اول شي احيي فيك روح المرح اللي بديت فيه رغم نهاية الموضوع ماتوحي انك مبسووط !! يمكن اكون غلطت في تحليلي
اما الاسئله اللي طرحتها :::
1- هل تعتقد أن وجود الانترنت يضعف من العلاقات الاجتماعية بين أفراد المجتمع الواحد ؟؟؟؟؟
ايه بقوووه طبعا هذا في حالة الادمان على النت فقط ...
2- ما مدى تأثير المصالح على العلاقات الشخصية؟؟؟؟
اذا كانت علاقة مصلحه فقط اكيد راح تكون العلاقه مرتبطه بمدة المصلحه ...
يعني اذا انتهت المصلحه راح يختفي بوقتها ذاك الصديق لانه عنده هدف ووصل له بعد وش يبي منك بعدها ؟؟ !!!
واحب انبه ان الكثير يخلط بين علاقة المصلحه وبين حاجة الصديق لصديقه ...
3- هل تؤمن بالعلاقات النتية ( أو الصداقات النتية ) ؟
في كل مكان ممكن تلاقي الصاحب الوفي او ممكن تنخدع بصاحب غشاش يعني اللي راح تتعرف عليه بالمدرسه او الكليه او اي مكان
هو اللي راح يكون صديق حقيقي ... وفي المقابل علاقات النت مو كلها مزيفه __لكن الفرق ان النت تكون معرض فيه بنسبة اكبر للكذب و للخداع بحكم بعدكم عن بعض ومافي وسيله تختبر فيها صدق صاحبك عالنت __ صح والا؟؟
4- هل للزواج أو العلاقات العاطفية بشكل عام تأثير على الصداقات و العلاقات الشخصية ؟
ممكن واكيييييييييييييد اذا كنت غارق بالعواطف
ماودك تفارق حبيبك ... اجل ليه يقولون << من لقى احبابه نسى اصحابه>>
وممكن يكون الزواج والتزاماته شاغل عن الاصدقاء يعني مجرد انشغال وليس نسيان الصداقه __يعني بيكون وقتك محدود مو زي اول فاضي 24 ساعه ههههههههههه
5- لمن تلجأ في وقت الحاجة .. للصديق أم للقريب ؟؟
على حسب طبع الصديق والقريب اللي احس انه راح يفهمني وارتاح لما الجأ له اكيد راح اختار اني الجا له ....
يعني ممكن تكون بضيقه وتلجأ لاحد قريب لك لكنه مايعرف شلون يخفف عنك ولا يعرف وشلون يتصرف بوقت مثل هذا
وممكن يكون الصديق عنده اسلوب افضل في فهمك والتعامل في مثل هذا الموقف
بالنهايه القرابه او الصداقه او حتى الحب مو معيار نختار على اساسه من نلجأ له لكن المعيار الصحيح ::
من اللي راح ترتاح اذا لجأت له ؟
اتمنى كلامي يحوز على الرضا والاقناع