نعم هذا

قاطعوا ابن مساعد..
نداء لكل اللى قام وقاطع وصرخ بوجه الدينمركيين
بعد تهجمهم على رسولنا الكريم
نداء لكل من عمل حملات المقاطعه ونشر ايملات وتصاميم وكتب مقالات بهالخصوص

وش موقفكم من
عبدالله بن مساعد واكاديمية برشلونه..

الامير عبدالله بن مساعد حفظه الله من احسن الناس خلقا ولا نشك في هالشي

ولكن هالصوره ما نرضي فيها وما ينسكت عنها





اطفال معلقين الصليب على قلوبهم ومبسوطين
ويفتخرون

لاحول ولا قوه الا بالله
والله شي يقهر يا ابن مساعد
اتمنى ينتبه على هالشي
واتمنى من الجميع وكل من يغار على دينه انه لا يسكت ولا يقدم مصلحة انتماء لنادي على انتمائه لدينه الاسلامي

طيب وبعدين

يقالك مندس بقراطيسه

وش مقاطعه الرجال قال انه بيشيل الصليب ونادي برشلونه وافق

فتستنتج من كلامي اعلامي( اعلاه) انك تاكل كبر راسك وتنتظر الايقاف


×عوافي×

مو سالفة مندس من عام2001
ولا سالفة اكرهه الرجال..

بالعكس مشاء الله عليه رجال عليه علامات الإلتزام ومن افضل الناس خلقا واخلاقا

بس السالفه سالفة صليب معلق على صدر أطفالنا...

ويعني عشانها اتفاقيات ونادي وبرشلونه وعبدالله بن مساعد هلالي
خلاااص يصير الصليب وش حليله وعادي..؟؟!!

اتمنى انك تصيغ العبارات بشكل افضل

وتتأكد قبل لاتكتب

الصليب سيلغى من الشعار

تحياتي

الله يهديكـ تتهم الرجال قبل التأكد من الأمر تبىىىىىىى الايقاف ولا ايش مع فائق احترامي

[IMG]البرنس[/IMG]الله يعطيك العافية على الموضوع بس اول شئ اتاكد من الهرجة بعدين تكلم
مع تحيات المحب لاهل الزعيم

دامها ماسكه نصيحه رح انصح ثلاث ارباع الشباب

لأن خلاص الكل سار متابع للدوريات الاوربيه ويشجع فريق يابعدي ويلبس الفريق اللي يشجعه

ودامها ماسكه نصح لاهنت محلات الرياضه تعرض ملابس الفرق الاوربيه وفيها هالشعار

بعدين حلوه قاطعو بن مساعد ليه ياشاطر مكتوب عليه ميد ان دنمارك

الله يصلحك بس ويخليك لأهلك

يا زينك ســـــــــــــــاكت

اجل طالب بحف مادة الرياضيات من مناهجنا

لانها تحمل + علامة زايد اقصد ( صليب ) حسب تفكيرك

لله درك ياعبدالله بن مساعد

وش فيكم على الرجال

الرجال منقهر من حركة الصليب ومعاه حق ...يعني احنا في معقل الاسلام والامير عبد الله معروف عنه سمات الالتزام

فلاتشبون على الرجال واللي عنده وجهة نظر يقولها بهداوة

والله اللي عرفته ان هالموضوع انفتح من ايام انشاء الاكاديميه .. ومااعتقد ان ابن مساعد راضي ع تعليق الصلبان ع صدور ابنائنا ..

وان شاء الله مايصير الا كل خير .. بس ياليتك اخوي لو فتحت الموضوع وانت منتقي اسلوب غير ذا .. لأن ابن مساعد مو هو اللي حاط الصليب بالاساس في شعار البرشا

إقتباس الرسالة الأصلية كتبت بواسطة زعيمه قديمه اتمنى انك تصيغ العبارات بشكل افضل وتتأكد قبل لاتكتب الصليب سيلغى من الشعار تحياتي

وهذا اللى ودنا

لاهي عداوه ولاهي كره باحد
بس تعليق الصليب..؟؟ موضوع المفروض لا جدال فيه

إقتباس الرسالة الأصلية كتبت بواسطة جموووووووول الله يهديكـ تتهم الرجال قبل التأكد من الأمر تبىىىىىىى الايقاف ولا ايش مع فائق احترامي

الهرجه ان الصليب معلق على صدور الاطفال


هااااذي كل الهرجه

مو اتهام للرجال
بالعكس هالانسن احبه واغليه
وما ارضى هالشي منهـ

إقتباس الرسالة الأصلية كتبت بواسطة مجنون الزعيم(9) دامها ماسكه نصيحه رح انصح ثلاث ارباع الشباب لأن خلاص الكل سار متابع للدوريات الاوربيه ويشجع فريق يابعدي ويلبس الفريق اللي يشجعه ودامها ماسكه نصح لاهنت محلات الرياضه تعرض ملابس الفرق الاوربيه وفيها هالشعار بعدين حلوه قاطعو بن مساعد ليه ياشاطر مكتوب عليه ميد ان دنمارك الله يصلحك بس ويخليك لأهلك

لا والله ياخوي
لاني شيخ ولاني مفتي او ناصح
والموضوع مو بمعناه اللفضي..

اقصد بموضوعي الاكاديميه
عشان يصير ضغط عليهم يشيلون الشعار
هذا كل الموضوع

والله يخليك انت وكل شبابنا لاهاليهم

إقتباس الرسالة الأصلية كتبت بواسطة شهــــاب11 يا زينك ســـــــــــــــاكت اجل طالب بحف مادة الرياضيات من مناهجنا لانها تحمل + علامة زايد اقصد ( صليب ) حسب تفكيرك لله درك ياعبدالله بن مساعد

والله اني احبه واغليه هالشخص
وانتم فهمتوني غلط

زي ماقلت اقصد بالمقاطعه عشان توك ضغط على القائمين على الاكاديميه عشان يشوفون حل لهالشعار

واللى فيه الصليب
وخلك من سالفة زائد ورياضيات اذا ما تعرف معنى شعار برشلونه

ويازيني اشوف الصليب على صدور عيالينا واسكت ولا اقدر حتى اقول رايي

إقتباس الرسالة الأصلية كتبت بواسطة د.أبوعبدالرحمن وش فيكم على الرجال الرجال منقهر من حركة الصليب ومعاه حق ...يعني احنا في معقل الاسلام والامير عبد الله معروف عنه سمات الالتزام فلاتشبون على الرجال واللي عنده وجهة نظر يقولها بهداوة

الموضوع يقهر..
والشباب ردوا علي من باب حبهم للامير المحبوب والراقي عبدالله بن مساعد وما ألومهم

بس مسألت الصليب مو بسيطه