تحذير .. من هذا العطر .. الكل يستخدمه - نادي الهلال السعودي - شبكة الزعيم

خذ الحذر فارس حضر · #1 04/06/2008, 03:26 AM

السلام عليكم ورحمة الله وبركاته

اول شي ... معليش موهت عليكم بالموضوع < ياملكع

... بصراحه حاولت اني اجذبكم عشان تشاركوني

واتوقع الموضوع بيكون حلو وبستفيد منه الجميع ان شاء الله

سلمكم الله انا ناوي اقحشلي (( اخذلي )) خيشه واعبيها عطورات .. عاد قلت لابد نشوف ذوق الزعماء والزعيمات

لذلك انا بقولكم عن عطري بعد ما اشوف ذوقكم .. ومايمنع اللي يذكر عطره .. يعطينا صوره له .. وسعره

ومايمنع برضوا تطرح اكثر من عطر " قسم اني اخلاق بالفطره " وعلى فكره ترى العطورات شامله كل شي

يعني عطورات جسميه والثانيه ذاك وذاك < توهق ... اقصد عطورات نكتار - ذا بودي شوب - زهور الريف

والحركتات هذي ... وغيرها العطورات الرجاليه اللي هي - كوكو شانيل - جيفنشي وهالحركتات ... الخ

ولا تبخلون علينا بعطورات العود ... نطقلنا طقم كامل .. للعجوز والشايب

يالله سمو بسم الله واطرحو لنا عطوراتكم ... نبي شي يبيض الوجه ... من هالحين اقول الموضوع مفتوح للجميع

وان شاء الله الكل يستفيد منه

بانتظاركم

الـمـشـاغـب · #2 04/06/2008, 03:39 AM

هذا العطر جاني هدية من شخص غالي

وخلاص حبيته

جربوه منتوا بخسرانين شي ورده

ابونوف الهلالى · #3 04/06/2008, 04:05 AM

أنا اعتقد وبرأيي المتواضع عود كمبودي معتق من اروع العطور ربع التوله ب150 ريال

بس انه عطر الشيوخ مو البيوخ

انصح الجميع بأستخدامه

{النمر15} · #4 04/06/2008, 04:08 AM

هلا والله

العطورات الحلوة كثييييييرة ... لدرجة اني ما أذكر استعملت عطر مرتين الا ناادر

عندك دولشي جابانا هذا خاش مزاجي بقوة

هذا بعد ريحته فخمة وثقيلة

هذا شبابي بقووووة كل العيال طايحين فيه قبل فترة لكن تتعب وانت تقول حلوو

عندك عطورات سان لوران حلوة بس مالقيت صورة للنوع نفسه ..

فيه عطر حق الاولين قدييم

اسمه فهرنهايت

قديم مررررررررررة لكن حلو

اتوقع كل الناس يعرفونه من اشهر عطورات كريستن ديور
ان شمه احد عليك وقام ينتفك يالقديم مالي دخل

أما للجسم .. عندك في زهور الريف تشكيلتين حلوة .. المانجو والشاهي الأخضر ..
أفضل المانجو أكثر

إن شاء الله يجون على ذوقك

خذ الحذر فارس حضر · #5 04/06/2008, 07:56 AM

المشاغب

ياهلا وغلا وشكرا ع طرحك ومنور

ابو نوف الهلالي

نورتنا بطلتك الزئبقيه

النمر 15

ههههههههههههههههه ... لاتخاف موهب جاي اقدم من هوجو ... ابو علبه خضراء ... وجعلك تسلم على هالعطورات ...

يانا متحمس على عطوراتكم ... وبالذات عطوراتك يالنمر ... ماشاء الله حسيت انك مندوب مبيعات لواحد من هالعطورات .. < متشوق ع عطوراتك

وبيض الله وجيهكم .. اعذروني ماودي ارد على كل رد ... لان الموضوع مفتوح للجميع ... وغير كذا متعيجز .. وكلكم على العين وع الراس

لبى قلوبكم (( صورة فرقة قلوب مسنتره من منتدى الجمهور الهلالي الى منتدى تقييم المواضيع قبل نشرها بمنتدى الجمهور الهلالي ))

تحيـ1تي

S K Y · #6 04/06/2008, 09:00 AM

عليكم السلام ورحمة الله وبركاته
اجل ناوي تبسط بالخيشه قدام ماما نوره

انا اهتم بالعطورات الجسميه أكثر .. مثل العود أو العطورات المدموجه بلوشن على شان الريحه تطلع من قلب

عطري المفضل أسمه CLOSE TO ME هذا عطر + لوشن خاص للجسم بخاخ طبعا
يوجد في العربية للعود فقط لأنه من منتجاتهم وريحته مو ريحه عود .. لا ريحه تروق المزاج

فيه منه رجالي ونسائي .. الرجالي لونه أزرق والنسائي وردي اذا ماحنتني الذاكره
بحثت عن صورته في النت بس مالقيته

العطر الثاني من منتجات جيفنشي أكيد مافيه احد مايعرفه لكن قديم بس ريحته مجنووونه ومن أكثر العطورات اللي اعجبتني

أنصحك تزور العربية للعود عندهم عطورات متجدده ورايقه

راكان _20_ · #7 04/06/2008, 10:14 AM

للأسف يا الغالي ما أعرف شي إسمه عطر خخخخخخخخخ أمزح

في عطر و ربي راح تدعيلي طول عمرك

مس ديور و أيضاً إسكادا الجديد .

مجودي عاشق الهلالي · #8 04/06/2008, 10:21 AM

انا كثيرا ما اقدر دهن العود ومن النوعيه السليمه مو المغشوشه

كمبودي درجه اولى - مسك ابيض - عنبر اصلي

اعطر باي واحد فيهم وعندي بعض الزملاء في العمل تعجبهم والي يقول وش هالشايب خخخخ