1- مهم : أشتري البلايستيشن 3 ضروري من وكالة سوني او مب لازم يعني اي محل ؟
الوكالة هي الأرخص .. لكن أنا أفضل جيم ماستر لأنه يبيعه بدون عرض ( الأشرطة الي في العرض ما أعجبتني )
2- أيهم الأفضل لأوروبي أم الامريكي ؟
نصيحة مجرب وومطلع على كل الأنواع .. عندنا ماينفع الا الأوروبي لأننا نستخدم نظام PAL .. طبعا الأجهزة كلها مالتي فيرجن وتشغل كل الألعاب مافيه مشكلة .. لكن الدعم والضمان بيكون من الشركة للأوروبي ..
أتمنى ماتغلط وتاخذ غير الأوروبي .. والله لاياباني ولا غيره .. المشكلة بعض الناس يقولك اشتر ياباني من عند الوكالة .. ومن قال الوكالة تبيع ياباني ؟؟؟
الوكالة عندنا تبيع أوروبي .. الصناعة والقطع الداخلية مثل بعض .. الفرق في النظام الي يشغل ( غير الأشرطة ) .. يعني مثل الأفلام .. أما الأشرطة بكل أنواعها تشتغل على كل الاجهزة
خلاصة الكلام .. لاتقرب غير الأوروبي .. تراني مجرب وناصح
3- هل يكفي 40 قيقا ام لازم 60 قيقا ؟
أصلا الشركة سحبت كل الإصدارات وتركت الـ 40 بس !!
كان فيه مشاكل قبل في الصوت العالي والحرارة العالية انحلت في ابو 40 ..
ابو 40 الجديد تلقاه اسود سادة وفيه فضي عند زر التشغيل تقريبا .. تقدر تقول شريط فضي كأنها نيكل .. هذا الجديد وان شاء الله خالي من العيوب
4- مهم : هل هناك أجهزة او نسخ من البلايستيشن لا تشغل كل الاشرطة ؟ و الا كل النسخ تشغل جميع الاشرطة ؟
كل الأجهزة تشغل كل الألعاب .. الفرق في الأفلام .. والأفلام عندنا PAL فالأوروبي أفضل
( أتكلم عن الأفلام الأصلية والبلوراي )
أخيرا : وش تنصحني به من اشرطة ؟
هذي ترجع لمسألة الذوق
عندك في الكورة شريطين ..
فيفا وبرو افلشون .. عندك كود4 .. وارهوك .. جراند .. ميدال .. أتوقع هذي أشهر الأسرطة
ومثل ماقلت حسب ذوقك .. شف الأشرطة النازلة الحين وخذ أسمائها الانجليزية واكتبها في اليوتيوب واحكم عليها