجماهير ما قصرت معكم من حيث النقد عشان كذا ما ودي ازيد عليكم....
طارق التايب...لا تعليق على مستواه والسبب يعود للجمهور الكريم...
والسلام ختااااااام واتمنى اتمنى من الجمهور انه ما ينسىى اللاعبين من حيث التشجيع ويروح لطارق التايب
الهلال كبير قبل ما يجي طارق التايب وكبير وطارق فيه وان راح طارق يبقى الكبير كبير ...

لظلمكم اللاعبين الاخرين اكتفي بسؤال...محد منكم قد سال نفسه ولو مره ليه الشلهوب سوا باص عيون ما اذكر اي مباراة بس محد سال نفسه هالسؤال!!!؟؟؟
اضافة رد مع اقتباس
  #2  
قديم 10/06/2008, 01:16 PM
موقوف
تاريخ التسجيل: 23/03/2008
المكان: الرياض
مشاركات: 4,903
اخوي ضربة جزاء :::: بعد التحيه .. وبعد :

انت معاك حق لكنك قيمت مستوى الزعيم وحيّدت الظروف اللي مر فيها ، من تهديد الرئيس بالرحيل بين فتره واخرى وضغط المباريات المقصود من الاتحاد السعودي ، الزعيم قدم مستوى كويس بالنسبه لهاذي الظروف والقادم احلى تحيتي يالغلا ..

ادري انك تنقد من منطلق حبك للزعيم بس حبيت اوضح وجهت نظري ، ومشكور اخوي :::
اضافة رد مع اقتباس
  #3  
قديم 10/06/2008, 01:59 PM
زعيــم متواصــل
تاريخ التسجيل: 19/04/2008
المكان: الريــــــــاض
مشاركات: 92
مشكوووووووووووووووور والله انك صادقعلى الموضوع الرائع
اضافة رد مع اقتباس
  #4  
قديم 10/06/2008, 04:18 PM
الصورة الرمزية الخاصة بـ قلب الشلهوب10
زعيــم مميــز
تاريخ التسجيل: 18/05/2008
المكان: قلوب الملوك
مشاركات: 3,237
واللة انك صادق في كل كلمة قلتها ومشكووووووووووووووووووووووور علي الموضوع
اضافة رد مع اقتباس
  #5  
قديم 10/06/2008, 04:28 PM
موقوف
تاريخ التسجيل: 20/02/2005
مشاركات: 513
نظرتك قاصرة مع احترامي لك


والمدرب يتحمل المسئولية كاملة وليس طارق كما تدعي


نعم كوزمين هو السبب في هبوط مستوى الزعيم في الموسم الفائت لاكن الدعيع وياسر وطارق كانو في الموعد وانقذو الزعيم في كثير من المباريات بحكم المجهود الفردي الجبار من هاذين اللاعبين واستبسال الدعيع في المرمى اما كوزمين اسمحلي اقولك ان الحظ خدمه كثيرا في هذا الموسم


وبنسبه للطارق فهو من اعظم اللاعبين الي مرو على تاريخ الزعيم بشهادة النقاد والمحللين
اضافة رد مع اقتباس
  #6  
قديم 10/06/2008, 04:47 PM
الصورة الرمزية الخاصة بـ aljoni
زعيــم متواصــل
تاريخ التسجيل: 02/04/2008
مشاركات: 69
يعطيك العافية اخوي, انا معك فى اغلب الكلام الى تطرقة اليه, لكن التائب يبقى من افضل الاعبين فى الدوري السعودي وله ميزاته وله عيوبه مافي احد كامل الا وجه سبحانه وتعالي

وحبيت اصحح معلومه فى مشاركتك لتصحيح فقط انت تقول ((اللاعبين متبطحين والمهرج حقهم(الرهيب)رايح بالكوره وماشي من غير اخلاق رياضيه...للاسف ))))

الاعب ليس الرهيب انما هو ابراهيم المغنم
اضافة رد مع اقتباس
  #7  
قديم 10/06/2008, 04:50 PM
زعيــم فعــال
تاريخ التسجيل: 30/03/2008
مشاركات: 241
اولا:السلام عليكم
اخوي الكريم مادري حاس والله العظيم انك مدني رحيمي على غفله
كل اللي سواه الهلال الموسم اللي راح وتقول ما سووا شي
والله انك مفتري
يااخي الكريم انت لا تجمع جميع الاعبين وتقول كلهم سيئين
مستحيل اي لاعب بالعالم يستمر على نفس المستوى في جميع المباريات
وبعدين احمد ربك يالحبيب ان الفريق جابلك بطوله ما تحلم فيه
اللي هي بطولة الدوري وهذا بفضل الله ثم بفضل المدرب القدير كوزمن
واتمنى انك لما ترى الاعبين مره اخرى ان تراهم بعينين وليس بعين واحدة
وتحياتي لك يالحبيب0
اضافة رد مع اقتباس
  #8  
قديم 10/06/2008, 04:50 PM
زعيــم فعــال
تاريخ التسجيل: 03/05/2008
مشاركات: 244
والله ان كلامك صحيح 100 بالـ100

الهلال صح انه حقق بطولتين بس بدون مستوى الهلال المعروف

ماضيع مستوى الزعيم الموسم الي راح الا الفكرة الي رسخت باغلب اذا ماقلن ان كل الهلالين ان اذا حضر طارق حضر الهلال وهذا الي ضيع المستوى


بدون اي عصبيه وتعصب اللاعب يلعب لنفسه مو لناديه ومعروف هاللاعب بدون ما اذكر اسمه


تقبل مروري
اضافة رد مع اقتباس
  #9  
قديم 10/06/2008, 05:02 PM
زعيــم مميــز
تاريخ التسجيل: 20/02/2008
المكان: جــــــــــــــد هـ
مشاركات: 4,577
اخوي ضربة جزاء :::: بعد التحيه .. وبعد :

انت معاك حق لكنك قيمت مستوى الزعيم وحيّدت الظروف اللي مر فيها ، من تهديد الرئيس بالرحيل بين فتره واخرى وضغط المباريات والظلم التحكيمي المقصود من الاتحاد السعودي ، الزعيم قدم مستوى كويس بالنسبه لهاذي الظروف والقادم احلى تحيتي يالغلا ..

ادري انك تنقد من منطلق حبك للزعيم بس حبيت اوضح وجهت نظري ، ومشكور اخوي :::
اضافة رد مع اقتباس
  #10  
قديم 10/06/2008, 05:26 PM
زعيــم نشيــط
تاريخ التسجيل: 27/09/2007
مشاركات: 779
الهلال في السنة الماضيه ميزه لعبه الجماعي
والتنظيم داخل الملعب وهذه جهود كوزمين
وخططه وانا اعتبره مدرب داهية
انا معاك في نقطه واحده وهي ان تأخر عودة
الشلهوب لمستواه المعروف هو تعلق الجماهير
بالتايب ومطالبتهم له واعتمادهم عليه ,,,,,
ولكن هذا الأمر لايلام فيه التايب ابدا لأنه
لاعب مميز وهو في السنة الماضيه كان الرقم الصعب
في انجازات الهلال ,,,, مع ياسر ,,,,
حيث غاب ياسر في مباراة النصر الأولى في الدوري وفزنا
بالثلاثة من تمريرات التايب ,,,,, وغاب التايب في مباراة النصر الثانية فتعادلنا مع
فريق أقل من مستوانتا بمراحل ,,,
كذالك مباراة الوحده الأخيره وجود التايب جعل جميع الأمور لصالح الهلال ,,,
إذا هو لاعب مميز وحاسم وله مواقف لاتجحد مع الهلال وإن كان وجوده له اثر في تأخر عودة الموهوووووووب ...,,,,,,,,,
اضافة رد مع اقتباس
  #11  
قديم 10/06/2008, 06:00 PM
زعيــم متألــق
تاريخ التسجيل: 11/09/2004
المكان: سكاكا
مشاركات: 1,028
مشكوووووووووووووووور والله انك صادقعلى الموضوع الرائع
اضافة رد مع اقتباس
  #12  
قديم 11/06/2008, 12:10 AM
زعيــم فعــال
تاريخ التسجيل: 27/09/2007
المكان: دآآآر ابو متعب
مشاركات: 314
إقتباس
الرسالة الأصلية كتبت بواسطة سـامي 9
نظرتك قاصرة مع احترامي لك


والمدرب يتحمل المسئولية كاملة وليس طارق كما تدعي


نعم كوزمين هو السبب في هبوط مستوى الزعيم في الموسم الفائت لاكن الدعيع وياسر وطارق كانو في الموعد وانقذو الزعيم في كثير من المباريات بحكم المجهود الفردي الجبار من هاذين اللاعبين واستبسال الدعيع في المرمى اما كوزمين اسمحلي اقولك ان الحظ خدمه كثيرا في هذا الموسم


وبنسبه للطارق فهو من اعظم اللاعبين الي مرو على تاريخ الزعيم بشهادة النقاد والمحللين

يعطيك العافيه اخوي على المرور بس يالغالي اللاعبين ياسر وطارق اخذووو حصتهم واكثر من التشجيع لدرجه اذا اي واحد من اللاعبين الثانين سواا شي ما يشجعونه وبكذا يطيح مستوى هذا اللاعب اللي ابي اوصله ان مستوى اللاعبين طايح والسبب الجمهور اللي ما يعرف ينصف !!
اضافة رد مع اقتباس
  #13  
قديم 11/06/2008, 12:15 AM
زعيــم فعــال
تاريخ التسجيل: 27/09/2007
المكان: دآآآر ابو متعب
مشاركات: 314
إقتباس
الرسالة الأصلية كتبت بواسطة aljoni
يعطيك العافية اخوي, انا معك فى اغلب الكلام الى تطرقة اليه, لكن التائب يبقى من افضل الاعبين فى الدوري السعودي وله ميزاته وله عيوبه مافي احد كامل الا وجه سبحانه وتعالي

وحبيت اصحح معلومه فى مشاركتك لتصحيح فقط انت تقول ((اللاعبين متبطحين والمهرج حقهم(الرهيب)رايح بالكوره وماشي من غير اخلاق رياضيه...للاسف ))))

الاعب ليس الرهيب انما هو ابراهيم المغنم

الله يعافيك اخوي التايب وش اللي خلااه يتااالق!!!! =الجمهور اللي يعافيك واللاعبين الباقين ودهم يتالقوون بس ما يبغون الا شوية تشجيع ورفع معنويات
وسواء كان المغنم (النايم) ولا الرهيب(المهرج) حركته ماكان لها داعي
اضافة رد مع اقتباس
  #14  
قديم 11/06/2008, 12:19 AM
زعيــم فعــال
تاريخ التسجيل: 27/09/2007
المكان: دآآآر ابو متعب
مشاركات: 314
إقتباس
الرسالة الأصلية كتبت بواسطة هلالي بلوي
اولا:السلام عليكم
اخوي الكريم مادري حاس والله العظيم انك مدني رحيمي على غفله
كل اللي سواه الهلال الموسم اللي راح وتقول ما سووا شي
والله انك مفتري
يااخي الكريم انت لا تجمع جميع الاعبين وتقول كلهم سيئين
مستحيل اي لاعب بالعالم يستمر على نفس المستوى في جميع المباريات
وبعدين احمد ربك يالحبيب ان الفريق جابلك بطوله ما تحلم فيه
اللي هي بطولة الدوري وهذا بفضل الله ثم بفضل المدرب القدير كوزمن
واتمنى انك لما ترى الاعبين مره اخرى ان تراهم بعينين وليس بعين واحدة
وتحياتي لك يالحبيب0

حياك الله يالغالي ارحب بانتقادك اخي الكريم بس شكلي عشاني البس نظارات عشان كذا ما عرفت اقيم اللاعبين عموما يعطيك العافيه على المرور بس ياليت لو تلاحظ ان الدوري اخذناه بالحظ!!!
اضافة رد مع اقتباس
  #15  
قديم 11/06/2008, 12:24 AM
زعيــم فعــال
تاريخ التسجيل: 27/09/2007
المكان: دآآآر ابو متعب
مشاركات: 314
إقتباس
الرسالة الأصلية كتبت بواسطة 0 الحوت الازرق 2
اخوي ضربة جزاء :::: بعد التحيه .. وبعد :

انت معاك حق لكنك قيمت مستوى الزعيم وحيّدت الظروف اللي مر فيها ، من تهديد الرئيس بالرحيل بين فتره واخرى وضغط المباريات والظلم التحكيمي المقصود من الاتحاد السعودي ، الزعيم قدم مستوى كويس بالنسبه لهاذي الظروف والقادم احلى تحيتي يالغلا ..

ادري انك تنقد من منطلق حبك للزعيم بس حبيت اوضح وجهت نظري ، ومشكور اخوي :::

صدقني وجهة نظرك على عيني وعلى راسي وارحب فيها
والله اني مقهوور من المستوى اللي ظهر فيه الهلال في الموسم اللي راح
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 03:56 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube