نادي الهلال السعودي - شبكة الزعيم - الموقع الرسمي

- منتدى الهلاليين المغتربين (http://vb.alhilal.com/f151/)

- - أيام لاتنسى في الغربه (http://vb.alhilal.com/t589090.html)

أيام لاتنسى في الغربه

السلام عليكم ورحمة الله وبركاته

كيف حالكم يالربع وش اخباركم . بشروا يامبتعثين ان شاء الله ان اموركم ماشيه عال العال , الله يوفقكم ويردكم سالمين غانمين.
وش رايكم أسولف عليكم ونغير شوي جو بعد ماخلصنا من الاختبارات وهمومها. والحمدلله ابشركم تخرجت وانهيت الماجستير ولله الحمد والمنه.
يوم الخميس 22\5\2008 كان من أجمل الايام واحلاها اللي مريت فيها وهو يوم حفل التخرج ,وهذا أول حفل أحضره في حياتي عشان كذا ماراح انساه وراح يبقى الاجمل والاحلى والاكمل<<< متأثر بمصطفى الاغا.
المهم أصبحت يوم الخميس وأضبط القهوه اللي تعدل الراس واتقهوى وأفطر وأعين من الله خير , قلت خلني اقوم البس من بدري واطلع اتمشى على النهر قبل لايبدأ الحفل.
لبست البدله الرسميه وكشخت وجيت للربطه (الكرفته). ايييييييه هنا توهقت وش لون اربط الربطه وأحاول وأحاول يمين يسار ياولد وش لون تربط الربطه وهذي أول مره في حياتي البس ربطة العنق. هذي والله البلشه. كلمت الشباب , الحقوني احد يعرف يالربع, والحمدلله ماقصروا الله يعطيهم العافيه ويوفقهم فكوني من أزمة الربطه اللي أخذت مني أكثر من ساعه.
رحت للحفل وحضرنا وجانا طويل العمر ريس الجامعه وماقصر كرم الخريجين.

http://o9o9.net/up/get-6-2008-5cafhbi7.JPG

http://o9o9.net/up/get-6-2008-cm0m2jdi.JPG

http://o9o9.net/up/get-6-2008-a2c2brxy.JPG

بعد ماخلصنا من الجامعه قلنا خلنا ناخذ جوله في ربوع ولايتنا . المهم بعد عدة مشاورات اتفقنا نروح لاحدى المزارع القريبه من جامعة برنستون تمشيه ونمر الجامعه (الجامعه الاولى على مستوى الولايات الامريكيه حاليا وهي الجامعه التي تخرج منها صاحب السمو الملكي الامير سعود الفيصل وزير الخارجيه.)

ركبنا على موترنا وتوكلنا على الله وربطنا الاحزمه.<<< ياكرهني للحزام .

وصلنا للمزرعه ونزلنا ومرينا على صاحب المزرعه وماقصر رحب فينا ويفتح البوابه قال ادخلوا المزرعه مزرعتكم اخذوا اللي تبون وتمشوا وخذوا راحتكم بس ياجماعه لاتخربون الزرع .
اخذنا كم صندوق ودخلنا في ذاك الجو اللي ماودك تغيب شمسه والخضره والعلوم الطيبه.
المهم كان الغرض من جيتنا للمزرعه اننا نشتري فراوله . رحنا للفراوله والله لايوريك حبه في الصندوق وخمس في البطن. الين شبعنا من الفراوله وملينا صناديقنا . وناخذ لنا جوله في المزرعه ونروح نحاسب قيمة الفراوله ونطلع من المزرعه.

http://o9o9.net/up/get-6-2008-a4uycwm7.JPG

http://o9o9.net/up/get-6-2008-dmm8kf4z.JPG

http://o9o9.net/up/get-6-2008-0ptklpb4.JPG

قابلنا عند طلعتنا امريكي, ويوم شافنا نتكلم عربي جانا الرجال ودخل عرض وسولف معنا قال امشوا معي للبيت ونطلع بعدها امشيكم على المدينه والجامعه.
رحنا مع الرجال ودخلنا البيت وتقهوينا وريحنا شوي . وطلع مو بسيط هالامريكي , جده كان من المقربين للدوله السعوديه ومؤلف كتاب عن القبائل السعوديه ومحتفظ الرجال بكتاب جده ويعرف معظم القبايل وينهم عايشين فيه. صراحه تفاجئنا بالمعلومات اللي ملم فيها وبعضها مانعرفه حنا يالسعوديين. وعنده صور للملوك وأصحاب السمو الملكي والامراء وأكثر شي شد انتباهي صور للملك فيصل الله يرحمه لأول مره أشوفها وأغلبها هنا في أمريكا.

http://o9o9.net/up/get-6-2008-m55ci7zl.JPG

http://o9o9.net/up/get-6-2008-ift8e3so.JPG

طلعنا حنا وياه للجامعه(Princeton University). فعلا الجامعه تستحق تكون الاولى بجداره في كل شي حتى انها تفوق على هارفرد وMIT في جمال المباني وروعتها والتنظيم . صراحة لما دخلنا الجامعه يحس الشخص باحساس غريب وكأنه أول مره تدخل جامعه في حياتك. على فكره البروفيسور جون ناش موجود في الجامعه .<< من وجهة نظري انه اخر العباقره, اللى الى الان ماجاء أحد بعدهم يخترع شيء جديد وغير مسبوق.

http://o9o9.net/up/get-6-2008-bdnh3ohj.JPG

http://o9o9.net/up/get-6-2008-flq8tiy9.JPG

http://o9o9.net/up/get-6-2008-yzp66vqa.JPG

http://o9o9.net/up/get-6-2008-plh9vwv7.JPG

http://o9o9.net/up/get-6-2008-ainc86wn.JPG

وبعدها مشينا ورجعنا لشقتنا بعد يوم رائع ورحله ممتعه.

وفي الختام ياليت ياشباب نشوف مشاركاتكم ببعض الايام والاحداث اللي مريتوا فيها في الغربه.

تحياتي لكم.

أخوكم/ أبو فهد

مشكورررررررررر والله يوفكم وترجعون سالمين غانمين ومعكم الشهادة

الف الف الف مبروك التخرج يانواف وعقبال الدكتوراه وتصير بروفيسور

صور ولا اروع خصوصا يوم تاكل الفراوله مسوي تغرينا فيها يانانسي الرابطه

الله يوفقك وتستاهل يانواف ويوفق المبتعثين اجمعين وعقبالي الترم اللي جاي

السلام عليكم ورحمة الله وبركاته

على البركة يانواف وتستاهل كل خير

وعقبال اعلى المراتب في الدنيا والاخره

الله ذكرتني بايام الغربة , بس انا انعزمت مو عند واحد خاق مع السعودية

انا انعزمت الله يسلمك عند حبر يهودي :d ( حبر = شيخ بالاسلام او قسيس في النصرانية )

المهم اني تفاجئت بالرجال وثقافته !! طلع يعرف كلمات عربي وحاول يلين قلبي شوي باليهوديه

يقولي ترانا عيال عم
ولاناكل خنزير والنصاري ياكلونه
وحنا وانتم نختن والنصارى ما يختنون

وطلعني فوق للمكتبة ووراني التلمود :bigeek: والتوراة , والمصيبة ان عنده نسخة انجليزيه من القران وقاري كثير منه

الصراحة ارتعت اول شي من كثر ما اسمع عن اليهود
بس تناقشت معه وحشرته وطلب مني اني اوديه للمسجد وعييت عليه وقلت له حرام ادخل كافر المسجد
قال قد دخلني امام هندي لمسجد هنا , قلت فتاوي اهل الهند غير السعوديه <=== اقرب تصريفه

وعزمني على معبدهم , قلت لا يا بابا الكنايس ويالله ادخلها مع الطلبة لانها تبع المنهج , تبيني ادخل معبدكم وفوق المعبد فيه النجمة السداسيه اللي تسد نفسي واتذكر فلسطين ؟؟ لا يا حبيبي انت وطاقيتك اللي كنها طفاية سجاير :d :D

المهم انهينا النقاش بودية وتركته ولاعاد قبلت عند بيته

ويالله يا سيدي اشكرك على تحريك مشاعري الجياشة :d مما اجبرني على اخراج ما في جعبتي من ذكريات :razz:

This is going to be my first post ..
and i'd like to thank you for you're Post which is a very important thing because me as a person that (was) in the united states of america .
i'd like to tell you some tips .
dont ever think of throwing or leaving stuff that belongs to you in usa and coming back to ksa
because i did do that "sort of" and now i have a few things that are priceless but i saved them because they give me good memories .

plus :for those who are in usa , enjoy your stay there because when you come back you'll want to do anything to get your old days back , so what i mean is don't make your self have a hard&bad time

Thanks for you all ..

اول شي الف مبروك والله الي مثلك نرفع بهم الراس

ثاني شي وهو المهم ترى حسدتك على حفل التخرج و

على صورتك الي في شاشة العرض...ههههههه

والله اني متخرجه من الجامعه والله ماقد سارلي حفل تخرج

في حياتي ابدا.......

يالله نبي الدكتوره شد حيلك ....

الف مبروك الماستر .. وعقبال الدكتوراه .. وان تكون اجدع بروفيسور.. وتكمل مسيره البروفيسوور جان ناش , ومايكون آخر العباقره
الله يجعل منا ومنكم مخترعين وعباقره يارب , بس احنا ينقصنا العزيمه والتشجيع ولا ترا يجي منا لا يغرك
الله يوفق كل الي يدرسون ويهون عليهم غربتهم
وانتم اي احد يعزمكم تروحون بيته ؟؟! الي يروح لحبر والي مادري وشو ..
انتبهوو موب اي احد تروحون له يمكن احد يكون مختل عقليا ولا شي.. ماتشوفون افلام الرعب ؟! ماشفتو فلم سفاح تكساس وش سوا فيهم يوم دخلو بيته؟؟؟
الي يبي يوريكم شي او يتعرف على ثقافتكم واعدوه بستار بكس قدام الله وخلقه عشان لا يختلي بكم بمنزله ويحدث ماله يحمد عقباه لا سمح الله. الله يحفظكم ويرجعكم سالمين
وارسل تحياتي لصاحب المزرعه لانه نشمي وكريم .. ماخبرت انا ان عندهم شي ببلاش الله يكثر من امثاله ..
ويكثر من امثال ابو فهد بالتوفيق والى الامام دوما

إقتباس:

ملك الميلان كاكا

كل الشكر والتقدير لك ياغالي والله يوفق الجميع

إقتباس:

ولد الزعيم البار

هلا وغلا ومرحبتين بالبدر نور وضيّ العين. الله يبارك فيك وعقبالك الترم الجاي.

إقتباس:

skroo

ناصر ياصديق اليهودي. ههههههههههههههههههههههه , الله يبارك فيك يابعدهم . وكل الشكر والتقدير لك ولمشاعرك الجياشه.

الله يعطيك العافيه ويوفقك

إقتباس:

PA Guy

هلا وغلا ولد بنسلفانيا. ومشكور على النصايح والله يوفقك

إقتباس:

تعبت مني

الله يبارك فيك وان شاء الله تحتفلين بأقرب مناسبه حلوه ونفرح معك

إقتباس:

jojoj

حياك ياغالي ... والله يوفقنا وياكم تشرفت بمرورك.

ابوفهد الف الف الف مبرووك وتستاهل كل خير والله .. بإذن الله منها واعلى بحول الله .. الله يوفقك

شئ جداً مفرح ان تنضم للمتخرجين هذه السنه .. وبإذن الله تتكرمون بكره في دي سي بحفل يليق فيكم جميعاً فأنتم من رفع رأس اهلكم عالياً

لي عوده بإذن الله ببعض الصور من رحلتي إلى فلوريدا سبرنق هذا العالم ..

تحياتي لك والف الف مبروك مره اخرى

إلف إلف إلف إلف إلف إلف إلف مبرووووووك على التخرج

وعقبآآآآآآآآل الدكتورآه يآررب

تحيآتي لك .

الف مبرووك أخوي التخرررررج...وبالتوفيق لك في حياتك العمليه........

بصراااحه صور حلووووووه ورائعه.......يعطيك العافيه عليها وياليت كل المبتعثين يسوون مثلك......

تحياتي لك..

وااااي ديرتك مره شكلها خطير ماشاءالله

ومبرووووووووووووووك التخرج وعقباااااااااال الدكتوراة

الف الف مبرووووووووووك التخرج وعقبال الدكتوراه يارب

اللي مثلك لازم نرفع الراس فيهم والله

اتمنى لك التوفيق في حيااتك القاادمه

الف الف الف مبروووووووووووووووووووووووووووك التخرج