احصائية زوغبي في فصلنا - أهلاوي وأول مشاركة - نادي الهلال السعودي - شبكة الزعيم

أهلاوي أحمد · #1 01/06/2008, 05:24 PM

بسم الله الرحمن الرحيم

السلام عليكم ورحمة الله وبركاته

أخباركم

أنا أهلاوي من المنطقة الشرقية
وأحب أقول انا متابع المنتدى العام من أكثر من سنة ومن أشد المعجبين بالمواضيع فيه

وقررت أخيرا أشارك معاكم طبعا اذا لاقيت ترحيب من جمهور الزعيم

طبعا اليوم في حصة عندنا فاضية يعني الاستاذ غايب

فقلت أسوي احصائية مثل زوغبي لكن في فصلنا

طبعا فصلنا يتكون من 26 طالب
انا في فصل اول ثانوي

المهم فقمت وسالت جميع الطلاب عن ميولهم ولقيت

13 طالب هلالي
4 اتحادي
3 نصراوي
1 أهلاوي (أنا)
5 لا علاقة لهم بالكورة

يعني نصف الفصل 50% هلاليين

أنا أشهد انه زعيم

وهذي احصائيتي وشكرا

أتمنى ان اكون متواجد معكم وشكرا

فهد عاشق البرسا · #2 01/06/2008, 05:33 PM

حياك أخوي أحمد ورده

زعيم نصف الكره الأرضيه أكيد بيكون زعيم نص فصلكم

حياك الله مرتن رخرى واسعدنا تواجدك

وترى شركة الأحصاء أسمها زعبي

ورده

مجنون الزعيم(9) · #3 01/06/2008, 05:34 PM

ماعترضو الطلاب النصراوين على التصويت

ولاصارت مؤتمرات صحفيه

شـــذى · #4 01/06/2008, 05:35 PM

وعليكم السلام ورحمة الله وبركاته

حياك أخوي اهلاوي في بيتك ومطرحك بين أخوانك وأخواتك

عقبال مانشوف النصراوية والاتحادية هوووون

ان شاء الله تفيد وتستفيد .

دمت بكل خير .

ورده

F I N A L · #5 01/06/2008, 07:26 PM

وعليكم السلام ورحمة الله وبركاته

حياكـ أحـمـد .,,

إقتباس


	ماعترضو الطلاب النصراوين على التصويت

صدق ما أعترضوا ؟

لأنهم مساكين ومظلومين في كل مكان ,

حياكـ مره ثانيه

متآبعه بصمت · #6 01/06/2008, 07:33 PM

وعليكم السلام ورحمة الله وبركاته ..

هلا ومرحبا خيوو

..

نوورتنا وأضويت الزعيم ..

إقتباس


	صدق ما أعترضوا ؟ لأنهم مساكين ومظلومين في كل مكان ,

وش تحس به

عذبة الصفات · #7 01/06/2008, 07:37 PM

.
.

انا سويت بالبيت تصويت

طلعوا الهلاليه 3

وواحد نصراوي < رحمته

وواحد شبابي <= ابوي

والباقين مالهم بالكوره

.

اكييد الهلال شعبيته كبيييييييييييييره

والتصويت صآدق لكن النصراويه مايعجبهم العجب ولا الصيام برجب

مشكور اخوي

خيّـتك

.

S K Y · #8 01/06/2008, 07:44 PM

حياك الله أهلاوي بيننا وإن شاء الله تفيد وتستفيد ونشوفك يوم من الأيام هلالي صميم

ونحن في شبكة الزعيم نحترم ( العقلاء أصحاب الميول غير الهلاليه )
وشوف (متابعه بصمت) نصراويه محد قالها شي

وعلى هالأساس اكيد بنرحب فيك

Hilali88 · #9 01/06/2008, 08:18 PM

هلا أخوي أحمد

أنا مدري ليش النصراوية مصممين إنهم أكثر منا
وين ما أروح أحصل الهلاليين أكثر من النصراويين

راكان _20_ · #10 01/06/2008, 08:22 PM

و عليكم السلام ورحمة الله و بركاته

حياك الله يا الغالي

هذا الزعيم يعني نص المملكة هلالية ولله الحمد

الســفيرة · #11 01/06/2008, 08:36 PM

التسجيل في » 01/06/2008

^
^
ماشااااء الله مانتظرت

حياكـ ربي أخوي ،، أنا بالبيت الهلالية الوحيدة

بانتظار ابداعاتكـ

i am here · #12 01/06/2008, 10:08 PM

زعماء في كل مكان

احنا بيتنا الجميع هلالي

وبابا أهلاوي بس السنة هذي كان واقف مع الهلال كثير

خصوصا مستوى الأهلى كان سيء

والعائلة بكبرها

شخص وحيد اتحادي

وثلاثة أهلاوية

ونفر شبابي

والباقي هلاليين

في عائلتنا نسبة الإحصائية رح تكون

95% هلاليين

هههههههههههههههههههههههههه