03/06/2008, 09:50 AM
|
| زعيــم نشيــط | | تاريخ التسجيل: 02/06/2004 المكان: الرياض - المملكة العربية السعودية
مشاركات: 605
| |
|
12 لاعب فرقو في حديقة وقالوا هذا مباراة السعودية ولبنان
بصراحة تحس انهم شلة مفرقين في حديقة ....
من شاف مراكضهم وحوستهم يقول اول مرة يلعبون على الثيل ....
لا وكل سته يركضون ورى الكورة وزحمة وباصات خطأ وأنس الخطة والتكتيك أهم شيء اركضو وخذو الكورة قبلهم....
والباص على اقرب واحد وحسب المزاج....
منتخب لبنان اللي جايبينهم كل واحد من بيتهم بسبب الضروف الحاصله في لبنان ومجمعينهم بمعسكر 5 ايام على حساب الحكومة القطرية في الدوحة ونص الفريق الاصلي ما بعد جاء ورغم هذي الضروف والله يأنهم في الشوط الاول سحبو في المنتخب السعودي وسجلو هدف التقدم عليهم ....
بالله عليكم هذا منتخب دولي .... وهذا مدرب دولي ..... وهذولا لاعبين دوليين .....
امس اشوف لقاء التلفزيون مع عبدالله شهيل وحسن معاذ اقسم بالله اشكالهم لاعبين فريق في مدرسة ثانوية....!!
ما فية بنية ولا فية مقومات جسمانية ومادامهم يزرزرون في المعلب ويسرعون ليش ما نلعبهم في المنتخب ....هذي هي نظرية انجوس!!
والله ما عندنا لاعبين ويا شيخ طير ياللي تقول ان عندك محترفين ....!!
لا وانجوس يستهبل هو وكرشته .... أجل تكر والشلهوب مبعدين عن الفريق الاساسي في الاتحاد والهلال بسبب هبوط مستواهم وملعبهم اساسيين .... ما ادري وش يبي هذا الحين ..!!
جالس يحضر ويدور حول الممكلة ويشوف كل المباريات في الدوري ومع ذالك يرجع للاسماء المستهلكة جداً .... لأن في عندك اسماء مستهلك بدون جداً .....
انا ما اقول الا لاحول ولا قوة الا بالله ...
شوفو المباريات اللي أمس كلها وشوف مباراة المنتخب واللي في فرق كبير بينها وبين الباقين وبصراحة المباراة كنها دوري درجة ثانية...
تتفرج كنك تشوف الشباب اللي مفرقين في ساحات الملز عند مواقف السيارات كل اربعاء وخميس وانواع الحوسة والبربسة وياقلب لا تحزن.....
على هالمستوى والوضع والمدرب واللاعبين ورعاية الشباب والاي ار تي ....
بتشوفون 8 المانيا قريباُ ...........!!! |
الوضع العادي
