السلام عليكم ورحمة الله وبركاته

كيف حالكم .. حبايبي

الله ياقوة الوجه باقي ماخلص الخواطر ويكتب موضوع جديد

خخخخخخ راجع للخواطر بس هالقصيده عذبتني بهذلتني جننتني قطعتني

وانا امون عليكم بزياده ...

حتى هالقصيدة اليوم لما صحيت من النوم طالعت فيها وقلت :

ياشيخه حياتي من غيرك شوربه

المهم البارح كنت متفق مع الجني يكتب خاطرة للمشاغب
سحب على خاطرته وعطاني قصيده ..

قلت الله شيء طيب ياليته كل يوم يسحب على خاطرة المشاغب

المشاغب عيني في عينك خاطرتك في معمل الخواطر وبإذن الله خلال اربع وعشرين ساعه تلقاها فيه ياشيخ تلقاها تلقاها لو اجيب جني من فرنسا ماعندك مشكله


المهم شكلي طولت هذي قصيده جديده كتبتها الصباح قلنا ننزلها هنا حصريا تستانسون فيها وبرضك يأخوان والله احس اني بقلب جوكم شعر وخواطر بس مايخالف تحملوني .

انتظر رأيكم بالقصيده ونقدكم قبل اطرائكم

ياماخذن عقلي مع قلبي
وين إنت رايح ماتعلمني

ضيعتني بالله وش ذنبي
تايه دخيلك بس فهمني

على هواك ياذوق تلعبي
أجيك مغرم وإنت تتعبني

في طيبتك مافيه متربي
ياطيب قلبك يوم تجرحني

نسناس حب وهبته غربي
ياعز ناسي تكفى كلمني

مريض شوفك يابعدي طبي
شوفك دوا للي يألمني

لاغبت نارك فيني اتشبي
نارن تشب ونار تحرقني


خلك هنيا دايما قربي
من الوصل مابيك تحرمني



اضحك قبل تمشي

قريت خبر قديم مره بس اول مره اقراه يقولكم في اليابان ممنوع عرض الكارتون حق بيبب تعرفونه ذاك الثعلب الأحمر اللي يقعد يطارد في النعامه ومايحصلها تدرون ليش يقولك عشان يعلم ابنائهم على الفشل والإحباط ...

طيب واحنا اللي اطفالنا قاعدين قدام هالكراتين من بوباي لهايدي لسالي لبيبب وماعندك احد ...

بس برضك اشوى من طفل يتابع مسلسل نور


تصبحون على ألف خير

وعليك السلام وحمة الله وبركاته ..

هلا فيك اخوي ابو عبدالله .. نورت ميلسنا < شاعر المليون ..
وماشاء الله القريحه فايحه هاليومين .. ولا مع الاختبارات تطلع المواهب !

ابو عبدالله .. صح لسانك .. ولاتحرمنا جديدك ..
تقبل احترامي وتقديري ..
دمت بخير
ورده

هههههههههههههههههههههههههههههه

طيب طيب

ما لي دخل والله في القصايد والخواطر ولا عطيتك رايي وانتقدتك بشده وعنف

بس رديت على الخبر حق اليابانيين افلام الكرتون تاثر في الشخص من صغرة

وانا من صغري وانا اتابع ببيب هذا ولا جاني احباط ولا شي

ما عليك منهم بس

لاتتردد في كتابه اي شي واللي يريحك سوه..واي شي يقرقع في قلبك طلعه ..والخواطر لاحقين عليها ..واذا تبي نفزع معك فزعنا وغالي والطلب رخيص
بعلق على القصيدة ولكن لست شاعرة وانما تعليقي على القصيده من قارئه للشعر لوحظ ان كل بيت يحوي كلمات قليله الا انها معبرة وتفهم من اول ماتقرا ...انا احب هالقصايد .........الله يوفقك ويسهل عليك...

عليكم السلام ورحمة الله وبكاته
حي الله صديقي ابوعبدالله .. ماشاء الله هاليومين صاير شاعري بزياده
لايكون تحب ؟

إقتباس الرسالة الأصلية كتبت بواسطة algohmani الله ياقوة الوجه باقي ماخلص الخواطر ويكتب موضوع جديد خخخخخخ راجع للخواطر بس هالقصيده عذبتني بهذلتني جننتني قطعتني وانا امون عليكم بزياده

الا تمون ونص .. مانشبع منك يابوعبدالله لو تكتب مليون قصيده
بالعكس منور المجلس ومعطيه روح ونكهه خاصه

إقتباس الرسالة الأصلية كتبت بواسطة algohmani في طيبتك مافيه متربي ياطيب قلبك يوم تجرحني

الله عليك .. والله بدون مجامله قصيده روعه وكلمات مؤثرة
صــح لسانك وتسلم يمينك والله لايهينك

إقتباس الرسالة الأصلية كتبت بواسطة algohmani قريت خبر قديم مره بس اول مره اقراه يقولكم في اليابان ممنوع عرض الكارتون حق بيبب تعرفونه ذاك الثعلب الأحمر اللي يقعد يطارد في النعامه ومايحصلها تدرون ليش يقولك عشان يعلم ابنائهم على الفشل والإحباط

بيب بيب النعامه السريعه هههههههههههه للحين ماطرحها الذيب ؟؟

يارجال لا تقارن بين عقليه الياباني وعقليه السعودي وأقصد بذلك العقليه العلميه القادرة على الأختراع

رغم آثار قنبله الهوروشيما على اليابان وإنعدام أقتصادها
إلا انها قدرت تبني إقتصادها حتى أصبحت في مصاف الدول المتقدمه بعقول شعبها وأختراعاتهم وإبتكاراتهم
لدرجه أن أمريكا منعت اليابان من الأختراع في المجال العسكري مثل صنع الأسلحه والصواريخ خوفا من صنع شئ خيالي يسيطر على أمريكا

عندهم تأسيس مثالي وجديه في بناء العقول مو مثل عندنا كلام بدون تطبيق
والله يخلي لنا النفط والا يمدينا الحين مثل بنقلادش نشتغل زبالين في اليابان والا امريكا الله يكرمك

.. السلام عليكم ...

القصيدة رائعة وصراحة احساس شاعر قوي ..

لكن في بيت متناقض . !! حشو واضح الظاهر كلمة تجرحني كتبت لـ " تضبط " القافية

إقتباس ياطيب قلبك يوم تجرحني

شلون يا طيب قلبك يوم تجرحني .. !

والقصيدة قوي مو مترابطة .. !!

لكن موهبة شعرية ممتازة ...

تحياتي لكـ

د. هدف


__________________

GeneRal Mesaage For all :

ما تلاحظون اني راجع معصب ^ . ^

إقتباس قريت خبر قديم مره بس اول مره اقراه يقولكم في اليابان ممنوع عرض الكارتون حق بيبب تعرفونه ذاك الثعلب الأحمر اللي يقعد يطارد في النعامه ومايحصلها تدرون ليش يقولك عشان يعلم ابنائهم على الفشل والإحباط ... طيب واحنا اللي اطفالنا قاعدين قدام هالكراتين من بوباي لهايدي لسالي لبيبب وماعندك احد ... بس برضك اشوى من طفل يتابع مسلسل نور

عاد تخيل هالثعلب الاحمر بيمسك بيب بيب

صدقني فجأه

يطلعون اطفالنا علماء لأنهم عرفو ان الثعلب مايآس من الـ ][ بيب بيب ][

ابو عبدالله لك كل حبي وتقديري وترى ماكنت عند الجوال يوم تتصل وضحكت على رسالتك

شكلك تحب بس علمني منهي هذا اللي قطعتك جننتك بهذلتك وانا اروح اتفاهم معاها هيه ياقحماني تراني امزح

إقتباس الرسالة الأصلية كتبت بواسطة د.هدف .. السلام عليكم ... القصيدة رائعة وصراحة احساس شاعر قوي .. لكن في بيت متناقض . !! حشو واضح الظاهر كلمة تجرحني كتبت لـ " تضبط " القافية شلون يا طيب قلبك يوم تجرحني .. ! والقصيدة قوي مو مترابطة .. !! لكن موهبة شعرية ممتازة ... تحياتي لكـ د. هدف __________________ GeneRal Mesaage For all : ما تلاحظون اني راجع معصب ^ . ^

وعليكم السلام

افضل رد أعجبني بقدمه مع الإعتذار للجميع ووعدا مني ان اعود لكم جميعا بس ذا مهم يعني مهم .

البيت ليس به اي تناقض اذا دخلت بأعماقة وسأوضح المعنى المراد لك ولبقية الإخوه الأعضاء ...

في طيبتك مافيه متربي ياطيب قلبك يوم تجرحني

وش الفكرة العامه للقصيدة انه هناك حالت فراق غير متعمد الفراق يسبب الجروح لأي عاشق ولهذا جاءت مفردة تجرحني

انت تقول القافيه

القافيه في القصيده حرف الياء وعلى مذهب آخر الياء والنون وبالتالي لو جاءت كلمة تعشقني لن تختلف عن تجرحني ولكن سيكون فرق كبير بالمعنى ...


بختصار انا اردت ان ابرر جرح الحبيب أو الحبيبه بفراقي بأنه لم يأتي إلا من قلب طيب


كلمة حشو ...

الحشو هو الزيادة في المبنى التي لاتخدم المعنى وهو إما ان يكون بكلمة زائده في وصف بدونها واضح مثل ان تقول

انت حبيبي وصديقتي طيب درينا انها حبيتك وش لها من داعي صديقتك ...

ولا اجد في هذا البيت اي حشو من ما قلت


قد يكون حشو ببيت شعري كامل وهذا مالاراه فكل بيت اضافه الى القصيده وليس هناك تشابه بين الإبيات في اي شيء


شكرا لك على التواجد وتعجبني المداخلات اللي زي كذا

[IMG][/IMG]


[IMG][/IMG]

إقتباس الرسالة الأصلية كتبت بواسطة بنت الساحل شكلك تحب بس علمني منهي هذا اللي قطعتك جننتك بهذلتك وانا اروح اتفاهم معاها هيه ياقحماني تراني امزح

يحب النمر الوردي

-------------------------------------------