ادخل بكم في الموضوع؟؟؟

كلنا كجمهور سعودي كابناء وطن عرفنا انجوس وطريقته باللعب

وصبرنا عليه وانتظرنا منه ان يغير تفكيره الى احسن. لكن للاسف؟؟

وفي الوقت الذي نريد من انجوس ان يثبت وجوده كمدرب داهيه كما يقول

عنه البعض.. اصبح ميح ماعندك احد..

طفح الكيل. اصبح يلب كل مباراة سواء وديه او رسميه بتشكيله غير
عن المباراه السايقه.

يتخبط بالتشكيله يجبر لاعبين على مراكز غير مراكزهم لايجدون اللعب بها

هل هو مجبور على لاعبين معيني يلعب بهم الله مصيبه. واذا كانت قناعاته

فالمصيبه اعظم يعني لو رايح نجلس معه عشر سنوات مارايح يتغير ولايتطور.

لعبنا الاسيويه ليس من مجهوده وانما من مجهود اللعبين اللذين ارادوا ان يثبتوا
وجودهم على ان الاغلبيه لاعبين جدد بالمنتخب. والدليل على ان التطور من اللاعبين انفسهم هو عندما يريد ان يغير لاعبين فالاعبون اصبحو معروفين المقصودين بالتغيير. سعد الحارثي. تيسير الجاسم . الموسى.

حتى ولو ان النتيجه من صالحنا . المعروف عند اي مدرب اذا تقدم فريقه
او ضمن نتيجة المباراه يخرج مهاجم وينزل محور. انجوس بالعكس. يخرج الجاسم
وسط متراجع. ويزج بالموسى وسط متقدم.

والبطوله العربيه عرفنا بماذا لعب وباي طريقه. ونخرج من منتخب خخخخخخخ
ونتعادل مع منتخب خخخخخ. والان تخبطات بالتصفيات.

فماذا نننتظر من انجوس( انجوس طل )

نرجو اسناد المهمه للكبتن القدير المدرب الكبير. ناصر الجوهر. والله
والله انه افضل من انجوس مليون مره. اقل شي يعرف امكانيت اللاعبين
السعوديين ورايح يوظفهم احسن توظيف. ولاتنسوا انه ابن البلد مارايح
يتساهل لانه معروف لدى الجميع ومدى حبه لهذا الوطن الغالي..

بعكس انجوس الذي جاء يبحث عن الماده فقط

فارجو اسناد المهمه لهذا الرجل العظيم القدير ونعلم انه توج النتخب الاولمبي
بالبطوله الخليجه وتعامل معها بذكاء ودهاء

مارايكم في المدرب ناصر الجوهر هل هو افضل ام انجوس ..

وجهة نظري كمحب للوطن. ناصر الجوهر افضل..

اسف على الاطاله. بالتوفيق لصقور الخضر..

كثر الحديث عن انجوس في هذه الأيام
وانا صراحةً مقتنع فيه
سلام

مع احترامي لك يا اخي العزيز

انجوس من وجهت نضري
انه اجرب قدرات الاعبين
لان هذي المباريات ضامنين التاهل على هل مجموعه

نحكم عليه بعد هل جول

ودمتم سالمين

طول ما انجوس في المنتخب سوف تشاهد هذا التخبط والاداء الغير مقنع

واتمنى اسناد المهمه للمدرب الوطني ناصر الجوهر

إقتباس الرسالة الأصلية كتبت بواسطة alaomda مع احترامي لك يا اخي العزيز انجوس من وجهت نضري انه اجرب قدرات الاعبين لان هذي المباريات ضامنين التاهل على هل مجموعه نحكم عليه بعد هل جول ودمتم سالمين

يعني ننتظر الجولة الجاية اللي بيكون فيها كوريا واليابان وايران والصين واستراليا والعراق وغيرها من المنتخبات القوية عشان نحكم عليه ؟؟؟؟

ياخوي اذا اوزباكستان صاكتنا 3/0 مع الرافة !!

ياخوي اذا منتخب ليبيا فاز علينا , والامارات تعادلنا معها وهي بصفها الثاني !!

وانت تقولي بعد ننتظر ونحكم في الجولة الجاية ؟؟؟

متى نحكم عليه ؟

يوم تبدا جولة الحسم ونخسر نقاط سخيفة ؟؟

انجووووووووووس فاااااااااشل جدااااااااااااااا

ياخي صدق كاتب الموضوع , في الآسيوية تغييراته معروووووووفة جداااااااااااا ,,,

ياخي بالعقل ,,,

انجوس درب المنتخب سنة كاملة تقريبا ,,,

شارك في 3 بطولات ,,,

الآسيوية كان يلعب بـ

المسيليم والبحري وعبد ربه وهوساوي وكامل الموسى وكريري وعزيز والجاسم وعبد الرحمن القحطاني ومالك وياسر ,,,

في العربية شارك بـ تشكيلة مغايرة تماما , شفنا سعد الحارثي وشفنا صالح بشير وشفنا حراسة المنتخب في تدهور مستمر جداااااا ,,,

في التصفيات الآسيوية الحين شفنا النتيف وشفنا تكر وشفنا احمد عطيف وشهيل وحسن معاذ ونايف القاضي ,,,


ياخي انا ما انقص من اي لاعب من المذكورين ,,, لكن ياخي اثبت على تشكيلة معينة !!

مو كل بطولة بـ تشكيلة !!!

او حتى كل مباراة بـ تشكيلة !!

خلال موسم واحد مسك حراسة المنتخب تقريبا 4 حراس !!

المسيليم والنتيف ووليد عبد الله وعساف القرني !!

سلاماااااااااات !!

والله انديتنا مو كذا !!

اجل كيف بـ منتخب سعتبر سيد منتخبات آسيا ؟؟؟

وين ركائز المنتخب الأساسية ؟؟

وين محمد الدعيع ؟؟؟

وين محمد نور ؟؟؟

وين حمد المنتشري ؟؟؟

وين احمد البحري ؟؟؟

لحد يقولي والله نور مع المنتخب ما يقدم مستوى , الكل يذكر كاس العالم , صنع هدف ياسر القحطاني في تونس بكل اتقان في جملة بدأت من قدم كبير وانتهت بقدم قنااااااص , تنم عن تفاهم غير طبيعي ,,, في مباراة اسبانيا كان نجم المباراة بالإضافة لمبروك زايد ,,, والكل يذكر الـ 3 كرات اللي هيأها انت وضميرك , وحدة لنواف على اليمين , والثانية لـ حسين عبد الغني على اليسار , والثالثة المقششششششششرة لـ سعد الحارثي !! يا ناس خلونا واقعيين ,,, والله انه افضل لاعب وسط بالمملكة كلها ,,,

الدور الاول كان هداف الدوري مع انه لاعب وسط ,,,


عندك ابو دعيع ,,, بطولتين مع الهلال هالسنة ,,, والله انه ساهم فيها بشكل كبير جدا ,,, يكفي مباراة الدوري الحاسمة ضد الاتحاد في جدة ,, قسم بالله لحوسهم وجننهم ,,, شال الهلال شيل وخلص كور غير طبيعية !! تكفي خبرته العريضة ,, وتكفي هيبته لما يكون ياقف بين الخشبات الثلاث , وتكفي الثقة اللي يعطيها لـ زملاؤه بمجرد تواجده , على عكس اللي شفناه يوم وقف المسيليم او النتيف , وكلهم مرتبكين وكثيرين الصراخ , ووليد عبد الله اللي شفناه وشلون ارتبك في هدف لبنان !! ومع ذلك كللللله وبرضو ابو دعيع خارج المنتخب ! لحد يقول انه معتزل دوليا ,, لأنه ابو دعيع صرح اكثر من مرة انه لن يرد المنتخب ابداااا اذا تم استدعاؤه ,,,

يا نااااااااااااس قهر قسم بالله ,,

والله عندنا منتخب (( اقوى )) و (( امتع )) من اللي حنا شايفينه الحين !!

لكن خلوها عالى الله بس ,,,

بالتوفيق للصقور الخضر ,,,

حاليا مانقدر نحكم على المدرب الوعد مبارة اوزبكستان بعد اسبوعين اذا مافاز المنتخب معناته شيلوه ماينفع

والله من........................
ياخي سنه وزياده ماعرف اللاعبين

زي ماقال أخوي سعودي دريسدين
وين نور ــــــ وين الدعيع ـــــــ وين المنتشري ـــــــ وين عبدالغني
يعني الى متى ننتظر بعد ما يتدهور المنتخب

انا اقول بيطردونه وبيجوبون المدرب الدهيه كوزمين زي باكيتا

مشكلة انجوس عدم قراءت الخصم وجهله بنواحي الدفاعيه