**** والله ظلم
معليش لا احد يزعل بس الحق حق
صراحة... صراحة ظلم
مباراة الهلال مع الطائي قمة الظلم
يا ناس يا هوه فريق متاهل لكاس العالم .. فريق مهيئ انه يجاري الكاميرون والمانيا !
تلعبونه مع الطائي
؟؟
ايش الكلام هذا
بالله ياعالم ... فريق على دكة احتياطه (عبدالله الجمعان ويوسف الثنيان وحسين العلي واحمد خليل )
وتلعبونه مع الطائي ؟!! ظلم مابعده ظلم صراحة ... مع كامل الاحترام للاخوة الطائيين !
***
والله ماتوقعت في حياتي اني راح اذكر جمهور النثر (اعزكم الله ) بالخير الا يوم اكتشفت انهم يهونون الف مرة عند جمهور الاتحاد ...
ومع ان المقارنة صعبة بصراحة !
وعارف ان بعضكم راح يشره علي
لكن شوفوا واحكموا انتم !
طبعا مثلي مثل كثير غيري منكم شيكت على موقع الاتحاد في الايام اللي راحت بحكم المنافسة اللي صارت على الصدارة....
وبحكم طبع غريزي في الانسان انه يحب يعرف راي الاخرين فيه حتى لو كانوا يعتبرون اعداءه او خصومه
لكن الحاصل .. اني انصدمت صراحة اني اكتشفت حالات واااااااااجد من الغباء اللي ماله حل
.. جنبا الى جنب مع القذارة اللي مالها حد !!
وهم صراحة في القذارة يتساوون مع الحالميين والتنافس بينهم على اشده في هالموضوع
لكن بالنسبة لمسئلة الدلاخة
...
فالاتهادية ذهبوا في هذا الجانب مذهبا عظيما
، وتفوقوا على كل منافسيهم بالضربة القاضية !!
والضربة القاضية هي سالفة الصدارة ورشاوي الهلال !!
خلني اعطيكم مثال Example
عشان تتضح الامور :
هذا موضوع انكتب بعد مباراة الانصار وقبل مباراة الطائي في موقع الاتهاد
البرق33
مؤرخ اتحادي
الهلال والانصار والطائي ....وعامل الخيانة المشترك (صيدة جديدة)
اخواني لاحظوا معي
الطائي-الانصار 7-0
الهلال -الانصار 6-1
الهلال والطائي ؟؟؟؟؟؟؟؟؟؟؟؟؟؟؟
اخواني فكروا في الموضوع هناك لعبة او لغز في الامر ........ صدقوني لاعبي الانصار في خيانة وتم اغرئهم بالمال لكي يهزموا من الطائي بهذه النتيجة لكي يضمن الطائي البقاء ويهزموا في مبارتهم مع الهلال كذلك مع اعطائهم رواتبهم المتبقية ...وبهذا يسلم الطائي مبارته للهلال لانه استفاد وضمن البقاء ..... وسيقوم اتحاد الكرة بزيادة الاندية ال 14 نادي كما تدوال ذلك مؤخرا لكي يستفيد الانصار ويشكر على ماقدمه للهلال ....ويضمن البقاء
انتظروا فقط لاعبوا الانصار يستلمون مرتباتهم ويصبح النادي من اثرى الاندية .... لاعبوا الانصار استسلموا للامر واصبحوا يريدون اموالهم .....
ههههههههههههههههههههههههههههههههههه
والله العظيم ردة فعلي الاولى هي ... سبحان الله العظيم.... لله في خلقه شئون
سبحان اللي ابتلاك بهالمخ
لا والاخ بعد مسوي ذيب
! قال صيدة جديدة قال
!!
Another example للي مابعد اقتنعوا :
كريم النور
انا اتحادي ... وافتخر
تاريخ التسجيل: Jan 2002
البلد: المملكة العربية السعودية – جدة
عدد المشاركات: 468
عندي شيء احب ان سألكم عنه ما هي الحركة التي فعلها سيرجيو بعد تسجيل الهدف الاول ..انها حركة جميلة جدا ..يقلد النمر اليس كذلك .... ؟
هههههههههههههههههههههههههههههه
قال نمر قـــــــــــــــــــــــــــــــــــــــــال !! بس( اليس كذلك
) متعوب عليها ذي
ههههههههههههههه
شوفوا بعد اخينا في الله ذا :
thekairy
إتحادي فعال
تاريخ التسجيل: Jan 2001
البلد:
عدد المشاركات: 345
مسائله منها تكون معادله ولكنها مستحيلة الحل
انها ياخوان معادله صعبه جداً ويحتاج التفكير فيها طويلاً لاني جرب احلها في جميع الاعداد الحقيقيه والصحيحه والكليه
ولكن دون نتيجه ولكن المعادله لو مشت طبيعيه لها حل .
ليكم اخوان المسائله التي احد اطرافها الهلال والطائي والانصار.
الطائي فاز على الانصار في المدينه بـ 7 اهداف والهلال فاز على الانصار على نفس الملعب بـ 6 اهداف
الهلال فاز على الطائي 6 اهداف نظيفه .
علماً بان الانصار لعب مع الهلال وهو ناقص افضل نجومه . وهذي نقطه لابد توخذ في الاعتبار
والنقطه الثانيه لابد نأخذ في الاعتبار ان الهلال لاعب قدام الانصار بكامل نجومه .
في الواقع لو قلنا على حسب المعطيات لدينا في الحقيقه المسائله لها حل وحل سهل
لو عتبرنا الهلال = س والطائي = ص
لو سوينا عملية طرح بي المجهولين في كمية الاهداف لكل منهما في مرمي الانصار
6س - 7 ص = -1 ص لصالح الطائي هذا هو الحل في الواقع واحد صفر للطائي
حتى لو تعادل او فاز بهدف واحد الهلال وذلك لو عتبرنا الجمهور والارض لصالح الهلال
معقول الحل .
ولكن ماهو الحل في هذي المعادله التي تدخلت فيها قوه خارجيه لاعلم من اي اتجاه وهي ( ن + ر + ح)
انها ليس لها حل في اي عدد من الاعداد الرياضيه .
ولكن حبيت احلها على قانون فيزيائي هو قانون نيوتن الثالث
(لكل فعل رد فعل مساو له في المقدار ومضادله في الأتجاه ) ولكن لم انجح
ولكن هناك قوه خارجيه من احد اعضاء شرف الهلال معروف جداً في التدخل في معادلات من النوع هذا وقلب المعادله.
حتى تصبح مستحيلة الحل لاي شخص من الاشخاص الا اذا ضبط وهو يستخد م هذي القوه .
وارجو من اخواني اعطى حل لهذي المعاله المعقده جداً في المسائل الرياضيه .
حسب الله ونعم الوكيل فيكم في السوسه التي قلبت الموازين والمعادلات الرياضيه .
ههههههههههههههههههههههههههههه
مادرينا عنك والله يا فيثاغورس كرنتينا
سبحان الله العظيم ! لله في خلقه شئون !
لكن كل ذا البرابيس اللي يقال لك انها مواضيع
تهون عند شي حيرني صراحة وخلاني اتفكر في خلق الله زود وزود
اتهاماتهم المضحكة بعد مباراة الطائي للهلال بانه راشي لاعبين الطائي وراشي ادارة الطائي وراشي الحكم وراشي الاتحاد السعودي وراشي الهنود اللي يبيعون كولا وكيك
باختصار ادارة الهلال مابقى احد مارشوه
مثال واحد بس من امثلة كثيرة من الاخ ذا :
Sami ( ياحسافة اسم سامي عليك ربي خلق وفرق ! )
إتحادي فعال
تاريخ التسجيل: Apr 2001
البلد:
عدد المشاركات: 385
نعلم والجميع يعلم السعودين عن بكرة ابيهم يعلمون المقيمين في المملكة يعلمون
(هذي انتم عاد خبرة فيها ! )
بأن هذا المسمى هلال مدعوم من رعاية الشباب واتحاد الكرة ,مهازل نراها امامنا رشوة في وضح النهار وتهديد من بعض الامراء الذين لا هم لهم سوى هذا النادي القذر والذي لم يفز ببطولة الا وكان خلفها تهديد امير للحكام ورشاوي تعطى في ظلام الليل , امراء لا هم لهم سوى التفرقة بين ابناء الوطن الواحد فقط من اجل هذا القذر المسمى هلال
طيب يا اخي لما تتهم احد بالرشوة بهالطريقة ما اقول لك جب( اثبات) بدل ماتردد كلام غيرك زي الببغاء
...
ولا اقول لك ان كلمة مثل هذي بدون( اثبات ولا دليل ولا شهود) ( المفترض ) انك تعاقب عليها قانونيا !
ولا اقول لك ان اتهام الناس بذممها (بدون اثبات) شي ماهوب هين لا دنيا ولا اخرة ويتعدى نطاق الكورة والرياضة
ولا اقول لك بعد.... وهذي اهمهم.. ان كلمة مثل هذي(بدون اثبات) قد تندم عليها يوم لايفيد فيه الندم !
يوم ماراح تفكر فيه لا بكورة ولا بهلال ولا باتحادك ذا ... ولا باي شي في الدنيا ! ...
ماراح اقول لك مثل هالكلام ....
لاننا للاسف خلاص .. تعودنا ..
وصارت اتهامات خطيرة زي كذا ... تعدي زي الحلاوة .. مو بس في منتديات وكلام فاضي..
للاسف على الهواء ومن ناس (المفترض ) انهم مسئولين !
لكن راح اقول لك ...
على الاقل ... احبكها انت وشلة فيثاغورس واينشتاين ربعك
..
خلوها على الاقل منطقية !
يعني النصراويين بعد البطولة العربية اتهموا الهلال برشوة بلقولة ...
وعلى الرغم من الدلاخة المنقطعة النظير يوم سالفة (التمشي في الاسواق
) ههههههههههههههه الله يرجهم !
بس على الاقل قالوا وش اللي سواه بلقولة عشان يتهمونه بهالاتهام !
لكن انتم ما عطيتونا حتى شي صار في مباراة الهلال والطائي يدل على الرشوة !
الحكم ورشيناه ... طيب وش سوى الحكم ؟؟؟
قولوا على الاقل انه حسب اوت للهلال كان مفروض للطائي ألفوا أي شي
لكن مسئلة ان الحكم رشيناه وبس وتسكتون هذي والله قمة الدلاخة
لاعبين الطائي ورشيناهم ... طيب وش صار من لاعبين الطائي ؟؟ قولوا أي شي بس تكفون خل نناقشكم
والله ما اكذب عليكم دورت في مواضيعهم واحد ورى الثاني ابي شي واحد بس اقدر اناقشه !
لو قالوا ان لاعبين الطائي (مثلا ) ماهاجموا ولاهجمة طول المباراة او انهم تخاذلوا في واحد من الاهداف
كان على الاقل تلقى شي تناقشه !
قولوا على الاقل هدف الهلال الفلاني غلط ..تسلل ...فاول ... مزعة (موب قصدي الجمعان ابد
)
لكن كل اللي عندهم :
"يبويا الشغله مرستكه من امس في ملعب الهلال وجاتهم الشرها من امراء الهلال "
اعذروني صراحة مافي مجال اني ادافع او اناقش مع دلاخة بهالشكل
!
****
احيانا اتمنى والله لو كان فيه تفتيش في مدخل الانترنت السعودية
!
يطلبون من أي واحد يبي يخش النت على الاقل شهادة الثانوي
... كان بتنتهي مواقع ومنتديات واجد
!
****
اجل النعيمة حب رجل ريفيلينو
؟؟؟
هههههههههههههههههههههههههه الله يرجك ياشيخ
!
بس والله ماتنلام من عقب تسكيتة ابو فهد لك في اوربيت من كم سنة وانت شــــــــــــــــايل عليه
والله مايعرف لك الا هو .... صالح مايهمه احد ... هذي ميزته
****
الشلهوب ... يابعد عمري والله ! شايل الفريق على كتوفك مباراتين ورى بعض الله يخليك لعين ترجيك
****
الاتحاد – سيرجيو = صفر
معادلة لفيثاغورس كرنتينا اتمنى يحللها
***
هدف الذيب البارح :
لاتعليق !
الاوالله ذكرت تعليق
:
مسكــــــــــــــــــــــــــــــــــــــــــــــت
فيثاغورس كرنتينا .. والشغلة المرستكة ! 
الوضع العادي
