(((((تركت غيرك لجـل عينـك وبعتـه )))).... جديدي - نادي الهلال السعودي - شبكة الزعيم

Betar911 · #1 08/06/2008, 04:37 AM

السلام عليكم ورحمة الله وبركاته

صباح الخير او مساء الخير

اليوم انشر لكم اخر قصيدة كتبتها وان شالله تعجبكم

آسف انا في حبي لـك تسرعت ***** ظنيت الاقـي فيـك شـيٍ فقدتـه

كنت احسبك مجروح مثلي تولعـت **** جربت فرقى شخص قلبـك وهبتـه

كنت احسبك من مر جرحك تجرعت **** حبيت فيك احساس طفـلٍ لمحتـه

لوقلت آآآه بوسط روحي توجعـت ***** ولو شفت دمعاتك شعوري سكبتـه

ولو تطلب اعيوني ابد ما تمنعـت ***** واعطيك قلبي لو بعد مـا طلبتـه

وصلت بك.. اعلى مكان وتربعت **** وفي قلب غيري ياالغضي ماوصلته

واصبر على صدك واشوفك تدلعـت ***** واعطيك ود ومـا اظنـك حسبتـه

اذهلتني بطباعك اللـي ...تطبعـت ***** حتى قصيدي فيك ابد مـا فهمتـه

لو كان غاياتك حروفي فانا بعـت ***** وافرح بجرح الشاعر الي جرحتـه

وأرجوك من صدك تراني تشبعـت ***** خلك مع اللي عاجبـك او عجبتـه

يكفي قهر في جيتي لك تواضعـت ***** تركت غيرك لجـل عينـك وبعتـه

ياليتني عـن حـب مثلك..ترفعـت ***** ياليت قلبي قبـل اعرفـك دفنتـه

لكن اببعد دامني بـك توهقـت ***** الله يرحـم حبنـا اللـي ذبحـتـه

انا شريت الود والحين انـا بعـت ***** وانا عطيتك قلبـي اللـي قهرتـه

تحياتي.....بــــيـــتــــر

بريماكس · #2 08/06/2008, 05:01 AM

وعليكم السلام ورحمة الله وبركاته ،،

صباح النور .. هلا فيك اخوي بيتر ورده

صح لسانك على القصيده الجميله الجزله بمعانيها

بصراحه ابيات غيررررر

بس مالك داعي اخر ماتنشر قصيدك بشبكة الزعيم ؟

المفروض قبل اي موقع تكون سادحه هنا

،، مثلي انا لمني قلت قصيد

ولا شئ على طول الشبكه بالمقام الاول للنشر

مع اني القصيد تاركه من زمان

تخبر القنص ومن زمان ماقنصنا

إقتباس


	ولو تطلب اعيوني ابد ما تمنعـت ***** واعطيك قلبي لو بعد مـا طلبتـه

الا اعطيك كلي لو ماتطبلينن ..

لاتحرمنا من جديدك يالغلىا ،،

Betar911 · #3 09/06/2008, 01:49 AM

ترقبوووا جديدي وتحياتي لكم betar911 وشكرا على متابعتك لي وردك لي

مزنه بنت مايكل · #4 10/06/2008, 04:48 AM

اقول وش رايك اترك مايكل والحن لك

كليماااااااااااااااااااااااااااات روعه

Betar911 · #5 10/06/2008, 04:57 AM

مشكورة الروعه مرورك لي شرف انك تلحنينها انا اشدالمعجبين بمايكل

عطـــر الصمــــــت · #6 12/06/2008, 02:30 AM

وعليكم السلام
القصيدة رائعه ومايجيبها الا شاعر متمكن.
ياليت الحب مثل الموت مايتكرر الا مره واحده في العمر.
يضحك الاخرون على مشاعرنا فتموت بدواخلنا .
مو كل نهايات قصص الحب سعيدة
تقبل ردي المتواضع
اختك:عطر الصمت

Betar911 · #7 12/06/2008, 02:38 AM

شرفني ردك ياعطر الصمت ومشكوووووووووووووووووورة

DLoOo3aH · #8 13/06/2008, 03:40 PM

مشــــــــــــــــكور اخوي <بيبيتووووووووو>

الآبيـــــات خيـــــال روعـــه

وبقـــــــــــــــــــــــوه بعد

والله حاسه بك مثل ما حصلي

المهم

فالاهم

وانـــا كمان جالسه اكتب قصيده

بس لسه ماخلصت لمن اخلص بعرضها

وابي رايك فيـــها000000

Betar911 · #9 15/06/2008, 02:06 AM

اوكي ومشكووووووووورة على ردك.......... اخوك بيتر

هلالية%زعيمة · #10 17/06/2008, 07:30 AM

كنت احسبك مجروح مثلي تولعـت **** جربت فرقى شخص قلبـك وهبتـه

كنت احسبك من مر جرحك تجرعت **** حبيت فيك احساس طفـلٍ لمحتـه

ابداع ماشاء الله

بس مو فيه شيء غلط يعني شااااااااااااعر وكلمات اقل شيء نقول عنها روعه

واخر شيء باسم

بيتر

يعني شف لك صرفه بلقبك

يعطيك العوافي وامتعنا بجديدك

شعاع مسقط · #11 17/06/2008, 08:30 AM

ياليتني عـن حـب مثلك..ترفعـت ***** ياليت قلبي قبـل اعرفـك دفنتـه

لكن اببعد دامني بـك توهقـت ***** الله يرحـم حبنـا اللـي ذبحـتـه

كلمات رائعه اخي بجد ربنا يوفقك وخطوه رائعه جداً
كلمات تخاطب الاحساس والمشاعر فان دل بدل ع صدق المشاعر

عاشقة الزعيم15 · #12 17/06/2008, 09:45 AM

صح لسانك .. ابيات راائعه رغم الجرح والالم داخل طياتها ،،

إقتباس


	ياليتني عـن حـب مثلك..ترفعـت *** ياليت قلبي قبـل اعرفـك دفنتـه لكن اببعد دامني بـك توهقـت * الله يرحـم حبنـا اللـي ذبحـتـه انا شريت الود والحين انـا بعـت *** وانا عطيتك قلبـي اللـي قهرتـه

لاتندم على حب عشته .. يبقى أجمل شعور رغم قساوته ..!!

بانتظار جديدك اخوي بيتر ..

ورده
تحياتيـ
عاشقة الزعيم15

مطيع · #13 17/06/2008, 04:34 PM

كنت قد قرأت المشاركة في بداية نزولها

ولكن لم تكن النفسية على ما يرام لتسجيل دخول وكتابة رد

واليوم وقد سجلت دخول تذكرتها وأتيت لاقول

صح لسانك أخوي <<<<<تعبت نفسك

صدقني احيانا لا نملك تعليق يناسب جمالية الطرح فنكتفي بالشكر

وهذا ما حصل معي

الف شكر لك

وننتظر بشغف جديدك