سُـُـْوِاْلِـِيْفْ اْخْـِتِبَاْرََاَتِـ ـ ـ - نادي الهلال السعودي - شبكة الزعيم

الســفيرة · #1 09/06/2008, 07:55 PM

السلام عليكم ورحمة اللهـ وبركاتهـ ـ ـ

مسااء الجوري والعطر والكادي ..

مساائكم حافل بالدراسة والفاينلات والجد والاجتهاد

..

كيفكم مع الدراسة؟؟ وكيف استعدادكم النفسي والمعنوي للاختبارات؟؟

عن نفسي الحمدلله صارلي كم يوم بادية وللحين اموري ماشية تمام >>>هيييين

فيني صفة مميزة تظهر بصورة أكبر وقت الاختبارات وهي (( الحاسة الساادسة))

يعني اتوقع اشياء بالمنهج اقول بتجي واتوقع كيف طريقة السؤال وفعلاً تجي زيييي ماتوقع

اتذكر حتى اختي باختباراتها الوزارة كنت اقولها ترى بيجيك كذا وكذا ماتصدقني وتقول صارلهم سنين ماجابوا هالسؤال وفعلا يجيها

بسسسسسس >> اهم شي

انوو الي اتوقعه واقول للبنات تراهو بيجي اول ماشوفه على ورقة الاختبار انسى جوابه

او اجاوبه بطريقة مو زي مانبهت عليها البنات

مدري كيف هو ابتلاء والا وشو

عموماً مالكم بالطويلة ونجي للموضوع المهم

في صباح اول يوم من اختباراتي قررت اصحى بدري حوول الساعه 5 ونص عشان اراجع بعض النقاط الرئيسية بالمقرر ..>> هين هذا اذا لحقت اخلصه

قررت اطلع بالحوش اقرا على شقشقة العصافيرعشان يكون مزاجي راايق

وفعلا جبت اوراقي وكتابي واهم شي الكوفي

تووووي بادية بسم الله وفجأة يقطع هدوء المكان صوت سيارة تفحط

نعنبو ابليييسكـ الناس لما تصبح تذكر الله وانت تفحط

قسم بالله الصوت مزعج ازعاج مو طبيعيي والصوت يقرررب مررة الين احس سيارته بتدخل الحوش وبعدين يروح ويرجع نفس الشي

حسبي الله على ابليسه خربلي مزاجي عالصبح

طبعا ماكملت جلستي برا

اضطريت اني ادخل

ولاحظت هالشي يتكرر كل يوم

عندي تساؤلات كثيرة وشهي الاسباب الي تخلي الشاب او المراهق يفحط وبهالصورة بين الحواري؟؟

المشكلة معروف انو هالوقت طلعه الناس للمدارس والشغل وهو يفحط بهالصورة

ثاني شغله لاحظت ببعض الحواري الصورة التالية :

نعال _ الله يعزكم_ مجمعينها على جنب ووأطفال بسن الابتدائي أو اول متوسط ويلعبون كورة بوسط الشارع

ليش اهلهم تاركينهم بهالشكل؟؟ اول شي من ناحية انو هالفترة اختبارات المفروض يجلسون بالبيت ويذاكرون من ناحية ثانية هالشي خطر عليهم ممكن مفحط يجي ويطيرهم كلهم وممكن يجي احد يخطفهم

عاد الحين صار الخطف بسهولة

تناقشت مع البنات عن هالموضوع قالت وحدة ياشيخة خليهم بالشارع يلعبون نرتاح من هوشاتهم داخل البيت

وبعدين خلتقوى شخصيتهم مرة يطقون ومرة ينطقون

معقولة صار الشارع هو الي يربي ويقوي الشخصية

اتركـ التعليق لكم

سوووري عالاطالة ووموفقين جمييعاً باختباراتكم وودعواتكم لي

عن اذنكم بروح اكمل