نعم مشكلة وماحلولها من نظركم+كاريكاتير - نادي الهلال السعودي - شبكة الزعيم

محب الجنه الخرج · #1 09/06/2008, 11:33 AM

بسم الله الرحمن اليوم

ندخل بالموضوع على طول

في ظل ارتفاع الاسعار في شتى المجالات ومحاولة الناس تدبير امورها في هي ظل هذا الارتفاع

الا ان هناك مشكلة ارتفاع اسعار الحديد

فعندي الوالد الله يحييه جالس يبني هالايام ومتوهق من جد

فهو عنده امرين احلاهما مر

اما ان يتوقف الا ان تنزل اسعار الحديد وسوها وتوهق ان اسعار الحديد ارتفعت زيادة عن قبل
او يكمل والشكوى على الله بالسلف والديون اللي بيحصلها

وماشاء الله صندوق التنمية كل اللي يعطيك اياها يالله يبنيلك جدار الدنيا شابة نار وهم مازالو على هالطفسات اللي يعطونها العالم

نريد منكم ارائكم انتم وماحلولها او اي شي يطلع منكم زين

واخيرا اخليكم مع كاريكاتير نزل اليوم للرسام الماضي

راكان _20_ · #2 09/06/2008, 11:37 AM

الله يعينكم يا الغالي

و الله مالك إلا إنك تتسلف أنت و تساعد أبوك

وهقتك صح

الدنيا نار و كل مالها تطلع فووووووووووووووووووووووووووق .

الـمـشـاغـب · #3 09/06/2008, 11:45 AM

مشكلة ارتفاع أسعار الحديد ما أظن نلقى لها حلول يا بعدي ..

ارتفاع الحديد أظنه والله أعلم أمر طبيعي في ظل ارتفاع البترول .. لكن لهالدرجة من الغلاء فما أظن السبب إلا من جشع التجار ..

أنا ما أقول جشع التجار عبط أو كلام جايبه من راسي .. لا ..

أعرف تاجر حديد سألته عن طبيعة اجتماعات مدراء شركات الحديد ومواد البناء .. فقال لي .. أنهم يتفقون على سعر معين لا ينقصون منه هللة .. ( ويحلفون ) على ذلك ..

التاجر قريب لي وهو عندي ثقة ..

شفت وشلون يتفقون ( ويؤدون القسم ) ؟؟؟

خل الوالد يتوكل على الله ويبني ويتسلف الحين .. والا بيضطر أنه يخسر اللي بناه أو يتسلف أضعاف اللي بيتسلفه هالأيام ..

كان الله في عون المواطن ( المسكين ) ..

وأحبك يا بلدي ..!!