[ وادي لجب ] , وما حدث برحلتنا ,, مدعوم بــ ( الصور ) ,, نتشرف بوجودكــ ..
بسم الله الرحمن الرحيم
السلام عليكم ورحمة الله وبركاته
مع قرب العطلة الصيفيه , ومع قرب السفر للعوائل وللشباب [ العزابيهـ أسرعــ ] ,, أعيدذكريات ماضيهـ ( رائعه , مخيفه , مجنونه ) ,, سموها بالي تبون لي مع ثلاثه من أصدقائي , وتحديد بالعطلة الصيفيه الماضيه ..
كنت أنا وثلاثه من أصدقائي مسافرين لأبها , يعني سفره عزابيه وتعرفون أنتمـ سفرات العزابيه وشلون تصير ,, المهمــ ][ الإخوان بالله مسوين جدول يومي للرحله ,, ,, فكان جدولنا على النحو التالي :
أول يوم بــ [ الحبله ] ,, والحمد لله رحنا ,, وثاني يوم [ للسوده ] , والحمد لله رحنا ,, فثالث يوم فكرنا وين نروح , تعرفون أنتم ماشاء الله , العزاب لهم أماكن وااااااااااااااااااااجد , لا تعد ولا تحصى ,, فقررنا ورحنا لم [ المحتطبه ] ,, المحتطبه ماتصلح وتكون جميل إلا إذا كان فيه أمطار ,, وقدر الله ووقتنا مافيه أمطار ,, الله لا يغضب علينا بس ,, المهمـــ .. قمنا نراقي من الجبال , لين ملينا , وإحنا راجعين لم السيارة , لقينا شباب شرواكمـ , فسلام وعليكم السلامـ , وسواليف من هنا وهنا , وشكاوي حال العزابيه , فمن ضمن الكلام وتعدد الأماكن , جاء طاري [ وادي لجب ] , وأنا وأخوياي مانعرف المكان هذا أبد ,, إلا ويقومون يوصفون لنا المكان , المكان عن أبها 250 كيلو تقريباً , بعد جيزان ..
فإتفقنا نحن مجلس الإداره على الذهاب وأحسن مافينا إننا كلنا [ مغامرين , بالعربي جزومين ] , فإتفقنا إننا من الفجر نخربها ونذهب لوادي لجب ..
من بكرة قمنا الفجر و توكلنا على الله ومشينا ,, طلعنا من أبها , دخلنا بقرى , دخلنا جيزان , تعدينا جيزان , وقابلنا قرى وأماكن ,, الله لا يوريكم ,, قسم بالله ماتقول بالسعوديه ,, تقول باليمن , قرى من جد ماكأنها بالسعوديه ,, الناس بالشوارع غير , الأغنام والدجاج تمشي بالشارع عادي , بعد جيزان قابلنا طريق الله لا يوريكم ,, والله ماهي شوارع على الأرض , إلا شوارع على الجبال ,, المهمـ ,, بعد عنا كبير وصلنا لوادي لجب , سياراتهم هناك كلها جيوب , طبعاً حنا معنا سيارة كامري [ ماقلت لكم مخربينها ] ..
وصلنا الوادي , كان فيه مطعمـ , يشبه مطعم البيك ,, وقفنا الكامري عند المطعم , وودعنا ربي , وندور واحد ينزلنا الوادي , لأن زي ماقلت لكم مايدخل الوادي إلا جيوب وهايلكسات ,, لقينا واحد من ربع الحسن اليامي ,, وقالنا أنزلكم بـــ 100 ريال ,, وين حنا فيه ,, مع المكاسر ومع حب الخشوم , وصلها لــ 40 ريال ,, ركبنا بالصحن , ووصلنا هناكــ [ داخل الوادي ] الساعه 9:30 صباحاً تقريبا .. ونزلنا وحاسبنا أخونا في اللهـ ..
في هذا الوقت بدأت المغامرة , مع الجبال , والطبيعه والشلالات , والخضرة ,, ماشاء اللهـ تبارك الرحمن .. والله حرام الطبيعه هذي تكون بالمكان ذاكـ ,, لكن مع الأزرق الخلاب مافيش شي صعب ,, رقينا جبال , سبحنا بالشلالات , ووناسه , ومغامرات , لين ماوصلت الساعه 2 الظهر ..
في هذا الوقت رجعنا لسيارتنا وللمطعمـ ,, تغدينا , وتوكلنا على الله متجهين لأبها ,, لكن مع طريق ثاني , لكن من جد عليهمـ طرق ماأدري وش تبي , وصلنا أبها ولله الحمد ..
خلاصة الرحلهــ ..
قمنا بمغامرة غير طبيعيه بذهابنا هناك , لأنه من جد مكان ماكأنك بالسعوديه ,, وعلى فكرة مافيه أبراج جوال , يعني سكاتي لو صار شي , لكن مايحز بنفس الواحد حرام هذي الطبيعه ماتلقى أي إهتمام من الدوله ..
إعذرونا على الإخراج , لأني كتبت الموضوع على عجاله ..
شيء رائع وجود هذه الاماكن . . . طبيعة خلابة مثل كاتب الموضوع
رسالة الى هيئة السياحة لايكون التركيز على المهرجانات المعروفة والمناطق المتعارف عليه عند الجمهور وانما الكشف عن اماكن مغمورة وغير معروفة الا لأهل المكان نفسه
ماشاء الله تبارك الله صور روعـــه صراحه أول مره أسمع عن وادي لجب ! معليش تراني فاشله فـ الجغرافيا
اصلاً المنطقة الجنوب عموماً ماقد زرتها حتى أعرف أماكنها وأوديتها .. فلا تلومني
ماشاء الله تبارك الله صور روعـــه صراحه أول مره أسمع عن وادي لجب ! معليش تراني فاشله فـ الجغرافيا
اصلاً المنطقة الجنوب عموماً ماقد زرتها حتى أعرف أماكنها وأوديتها .. فلا تلومني
بس جد صور روعـه تستحق المغامره اللي سويتوها .
صن كيو .
الفيروسه الزرقاء
اللهـ مير يحيكـ أختيــ الفيروسه الزرقاء
الجنوبـ فيها من الطبيعة الكثيرة والجملية والـــ ( الخلابه )
![[ وادي لجب ] , وما حدث برحلتنا ,, مدعوم بــ ( الصور ) ,, نتشرف بوجودكــ ..](iconimages/t585698_rtl.gif)
[ وادي لجب ] , وما حدث برحلتنا ,, مدعوم بــ ( الصور ) ,, نتشرف بوجودكــ .. 
] ,, أعيدذكريات ماضيهـ ( رائعه , مخيفه , مجنونه ) ,, سموها بالي تبون 
لي مع ثلاثه من أصدقائي , وتحديد بالعطلة الصيفيه الماضيه ..
وتعرفون أنتمـ سفرات العزابيه وشلون تصير 
,, المهمــ ][ الإخوان بالله مسوين جدول يومي للرحله ,, 
, فمن ضمن الكلام وتعدد الأماكن , جاء طاري [ وادي لجب ] , وأنا وأخوياي مانعرف المكان هذا أبد ,, إلا ويقومون يوصفون لنا المكان , المكان عن أبها 250 كيلو تقريباً , بعد جيزان ..
,, وقالنا أنزلكم بـــ 100 ريال ,, وين حنا فيه ,, مع المكاسر ومع حب الخشوم , وصلها لــ 40 ريال ,, ركبنا بالصحن 
صراحه أول مره أسمع عن وادي لجب ! معليش تراني فاشله فـ الجغرافيا 
تستحق المغامره اللي سويتوها 
الوضع العادي
